2 Corintios 6:5 - Quiché Bible

⁵ Aretak cujch'ayic, aretak cujcoj pa che', aretak cäquimulij quib ri ka c'ulel chkij, aretak cäkarik c'axalaj tak chac, aretak cujc'asc'atic, xukuje' aretak cäkarik numic.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ Uj tzꞌapital pa cheꞌ, uj raputalik, bꞌantal kꞌax chaqe chikixoꞌl e kꞌi winaq, sibꞌalaj elinaq qawaram, kꞌi mul man ujwaꞌqinaq taj.

K'iche'

⁵ Uj ch'ayom, xukuje' uj cojom pa che'. Qui walijisam quib ri winak chkij, xukuje' ka'nom c'äx tak chac. Q'uia mul elinak ka waram, xukuje' ka rikom numic.

K'iche' (New Orthography)

⁵ Uj ch'ayom, xuquje' uj kojom pa che'. Ki walijisam kib' ri winaq chqij, xuquje' qa'nom k'äx taq chak. K'ia mul elinaq qa waram, xuquje' qa riqom numik.

2 Corintios 6:5 ပူးပေါင်းရင်းမြစ်များ

Nabe Ajawinelab 22:27

Chibij chque chi nu yo'm takanic chi chquicojo' pa che' chi quiya' c'ut xuwi ri u caxlanwa xukuje' ri u joron ri cutijo, c'ä quintzelej na ulok e utz wakan nu k'ab.”

Ucab Tzijobelil 16:10

Sibalaj c'u xpe royowal ri As che ri k'axal tzij, xutak c'u u cojic pa che', xukuje' pa tak ri k'ij ri' nim ri c'ax ri xuban chque jujun aj tinimit.

Ri Isaiy 53:5

Xsoc qui mac quech ri e ka c'ulelanic, xban c'ax che qui mac quech ri ketzelal ri c'äjisabal wächaj ri xuriko xuc'am ulok jamaril chke, cumal ri e u socotajic cakarik rutzil ka wäch.

Ri Jeremiy 33:1

C'ä tz'apil c'u ne na ri Jeremiy cho ri uwo ja ri e c'o wi ri chajinelab, ri Ajawaxel xutzijobej chi jumul ri Jeremiy, xubij c'u che:

Ri Jeremiy 38:6

We winak ri' xquichap ri Jeremiy xquiya' chupam ri u c'ua' ri Malquiy, u c'ojol ri ajawinel, ri c'o cho ri ja ri e c'o wi ri chajinelab. Xequicoj tak colob che, che u kasaxic bic, man c'o ta c'u ja' chupam ri c'ua' xane' xok'ol, xbik'taj c'ut ri Jeremiy chupam ri xok'ol.

Ri Ezequiel 3:17

“At, winak, ri in at nu cojom che yuxlenel che ri tinimit Israel. Aretak quinya' jun takquil chawe rajawaxic caya' u bixic chque chi jewa' ri quinbij, rech caquetamaj apanok.

Ri Matey 14:10

Xtakan c'u che resaxic ri u jolom ri Xuan pa che'.

Ri Matey 14:3

Ri Herod c'ut u chapom can ri Xuan, u ximom, u cojom pa che'. Xuban c'u wa' u mac rech ri Herody, rixokil ri Pelip ri rachalal ri Herod.

Ri Matey 9:15

Ri Jesus xubij chque: “¿La quebison puch ri ula' ri e c'o pa jun c'ulanem, joropa' k'ij cac'oji' ri achajilaxel cuc'? Copan c'u na jun k'ij aretak quesax ri achajilaxel chquixo'l. C'äte c'u ri' man quequitij ta qui wa.

Hechos 13:3

Aretak c'ut, bantajinak chic ri ch'awem ruc' Dios xukuje' bantajinak chic ri man u tijowic ta wa, xequiya' ri qui k'ab paquiwi', xequijach bic.

Hechos 14:19

Xepe c'u jujun aj judeyib pa Antioquiy xukuje' pa Icon. Xequich'äc ri winak, xquibuc' ri Pawl che abaj, xquijururej bic tza'm ja, pa qui c'u'x chi cäminak chic.

Hechos 14:23

Xequicoj c'u can tak ri tatayib ri quetakan pa jujun comon cojonelab, xquiban ch'awem ruc' Dios, xukuje' man xewa' taj. Te c'u ri' xequijach pa u k'ab ri Ajawaxel ri e cojoninak che.

Hechos 17:5

Are c'u ri aj judeyib ri man quecojon taj, xpe coyowal u mac rech chi e benak niq'uiaj winak cuc' ri Pawl. Xequic'am c'u bic jujun itzel tak achijab ri xak quesak'orin pa tak ri be. Xequimulij e q'ui winak xukuje' xquituquij ri tinimit. Xelquiq'uiaka' quib chrij ri rachoch ri Jason, xquitzucuj quesaxic ulok ri Pawl ri Silas chquiwäch ri winak.

Hechos 20:31

Rumal c'u ri' chixc'asc'atok. Chnataj chiwe jas xinban in chixo'l. Oxib junab chi chak'ab chi pa k'ij, man xintanaba' ta i pixbexic chijujunal cuc' tak ok'ej.

Hechos 23:10

Xnimataj c'u ri c'ulelam ib chquixo'l ri achijab, xuxe'j c'u rib ri qui nimal ri jun mil ajch'ojab, we ne cäch'akatix ri Pawl cumal ri achijab. Xtakanic chi quekaj ulok ajch'ojab, rech cäquesaj bic ri Pawl chquixo'l ri winak, cäquic'am bic pa ri cachoch ri ajch'ojab.

Hechos 23:35

xubij che: “Catintatabej na aretak quepe ri tzujul awech. Xtakanic chi cachajix chupam ri rachoch ri Herod.”

Hechos 24:27

E oc'owinak chi quieb junab, ri Porsiy Pest xoc can che u q'uexel ri Pelics. Are c'u ri Pelics xraj chi utz quil wi cumal ri aj judeyib. Rumal ri' xuya' can ri Pawl pa che'.

Hechos 26:10

Je xinban pa Jerusalen. Yo'm c'u takanic pa nu k'ab cumal ri e c'amal qui be ri e cojol tabal tok'ob, xebentz'apij pa tak che' e q'ui chque ri cojonelab. Aretak c'u xecämisaxic, in jun xinya' nu tzij che qui cämisaxic.

Hechos 26:29

Ri Pawl xubij che: “Quintz'onoj ri' che ri Dios chi we xa' cumal quieb oxib tzij o cumal q'ui tzij, man xuwi ta ri lal, xane' xukuje' conojel ri cäquitatabej ri nu tzij camic, quebux ta ne je jas ri in, ma ta c'u e c'o we tikom tak ch'ich' ri' chque.”

Hechos 28:30

Ri Pawl xcanaj can quieb junab tz'akat chupam ri ja ri u kajom, ri quebuc'ulaj wi conojel ri quebopan che rilic.

Hechos 5:18

Xequichap ri takomxenlab, xequicoj chupam ri comon che'.

1 Corintios 15:10

Rumal c'ut ri u tok'ob ri Dios ri in je nu banic wa' camic; are c'u ri u tok'ob ma ta c'o xubej chwe. Xane' sibalaj in chacuninak na chquiwäch conojel e are'; pune' c'u man in taj, xane' are' ri Dios, ri chupam ri rutzil in u to'm.

1 Corintios 4:11

C'ä pa we jok'otaj ri' cujnumic, cächaki'j ka chi', man e c'o ta katz'iak, uj ch'ayo'm chk'ab, man c'o ta kas kachoch.

1 Corintios 7:5

Miya' can ri u rikic iwib we man i chomam ix quieb. We ne quichomaj quiya' na can joropa' k'ij ri u rikic iwib rech quiban ch'awem ruc' Dios. Chirika' chi c'u iwib, rech man quixutakchi'j ta ri Satanas che mac, we man quixcuinic quik'il iwib.

2 Corintios 11:27

Nu banom c'axalaj tak chac, nu rikom tak c'ax. Q'ui mul man xinrik ta quintijo, nu rikom wi'jal, nu rikom chaki'j chi', q'ui mul man ximwataj, xinc'oji' pa tew, quint'unuwic.

Efesios 3:1

Rumal ri', in Pawl, in c'o pa che' rumal rech ri Crist Jesus che iwutzil ix ri man ix aj judeyib taj.

U Camulixic ri Pixab 25:3

Mawi c'u jumul queboc'ow qui cojic cawinak (40) rapubal, rech ri i winakil man curik ta jun c'äjisabal wächaj ri sibalaj ta c'ax na, cuna' ta c'u rib chi man nim ta u banic chiwäch.

Filipenses 1:13

Jeri' conojel ri ajch'ojab ri e c'o pa ri rachoch ri ajawinel, cuc' ri niq'uiaj chic, queta'm chi in c'o pa che' rumal rech ri Crist.

1 Tesalonicenses 2:9

Kachalal, cänataj chiwe ri c'axalaj ka chac. Xujcos ruc' ri ka chac. Xujchacun chi chak'ab chi pa k'ij, rech man cäkaya' ta jun eka'n chrij jachin jun chiwe, xkatzijoj ri utzalaj tak u tzij ri Dios chiwe.

1 Timoteo 4:10

Rumal ri' cujchacunic xukuje' cujyok'ic, rumal rech chi cu'l ka c'u'x chrij ri c'aslic Dios, ri qui Colonel conojel ri winak, sibalaj are c'u na chque ri quecojonic.

2 Timoteo 1:8

Matq'uix ba' che u k'alajisaxic jas ri u banom ri Kajaw o jas nu banom in ri in c'o pa che' rumal rech ri Are'. Xane' chach'ija' awe ri c'ax wuc' in rumal rech ri tzij re colobal ib, ruc' ri chuk'ab ri yo'm rumal ri Dios,

2 Timoteo 2:9

Rumal ri utzalaj tzij ri' quinrik c'ax, c'ä xinximitaj na pa che' jas jun banal etzelal. Are c'u ri u tzij ri Dios man ximom taj.

2 Timoteo 4:5

Ri at c'ut chachomaj jas ri caban pa ronojel, chach'ija' ri c'ax, chatzijoj ri tzij re colobal ib chque ri winak, chaq'uisa' ri a chac.

Hebreos 11:36

Jujun chic xetz'bex qui wäch, xech'ayic. Niq'uiaj chic xeximic, xeya' pa che',

Hebreos 13:17

Chixniman chque ri c'amal tak i be, chiya' iwib pa takic chque. Ri e are' quequichajij ri iwanima', queta'm c'ut chi rajawaxic cäquibij na che ri Dios jas ri qui banom. Chixniman chque rech cäquiban ri qui chac ruc' quicotemal, man ruc' ta bis. We ta c'u ruc' bis cäquibano, ma ta c'o quiwechbej ri' che.

Hebreos 13:23

Quinwaj chi quiwetamaj chi ri kachalal Timotey xtzokopixic. We cäpe chanim, quinbe che iwilic junam ruc'.

Apocalipsis 2:10

Maxe'j awib chquiwäch ri c'ax ri carika' na. Chawilampe', ri itzel chanim quebuya' na jujun chiwe pa che', che c'ambejenic catoc'ow c'u na pa lajuj k'ij c'axc'ol. Chatux jic c'ä pa ri a cämical. Quinya' c'u na ri corona' re c'aslemal chawe.