2 Corintios 7:11 - Quiché Bible

¹¹ Ri ix xicoch' ri bis jacha' ri cäkaj chuwäch ri Dios, ¡chebiwila' c'ut ri xel wi! Xixoc il che ri xc'ulmatajic xito' c'u nu wi'; xuban chiwe chi xpe iwoyowal, xukuje' xina' xe'n ib. Chuwi' chi c'u wa' xpe i rayinic che wilic, xichomaj c'ut u c'äjisaxic u wäch ri ajchak'mac. Ruc' c'u ronojel wa' i c'utum ix chi man i nimon ta iwib chupam wa'.

RI KꞌAKꞌ TESTAMENTO PA TZIJOBꞌAL KꞌICHEꞌ

¹¹ Utz riꞌ ri xubꞌan ri Dios chiꞌwe chi kixbꞌisonik. Sibꞌalaj xixkꞌexenik, jeriꞌ xiwilo chi man kꞌo ta numak xuqujeꞌ xitoꞌ nuwiꞌ. Xixyojtajik xuqujeꞌ xixiꞌj iwibꞌ che ri kakꞌulmatajik. Xurayij iwanimaꞌ xiwil nuwach, xiqꞌat tzij puꞌwiꞌ ri ajmak. Rukꞌ ronojel we riꞌ xikꞌutu chi man ix taj ri ix ajmakibꞌ.

K'iche'

¹¹ Ri ix xich'ij ri bis je ri' chi utz xilitaj wa' cho ri Dios. ¡Chiwilampe c'ut ri xuc'am lok wa' pa ri i c'aslemal! Xubano chi xichomaj rij ri xbanic, xik'alajisaj c'ut jas ri i banom. Xubano chi xpe iwoyowal che ri ajmac, xukuje' xixej iwib. Xubano chi quiwaj quiwil nu wäch. Xiya c'u i tzij chuc'äjisaxic u wäch ri xbanow ri mac. Pa ronojel wa' xik'alajisaj chi man c'o tä i mac ix che ronojel ri xbantajic.

K'iche' (New Orthography)

¹¹ Ri ix xich'ij ri b'is je ri' chi utz xilitaj wa' cho ri Dios. ¡Chiwilampe k'ut ri xuk'am loq wa' pa ri i k'aslemal! Xub'ano chi xichomaj rij ri xb'anik, xiq'alajisaj k'ut jas ri i b'anom. Xub'ano chi xpe iwoyowal che ri ajmak, xuquje' xixej iwib'. Xub'ano chi kiwaj kiwil nu wäch. Xiya k'u i tzij chuk'äjisaxik u wäch ri xb'anow ri mak. Pa ronojel wa' xiq'alajisaj chi man k'o tä i mak ix che ronojel ri xb'antajik.

2 Corintios 7:11 ပူးပေါင်းရင်းမြစ်များ

Ri Nehemiy 13:25

Xinc'anan c'u chque xeben c'okoj c'ut. Jujun chque xebench'ayo xebenmich' che ri qui wi', xebench'ay c'ut chi quibana' ri chi'nic ri kas cäban na, pa u bi' ri Dios chi maquiya' chi c'olbal chi ri e qui mia'l xukuje' ri e qui c'ojol quec'uli' ta cuc' winak ri man e qui winakil taj, mawi quequic'am ta che quixokil ri e qui c'ojol mawi kas chque tak ri e are' ri e quixokib tak wa'. Xinbij chi c'u ne na chque:

Ri Job 42:6

Rumal ri' quintzelej wib chwij nu q'uexom nu c'u'x, in t'uyul chupam puc'uc' ulew xukuje' chaj.”

Salmib 119:139

In oyowinak rumal quech ri nu c'ulel chi man cäquita'taj ri tzij la.

Salmib 130:6

C'o na ri reyexic ri Ajawaxel quinbano chquiwäch ri caquiban chajinelab pa ri sakaribal. Je e jacha' ri caquiban ri chajinelab quebeyen pa ri sakaribal,

Salmib 145:19

Ri are' cutz'akatisaj ri qui rayibal ri q'ueyo'w u k'ij; aretak cäquitz'onoj ri u to'banic, quebuto', quebucolo.

Salmib 2:11

Chik'ijilaj ri Ajawaxel ruc' quicotemal, xukuje' nim chiwila' wi; chimeja' iwib chuwäch ruc' birbitem, mäyactaj ne royowal quixecäm c'u ne' ri ix chupam ri be, aninak c'ut cäyactaj ri royowal. ¡Utz quech ri cäquitzucuj u ch'ukic quib ruc' ri Dios!

Salmib 35:13

Aretak c'u queyawajic, in quebenbisoj, quincoj atz'iak re bis, man quinwa' taj, quintakej c'u ch'awem ruc' Dios pa wanima'.

Salmib 38:9

Ajawaxel, eta'm la ronojel ri quinrayij; ¡xukuje' ri e nu bik'bitem man e c'utal ta chwäch la!

Salmib 42:1

Jacha' jun masat ri cächaki'j u chi' cutzucuj jun nima', je quinban che tzucuxic la, nu Dios.

Salmib 69:9

Quincäm che achixomanic che rilixic ri achoch la; in in kajbeninak ronojel ri qui yok'bal ri quebanow c'ax che la;

E C'ambal tak Tzij 14:16

Ri ajno'j cuna' rib chuwäch ri etzelal quel c'u chuwäch, are' c'u ri man c'o ta u no'j banal nimal xukuje' jiquil u c'u'x.

E C'ambal tak Tzij 28:14

Utz re ri winak ri amak'el cuya' u k'ij ri Ajawaxel; are' c'u ri cuban co che ri ranima' cäkaj na pa ri quiäkasakil.

Bixonic Tak 8:6

“Chinac'ama' bic chinat'ika' bic puwi' ri awanima', ¡chinac'ama' bic chinat'ika' bic che ri u kul ri ak'ab! Ri lok'ok'ebal c'uxaj sibalaj c'o u chuk'ab jacha' ri cämical; ri ajwanic, man casubun taj jacha' ri quemuk wi ri cäminakib. ¡Ri k'ak' ri canicowic aj lok'ok'ebal c'uxaj are' jun k'ak' aj Dios!

Ri Isaiy 26:8

Ri uj xukuje' cäkana' kib chi co uj c'olic pa ri be ri u c'utum ri pixab la, Ajawaxel. Ri u rayinic ri kanima' are ri chomaxic la.

Ri Isaiy 66:2

Kas in xebenban conojel we jastak ri', je c'u ri' xquichaplej qui c'olem. In, ri Ajawaxel, quinjiquiba' u bixic.” “Ri winak ri quinoc wi il are ri meba', ri u rikom c'ax ri nim cäril wi ri nu tzij.

Ri Daniel 6:14

Ri ajawinel aretak xuta' ri xbix che cumal ri winak, sibalaj xbisonic, xutzucuj jas ta ri xuban che u to'ic ri Daniel. C'ä xkaj na ri k'ij, xuban ronojel ri xcuin che u banic che u to'ic ri Daniel,

Marcos 3:5

Xpe royowal ri Jesus chque, xebuca'yej ri winak ri e c'o pa tak u xcut. Xk'oxow ri ranima', rumal rech chi sibalaj co ri canima'. Xubij che ri achi: “Chayuku' ri a k'ab.” Ri achi xuyuku, ri u k'ab c'ut xcunatajic.

Ri Xuan 2:17

Chi' c'ut xnataj chque ri u tijoxelab chi tz'ibam canok: “Quinubik' ri rilixic ri achoch la.”

Hechos 17:16

Aretak ri Pawl e reyem ri Silas xukuje' ri Timotey pa Atens, sibalaj xoyowaric aretak xrilo chi sibalaj e q'uia diosib ri e c'o pa ri tinimit.

Romanos 11:20

Tzij, xebesax ri aj judeyib rumal rech chi man xecojon taj. At c'ut rumal ri a cojonic xatch'ap ocok. Manimarisaj ba awib, xane' chaxe'j awib.

Romanos 14:18

Conojel c'u ri je cäquiban wa' che u patanixic ri Crist, utz quebil wi rumal ri Dios, xukuje' ri winak cäquibij chi utz.

Romanos 3:5

We ri ketzelal sibalaj cuk'alajisaj na ri u suq'uil ri Dios, ¿jas cäkabij? ¿La cäkabij lo chi ri Dios man suc' taj aretak cäpe royowal pakawi'? (Quinbij wa' pa ka tzij uj ri uj winak.)

1 Corintios 12:25

Jeri' man cäquetzelaj ta quib ri u tz'akatil ri cuerp, xane' junam cäquilila' quib.

1 Corintios 5:13

Are c'u ri winak ri man e cojonelab taj, are ri Dios ri' cäk'atow na tzij paquiwi'. Chiwesaj ba' ri ajmac ri' chixo'l.

1 Corintios 5:2

Ri ix c'ut i nimarisam iwib. Ri are ta ne quixbisonic, iwesam ta c'u ne chixo'l ri xbanow we etzelal ri' chixo'l.

2 Corintios 13:7

Cäkaban ch'awem ruc' Dios, rech miban jun etzelal. Cäkaban wa' man che ta u c'utic chi ma ta uj c'ambejebem chic xane' rech ri ix are quiban ri utzilal je ta c'u ne ri quelic chi uj ta ri u tzakinak.

2 Corintios 2:6

Ruc' wa' we yajanic ri' che ri achi ri', e q'ui chiwe e yajowinak chic.

2 Corintios 6:4

Man je ta c'u ri' pa ronojel cäkaya' c'utbal chi uj pataninel rech ri Dios, cätajin c'u cäkach'ijijej ruc' nimalaj coch'onic ri e rikoj tak c'ax, ri q'uetetem, ri e q'ueyowal tak.

2 Corintios 7:1

Lok'alaj tak wachalal, are wa' ri u bim ri Dios chi cuya' na chke. Rumal ri' chkesaj ba' pa ri ka c'aslemal conojel ri jastak ri e tz'il ri e c'o pa ri ka cuerp xukuje' pa ri kanima'. Chkaxe'j kib chuwäch ri Dios, rech cujux tastalic tak winak pa ronojel.

2 Corintios 7:7

Man xuwi ta rumal ri u petic xcu'bisax ka c'u'x, xane' xukuje' rumal rech chi ri are' xucu'bisaj u c'u'x chiwij. Xutzijoj c'u chke chi sibalaj quiwaj quiwil ka wäch, chi quixbison chke, chi quiwaj quiwetamaj we c'o c'ax nu rikom. Rumal ri' sibalaj xinquicotic.

2 Corintios 7:9

Camic c'ut quinquicotic, man rumal ta rech chi xixbisonic, xane' rumal rech chi ri i bis xuban chiwe chi xiq'uex i c'u'x. Xixbison c'ut jas ri utz xril wi ri Dios. Jeri' man c'o ta c'ax quirik kumal.

2 Corintios 9:2

rumal rech chi weta'm chi ri ix sibalaj quiwaj quiban ruc' ronojel iwanima'. Nu bim chque ri e aj Masedon chi quinquicot iwuc', rumal rech chi ri ix aj Acay i chomam ulok u banic wa' junabir, xa' c'u co'l man conojel ri aj Masedon quichajim anima' che u banic quech ri quiban ix rumal ri utzalaj i chomanic.

Efesios 4:26

We cäpe iwoyowal, chiwila' mixmacunic. Mabeytaj jun k'ij ri iwoyowal.

Efesios 5:11

Miban iwe ri jastak ri man c'o ta quechbex chque; ri cäquiban ri winak ri e c'o pa ri k'eku'm, xane' chebiya' chi sak.

Filipenses 2:12

Je c'u ri', lok'alaj tak wachalal, jas ri i nimanic amak'el aretak in c'o iwuc' nabe, camic xukuje' sibalaj chixniman na pune' man in c'o ta chi iwuc'. Chicojo' i chuk'ab chi utz ri i c'aslemal ix colotajinak chi c'u ne', nim chi wila' wi ri Dios, china' iwib chuwäch.

1 Tesalonicenses 4:6

C'o jun muban c'ax mawi musub ri rachalal pa we jasach ri'. Are' c'u ri Ajawaxel cätojow u q'uexel ronojel wa' che, jas ri ka bim chi ulok, jas ri xkak'alajisaj chiwäch.

1 Timoteo 5:20

Ri man cäquiya' ta can ri mac, chak'alajisaj ri qui mac chquiwäch conojel, rech xukuje' ri niq'uiaj chic cäquixe'j quib.

2 Timoteo 2:15

Chawila' awib rech catac'aba' awib chuwäch ri Dios, jas jun ri utz u banom che ri chac, jas jun ajchac ri man c'o ta caq'uix wi, ri suc' u banom che u ya'ic ri tijonic aj kastzij.

Ri Tit 3:8

Kastzij we tzij ri'. Quinwaj c'ut chi cabij we jastak ri', muban quieb a c'u'x, rech ri e cojoninak che ri Dios queboc il che qui banic utzalaj tak chac. We jastak ri' e utz chque ri winak, c'o cäquechbej chque.

Hebreos 4:1

Xbix chke rumal ri Dios chi cujoc na pa ri uxlanem. Chkaxe'j ba kib, we ne c'o jun chiwe muc'ulmaj chi man coc ta pa ri uxlanem.

Santiago 3:17

Are c'u ri winak ri cäya' qui no'j rumal ri Dios, nabe e ch'ajch'oj, c'äte ri' cäquiya' jamaril, e utz cuc' ri winak, are' e nimanelab, e nojinak che elebal c'uxaj xukuje' che utzalaj tak wächinic, man cuban ta quieb qui c'u'x, man c'o ta quieb qui wäch.

1 Pedro 1:17

We quibij Tat che ri Dios, ri cuk'at tzij paquiwi' conojel jas ri qui chac chquijujunal, man cuya' ta u k'ij jun winak chuwäch jun chic, chixe'j ba' iwib chuwäch ri are' ronojel k'ij re ri i c'aslemal cho ri uwächulew.

1 Pedro 2:2

Jas jun alaj ne' sibalaj cäraj u tu', je xukuje' ri ix sibalaj chitzucuj ri utz che ri iwanima', je ta ne leche ri man c'o ta jas yujam ruc'. Chibana' wa' rech quixq'uiy pa ri i colotajic,

Ri Juds 1:23

Chebito', chebiwesaj pa ri k'ak'. Niq'uiaj chic chel i c'u'x chque. Chichajij c'u iwib, chiwetzelaj u wäch ri catz'iak ri qui tz'ilom rumal ri u banic tz'ilol rumal ri itzel tak qui rayinic ri tz'ilom rumal ri uwächulew.

Apocalipsis 3:19

In co quebench'abej conojel ri quebenwaj, quinc'äjisaj qui wäch. Chacojo' ba a chuk'ab che ri cabano, chaq'uexa' a c'u'x.