2 Corintios 3:18 - Quiché Bible

¹⁸ Ri uj c'ut konojel man ch'ukutal ta chic ri ka palaj. Cäkak'alajisaj ri u juluwem ri Ajawaxel jas jun ilbal ib. Je c'u ri' cujq'uextajic, ronojel k'ij nim na ri u juluwem c'o kuc', rech cujux na jacha' ri Crist. Are ri Uxlabaxel re ri Ajawaxel cäbanow wa'.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁸ Xaq jeriꞌ uj, joltalik ri qapalaj, jer kujkaꞌy pa jun kaꞌyebꞌal kaqil ri ujuluwem ri Ajawxel, tajin kujkꞌexkꞌobꞌik pa ri juluwem, rumal ri Ajawxel rumal cher Areꞌ Uxlabꞌal.

K'iche'

¹⁸ Rumal c'u ri' konojel ri uj man ch'uktal tä chi ri ka palaj, xane uj je' jas jun espejo ri cäk'alajin wi ri je'lalaj u juluwem ri Kajaw Jesús. Je ri' ri uj nojim je' tajin cujel na jas ri Cristo, rumal chi ronojel k'ij cäk'alajin na jubik' chic che ri je'lalaj u juluwem pa ri ka c'aslemal. Are wa' ri cuban ri Lok'alaj Espíritu re ri Kajaw Dios.

K'iche' (New Orthography)

¹⁸ Rumal k'u ri' qonojel ri uj man ch'uqtal tä chi ri qa palaj, xane uj je' jas jun espejo ri käq'alajin wi ri je'lalaj u juluwem ri Qajaw Jesús. Je ri' ri uj nojim je' tajin kujel na jas ri Cristo, rumal chi ronojel q'ij käq'alajin na jub'iq' chik che ri je'lalaj u juluwem pa ri qa k'aslemal. Are wa' ri kub'an ri Loq'alaj Espíritu re ri Qajaw Dios.

2 Corintios 3:18 ပူးပေါင်းရင်းမြစ်များ

Salmib 84:7

cäbe c'u na u q'uiyic ri qui chuk'ab, pa Sion c'ut cäquil wi na u wäch ri Dios ri c'o puwi' ronojel.

Ri Xuan 1:14

Ri Tzij xuc'am ri qui banic winak, xc'oji' chkaxo'l. Xkil ri u juluwem, jacha' ri u juluwem ri xa jun chi C'ojolaxel ri elinak ulok ruc' ri Tataxel, nojinak che tok'ob xukuje' kastzij.

Ri Xuan 12:41

Are wa' xubij ri Isaiy rumal rech chi xril ri u juluwem ri Jesus, xutzijoj c'ut ri are'.

Ri Xuan 17:22

Ri in nu yo'm chque e are' ri juluwem ri yo'm la chwe, rech ri e are' xa' e jun, je jas ri uj xa' uj jun.

Ri Xuan 17:24

Tat, lal xeyo'w la chwe, quinwaj c'ut chi quec'oji' wuc' jawije' ri quinec'ola wi, rech cäquil ri nu juluwem ri yo'm la. In lok'ok'em c'u la aretak c'ä majok ri u tiquiritajic ri uwächulew.

Romanos 12:2

Mitakej c'aslemal jas ri u cholajil tak ri e u chomanic tak ri k'ij junab ri uj c'olic; xane', chiq'uexa' ri chomanic ri i nak'atisam wi iwib rech jeri' quiq'uex ri ruc'axic ri i c'aslemal ri iwuc'am quixcuin c'u che retamaxic u wäch ri u rayibal ri Dios, ri u bixic, ri utz na, ri cakaj chuwäch, ri tz'akat.

Romanos 13:14

Xane' chicojo' ri Ajawaxel Jesucrist, je ta ne quicoj jun atz'iak ri chacubal re ch'o'j. Michomaj u banic ri itzel rayibal aj winak.

Romanos 8:29

E are c'ut ri xetamax ulok qui wäch rumal ri Dios, xebucha' ulok ojer rech quebux na junam ruc' ri u C'ojol, rech are' cux nabeal ri u C'ojol chquixo'l q'ui achalaxelab.

Romanos 8:4

Jeri', ri uj cäkabano jas ri cäraj ri Uxlabaxel, man are ta ri ka rayibal ri aj winak re mac, rech cujcuin che u banic ri suc' jas ri cubij ri pixab.

Romanos 8:7

Ri caquichomaj ri jastak aj winak re mac, cuban u c'ulel che ri Dios. Rumal ri' man cuya' ta rib chuxe' ri u pixab ri Dios, mawi cäcuinic.

1 Corintios 13:12

Camic je ta ne cujca'y pa jun ilbal ib ri man kas ta k'alaj. Cäpe c'u na ri k'ij aretak kas quel na ronojel chi sak chkawäch. Camic weta'm jubik', c'äte c'u kas quinwetamaj na ronojel, jas ri retamaxic nu wäch rumal ri Dios.

1 Corintios 15:49

Camic je ka banic jas ri nabe achi re ulew, c'äte c'u ri' je cujpe na jas ri achi aj chicaj.

2 Corintios 3:17

Are' c'ut ri Ajawaxel are ri Uxlabaxel. Jawije' c'ut ri c'o wi ri Ruxlabal ri Ajawaxel chi c'o wi torotajic.

2 Corintios 4:4

E are' c'u wa' ri man e cojonelab taj, ri dios quech we k'ij junab ri' xumoyirisaj ri qui ch'obobal, rech man cäquil ta ri u chaj ri c'ac' tzijol ri canicowic ri xuc'am ulok ri juluwemalaj Crist, c'aslicalaj u wächbal ri Dios.

2 Corintios 4:6

Ri Dios, ri xubij: “Chtunun ri sakil pa ri k'eku'm”, are ri' ri xtunun pa ri kanima', rech cäketamaj ri u juluwem ri Dios ri cäjuluw che ri u palaj ri Jesucrist.

2 Corintios 5:17

Je c'u ri', we c'o jun c'o pa Crist, c'ac' winakirisam chic: ri ojer tak jastak xeboc'owic; chiwilampe', e c'ac' conojel ri e c'o chic.

Gálatas 6:15

Ri winak ri e jun ruc' ri Crist Jesus, man c'o ta u banic we kopim ri u wi' ri u tz'umal ri e achijab wi che quetal, o man kopim taj. Ri c'o u banic are ri c'ac' winakirisam.

Colosenses 3:10

Iwatz'iakim chi iwib ruc' ri c'ac' i c'aslemal. Cätajin c'u cuq'uex rib rech cajunamataj ruc' ri u wächbal ri Dios ri xixwinakirisanic, rech kas quiwetamaj u wäch.

1 Timoteo 1:11

jas ri cubij ri tzij re colobal ib ri nim u k'ij, ri u tzij ri Dios ri cänimarisax u k'ij. Are utzalaj tak tzij wa' ri in takom che u tzijoxic.

Ri Tit 3:5

xujucolo, man rumal ta suc'alaj chac ri ka banom, xane' rumal rech chi xel u c'u'x chke. Xujuch'ajo, xuban c'ac' tak winak chke, jas jun alaj ne' c'äte xalaxic. Jewa' xubano rumal ri Ruxlabal ri Dios,

Santiago 1:23

We c'o c'u jun ri xak cuta' ri tzij, man cunimaj taj, are ri' xa' junam ruc' jun achi ri cuca'yej ri u palaj pa jun ca'yebal ib.

1 Juan 3:2

Lok'alaj tak wachalal, camic uj ralc'ual chic ri Dios. C'ä maja' c'u cäc'utunic jas ri cujux na. Keta'm c'ut chi aretak cäc'utun ri Jesucrist, cujux na junam ruc' ri are', rumal rech chi cäkil c'u na ri kas are'.