2 Corintios 12:2 - Quiché Bible

² Weta'm u wäch jun achi cojonel che ri Crist, c'o chi cajlajuj junab wa' camic, xc'am bic c'ä pa ri urox caj. Man weta'm taj we xc'am bic pa ri cuerp, we man pa ri cuerp taj. Ri Dios reta'm.

RI KꞌAKꞌ TESTAMENTO PA TZIJOBꞌAL KꞌICHEꞌ

² Wetaꞌm uwach jun achi ri kꞌo pa Cristo chi kajlajuj junabꞌ xkꞌam bꞌik kꞌa churox kaj, we kꞌu pa ri utyoꞌjal o man pa ri utyoꞌjal ta neꞌ, man wetaꞌm taj, xaq xwi ri Dios etaꞌmaninaq.

K'iche'

² Wetam u wäch jun achi ri cojonel che ri Cristo, xque' cajlajuj junab wa' xc'am bi c'ä pa ri urox caj. Man wetam tä c'ut we xc'am bi chwinakil o man chwinakil taj. Xuwi ri Dios retam.

K'iche' (New Orthography)

² Wetam u wäch jun achi ri kojonel che ri Cristo, xke' kajlajuj junab' wa' xk'am b'i k'ä pa ri urox kaj. Man wetam tä k'ut we xk'am b'i chwinaqil o man chwinaqil taj. Xuwi ri Dios retam.

2 Corintios 12:2 ပူးပေါင်းရင်းမြစ်များ

Nabe Ajawinelab 18:12

Ri quec'ulmatajok chi, aretak quintas wib chwäch la, ri ruxlabal ri Ajawaxel cac'am la bic rumal pa jun c'olbal chic ri man weta'm taj. Aretak quinya' u bixic che ri Acab, man c'u cärik ta la rumal, quinucämisaj c'u na. We pataninel ech la ri', c'ä pa ri rac'alal ulok, amak'el u yo'm u k'ij ri Ajawaxel.

Nabe Ajawinelab 8:27

¿La kas ta c'u tzij chi ya'talic chi ri Dios cajeki' chuwäch ri uwächulew? Ri caj ruc' ronojel ri u nimalil man cacuin ta che u k'iic, ¡e ta c'u lo we achoch la ri' ri nu yacom che la!

Ucab Ajawinelab 2:16

Xquibij che: “Ampe', chakaxo'l, ri uj pataninel ech la, e c'o cawinak lajuj (50) cowilaj tak achijab. Nimaj la chi cheboj che u tzucuxic ri ajtij la, we ne xa' xyac rumal ri ruxlabal ri Dios we ne xerokix can puwi' jun c'ache'laj o pa jun beya'.” Xubij c'ut ri are': “Jayi', c'o jachin matak ba alak.”

Salmib 148:4

¡Chak'ijilaj at aj chicajalaj caj, xukuje' at ja' ri at c'o puwi' ri caj!

Ri Isaiy 57:15

Are' c'u ri Dios ri aj chicajil, ri cac'al chbe k'ij sak, ri tastalic u bi', je cubij wa': “Ri in in jekel pa jun c'olbal chicaj ri tastalic, xukuje' in c'o c'u ruc' ri meba' ri u rikom c'ax, quincu'bisaj c'u u c'u'x xukuje' quinya' u chuk'ab.

Ri Ezequiel 11:24

Xinuwalijisaj c'ut ri u cuinem ri Dios, xuban chwe chi xintzelej pa Babilon, jawije' ri e c'o wi ri niq'uiaj chic ri e c'amom bic chila'. Xc'ulmataj c'u wa' pa jun c'utwächinic ri xuc'ut ri ruxlabal ri Dios chnuwäch. Chuwi' chi c'u wa ri c'utwächinic, xsachic.

Ri Ezequiel 43:5

Xinuwalijisaj c'ut ri u cuinem ri Dios xinuc'am c'ubic chuwäch ri ucab uwo ja, xinwil c'ut chi ri u juluwem ri Ajawaxel u nojisam ri rachoch.

Ri Lucax 24:51

Aretak cätajin quebutewichi'j, xbe chicaj chquiwäch.

Ri Xuan 6:56

Apachin ri cutij ri nu cuerp xukuje' caruq'uiaj ri nu quiq'uel, cäjeki' wuc', xukuje' ri in quinjeki' ruc'.

Hechos 14:6

Are c'u ri Pawl xukuje' ri Bernabe aretak xquetamaj wa', xebanimajic. Xebe pa Listr xukuje' pa Derb, e tinimit wa' re Licaon, xukuje' pa tak ri c'olbal ri e c'o chquinakaj.

Hechos 22:17

“Aretak c'u xintzelej ulok pa Jerusalen, cätajin quinban ch'awem pa ri rachoch Dios, xinwil jun c'utwächinic.

Romanos 16:10

Chiya' rutzil u wäch ri Apels. Cäkil rumal ri u chac chi ri are' kastzij c'o u cojonic che ri Crist. Chiya' rutzil qui wäch ri e aj uwo rachoch ri Aristobulo.

Romanos 16:3

Chiya' rutzil qui wäch ri Prisil xukuje' ri Aquil, are wach tak pataninel re ri Crist Jesus.

Romanos 16:7

Chiya' rutzil qui wäch ri nu winakil ri Andron xukuje' ri Juniy, e are' xenwachilaj pa che'. Nimak qui k'ij chquixo'l ri takomxenlab, nabe c'u xecojon che ri Crist chnuwäch in.

Romanos 16:9

Chiya' rutzil u wäch ri Urban, are kach pataninel re ri Crist Jesus. Chiya' rutzil u wäch ri Estacs, ri are' lok' chnuwäch.

Romanos 8:1

Camic c'ut, man c'o ta chi jun c'äjisabal qui wäch ri winak ri e c'o pa ri Crist Jesus.

1 Corintios 1:30

Rumal c'ut ri are' ix nuc'utal ruc' ri Crist Jesus, ri rumal ri Dios uxinak no'j chke, xukuje' suq'uilal, tastaliquil xukuje' colobal ib.

2 Corintios 11:11

¿Jasche je quinbij wa'? ¿La xa' lo man quixinlok'ok'ej taj? Ri Dios reta'm chi quixinlok'ok'ej.

2 Corintios 13:5

Chinic'oj ri iwanima' ix, che rilic we ix co pa ri cojonic. Chic'ambejej iwib ix. ¿La ma ta iweta'm iwib ix, chi c'o ri Jesucrist pa iwanima'? We man ix c'ambejem chic man ix c'amowam taj.

2 Corintios 5:17

Je c'u ri', we c'o jun c'o pa Crist, c'ac' winakirisam chic: ri ojer tak jastak xeboc'owic; chiwilampe', e c'ac' conojel ri e c'o chic.

2 Corintios 5:21

Ri Crist man c'o ta jun macaj xubano; xa' c'u u mac kech uj, ri Dios xuban che jacha' ri cuban che ri kas macaj, rech jeri', rumal ri Crist, cujel chupam ri chak'maquil.

Gálatas 1:22

Man etamatal ta c'u ne nu wäch cumal ri comon cojonelab re ri Crist ri e c'o pa Judey.

Gálatas 5:6

We ix jun ruc' ri Crist, pune' cojom ri u kopixic ri u wi' ri u tz'umal ri ix achijab wi che iwetal, o man cojom taj, man are ta ri' ri c'o u banic, xane' are ri cojonic cächacun rumal ri lok'ok'ebal c'u'x.

Efesios 4:10

Ri Jun ri xkajic, are ri' xukuje' xpaki' paquiwi' conojel ri caj rech quebunojisaj conojel ri jastak.

U Camulixic ri Pixab 10:14

Chich'obo' ba' chi ri Ajawaxel ri i Dios rech ronojel ri caj xukuje' ri c'o sibalaj chicaj che ri caj, ri ulew xukuje' ronojel ri c'o chuwäch.

1 Tesalonicenses 4:17

C'äte ri' ri uj, ri uj c'asc'oj ri uj canajinak canok, cujc'am na bic junam cuc' ri cäminakib pa tak ri sutz' che u rikic ri Ajawaxel pa ri quiakik'. Jeri' cujc'oji' na ruc' ri Ajawaxel chbe k'ij sak.

Hebreos 4:14

C'o jun nimalaj qui nimal ri cojol tabal tok'ob kech uj, ri xroc'owisaj ri caj, ri Jesus u C'ojol ri Dios. Rumal ri', chkak'alajisaj ri ka cojonic, co chujtac'alok.

Hebreos 9:24

Man xoc ta ri Crist pa ri k'ijilabal ri banom che qui k'ab ri winak, u wächbal ri kas k'ijilabal. Xane' xoc pa ri caj, camic c'ut cutac'aba' rib chuwäch ri Dios che ka q'uexwäch.

Apocalipsis 1:10

Xc'ulmataj c'ut chi pa ri k'ij re ri Ajawaxel, in c'o pa ri Uxlabaxel. Xinta' c'u jun nimalaj ch'abal chwij je ta ne ri rok'ebal jun trompet,

Apocalipsis 12:5

Ri ixok xralc'ualaj c'u jun ral ala, ri cätakan na paquiwi' conojel ri nimak tak tinimit ruc' jun bara' re räx ch'ich'. Are' c'u ri ral ri ixok xtokix bic, xc'am bic chuwäch ri Dios xukuje' chuwäch ri u tem re ajawibal.

Apocalipsis 4:2

Chanim xinc'oji' pa ri Uxlabaxel. Xinwil jun tem re ajawibal ri yo'm pa ri caj, c'o c'u jun t'uyul puwi'.