2 Corintios 3:10 - Quiché Bible

¹⁰ C'o u juluwem ri pixab nabe. Camic c'ut man c'o ta chic, chuwäch ri jun ri sibalaj nim na u juluwem.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Qas tzij wi, we kajunumaxik ri nim uqꞌij ojer rukꞌ ri nim uqꞌij kamik, are sibꞌalaj nim uqꞌij ri kꞌo kamik.

K'iche'

¹⁰ Je ri', rumal chi ri Pixab ri sibalaj xnimar u k'ij nabe, cämic man nim tä chi u k'ij wa'. Are sibalaj nim chi na u k'ij we jun chic ri' chuwäch ri jun ri c'o nabe.

K'iche' (New Orthography)

¹⁰ Je ri', rumal chi ri Pixab' ri sib'alaj xnimar u q'ij nab'e, kämik man nim tä chi u q'ij wa'. Are sib'alaj nim chi na u q'ij we jun chik ri' chuwäch ri jun ri k'o nab'e.

2 Corintios 3:10 ပူးပေါင်းရင်းမြစ်များ

Ri Job 25:5

Chquiwäch ri e u bak'wäch, mawi ne ri ic' cäjuluw taj mawi e ch'ajch'oj tak ri ch'imil,

Ri Isaiy 24:23

Aretak ri Ajawaxel ri c'o ronojel u cuinem cuc'ut rib chi are ajawinel pa ri juyub Sion xukuje' pa Jerusalen, ri k'ij xukuje' ri ic' cäk'ekumar na, ri e c'amal tak u be re ri u tinimit cäquil na ri u juluwem ri Ajawaxel.

Ri Hajey 2:3

“Ri xquil can ri jun rachoch Dios chic ruc' ronojel ri u je'lical, chiquibij ri qui chomanic che ri c'o chkawäch camic. ¿La ma ta caquilo chi man c'o ta u patan we cäjunamax ruc' ri jun chic?

Hechos 26:13

Pa ri be c'ut, nim ajawinel, pa niq'uiaj k'ij xinwil jun sakil chicaj, ri sibalaj xjuluw na chuwäch ri k'ij. Xjuluw chkij cuc' ri e benak wuc'.

2 Corintios 3:11

We c'o u juluwem ri jun jasach ri cäsach u wäch, sibalaj nim ba' na ri u juluwem ri jun jasach ri man q'uisel taj.

2 Corintios 3:9

We c'o u juluwem ri pixab ri cuban chke chi cäc'äjisax ka wäch, ¡sibalaj nim c'u na ri u juluwem ri u tzijoxic chque ri winak chi ri Dios cujuk'alajisaj chi uj suc'!

2 Pedro 1:17

Ri Dios Tataxel xuk'alajisaj chi nim cäril wi ri Jesucrist xukuje' xunimarisaj u k'ij, aretak xpe ulok jun ch'abal ruc' nimalaj juluwem ri jewa' xubij: “Are lok'alaj nu C'ojol wa', ri sibalaj cäkaj chnuwäch.”

Apocalipsis 22:5

Man c'o ta chi chak'ab. Man cajwataj ta chic ri u sakil ri chäj chque, mawi ri u sakil ri k'ij rumal rech chi ri Ajawaxel Dios cäjuluw na paquiwi', ri e are' quebajawin na amak'el chbe k'ij sak.