2 Corintios 13:5 - Quiché Bible

⁵ Chinic'oj ri iwanima' ix, che rilic we ix co pa ri cojonic. Chic'ambejej iwib ix. ¿La ma ta iweta'm iwib ix, chi c'o ri Jesucrist pa iwanima'? We man ix c'ambejem chic man ix c'amowam taj.

RI KꞌAKꞌ TESTAMENTO PA TZIJOBꞌAL KꞌICHEꞌ

⁵ Qas chichomaj rij ri tajin kixnoꞌjinik. ¿La qas ix kꞌo pa ri ikojobꞌal? ¿La man kiwilo chi ri Cristo Jesús kꞌo pa iwanimaꞌ? O wine man kichomaj taj, wine ixtzaqmajinaq chik.

K'iche'

⁵ Chichomaj ba' pa ri iwanima' we kas ix cojoninak che ri Cristo. Kas china' iwib jas ri i banic. ¿A mat quich'obo chi ri Jesucristo c'o pa ri iwanima', o we ne xak quibij chi ix cojoninak?

K'iche' (New Orthography)

⁵ Chichomaj b'a' pa ri iwanima' we qas ix kojoninaq che ri Cristo. Qas china' iwib' jas ri i b'anik. ¿A mat kich'ob'o chi ri Jesucristo k'o pa ri iwanima', o we ne xaq kib'ij chi ix kojoninaq?

2 Corintios 13:5 ပူးပေါင်းရင်းမြစ်များ

Salmib 119:59

Xinoc che u chomaxic ri nu c'aslemal, xintzelej chi c'u jumul che qui nimaxic tak ri e takanic la.

Salmib 17:3

Oquinak la chupam ri nu chomanic; chak'ab lal petinak che nu c'ac'alexic; in c'ambejem la ruc' k'ak', man c'o ta c'u etzelal rikom ta la pa nu c'aslemal. Man e nu bim ta jastak ri man ya'tal ta qui bixic,

Salmib 26:2

nic'oj la ri nu c'aslemal, tijtijobej la wij, ¡tijtijobej la rij ri nu chomanic, xukuje' ri e muktal pa ri wanima'!

Ri Jeremiy 6:30

“E retzelal sak puak” quebuchix c'u na, rumal rech chi ri lal, Ajawaxel, e xutum la.

Juyuwem 3:40

Kas utz u nic'oxic ri ka c'aslemal ka bana', chujtzelej c'ut ruc' ri Ajawaxel.

Ri Ezequiel 18:28

We quebujak ri u bak'wäch cuk'il c'u rib man quebuban ta chic conojel ri etzelal ri e u banom can nabe, kastzij cutakej na c'aslemal man c'u cäcäm ta na.

Ri Hajey 1:5

In, ri Ajawaxel ri c'o ronojel u cuinem, quinbij chiwe utz u chomaxic ri i c'aslemal chibana' ri iwuc'am.

Ri Hajey 1:7

In, ri Ajawaxel ri c'o ronojel u cuinem, quinbij chiwe utz u chomaxic ri i c'aslemal chibana' ri iwuc'am.

Ri Xuan 14:23

Ri Jesus xubij che: “We c'o jachin quinulok'ok'ej, cunimaj ri nu tzij; cälok'ok'ex c'u na rumal ri nu Tat, cujpe c'u na ruc', cujjeki' na ruc'.

Ri Xuan 15:4

Chitakej u tikic iwib wuc', xukuje' ri in quintakej u tikic wib iwuc'. Jacha' ri jun u k'ab ri juwi' uva man cäcuin taj cäwächin pa rech wi we man tikil che ri u nimal, jeri' xukuje' ri ix man quixcuin taj quixwächinic we man ix tikil chwe.

Ri Xuan 17:23

Ri in in c'o cuc' are', xukuje' ri lal lal c'o wuc' in, rech kas quebux xa' e jun, rech ri winak aj uwächulew cäquetamaj chi lal xintakow la ulok, cäquetamaj chi e lok'ok'em la je jas ri nu lok'ok'exic umal la.

Ri Xuan 17:26

Ri in nu yo'm retamaxic ri bi' la chque, quinbij chi c'u na chque, rech ri lok'ok'ebal c'u'x la chwe cäc'oji' na cuc' are' xukuje' rech quinc'oji' in cuc' are'.”

Ri Xuan 6:56

Apachin ri cutij ri nu cuerp xukuje' caruq'uiaj ri nu quiq'uel, cäjeki' wuc', xukuje' ri in quinjeki' ruc'.

Ri Xuan 6:6

Xubij wa' che u c'ambejexic, reta'm c'ut ri cubana' na.

Romanos 1:28

Aretak man xcaj ta chic xechoman chrij ri Dios, ri Dios xebuya' canok rech cäc'oji' qui no'j ri man c'o ta u patan, rech cäquiban jastak ri man e utz taj.

Romanos 8:10

We c'o ri Crist pa ri iwanima', cäminak ri i cuerp che ri mac, c'asal c'u ri iwuxlabal rumal rech chi ri Dios u k'alajisam chi ix suc'.

1 Corintios 11:28

Rajawaxic chijujunal quinic'oj ri iwanima'. Te c'u ri' cuya' quitij ri caxlanwa, xukuje' chixuq'uian che ri uq'uiabal.

1 Corintios 11:31

We ta kas utzalaj u nic'oxic kib cakabano, ri Ajawaxel ma ta cuc'äjisaj na ka wäch ri',

1 Corintios 3:16

¿La ma ta iweta'm chi ix rachoch ri Dios, chi jekel ri Ruxlabal ri Dios pa ri iwanima'?

1 Corintios 6:15

¿La ma ta iweta'm ix chi ri i cuerp u tz'akatil ri u cuerp ri Crist? ¿La quinc'am ta c'ut in we ri u tz'akatil we cuerp ri' ri rech ri Crist quinban ta c'u u tz'akatil ri u cuerp ri jun ixok quech nim ch'utin? Man je ta ri'.

1 Corintios 6:19

¿La ma ta iweta'm chi ri i cuerp are rachoch ri Ruxlabal ri Dios ri c'o pa ri iwanima', ri yo'm chiwe rumal ri Dios? Ri ix man iwech ta iwib.

1 Corintios 6:2

O ¿la ma ta iweta'm chi ri winak aj Dios cäquik'at na tzij paquiwi' ri winak re ri uwächulew? We cäk'at na tzij paquiwi' ri winak re ri uwächulew iwumal, ¿la ma ta quixcuin che u k'atic tzij paquiwi' ri jastak ri man nimak ta qui banic?

1 Corintios 9:24

¿La ma ta iweta'm chi ri cäquic'am canim, conojel ri' cäquic'am canim, xa c'u jun chque cärikow ri tojbal? Je c'u ri' ri ix chicojo' i chuk'ab rech quirik na ri tojbal.

1 Corintios 9:27

Xane' quinban c'ax che ri nu cuerp, quintakan puwi'. Jewa' quinbano rech man quinriktaj taj chi ma ta utz nu banom, nu bim c'u chque niq'uiaj chic chi utz chquibana'.

2 Corintios 6:16

Man c'o ta ri cajunamataj ta wi ri rachoch Dios cuc' tak ri diosib. Rumal rech chi ri uj uj rachoch ri c'aslic Dios, jacha' ri kas u bim ri are': “Quinjeki' na xukuje' quinbin na chquixo'l ri e are': ri in quinux na qui Dios e are' c'ut ri e are' quebux na nu tinimit.”

Gálatas 2:20

Junam xinrip ruc' ri Crist cho ri ripibal. Man in ta chic in c'aslic, xane' are ri Crist c'asal pa ri wanima'. Ri nu c'aslemal pa ri nu cuerp camic, quinwoc'owisaj pa ri cojonic che ri u C'ojol ri Dios, ri xinulok'ok'ej xukuje' xuya' ri u c'aslemal rumal wech.

Gálatas 4:19

Alaj tak walc'ual, jumul chic quebencoch' k'oxomal u mac iwech, jacha' jun nanaxel ri quebucoch' k'oxomal aj alc'ualanic; quintakej c'u na qui coch'ic c'ä cawinikir na ri Crist pa ri ix.

Gálatas 6:4

Chquijujunal rajawaxic chunic'oj ri u c'aslemal; c'äte c'u ri' cuna' rib chi cäquicotic, mujunamataj c'u rib cuc' jule' chic.

Efesios 3:17

rech ri Crist cäjeki' pa ri iwanima' rumal ri cojonic. Jeri' co ix tiquil pa ri lok'ok'ebal c'u'x, je ta ne jun tico'n ri benak u c'amal pa ulew,

Colosenses 1:23

we kas co ix tac'al pa ri i cojonic, man quiya' ta canok, we kas cu'l i c'u'x chrij ri tzij re colobal ib ri i tom, man cuban ta quieb i c'u'x. Are utzalaj tak tzij wa' cätzijox pa tak ronojel c'olbal cho ri uwächulew. Ri in, in Pawl in cojom che patanijic.

Colosenses 1:27

Ri xraj wi ri Dios u ya'ic retamaxic ri u k'inomal ri u juluwem we awatalic ri' chquixo'l ri man aj judeyib taj; are Crist wa' pa ri ix, ri cu'lbal i c'u'x che ri juluwem.

Colosenses 2:19

Qui tasom quib chrij ri Crist, ri u Jolom ri cuerp. Rumal ri Crist cäq'uiy ronojel ri cuerp, jas ri u chomanic ri Dios, chi conojel ri u tz'akatil ri cuerp cäquito' quib, junam quechacunic.

Colosenses 2:7

benak ri i xeal pa ri are', co ix tiquitoj pa ri are' rumal ri cojonic, je jacha' ri xixtijox wi, quiya' c'u maltioxinic amak'el che ri Dios.

1 Timoteo 2:15

Ri ixok cacolotaj c'u na cumal ri ralanic xukuje' we caken chupam ri cojonic, chupam ri lok'ok'enic, xukuje' chupam ri u tasic rib man cutakej ta chi c'u ri macunic, c'o c'u u tij puwi' chbil rib.

2 Timoteo 3:8

Jacha' ri xquiban ri Jans xukuje' ri Jambres aretak xquik'atij u wäch ri Moises, jeri' xukuje' ri winak ri cäquiban ri jastak ri' cäquik'atij u wäch ri kastzij. Itzelalaj tak no'j ri c'o cuc'. Rumal c'u wa' man e c'o ta pa ri cojonic.

Ri Tit 1:13

Ri xubij ri achi ri' are' ri kas tzij. Rumal wa' rajawaxic chi co quebe a pixbej, chebak'ila' rech kas tzij quecojonic, jicom ri canima'.

Ri Tit 1:16

Cäquibij chi queta'm u wäch ri Dios, ruc' c'u ri qui chac cäquik'alajisaj chi man je taj. Itzel quebil wi, man e nimanelab taj. Man quecuin ta c'ut cäcan ta jubik' ri utzil.

Ri Tit 2:2

chi ri nimak tatayib meyojcoric, chquirika' ri'jobic, utz chechomanok, chi c'o qui chuk'ab pa qui cojonic, pa ri lok'ok'ebal c'uxaj, pa ri ch'ijonic.

Hebreos 12:15

Chiwila' c'o jun chiwe muya' can ri tok'ob ri cäban chiwe rumal ri Dios, o muban je ta ne jun c'ayalaj k'ayes ri cuban c'ax chque ri niq'uiaj chic xukuje' quebuchuwirisaj,

Hebreos 4:1

Xbix chke rumal ri Dios chi cujoc na pa ri uxlanem. Chkaxe'j ba kib, we ne c'o jun chiwe muc'ulmaj chi man coc ta pa ri uxlanem.

Hebreos 6:8

We c'u ri ulew cuya' q'uix xukuje' tzacam, ruc' ri u wächinic k'alaj chi man utz taj, c'o c'u chuxe' c'okonic. Chuq'uisbalil cäporox na.

Santiago 4:4

¡Ix ri man ix jic taj chrij ri Dios! ¿La ma ta iweta'm chi jun ri carachilaj ri uwächulew, are ri' u c'ulel ri Dios? Jachin c'u ri cäraj cärachilaj rib ruc' ri uwächulew, cucoj rib che u c'ulel ri Dios.

1 Pedro 5:9

Chik'atij ba' u wäch ri itzel, co chixtac'al pa ri cojonic. Iweta'm c'ut chi xa' junam ri c'axc'olil quepe paquiwi' ri iwachalal pa ronojel ri uwächulew.

Apocalipsis 2:5

Chnataj ba chawe ri a banic canok ri at tzakinak wi. Chaq'uexa' ri a c'u'x, xukuje' chabana' ri chac ri xaban canok nabe. We c'u man jeri', quinbe awuc', quinwesaj na ri a tzuc'ulibal pa ri u c'olbal, we man caq'uex a c'u'x.