2 Corintios 6:4 - Quiché Bible

⁴ Man je ta c'u ri' pa ronojel cäkaya' c'utbal chi uj pataninel rech ri Dios, cätajin c'u cäkach'ijijej ruc' nimalaj coch'onic ri e rikoj tak c'ax, ri q'uetetem, ri e q'ueyowal tak.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Xane kaqabꞌan ri qachak rukꞌ utzilal rumal cher uj patanil rech ri Dios pa taq ri kꞌaxal, pa ri qarajawaxik, xuqujeꞌ pa ri kꞌaxkꞌolal.

K'iche'

⁴ Xane cäkaj cäkak'alajisaj kib pa ronojel chi uj patänil tak re ri Dios. K'alaj wa' aretak sibalaj cäkachajij paciencia chuch'ijic ri c'äx, ri meba'il, xukuje' q'uia u wäch c'äxc'ol.

K'iche' (New Orthography)

⁴ Xane käqaj käqaq'alajisaj qib' pa ronojel chi uj patänil taq re ri Dios. Q'alaj wa' aretaq sib'alaj käqachajij paciencia chuch'ijik ri k'äx, ri meb'a'il, xuquje' k'ia u wäch k'äxk'ol.

2 Corintios 6:4 ပူးပေါင်းရင်းမြစ်များ

Ri Isaiy 61:6

Are c'u ri ix quixbinax na: cojol tabal tak tok'ob chuwäch ri Ajawaxel, pataninel tak rech ri ka Dios. Quic'am na iwe ri qui k'inomal ri jule' nimak tak tinimit chic, quiwik c'u na iwib ruc' ri qui juluwem.

Ri Joel 1:9

are jewa' ri ok'ej ri caquiban ri cojol tabal tok'ob rumal rech chi man c'o ta chic c'äj mawi u wa'l uva chupam ri rachoch Dios che ri sipanic che ri Ajawaxel.

Ri Joel 2:17

Chebok' tak ri e cojol tabal tok'ob, ri e u pataninelab ri Ajawaxel, chechok c'ut chuxo'l ri rakan ja ruc' ri porobal: “Ajawaxel, sacha' la u mac ri tinimit la; maya' la c'olbal chi c'o ta jachin cätze'n qui wäch ri e ech la; maya' la c'olbal chi jule' nimak tak tinimit chic quebajawin ta paquiwi' chquibij ta c'u ne tak ri e k'ijilal tak diosib: ‘¿Jawije' c'o wi ri qui Dios?’ ”

Ri Lucax 21:19

We co quixtaq'ui'c, quixcolotaj na.

Ri Xuan 16:33

We jastak ri' nu tzijom chiwe, rech quirik jamaril chupam ri u junaxic iwib wuc'. Pa ri uwächulew quirik na c'axc'olil. Chijiquiba' ba' i c'u'x, ri in in ch'äcaninak puwi' ri uwächulew.”

Hechos 2:22

Alak aj israelib, chtatabej alak we tzij ri': Ri Jesus aj Nazaret, are jun achi c'utum chwäch alak rumal ri Dios. Ri Dios xebuban mayibal, cajmajibal xukuje' etal chxo'l alak rumal ri Jesus, jas ri eta'm alak.

Hechos 20:34

Ix c'ut iweta'm chi xinchacun cuc' ri nu k'ab rech xinch'äc ri xajwataj chwe xukuje' ri xajwataj chque ri e c'o wuc'.

Hechos 9:16

Quinc'ut c'u na chuwäch joropa' ri q'uialaj c'ax curik na rumal rech ri nu bi'.”

Romanos 14:18

Conojel c'u ri je cäquiban wa' che u patanixic ri Crist, utz quebil wi rumal ri Dios, xukuje' ri winak cäquibij chi utz.

Romanos 16:10

Chiya' rutzil u wäch ri Apels. Cäkil rumal ri u chac chi ri are' kastzij c'o u cojonic che ri Crist. Chiya' rutzil qui wäch ri e aj uwo rachoch ri Aristobulo.

Romanos 3:5

We ri ketzelal sibalaj cuk'alajisaj na ri u suq'uil ri Dios, ¿jas cäkabij? ¿La cäkabij lo chi ri Dios man suc' taj aretak cäpe royowal pakawi'? (Quinbij wa' pa ka tzij uj ri uj winak.)

Romanos 5:8

Are c'u ri Dios cuk'alajisaj chkawäch chi cujulok'ok'ej. Aretak c'ä uj ajmaquib, ri Crist xcäm rumal kech.

1 Corintios 3:5

¿Jachin c'u ri Pawl? ¿Jachin ri Apols? E pataninelab wa' ri cumal xixcojonic, jas ri xuya' ri Ajawaxel chiwe chijujunal.

1 Corintios 4:1

Rajawaxic chi ri ix quiwetamaj chi uj xa' uj pataninel re ri Crist, yo'm pa ka k'ab ri jastak re ri Dios ri man etamatal ta can nabe, rech cäkatzijoj.

1 Corintios 9:11

We uj ka ticom jastak aj uxlabal pa ri iwanima', ¿la nim lo ri' we cäkac'am ke ri jastak re ri cuerp iwuc'?

2 Corintios 11:23

¿La e pataninel re ri Crist? Ri in sibalaj quinpatanij na ri Crist chquiwäch ri e are'. (Cätajin quintzijon je ta ne jun conalaj winak.) Sibalaj nu banom c'axalaj tak chac chquiwäch ri e are'. Q'ui mul in ch'ayo'm, q'ui mul in cojom pa che', are c'u ri e are' xa jubik'. Q'ui mul ri winak cäcaj quinquicämisaj.

2 Corintios 11:27

Nu banom c'axalaj tak chac, nu rikom tak c'ax. Q'ui mul man xinrik ta quintijo, nu rikom wi'jal, nu rikom chaki'j chi', q'ui mul man ximwataj, xinc'oji' pa tew, quint'unuwic.

2 Corintios 11:9

Aretak xinc'oji' iwuc', man xinux ta eka'n che jachin jun, c'o c'u rajawaxic chwe. Xane' e are ri kachalal ri xepe' pa Masedon e are' xeyo'w ri rajawaxic chwe. Kas xinchajij wib pa ronojel, rech man xinux ta eka'n chiwe. Xukuje' camic quinchajij na wib.

2 Corintios 12:10

Rumal ri' quinquicotic aretak man c'o ta nu chuk'ab, aretak quinyok'ic, aretak man c'o ta ri cajwataj chwe, aretak quinokataxic, xukuje' aretak quinrik c'ax rumal rech ri Crist. Aretak c'u in tukar, c'äte ri' sibalaj c'o nu chuk'ab.

2 Corintios 12:12

Ri e retal jun takom e bantajinak chiwäch pa ronojel ch'ijonic, pa tak etal, mayibal, xukuje' cajmajibal.

2 Corintios 2:17

Uj man uj ta junam cuc' e q'ui ri cäquesaj qui ch'äcoj che ri tijonic ri cuya' ri Dios, xane' ruc' ronojel kanima', uj takom rumal ri Dios, xukuje' chuwäch ri Dios cujtzijon pa ri Crist.

2 Corintios 3:6

Ri Dios xuya' chke chi cäkatzijoj ri c'ac' u c'ulwächinic. Man rech ta ri pixab ri tz'ibatalic, xane' rech ri Uxlabaxel. Ri tz'ibatalic cäcämisanic, are c'u ri Uxlabaxel cuya' c'aslemal.

2 Corintios 4:17

Ri c'axc'olil ri cäkarik waral man al taj, ri xak oc'owel, cuban chke chi cäkarik na jun junalic juluwem ri sibalaj nim u banic, ri sibalaj c'o na chuwäch ri c'axc'olil.

2 Corintios 4:2

Man cäkaban ta q'uixbalalaj tak jastak chi c'uyal; man quixkasub taj, mawi cäkayujaj niq'uiaj jastak chic ruc' ri u tzij ri Dios. Xane' rumal ri u c'utic ri kastzij, cäkak'alajisaj kib chuwäch ri retamabal u c'u'x ronojel winak chi uj utz, chuwäch ri Dios.

2 Corintios 4:8

Pune' cäkarik c'axc'olil pa tak ronojel c'olbal, cujel c'u na chupam. Pune' cäsach ka c'u'x, keta'm c'ut chi cäkarik na jas ri cäkabano.

2 Corintios 7:11

Ri ix xicoch' ri bis jacha' ri cäkaj chuwäch ri Dios, ¡chebiwila' c'ut ri xel wi! Xixoc il che ri xc'ulmatajic xito' c'u nu wi'; xuban chiwe chi xpe iwoyowal, xukuje' xina' xe'n ib. Chuwi' chi c'u wa' xpe i rayinic che wilic, xichomaj c'ut u c'äjisaxic u wäch ri ajchak'mac. Ruc' c'u ronojel wa' i c'utum ix chi man i nimon ta iwib chupam wa'.

Colosenses 1:11

Cäkata' che ri Dios chi cuya' i chuk'ab ruc' ri nimalaj u cuinem ri u juluwem. Jeri' quixcuin che u ch'ijic ronojel c'ax, quicuy ronojel ri cäban chiwe.

Colosenses 1:24

Quinquicot c'u pa tak ri c'axc'olil ri nu rikom rumal iwech, c'ä c'ax c'u que che ri Crist rumal ri qui c'axc'olil ri comon cojonelab, are wa' ri u cuerp. Quinc'am c'u we we c'axc'olil ri' pa ri nu cuerp. Quinrik c'u c'ax rumal quech ri comon cojonelab.

1 Tesalonicenses 3:7

Rumal ri', kachalal, pune' cäkarik c'ax, pune' uj c'o pa c'axc'olil, xcu'bi ka c'u'x rumal ri i cojonic.

1 Tesalonicenses 5:14

Quixkabochi'j, kachalal, chi chiya' qui no'j ri man cäcaj taj quechacunic. Chicu'bisaj qui c'u'x ri cuban quieb qui c'u'x. Chebito' ri man c'o ta qui chuk'ab. Mäq'uistaj i c'u'x che qui to'ic conojel.

1 Timoteo 2:15

Ri ixok cacolotaj c'u na cumal ri ralanic xukuje' we caken chupam ri cojonic, chupam ri lok'ok'enic, xukuje' chupam ri u tasic rib man cutakej ta chi c'u ri macunic, c'o c'u u tij puwi' chbil rib.

1 Timoteo 4:6

We quebatijoj we jastak ri' chque tak ri kachalal queq'uiy c'ut cumal tak ri tzij re ri cojonic xukuje' cumal tak ri e utzalaj tak tijonic ri e a takem, at jun utzalaj pataninel rech ri' Jesucrist.

1 Timoteo 6:11

At c'ut, ri at winak re Dios, chatanimaj chquiwäch we jastak ri'. Chawila' awib rech caban ri suc', catniman che ri Dios xukuje' catcojon che, quebalok'ok'ej niq'uiaj chic, cach'ij ri c'ax, manimarisaj awib.

2 Timoteo 1:8

Matq'uix ba' che u k'alajisaxic jas ri u banom ri Kajaw o jas nu banom in ri in c'o pa che' rumal rech ri Are'. Xane' chach'ija' awe ri c'ax wuc' in rumal rech ri tzij re colobal ib, ruc' ri chuk'ab ri yo'm rumal ri Dios,

2 Timoteo 2:24

Man takal ta che ri jun pataninel re ri Ajawaxel chi cäch'ojinic, xane' rajawaxic chi are utz chque conojel, cäna'w che ri tijonic, xukuje' cucuy ri qui mac ri winak,

2 Timoteo 4:5

Ri at c'ut chachomaj jas ri caban pa ronojel, chach'ija' ri c'ax, chatzijoj ri tzij re colobal ib chque ri winak, chaq'uisa' ri a chac.

Hebreos 12:1

Jeri' xukuje' ri uj, ri sutim kij cumal e q'ui k'alajisanelab ri qui c'utum ri qui cojonic, chkesaj ronojel alal, chkesaj ri mac ri c'o chkij che ka chapic. Chkac'ama' kanim, chkach'ija' ruc' coch'onic ri xiq'uinem ri yo'm chkawäch.

Apocalipsis 1:9

In, ri Xuan, ri iwachalal. Nu c'amom wech iwuc', pa c'axc'olil, xukuje' pa ri ajawibal, xukuje' pa ri chuk'ab ri cuya' ri Jesus rech quink'i' ri c'ax. In c'o pa jun ch'akap ulew Patmos u bi' ri c'o pa u niq'uiajil ri plo. In yo'm can chila' rumal rech chi nu tzijom ri u tzij ri Dios, xukuje' ri u k'alajisaxic ri Jesus.

Apocalipsis 3:10

Animam ri nu takomal chi chatux coch'onel, rumal ri' catinto' na pa ri jok'otaj re ri c'axalaj c'ambejenic ri cäpe na puwi' ronojel ri uwächulew che qui c'ambejexic conojel ri e jekel cho ri uwächulew.