2 Corintios 6:16 - Quiché Bible

¹⁶ Man c'o ta ri cajunamataj ta wi ri rachoch Dios cuc' tak ri diosib. Rumal rech chi ri uj uj rachoch ri c'aslic Dios, jacha' ri kas u bim ri are': “Quinjeki' na xukuje' quinbin na chquixo'l ri e are': ri in quinux na qui Dios e are' c'ut ri e are' quebux na nu tinimit.”

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁶ ¿La kꞌo jun jastaq kꞌo pa ri rachoch ri Dios xuqujeꞌ kꞌo pa ri kachoch ri e tyox ri e bꞌantalik? Uj riꞌ ri uj rachoch ri kꞌaslik Dios. Jacha ri ubꞌim Areꞌ: Kinkꞌojiꞌ na xuqujeꞌ kinbꞌin na kukꞌ. In kinux na kiDios, aꞌreꞌ kuꞌx na e nutinimit.

K'iche'

¹⁶ ¿A cuya' lo cuc'ulaj rib ri nimalaj rachoch Dios cuc' ri tiox ri xa e banom cumal winak? ¡Man cuya' taj! Ix c'u ri' ri ix nimalaj rachoch ri c'aslic Dios, je' jas ri xubij ri Are': Quinc'oji na cuc', quinwacat c'u na chquixol. Quinoc na che ri qui Dios, ri e are' c'ut queboc na che ri nu winak in, —cächa'.

K'iche' (New Orthography)

¹⁶ ¿A kuya' lo kuk'ulaj rib' ri nimalaj rachoch Dios kuk' ri tiox ri xa e b'anom kumal winaq? ¡Man kuya' taj! Ix k'u ri' ri ix nimalaj rachoch ri k'aslik Dios, je' jas ri xub'ij ri Are': Kink'oji na kuk', kinwakat k'u na chkixol. Kinok na che ri ki Dios, ri e are' k'ut keb'ok na che ri nu winaq in, —kächa'.

2 Corintios 6:16 ပူးပေါင်းရင်းမြစ်များ

Nabe Ajawinelab 18:21

Xkeb c'u ri Eliy cuc' conojel ri tinimit, xubij: “¿C'ä jampa' lo ri quitakej na c'olem chquixo'l we quieb chomanic ri'? We ri Ajawaxel are' ri kas Dios, chiterenej ba' ri are, we c'u are ri Baal, rajawaxic are chiterenej wa'.” Ri tinimit man c'o ta jas xutzelej u bixic.

Salmib 90:1

Ajawaxel, lal uxinak ulok ka panibal uj ch'ukum la petinak ulok pa conojel tak ri k'ij junab.

Elem 20:3

Mec'oji' jule' tak diosib chic we ta ma ta xak xuwi ri in.

Elem 23:13

Chibana' ronojel ri nu bim chiwe, mawi c'u jumul mätatajic chi quel ulok pa i chi' ri qui bi' ri jule' tak diosib chic.”

Elem 25:8

Chibana' c'u jun k'ijilabal chwe rech quinc'oji' chquixo'l.

Elem 29:45

Quinjeki' chquixo'l ri aj israelib, quinoc c'u che qui Dios.

Elem 34:14

Mik'ijilaj jule' tak dios chic, rumal rech chi ri Ajawaxel achixomanel. Dios achixomanel ri u bi'.

Ri Jeremiy 24:7

Quinya' quetamanic rech caquich'obo chi in ri' ri Ajawaxel, e are' c'ut ri nu tinimit in c'ut ri in qui Dios, rumal rech chi ruc' ronojel canima' quetzelej na wuc'.

Ri Jeremiy 31:1

Ri Ajawaxel cujiquiba' u bixic: “Pa ri k'ijol ri' in quinux na qui Dios conojel ri amak' re ri Israel, e are' c'ut ri e are' quebux na nu tinimit.”

Ri Jeremiy 31:33

Are' c'u c'ulwächinic wa' quenbana' na ruc' ri Israel pa ri k'ijol ri': Quincoj na ri nu pixab chupam ri ranima' quintz'ibaj c'u na chupam ri u chomanic. In quinux na qui Dios are c'u ri e are' quebux na nu tinimit. In, ri Ajawaxel, quinjiquiba' u bixic.

Ri Jeremiy 32:38

Ri e are' quebux na nu tinimit, are c'u ri in quinux na qui Dios.

Ri Ezequiel 11:20

C'äte c'u ri' quequinimaj tak na ri e nu pixab xukuje' tak ri e nu takomal, quequitakej c'u na qui banic. Quebux c'u na nu tinimit xukuje' ri in quinux na qui Dios.

Ri Ezequiel 36:25

Quixinch'aj na ruc' josok'alaj ja', quixinjosk'ij na che ronojel ri i tz'ilol, quixinch'ajch'ojirisaj na chque tak ri e u rikic iwib cuc' tak ri e diosib;

Ri Ezequiel 36:28

quixjeki' na pa ri iwulew ri xinya' chque ri e i mam, quixux c'u na nu tinimit are c'u ri in quinux na i Dios.

Ri Ezequiel 43:7

Cubij c'u ulok chwe: “Are' c'olbal wa' rech ri nu tem re ajawinel, ri c'olbal ri quebenya' wi na ri wakan; waral quinjeki' wi na chquixo'l ri aj israelib amak'el. Mawi ri e are' mawi ri e cajawinelab caquiya' ta china' ri tastalicalaj nu bi' pa yok'ical: man quebe quiyaca' ta chi na tz'ak che u nataxic ri cajawinelab aretak e cäminak chic,

Ri Ezequiel 43:9

Che qui najtajisaj c'ut camic ri itzel tak qui banoj chwe xukuje' ri u cojic tak ri qui tz'ak tak ri cajawinelab, are c'u ri in quinjeki' na chquixo'l amak'el.

Ri Osey 14:8

Ri Eprain cubij na: ‘¿Jas ta chi wech chque tak ri diosib?’ ¡In ri quinoc na il xukuje' quinchajin na ri nu tinimit! In in junam ruc' juwi' chäj ri amak'el räx wi, pa ri in c'ut curik wi na ri nu tinimit ri u wächinic.”

Ri Osey 2:23

Quintiquiba' na ri nu tinimit pa ri ulew ri xuwi ri in in ajchak'e; quintok'obisaj c'u na u wäch ri Lo-ruham, xukuje' ri Lo-ami quinbij na che: ‘At ri' ri nu tinimit’, ri are' c'ut cubij na chwe: ‘¡Lal ri' ri nu Dios!’ ”

Aj Levitib 26:12

amak'el quinbin na chixo'l, quinux na i Dios, xukuje' ri ix quixux na nu tinimit.

Ri Soponiy 1:5

Quinsachisaj na qui wäch ri quepaki' paquiwi' tak ri ja che qui k'ijilaxic tak ri ch'imil, xukuje' tak ri quexuquic ri quequiban ri chi'nic ri kas cäban na pa ri nu bi' xukuje' pa ri u bi' ri dios Milcom.

Ri Zacariy 8:8

quinc'am c'u na ulok pa Jerusalen rech cajeki' chi'. Are c'u ri e are' quebux na nu tinimit, are c'u ri in quinux na qui Dios, ruc' jicomal xukuje' suq'uilal.”

Ri Matey 16:16

Ri Simon Lu' xubij che: “Lal ri' ri Crist, ri u C'ojol ri c'aslic Dios.”

Ri Matey 6:24

“Man c'o ta jachin jun cäcuinic quebupatanij quieb ajawib, rumal rech chi cäretzelaj na u wäch ri jun, culok'ok'ej c'u na ri jun chic, o cäruc'aj rib ruc' ri jun, man nim ta c'u cäril wi ri jun chic. Man quixcuin taj quipatanij ri Dios xukuje' ri k'inomal.”

Ri Lucax 5:36

Xukuje' xubij jun c'ambal no'j chque: “Man c'o ta jun cucoj jun c'ac' atz'iak che u c'ojoxic jun k'e'l atz'iak. We jeri', ri c'ac' cutek'tobisaj ri' ri k'e'l. Xukuje' ri c'ojbal ri esam che ri c'ac' atz'iak, man cuc'ulajij ta ri' ri k'e'l.

Ri Xuan 14:23

Ri Jesus xubij che: “We c'o jachin quinulok'ok'ej, cunimaj ri nu tzij; cälok'ok'ex c'u na rumal ri nu Tat, cujpe c'u na ruc', cujjeki' na ruc'.

Ri Xuan 6:56

Apachin ri cutij ri nu cuerp xukuje' caruq'uiaj ri nu quiq'uel, cäjeki' wuc', xukuje' ri in quinjeki' ruc'.

Romanos 8:11

Ri Dios xuc'astajisaj ri Jesus chquixo'l ri cäminakib. We ri Ruxlabal ri Dios ri c'o pa ri iwanima', ri xc'astajisan ri Jesus chquixo'l ri cäminakib cuya' na qui c'aslemal ri i cuerp ri cäcämic, rumal ri Uxlabaxel re ri c'o pa ri iwanima'.

Romanos 8:9

Are c'u ri ix man ix c'o ta pa ri u takanic ri u rayibal ri i banic aj winak re mac. Xane' ix c'o pa ri u takanic ri Uxlabaxel, we jekel ri Ruxlabal ri Dios pa ri iwanima'. We c'o jun ri man c'o ta ri Ruxlabal ri Crist pa ranima', ri are' man rech ta ri Crist.

Romanos 9:26

Pa ri c'olbal jawije' ri xbix wi chque: ‘Ri ix man ix nu tinimit taj’, chila' cäbix wi na chque chi e ralc'ual ri c'aslic Dios.”

1 Corintios 10:21

Man cuya' taj quiwuq'uiaj ta iwe che ri ruq'uiabal ri Ajawaxel, xukuje' quiwuq'uiaj iwe che ri cuq'uiabal ri itzel tak uxlabal. Mawi cuya' quic'am ta iwe pa ri u mexa ri Ajawaxel, xukuje' quic'am iwe pa ri qui mexa ri itzel tak uxlabal.

1 Corintios 6:19

¿La ma ta iweta'm chi ri i cuerp are rachoch ri Ruxlabal ri Dios ri c'o pa ri iwanima', ri yo'm chiwe rumal ri Dios? Ri ix man iwech ta iwib.

Efesios 2:20

Ix je ta ne jun ja, ri yacom puwi' ri tac'alibal ri e cojom wi ri takomxenlab xukuje' ri k'axal tak tzij. Ri Jesucrist are' ri nabe abaj re ri u ch'u'c ja.

Efesios 2:22

Jeri' xukuje' ri ix junam cuc' ri niq'uiaj chic, ix jun ruc' ri Crist rech iwonojel quixux xa' jun ja jawije' cäjeki' wi ri Dios pa ri Uxlabaxel.

Efesios 3:17

rech ri Crist cäjeki' pa ri iwanima' rumal ri cojonic. Jeri' co ix tiquil pa ri lok'ok'ebal c'u'x, je ta ne jun tico'n ri benak u c'amal pa ulew,

U Camulixic ri Pixab 5:7

Mec'oji' jule' tak a diosib chic we ta ma ta xuwi ri in.

1 Timoteo 3:15

we ne quinbeytajic, rech cawetamaj jas caban pa ri rachoch ri Dios, are wa' ri e u comon cojonelab ri c'aslic Dios, ri rakan ja xukuje' ri to'bal re ri kastzij.

2 Timoteo 1:14

Chachajij ri utzalaj tijonic ri yo'm pa a k'ab, ruc' ri u to'banic ri Ruxlabal ri Dios ri c'o pa kanima'.

Hebreos 3:6

Are c'u ri Crist jacha' jun c'ojolaxel, puwi' ri rachoch Dios; uj c'u ri' we ja ri', we co ka tiquibam ri jiquibam c'uxaj xukuje' ri u nimarisaxic ka k'ij che ri cu'lbal c'uxaj.

Hebreos 8:10

‘Oc'owinak chic ri k'ij ri', are' wa' ri c'ulwächinic ri quinban na cuc' ri e aj Israel,’ cächa' ri Ajawaxel: ‘Quebenya' na ri nu pixab pa ri qui chomanic, pa ri canima' quintz'ibaj wi na. In quinux qui Dios are c'u ri e are' quebux na nu tinimit.

Santiago 4:5

¿La quichomaj chi xak lok' cubij ri Tz'ibatalic: “Ri Uxlabaxel ri u banom ri Dios chi jekel pa ri uj sibalaj cujurayij ruc' achixomanic?”

1 Pedro 2:5

Xukuje' ri ix, je ta ne ix c'aslic tak abaj. Ix yacom che jun ja aj uxlabal. Ix quixux tastalic tak cojol tabal tok'ob che qui ya'ic tabal tok'ob aj uxlabal cho ri Dios, ri quekaj chuwäch ri Dios rumal ri Jesucrist.

1 Juan 4:12

Man c'o ta c'u jun ilowinak ta u wäch ri Dios. We c'u cäkalok'ok'ela' kib, jekel ba' ri' ri Dios chkaxo'l uj, c'utuninak c'ut ri lok'ok'ebal u c'u'x kuc'.

1 Juan 4:15

Apachin c'ut ri cäk'alajisanic chi ri Jesus are' u C'ojol ri Dios, jekel ri Dios pa ri are', xukuje' ri are' pa ri Dios.

Apocalipsis 2:1

“Chatz'ibaj che ri u tako'n ri comon cojonelab pa Epes: ‘Ri e c'o ri wukub ch'imil pa u k'ab re u wiquiak'ab, ri cäbin pa qui niq'uiajil ri wukub tzuc'ulibal re k'an puak, je cubij wa':

Apocalipsis 21:3

Xinta' jun cowilaj ch'abal ri xel ulok pa ri tem re ajawibal, ri xubij: “Chiwilampe', ri u kajebal ri Dios c'o chquixo'l ri winak. Cajeki' c'u na cuc'. Ri e are' quebux na u tinimit, kas are' ri Dios cac'oji' na cuc' cux c'u na qui Dios.

Apocalipsis 21:7

Are' c'ut ri cäch'äcanic cärechbej na we jastak ri'. Quinux na u Dios, ri are' cux na walc'ual.