2 Corintios 4:2 - Quiché Bible

² Man cäkaban ta q'uixbalalaj tak jastak chi c'uyal; man quixkasub taj, mawi cäkayujaj niq'uiaj jastak chic ruc' ri u tzij ri Dios. Xane' rumal ri u c'utic ri kastzij, cäkak'alajisaj kib chuwäch ri retamabal u c'u'x ronojel winak chi uj utz, chuwäch ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

² Xane qatzaqom kanoq ri kꞌixibꞌal ubꞌanik ri xaq chaꞌwal kabꞌanik. Man kaqasubꞌ ta winaq xuqujeꞌ man kaqakꞌex ta ri kubꞌij ri utzij ri Dios. Xane are kaqatzijoj ri qas tzij chike ri winaq, retaꞌm ri Dios.

K'iche'

² Ketzelam u wäch ri q'uixbal u banic xukuje' ri xa cäban chi c'uyal. Man quekasub tä ri winak, man cäkaq'uex tä ru Lok' Pixab ri Dios, xane xuwi cäkabij ri kas tzij. Je ri' cäka'no rech conojel ri winak cuya' cäquina' na pa canima' chi utz ri cäka'n cho ri Dios.

K'iche' (New Orthography)

² Qetzelam u wäch ri k'ixb'al u b'anik xuquje' ri xa käb'an chi k'uyal. Man keqasub' tä ri winaq, man käqak'ex tä ru Loq' Pixab' ri Dios, xane xuwi käqab'ij ri qas tzij. Je ri' käqa'no rech konojel ri winaq kuya' käkina' na pa kanima' chi utz ri käqa'n cho ri Dios.

2 Corintios 4:2 ပူးပေါင်းရင်းမြစ်များ

Nabe Ajawinelab 18:34

Xubij c'ut: “Chebinojisaj quiejeb k'ebal ja' chebik'ija' c'u puwi' ri tabal tok'ob ri cächajirisaxic cärachilaj ri si'.” Xutak c'u u camulixic xukuje' urox mulixic, je c'u xquiban ri winak.

Romanos 1:16

In man quinq'uix ta che ri utzalaj tzij re colobal ib, u cuinem c'ut ri Dios che qui colic conojel ri quecojowic, nabe chque ri aj judeyib xukuje' c'u chque ri man aj judeyib taj.

Romanos 6:21

¿Jas c'u ri xiwechbej can chquij ri jastak ri cäquiya' chi q'uixbal chiwe camic? Cämical c'u ri quec'aman wi bic.

1 Corintios 4:5

Je c'u ri' c'o jun jasach mik'at tzij puwi', aretak c'ä majok ri u k'ijol. Chiweyej na aretak cäpe ri Ajawaxel, ri are' cäresaj na chi sak ri c'utal pa ri k'eku'm, cuk'alajisaj na ri u rayibal ri qui c'u'x ri winak. C'äte ri' cäya' na qui k'ij chquijujunal rumal ri Dios jas ri takal chque.

2 Corintios 1:12

Sibalaj cujquicot rumal wa', chi cäkana' pa ri canima' chi uj tastalic tak winak che u patanixic ri Dios xukuje' man xa ta quieb kanima' pa ronojel ri ka banom cuc' conojel ri winak kas c'u are na chixo'l ix. Are ri Dios yowinak wa' chke rumal ri u tok'ob, man are ta rumal quetamabal winak.

2 Corintios 11:3

Quinxe'j c'u wib chi je jacha' ri cumätz xusub ri Eva ruc' ri u nawinic, xukuje' ri ix quiya' iwib pa subic, quequitas ta c'u quib ri e i chomanic che ri ch'ajch'oj xukuje' ri jicalaj u k'ijilaxic ri Crist.

2 Corintios 11:6

Pune' man quinna'w taj quintzijonic, man in je ta wa' pa ri wetamabal. Kas ka c'utum wa' chiwäch pa ronojel ri ka banom.

2 Corintios 2:17

Uj man uj ta junam cuc' e q'ui ri cäquesaj qui ch'äcoj che ri tijonic ri cuya' ri Dios, xane' ruc' ronojel kanima', uj takom rumal ri Dios, xukuje' chuwäch ri Dios cujtzijon pa ri Crist.

2 Corintios 5:11

Rumal c'u rech chi keta'm ri xe'n ib chuwäch ri Ajawaxel, quekaya' ri winak pa sak, uj c'u k'alajininak chuwäch ri Dios; cu'l nu c'u'x xukuje' chi uj k'alajininak chuwäch ri retamabal i c'u'x.

2 Corintios 6:8

C'o jutak mul nim cujilic, jutak mul chic cujyok'ic; c'o chi jutak mul utz ka tzijol, c'o chi jutak mul cäbix itzel tzij chkij. Cujk'abaxic chi uj banal tak tzij, are c'u ne cäkabij ri kastzij.

2 Corintios 7:14

Aretak xinbij che ri Tit chi sibalaj quinquicot iwuc', man xel ta nu q'uixbal. Ronojel c'u ri xkatzijoj chiwe, are kastzij, je xukuje' ronojel ri utz ri xkabij chiwij che ri Tit, kas je xelic.

Efesios 4:14

Rech man uj ac'alab ta chic. Man cujc'am ta chi bic apawije' rumal ronojel tijonic ri je cäpe quiakik'. Man cujkaj ta chic pa ri qui subunic ri winak ri quena'w che u bixic je'lalaj tak tzij, ri cäcaj cujquic'am bic pa jun be jalan chi wi.

Efesios 5:12

Q'uixbal c'ut qui tzijoxic ri jastak ri cäquiban ri e are' chi c'uyal.