2 Corintios 7:1 - Quiché Bible

¹ Lok'alaj tak wachalal, are wa' ri u bim ri Dios chi cuya' na chke. Rumal ri' chkesaj ba' pa ri ka c'aslemal conojel ri jastak ri e tz'il ri e c'o pa ri ka cuerp xukuje' pa ri kanima'. Chkaxe'j kib chuwäch ri Dios, rech cujux tastalic tak winak pa ronojel.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Jeriꞌ, loqꞌalaj taq qachalal, xa rumal kꞌu che ri bꞌiꞌtal loq we jastaq riꞌ chaqe, qachꞌajchꞌobꞌej qibꞌ che ronojel ri kuchꞌulujij ri qatyoꞌjal xuqujeꞌ ri qanimaꞌ, rech jeriꞌ katzꞌaqat ri tyoxalaj qachak pa ri umochꞌoj ibꞌ ri Dios.

K'iche'

¹ Je c'u ri', lok'alaj tak kachalal, are wa' ri cuchi'j ri Dios chke. Rumal ri' rajwaxic cäkatas kib chrij ronojel äwas ri cutz'iloj ri ka cuerpo, xukuje' ri kanima'. Kas kajacha ri ka c'aslemal pu k'ab ri Dios, nim kila wi ri Are', kaxej c'u kib chuwäch.

K'iche' (New Orthography)

¹ Je k'u ri', loq'alaj taq qachalal, are wa' ri kuchi'j ri Dios chqe. Rumal ri' rajwaxik käqatas qib' chrij ronojel äwas ri kutz'iloj ri qa cuerpo, xuquje' ri qanima'. Qas qajacha ri qa k'aslemal pu q'ab' ri Dios, nim qila wi ri Are', qaxej k'u qib' chuwäch.

2 Corintios 7:1 ပူးပေါင်းရင်းမြစ်များ

Ucab Tzijobelil 19:9

Xebuya' c'u tak we pixbenic ri' chque: “Ri ix rajawaxic chi nim quiwil wi ri Ajawaxel, chi ix jic chi ix tz'akatisanelab.

Salmib 119:9

¿Jas lo cuban na ri c'ojol cacuinic caruc'aj jun ch'ajch'ojalaj u c'aslemal? ¡Rajawaxic cujunaj ri u c'aslemal ruc' ri tzij la!

Salmib 19:9

Ri now ib chuwäch ri Ajawaxel ch'ajch'oj man caq'uextaj taj xak je wi. Ri e u pixab ri Ajawaxel ri e tz'ibam e kastzij, conojel tak e suc'.

Salmib 51:10

Nu Dios, ¡cojo' la jun ch'ajch'ojalaj wanima'!, ¡ya' la jun c'ac' uxlabal chwe ri jic!

E C'ambal tak Tzij 16:6

Ruc' lok'ok'ebal c'uxaj, xukuje' kastzij, cäcuy ri macaj; we cäkaya' u k'ij ri Ajawaxel canajtin jun ri' che ri etzelal.

E C'ambal tak Tzij 20:9

Man c'o ta jun cäcuinic cubij: “Josok' ri wanima', in ch'ajch'oj man c'o ta mac pa ri nu c'aslemal.”

E C'ambal tak Tzij 30:12

E c'o jachin tak cäquichomaj quib chi sibalaj e ch'ajch'oj man qui ch'ajch'ojirisam ta c'u quib che ri qui tz'ilol.

E C'ambal tak Tzij 8:13

Ri u ya'ic u k'ij ri Ajawaxel are' ri retzelaxic u wäch ri lawaloyil. In quinwetzelaj u wäch ri banoj nimal xukuje' ri nimarisan ib, ri itzel be xukuje' ri banoj tzij.

Ri Tzijonel 11:10

Chebanajtajisaj che ri a chomabal ri oquem tak il, chebaq'uiaka' c'u bic tak ri c'axc'olil jela', xukuje' c'u ne tak ri e utzalaj tak k'ij rech ri awalc'alal xa' e cawächibal xak lok'.

Ri Isaiy 1:16

¡Chich'aja' iwib, chijosk'ij iwib! ¡Chebinajtajisaj ri iwetzelal chnuwäch! ¡Chik'ila iwib che u banic ri man utz taj!

Ri Isaiy 55:7

Ri banal etzelal chuya' can ri itzel u be, ri itzel winak chebuya' can ri itzel tak u chomanic chixtzelej ruc' ri Ajawaxel, quel c'u na u c'u'x chiwe chixtzelej ruc' ri ka Dios, xak c'u ix reyem che u sachic ri i mac.

Ri Jeremiy 13:27

Wilom ri a chokchotem, xukuje' ri a kajic pa mac, ri q'uixibalalaj a c'aslemal jas ri cäcam ri quech ri nim ch'utin, ri e a banoj ri quebaban paquiwi' tak ri juyub xukuje' pa apachique c'olbal. ¡Tok'ob a wäch Jerusalen! ¿joropa' lo k'ijol catakej na c'olem chupam ri a tz'ilol?”

Ri Jeremiy 4:14

Jerusalen, chajosk'ij ri awanima' che ri etzelal we je caban wa' catto'taj na. ¿C'a jampa' lo catanaba' qui chomaxic pa a jolom ri itzel tak chomanic?

Aj Levitib 13:58

Are c'u ri atz'iak, ri quem, o apachique jasach re tz'um, ri quel wi ri tz'aj aretak cäch'ajic, cäcamulix u ch'ajic cäcanaj c'u can ch'ajch'oj.”

Ri Matey 12:33

“Chibana' chi utz ri che', xukuje' utz ri u wächinic, o chibana' chi man utz ta ri che', xukuje' man utz ta ri u wächinic. Quetamataj c'u qui wäch ri che' rumal ri qui wächinic.

Ri Matey 5:48

Chixux ba' tz'akat, je jas ri i Tat ri c'o chila' chicaj, are' tz'akat.”

Ri Matey 5:8

Utz que ri ch'ajch'oj canima', cäquil c'u na u wäch ri Dios.

Hechos 9:31

Are c'u ri comon cojonelab pa ronojel Judey, pa Galiley xukuje' pa Samar e c'o pa jamaril, cätajin cäbin pa xe'n rib chuwäch ri Ajawaxel. Cäq'uiyiric, rumal rech chi cäcu'bisax u c'u'x rumal ri Ruxlabaxel.

Romanos 5:20

Ri Dios xuya' ri pixab rech ri winak cäquilo chi nim ri qui mac. Pune' sibalaj nim ri qui mac ri winak, are c'u c'o na ri nimalaj u tok'ob ri Dios.

1 Corintios 6:20

Pakal c'u lok'obem iwech. Chinimarisaj ba' u k'ij ri Dios ruc' ri i cuerp.

2 Corintios 1:20

Conojel ri jastak ri u bim ri Dios chi cuya' chke, queyataj chke rumal ri Jesucrist. Rumal ri', aretak cäkanimarisaj u k'ij ri Dios, cäkabij “je chbanok” rumal ri Jesucrist.

Efesios 2:3

Jas ri e are', ojer konojel xkaban can ri ka rayinic aj winak re mac, xkaban ri u rayibal ri ka ti'jal, jas ri xkachomaj. Rumal c'u ri' takal chke we ta xpe ri royowal ri Dios pakawi', je jas ri niq'uiaj chic.

1 Tesalonicenses 3:13

Jeri' sibalaj c'o u chuk'ab ri iwanima', man c'o ta etzelal cäriktaj chiwij, ix tastalic tak winak chuwäch ri Dios ka Tat, aretak cäpe ri Kajaw Jesus e rachilam conojel ri tastalic tak winak ri e rech.

1 Tesalonicenses 4:7

Ri Dios c'ut man uj u siq'uim taj rech cäkaban tz'ilalaj tak jastak, xane' rech cujux tastalic tak winak.

1 Tesalonicenses 5:23

Are ri Dios ri cäyo'w jamaril chixo'l, cuban tastalic tak winak chiwe pa ronojel, cuchajij ri iwuxlabal, ri i c'aslibal, xukuje' ri i cuerp rech mata c'u jun quetzelal che ri u petibal ri Kajaw Jesucrist.

Hebreos 12:23

Ix opaninak cuc' ri nabeal tak winak re ri comon cojonelab, ri qui mulin quib, ri e tz'ibam qui bi' pa ri caj. Ix opaninak chunakaj ri Dios, ri qui K'atal Tzij conojel, chquiwäch ri cuxlabal ri suc'alaj tak winak ri e tz'akatisam chic.

Hebreos 12:28

Ri ajawibal ri cäkac'am che ri Dios, are man slabel taj. Chujmaltioxin ba' che ri Dios, chkak'ijilaj ri Dios jas ri cäkaj chuwäch, nim chkila' wi, chujmach'al chwäch.

Hebreos 4:1

Xbix chke rumal ri Dios chi cujoc na pa ri uxlanem. Chkaxe'j ba kib, we ne c'o jun chiwe muc'ulmaj chi man coc ta pa ri uxlanem.

Hebreos 6:9

Pune' je cujtzijon wa', ka jiquibam ka c'u'x chiwij, lok'alaj tak kachalal, chi ronojel ri quiban na ix sibalaj utz na, jas ri takal chiwe ix ri ix colotajinak chic.

Santiago 4:8

Chixkeb ruc' ri Dios, ri are' xukuje' cäkeb na iwuc'. Ajmaquib, chiya' can ri u banic etzelal rech e ch'ajch'oj ri i k'ab. Ix ri quieb i c'u'x, chijosk'ij ri iwanima'.

1 Pedro 1:15

Xane' jas ri Dios ri xixusiq'uij, are tastalic, xukuje' ri ix chixux tastalicalaj tak winak pa ronojel ri quibano.

1 Pedro 1:17

We quibij Tat che ri Dios, ri cuk'at tzij paquiwi' conojel jas ri qui chac chquijujunal, man cuya' ta u k'ij jun winak chuwäch jun chic, chixe'j ba' iwib chuwäch ri are' ronojel k'ij re ri i c'aslemal cho ri uwächulew.

1 Pedro 1:22

I josk'im ri iwanima' rumal rech chi xinimaj ri kastzij, rech quebilok'ok'ej ri iwachalal, man xak ta quieb i wäch. Chilok'ok'ela ba' iwib ruc' ronojel iwanima' xukuje' ronojel i chuk'ab.

1 Pedro 2:11

Lok'alaj tak wachalal, chixux je jas winak ri xak queboc'owic, ri e c'o pa jun tinimit man quech taj. Miban ri u rayibal ri i ti'jal, ri cäch'ojin chrij ri iwanima'.

1 Pedro 5:10

Are c'u ri Dios cuban na tz'akat chiwe, quixucowirisaj na, cuya' na i chuk'ab, xukuje' quixutac'aba' na. Are ri' ri Dios ri cäbanow ronojel u wäch tok'ob xukuje' ri xixsiq'uin che ri junalic u juluwem pa ri Crist.

1 Juan 1:7

We c'u cujbin chupam ri sakilal jacha' ri Dios c'o pa ri sakilal, c'o c'u ri' ri junamatajic chkaxo'l, are' c'ut ri u quiq'uel ri u C'ojol, ri are' ri Jesucrist, queresaj na conojel ri ka mac.

1 Juan 1:9

We c'u quekak'alajisaj ri e ka mac, cuya' cakacuba' ka c'u'x chi ri Dios cuban na jachique ri suq'uilal: quebucuy c'u na tak ri e ka mac, queresaj c'u na conojel ri ketzelal.

1 Juan 3:3

Apachin ta c'u ne ri c'o we eyebal c'uxaj ri' ruc' chrij ri Dios, cuch'ajch'obisaj rib pa re wi, je jacha' ri Jesucrist ch'ajch'oj.