2 Corintios 4:1 - Quiché Bible

¹ Je c'u ri' man cäq'uistaj ta ka c'u'x, rumal rech chi ri Dios yowinak ri chac ri' pa ka k'ab rumal ri u tok'ob.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Rumal waꞌ, man kujqꞌiꞌtaj taj chubꞌanik we chak we yaꞌtal chaqe rumal xtoqꞌobꞌax qawach.

K'iche'

¹ Man cäq'uistaj tä ba' ka c'ux rumal chi ri Dios u yo'm pa ka k'ab chi cäkatzijoj ru Lok' Pixab ri Are' chrij ri c'ac' trato rumal chi xel u c'ux chke.

K'iche' (New Orthography)

¹ Man käk'istaj tä b'a' qa k'ux rumal chi ri Dios u yo'm pa qa q'ab' chi käqatzijoj ru Loq' Pixab' ri Are' chrij ri k'ak' trato rumal chi xel u k'ux chqe.

2 Corintios 4:1 ပူးပေါင်းရင်းမြစ်များ

Ri Isaiy 40:30

Ri alabom quecosic xukuje' quetukaric, xukuje' ne ri sibalaj e co na quetzakic,

Ri Isaiy 40:31

are c'u ri cäquicu'ba' qui c'u'x chrij ri Ajawaxel cäc'aq'uir na ri qui chuk'ab amak'el, quecuinic querapapic jacha' ri cot quecuinic quexiq'uinic man quecos taj, quebinic man quetukar taj.

Ri Lucax 18:1

Ri Jesus xubij jun c'ambal no'j chque, chi rajawaxic amak'el cäquiban ch'awem ruc' Dios, mäq'uistaj c'uxaj.

1 Corintios 3:5

¿Jachin c'u ri Pawl? ¿Jachin ri Apols? E pataninelab wa' ri cumal xixcojonic, jas ri xuya' ri Ajawaxel chiwe chijujunal.

1 Corintios 7:25

Chquij ri k'apojib, man c'o ta u takanic ri Ajawaxel wuc'. Xuwi quinya' pixbenic chque jas jun jicalaj winak, rumal rech chi xel u c'u'x ri Ajawaxel chwe.

2 Corintios 3:12

Cu'l ka c'u'x chrij wa'. Rumal ri' cäkatzijoj ronojel, man cäkaxe'j ta kib.

2 Corintios 3:6

Ri Dios xuya' chke chi cäkatzijoj ri c'ac' u c'ulwächinic. Man rech ta ri pixab ri tz'ibatalic, xane' rech ri Uxlabaxel. Ri tz'ibatalic cäcämisanic, are c'u ri Uxlabaxel cuya' c'aslemal.

2 Corintios 4:16

Rumal wa' man cäq'uistaj ta c'u ka c'u'x. Pune' ta ne cätajin cuban k'e'l ri ka cuerp, are c'u ri kanima' cäc'ac'arisaxic k'ij chi k'ij.

2 Corintios 5:18

Ronojel wa' are u banoj ri Dios, ri rumal ri Crist xujuya' pa jamaril kas ruc' are', xubij c'u chke chi chkabana' tok'ob chekaya' conojel ri winak pa jamaril ruc' ri Dios.

Gálatas 6:9

Mäq'uistaj ba ka c'u'x che u banic ri utzil. Cäpe c'u na ri k'ij aretak cäkayac na ri wächinic, we man cujtukaric.

Efesios 3:13

Rumal ri' quixinbochi'j chi mäq'uistaj i c'u'x rumal rech ri c'axc'olil ri in c'o wi rumal iwech, ri e are i juluwibal.

Filipenses 4:13

Ronojel quincuin chubanic are' c'u Crist ri cäyo'w nu chuk'ab.

2 Tesalonicenses 3:13

Ri ix c'ut, kachalal, mäq'uistaj i c'u'x che u banic ri utzil.

1 Timoteo 1:13

Nabe in xinwetz'bej u wäch ri Dios, xinyok'o, xukuje' xinban c'ax chque ri e rech. Ri Dios c'ut xel u c'u'x chwe, rumal rech chi majok quincojonic, rumal ri' man xinch'ob taj jas ri xinbano.

Hebreos 12:3

Chichomaj rij ri jun ri xuch'ij ronojel ri c'ax ri xban che cumal ajmaquib, rech man quixcos taj, man quixk'itaj ta pa ri iwanima'.

1 Pedro 2:10

Ri ix man ix ta tinimit canok pa ri ojer tak k'ij. Are c'u ri camic ix u tinimit ri Dios. Ojer man c'o ta jun xel u c'u'x chiwe. Camic c'ut i rikom chic elebal c'u'x.

Apocalipsis 2:3

C'o a ch'ijonic, at coch'oninak rumal rech ri nu bi', man at k'itajinak ta c'ut.