2 Corintios 6:6 - Quiché Bible

⁶ Pa ronojel wa': ch'ajch'oj ri ka c'aslemal, keta'm ri kastzij c'o ka coch'onic, cäkaban tak tok'ob, c'o ri Ruxlabal ri Dios kuc', kastzij quekalok'ok'ej ri winak,

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Kujpatanijik rukꞌ chꞌajchꞌojil, rukꞌ etaꞌmabꞌal, rukꞌ utzilal, pa ri Tyoxalaj Uxlabꞌixel xuqujeꞌ pa ri qas tzij loqꞌanik.

K'iche'

⁶ Xukuje' ka k'alajisam chi uj patänil re ri Dios rumal chi ch'ajch'oj ri ka c'aslemal, rumal chi ketam ri kas tzij, c'o ka paciencia, cäka'n utzil, xukuje' rumal chi c'o ri Lok'alaj Espíritu pa kanima', kas c'u quekaj nimalaj conojel.

K'iche' (New Orthography)

⁶ Xuquje' qa q'alajisam chi uj patänil re ri Dios rumal chi ch'ajch'oj ri qa k'aslemal, rumal chi qetam ri qas tzij, k'o qa paciencia, käqa'n utzil, xuquje' rumal chi k'o ri Loq'alaj Espíritu pa qanima', qas k'u keqaj nimalaj konojel.

2 Corintios 6:6 ပူးပေါင်းရင်းမြစ်များ

Ri Ezequiel 33:31

Je c'u ri' ri nu tinimit cäpetic cat'uyi' chawäch, jacha' nak'atal u banic rumal, che qui tatabexic tak ri a tzij. Man c'u caquiban taj jas ri caquibij. Caquitzelela' tak u bixoxic jacha' caban che qui bixoxic tak bix quech taquenic, benak c'u ri ranima' chrij ri puak.

Romanos 12:9

Kas chi lok'ok'ela' iwib, man ruc' ta quieb c'uxaj. Chiwetzelaj u wäch ri lawaloyil chitakej c'u u banic ri utzilal.

Romanos 15:19

pa qui cuinem ri etal xukuje' mayibal, rumal ri u cuinem ri Uxlabaxel, nu tzijom ri utzalaj tak tzij re colobal ib rumal ri Crist pa Jerusalen xukuje' pa tak niq'uiaj c'olbal chic, c'ä pa Ilir.

1 Corintios 12:8

Jun yo'm che, tzij re no'j rumal ri Uxlabaxel. Ri jun chic yo'm che, tzij re etamabal. Xa c'u jun ri Uxlabaxel ri cayowic.

1 Corintios 13:4

Ri c'o lok'ok'ebal u c'u'x are ri' cuk'i' ri c'ax, ch'uch'uj, man cäpe ta royowal che jun chic we curik utzil, man cärak'anisaj ta u k'ij, man cunimarisaj ta rib,

1 Corintios 2:16

Cubij ri Tz'ibatalic: “¿Jachin ta xch'obow ri u chomanic ri Ajawaxel? ¿Jachin ta xtijon ri Ajawaxel? Are c'u ri uj, c'o ri chomanic re ri Crist kuc'.”

1 Corintios 2:4

Ri tzij xintzijoj chiwe, man ruc' ta retamabal winak ri xixinch'äc wi, xane' rumal ri Uxlabaxel xukuje' ri u cuinem ri Dios.

2 Corintios 1:23

Quincoj ri Dios che k'alajisanel puwi' ri wanima', chi man in benak ta pa Corint, rumal rech chi quintok'obisaj i wäch.

2 Corintios 11:11

¿Jasche je quinbij wa'? ¿La xa' lo man quixinlok'ok'ej taj? Ri Dios reta'm chi quixinlok'ok'ej.

2 Corintios 11:4

Ri ix quicoch' ruc' quicotemal apachin ta ne ri copan iwuc' cutzijoj jun Jesus chiwe ri man cajunamataj ta ruc' ri ka yo'm u bixic chiwe; quic'amowaj c'ut ruc' ronojel iwanima' jun uxlabal ri man junam ta ruc' ri Uxlabal ri i c'amowam chic xukuje' jun tijonic aj colobal ib ri man junam ta ruc' ri i c'amowam chic.

2 Corintios 11:6

Pune' man quinna'w taj quintzijonic, man in je ta wa' pa ri wetamabal. Kas ka c'utum wa' chiwäch pa ronojel ri ka banom.

2 Corintios 12:15

Ri in ruc' ronojel ri nu rayibal quinsach na ronojel ri c'o wuc', xukuje' c'u ne ri in quinjarisaj na wib che u banic ri utzil chiwe; quinwil c'ut chi aretak sibalaj ix nu lok', xa' man sibalaj utz ta quiniwilo.

2 Corintios 13:10

Rumal ri' quebentz'ibaj bic we jastak ri' chiwe aretak man in c'o ta iwuc', rech aretak quinopan iwuc', man in c'a'n ta chic chiwe, jas ri ya'tal chwe rumal ri takanic ri u yo'm ri Ajawaxel pa nu k'ab. U yo'm chwe che u ya'ic i chuk'ab, man che ta u sachic i wäch.

2 Corintios 2:10

We ri ix quisach u mac jun, xukuje' ri in quinsach u mac. We c'o jun mac nu sachom, nu banom rumal iwech, chuwäch ri Crist.

2 Corintios 2:4

Aretak xintz'ibaj bic we wuj ri' chiwe, sibalaj cäbison ri wanima' ruc' nimalaj bis chiwe, sibalaj quinok'ic. Man xintz'ibaj ta wa' chiwe rech quixbisonic, xane' rech quich'obo chi sibalaj quixinlok'ok'ej.

2 Corintios 3:3

K'alajisam chi c'ut chi ix u wuj ri Crist, jachom kumal uj, man tz'ibatal ta ruc' xak, xane' ruc' ri Uxlabaxel re ri c'aslic Dios. Man tz'ibatal ta cho tz'alam tak abaj, xane' cho tak canima' winak.

2 Corintios 4:6

Ri Dios, ri xubij: “Chtunun ri sakil pa ri k'eku'm”, are ri' ri xtunun pa ri kanima', rech cäketamaj ri u juluwem ri Dios ri cäjuluw che ri u palaj ri Jesucrist.

2 Corintios 7:2

¡Chujic'ama' ba' pa iwanima'! Man c'o ta etzelal ka banom che jachin jun; man c'o ta c'ax ka banom che jachin jun; man ka subum ta jachin jun.

Gálatas 3:2

Xak xuwi quinwaj quinta' chiwe: ¿La xic'am ri Uxlabaxel rumal ri u nimaxic ri pixab, o rumal rech chi xicoj ri tzijol ri xito?

Gálatas 3:5

Ri Dios ri u yo'm ri Ruxlabal chiwe, xukuje' cuban mayibal chixo'l, ¿jasche cuban we jastak ri'? Man cuban ta lo rumal rech chi i nimam ri pixab, xane' rumal rech chi xicoj ri tzijol ri xito.

Gálatas 5:22

Are c'u wa' ri u wächinic ri Uxlabaxel: c'o lok'ok'ebal qui c'u'x ri winak, quequicotic, c'o jamaril chquixo'l cuc' niq'uiaj chic, c'o qui coch'onic, ch'uch'uj ri canima', cäquibanala' tok'ob, e jic pa ri qui tzij,

Efesios 3:4

Aretak quisiq'uij u wäch ri wuj ri', quiwetamaj chi ri in weta'm ri jastak re ri Crist ri man etamatal ta can nabe.

Efesios 4:2

Chixux mach'alic xukuje' chi lok'ok'ela' iwib; chc'ol i coch'onic chicoch'ola' c'u tak iwib ruc' lok'ok'ebal c'uxaj,

Efesios 4:32

Xane' chibana' utzil xukuje' chel i c'u'x chbil tak iwib. Chisachala' i mac, jacha' ri Dios xusach i mac rumal ri Crist.

Colosenses 1:27

Ri xraj wi ri Dios u ya'ic retamaxic ri u k'inomal ri u juluwem we awatalic ri' chquixo'l ri man aj judeyib taj; are Crist wa' pa ri ix, ri cu'lbal i c'u'x che ri juluwem.

Colosenses 2:3

ri e c'utal wi conojel ri k'inomal rech ri no'j xukuje' ri etamanic.

Colosenses 3:12

Ri Dios quixulok'ok'ej, ix u cha'om, u banom tastalic tak winak chiwe. Chc'ol tok'obisan wächaj pa ri iwanima', chel i c'u'x chque niq'uiaj winak chic, minimarisaj iwib chquiwäch niq'uiaj chic, mibanala' c'ax chbil iwib, chc'ol i coch'onic,

1 Tesalonicenses 2:10

Ix xiwilo, xukuje' ri Dios xrilo, chi uj tastalic tak winak chixo'l ix cojonelab. Xkaban ri suc', man c'o ta etzelal xriktaj chkij.

1 Timoteo 4:12

Maya' chque ri winak chi cäquetzelaj a wäch xa' rumal rech chi at ac'al achi na. Xane' chatux jun c'utbal pa ronojel chquiwäch ri cojonelab, rech ri e are catquilo, cäquiban que jas ri caban at. Jeri' cäquita' ri utzalaj a tzij, cäquilo chi utz catbin pa ri a c'aslemal, chi quebalok'ok'ej niq'uiaj chic, chi c'o a cojonic, chi ch'ajch'oj ri a c'aslemal, cäquiban c'u que jas ri caban at.

1 Timoteo 5:2

Chebapixbej ri nimak tak chuchuyib e jacha' ri a nan. Chebapixbej ri alitomab je jas ri e awana'b ruc' ch'ajch'ojil.

2 Timoteo 3:10

Are c'u ri at chaterenej ri nu tijonic, ri u cholajil ri nu c'aslemal, ri nu chomam u banic, ri nu cojonic, ri nu coch'onic, ri nu lok'ok'ebal c'uxaj xukuje' ri nu chuk'ab che takanic,

2 Timoteo 4:2

chak'alajisaj ri u tzij ri Dios aretak cuya' cätzijoxic xukuje' aretak man cuya' taj. Chatyajonak, chatk'ilonok xukuje' chaya' chuk'ab, chattijon ba' ruc' ronojel coch'onic.

Ri Tit 2:7

Kas at chatyo'w jun utzalaj c'utbal chquiwäch pa conojel ri jastak. Aretak chebatijoj, chabana' ruc' ronojel ch'ajch'ojil xukuje' ruc' ri'jobic.

Santiago 3:17

Are c'u ri winak ri cäya' qui no'j rumal ri Dios, nabe e ch'ajch'oj, c'äte ri' cäquiya' jamaril, e utz cuc' ri winak, are' e nimanelab, e nojinak che elebal c'uxaj xukuje' che utzalaj tak wächinic, man cuban ta quieb qui c'u'x, man c'o ta quieb qui wäch.

1 Pedro 1:12

Xk'alajisax c'u chquiwäch ri k'axal tak tzij, chi aretak cäquibij we jastak ri', man chquetaj e are quebajwataj wi, xane' chiwe ix. Are we jastak ri' quetzijox chiwe camic cumal ri winak ri cäquitzijoj ri tzij re colobal ib chiwe rumal ri Ruxlabal ri Dios ri takom ulok chicaj. E jastak wa' ri xcajtaj ri e tako'nib aj caj chi e are' taj xeilowic.

1 Pedro 1:22

I josk'im ri iwanima' rumal rech chi xinimaj ri kastzij, rech quebilok'ok'ej ri iwachalal, man xak ta quieb i wäch. Chilok'ok'ela ba' iwib ruc' ronojel iwanima' xukuje' ronojel i chuk'ab.

1 Juan 3:18

Lok'alaj tak walc'ual, ri ka lok'ok'ebal c'uxaj muxic xak xuwi ta e tzij, xane' c'utunok cumal tak banoj.

K'atal tak Tzij 16:15

Xubij c'u ri Dalil che: “¡Banal tzij! ¿Jasche cachajij anima' cabij chi quinawaj? Ox mul chic awetz'bem nu wäch, maja' c'u cabij chwe jawije' cäpe wi ri a chuk'ab.”