2 Corintios 3:6 - Quiché Bible

⁶ Ri Dios xuya' chke chi cäkatzijoj ri c'ac' u c'ulwächinic. Man rech ta ri pixab ri tz'ibatalic, xane' rech ri Uxlabaxel. Ri tz'ibatalic cäcämisanic, are c'u ri Uxlabaxel cuya' c'aslemal.

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Areꞌ xbꞌanow chaqe xujux patanijelabꞌ rech ri kꞌakꞌ chꞌekom tzij, man are ta ri chꞌekom tzij rech ri tzꞌibꞌatalik xane are ri rech ri Uxlabꞌal. Rumal cher ri rech ri tzꞌibꞌatalik kakamisanik, are kꞌu ri rech ri Uxlabꞌal kuya kꞌaslemal.

K'iche'

⁶ Tzare c'u ri Dios xyo'w chke chi cujcowinic cujpatänin che ri Are' ruc' jun c'ac' trato. Man are tä ru nimaxic jun takanic ri xa tz'ibtalic, xane jun c'aslemal wa' ri cuya ri Lok'alaj Espíritu chke. Ri Pixab ri Tz'ibtalic cuk'at tzij puwi' jun chi cäcämisaxic. Are c'u ri Lok'alaj Espíritu cuya c'aslemal.

K'iche' (New Orthography)

⁶ Tzare k'u ri Dios xyo'w chqe chi kujkowinik kujpatänin che ri Are' ruk' jun k'ak' trato. Man are tä ru nimaxik jun taqanik ri xa tz'ib'talik, xane jun k'aslemal wa' ri kuya ri Loq'alaj Espíritu chqe. Ri Pixab' ri Tz'ib'talik kuq'at tzij puwi' jun chi käkämisaxik. Are k'u ri Loq'alaj Espíritu kuya k'aslemal.

2 Corintios 3:6 ပူးပေါင်းရင်းမြစ်များ

Ri Jeremiy 31:31

Ri Ajawaxel cujiquiba' u bixic: “Cäpe na jun k'ij aretak quinban na jun c'ac' c'ulwächinic ruc' ri Israel xukuje' ruc' ri Juda.

Ri Matey 13:52

Ri Jesus xubij chque: “Aretak jun ajtij re ri pixab u tijom rib che ri rajawibal ri Dios, cajunamataj ruc' jun achi rajaw ja, ri queresaj ulok chupam ri u k'inomal c'ac'alaj tak jastak xukuje' k'elalaj tak jastak.”

Ri Matey 26:28

Are c'u nu quiq'uel wa' re ri c'ulwächinic. Ri nu quiq'uel cäturuw na rech cäsachtaj ri qui mac e q'ui winak.

Marcos 14:24

Ri Jesus xubij chque: “Are' nu quiq'uel wa', ri rumal cajiquibax ri c'ac' c'ulwächinic, ri cätix na che qui to'ic q'uialaj winak.

Ri Lucax 22:20

Aretak e wokinak chic, xuc'am xukuje' ri kumubal, xubij: “We kumubal ri' are' ri c'ac' c'ulwächinic pa ri nu quiq'uel, ri xch'etow u mac iwech.

Ri Xuan 5:21

Jas ri Tataxel quebuc'astajisaj ri cäminakib, cuya' qui c'aslemal, jeri' xukuje' ri C'ojolaxel cuya' qui c'aslemal jachin tak ri cäraj.

Ri Xuan 6:63

Are ri uxlabal cäyo'w c'aslemal. Ri cuerp man c'o ta carechbej. Ri tzij ri nu tzijom chiwe, e uxlabal, e c'aslemal.

Romanos 1:5

Ri rumal kac'amom ri tok'ob xukuje' ri takomal rech cänimax ri cojonic chquixo'l conojel ri man e aj judeyib taj, che u lok'ok'exic ri u bi'.

Romanos 3:20

Rumal ri' man c'o ta jun winak cäk'alajisax chuwäch ri Dios chi suc' rumal rech chi u banom ri cubij ri pixab. Are c'u ri pixab xak xuwi cuk'alajisaj chkawäch chi uj ajmaquib.

Romanos 4:15

Are' c'u ri pixab cuc'am ulok ri royowal ri Dios paquiwi' ri man queniman taj. Jawije' c'u ri man c'o ta wi pixab, man quilitaj taj chi man c'o ta nimanic che ri pixab.

Romanos 4:17

Jas ri tz'ibatalic: “At nu cojom che qui mam q'ui nimak tak tinimit.” Ri Dios ri cäyo'w qui c'aslemal ri cäminakib, ri xebanow ri jastak ri man e c'o ta nabe canok, are Dios wa' ri xucoj ri Abraham.

Romanos 7:6

Camic c'ut man uj c'o ta chic chuxe' ri pixab. Xane' uj cäminak chi chuwäch ri u takanic. Jeri' ri Uxlabaxel cuya' jun c'ac' ka c'aslemal che u patanixic ri Dios. Man cäkapatanij ta chi ruc' ri u takanic ri ojer pixab ri tz'ibatalic.

Romanos 8:2

Ri u pixab c'ut ri Uxlabaxel ri cuya' c'aslemal rumal ri Crist Jesus, are xinesan pa u k'ab ri pixab re mac xukuje' re cämical.

1 Corintios 11:25

Xukuje', aretak xbantaj ri wa'im, xuc'am ri kumubal, je xubij wa': “We kumubal ri', are' c'ac' c'ulwächinic wa' rumal ri nu quiq'uel. Joropa' mul ri quixuq'uianic, chibana' wa' che natabal we.”

1 Corintios 12:28

Ri xebucoj ri Dios pa ri comon cojonelab e are wa': nabe xebucoj ri takomxenlab, chucab xebucoj ri e k'axal tak tzij, churox xebucoj ri quetijonic, c'äte ri' ri quequiban tak mayibal, ri quecunanic, ri cäquiban tok'ob, ri cäquic'am qui be niq'uiaj chic xukuje' ri quetzijon pa tak ch'abal.

1 Corintios 15:45

Jewa' xukuje' tz'ibatalic: “Xban ri nabe achi, Adan, are jun winak ri xya' u c'aslemal.” Are c'u ri q'uisbal Adan, are jun uxlabal ri cuya' c'aslemal.

1 Corintios 3:10

Jas ri u tok'ob ri Dios ri yo'm chwe, ri in xincoj ri tac'alibal, jas jun qui nimal banal tak ja ri kas reta'm. Jun chi c'u wi ri cäyacow puwi' ri tac'alibal. Chijujunal ba' kas chiwila' jas quiban che ri u yaquic.

1 Corintios 3:5

¿Jachin c'u ri Pawl? ¿Jachin ri Apols? E pataninelab wa' ri cumal xixcojonic, jas ri xuya' ri Ajawaxel chiwe chijujunal.

2 Corintios 11:23

¿La e pataninel re ri Crist? Ri in sibalaj quinpatanij na ri Crist chquiwäch ri e are'. (Cätajin quintzijon je ta ne jun conalaj winak.) Sibalaj nu banom c'axalaj tak chac chquiwäch ri e are'. Q'ui mul in ch'ayo'm, q'ui mul in cojom pa che', are c'u ri e are' xa jubik'. Q'ui mul ri winak cäcaj quinquicämisaj.

2 Corintios 3:14

Ri qui ch'obobal c'ut e abajirinak; c'ä pa ri k'ij camic jekelinak ri junam ch'ukubal aretak cäsiq'uix u wäch ri ojer c'ulwächinic. Man esam ta ri ch'ukubal chque, rumal rech chi xak xuwi ri Crist cäcuin che resaxic.

2 Corintios 3:3

K'alajisam chi c'ut chi ix u wuj ri Crist, jachom kumal uj, man tz'ibatal ta ruc' xak, xane' ruc' ri Uxlabaxel re ri c'aslic Dios. Man tz'ibatal ta cho tz'alam tak abaj, xane' cho tak canima' winak.

2 Corintios 3:7

Ri pixab tz'ibam cho tak abaj. Ruc' c'u juluwem xpetic, jeri' chi ri winak aj Israel man xecuin taj xquica'yej ri u palaj ri Moises, rumal rech chi xjuluwic. Are c'u we juluwem ri' xsach u wäch. We c'u ri pixab ri cuya' cämical xpe ruc' juluwem,

2 Corintios 3:9

We c'o u juluwem ri pixab ri cuban chke chi cäc'äjisax ka wäch, ¡sibalaj nim c'u na ri u juluwem ri u tzijoxic chque ri winak chi ri Dios cujuk'alajisaj chi uj suc'!

Gálatas 3:21

¿La cubij lo wa' chi ri pixab quebuc'ulelaj ri e u chi'nic ri Dios? Man je taj. We ta xya' jun pixab ri cäcuin che u ya'ic c'aslemal, cäban ta suc' ri' chke rumal ri u nimaxic ri pixab.

Efesios 2:1

Ri ix nabe ix cäminak pa tak ri iwetzelal xukuje' pa tak ri i mac.

Efesios 2:5

Jeri' chi, aretak uj cäminak can cumal ri ka mac nabe, xuya' ka c'aslemal ruc' ri Crist. Rumal c'u ri u tok'ob ri Dios ix colotajinak chic.

Efesios 3:7

Ri Dios xuya' ri u tok'ob ri man takal ta wa' chwe, xinucoj che pataninel rech ri u tzij re colobal ib. Je xuban wa' chwe rumal ri u cuinem.

U Camulixic ri Pixab 27:26

‘C'okotajinak ri winak ri man nim ta queril wi we pixbenic ri', ri man cuban ta jas ri cäquibij.’ Conojel ri tinimit cäquibij na: ‘Je chelok.’ ”

1 Timoteo 4:6

We quebatijoj we jastak ri' chque tak ri kachalal queq'uiy c'ut cumal tak ri tzij re ri cojonic xukuje' cumal tak ri e utzalaj tak tijonic ri e a takem, at jun utzalaj pataninel rech ri' Jesucrist.

2 Timoteo 1:11

Ri Dios in u tasom rech quinya' u bixic we tzijol ri', jacha' jun takom xukuje' jun ajtij.

Hebreos 12:24

Ix opaninak chunakaj ri Jesus, ri ch'awenel re ri c'ac' u c'ulwächinic, xukuje' chunakaj ri u quiq'uel ri xchiquichaxic, ri c'o na ri cubij chuwäch ri u quiq'uel ri Abel.

Hebreos 13:20

Are ba' ri Dios ri cäyo'w jamaril chixo'l, ri xc'astajisan ri Kajaw Jesucrist chquixo'l ri cäminakib, are wa' ri nimalaj Cajyuk' ri chij rumal ri quic' re ri junalic c'ulwächinic,

Hebreos 7:22

Je c'u ri' ri Jesus are' ri cajiquiban jun c'ulwächinic ri utz na chuwäch ri nabe.

Hebreos 8:13

Aretak ri Dios cubij chi c'o jun c'ac' c'ulwächinic, cuban k'e'l che ri nabe. Are c'u ri cabixic chi k'e'l chic, cutakej c'u k'elobic, chanim cäsach na u wäch.

1 Pedro 3:18

Xukuje' ri Crist xurik c'ax. Xurik ri cämical xa' jumul rumal quech ri ka mac. Ri suc' xurik c'ax rumal quech ri man e suc' taj. Xurik c'ax che ka c'amic bic chuwäch ri Dios, cämisam pa ri u cuerp, c'astajisam c'u pa ri uxlabal.

1 Juan 1:1

Cäkatz'ibaj bic chiwe ri kas c'olinak ulok pa ri tiquiritajic, ri ka tom, xukuje' ri kilom cuc' ri kas e ka bak'wäch. Kilom c'ut xukuje' xekachap cuc' tak ri e ka k'ab. Are wa' ri Tzij rech c'aslemal.