2 Corintios 11:9 - Quiché Bible

⁹ Aretak xinc'oji' iwuc', man xinux ta eka'n che jachin jun, c'o c'u rajawaxic chwe. Xane' e are ri kachalal ri xepe' pa Masedon e are' xeyo'w ri rajawaxic chwe. Kas xinchajij wib pa ronojel, rech man xinux ta eka'n chiwe. Xukuje' camic quinchajij na wib.

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Are xinkꞌojiꞌ iwukꞌ xaꞌjawataj jastaq we, man xinux ta jun eqaꞌn chiꞌwe, rumal cher ri aꞌlaxik ri xepe pa Macedonia xkiya ronojel ri xajawataj chwe. Man xwaj taj xkꞌaxir ikꞌuꞌx rumal we, xuqujeꞌ man kawaj taj chi kakꞌaxir na ikꞌuꞌx chwe.

K'iche'

⁹ Aretak xinc'oji iwuc', man c'o tä latz' xinya che jachin jun chiwe aretak c'o nu rajwaxic. Ri xajwataj chwe are c'u xeyo'w ri kachalal ri xepe pa Macedonia. Je ri' xinchajij wib rech man c'o tä latz' xinya chiwe. Je' c'u quintakej na u banic wa'.

K'iche' (New Orthography)

⁹ Aretaq xink'oji iwuk', man k'o tä latz' xinya che jachin jun chiwe aretaq k'o nu rajwaxik. Ri xajwataj chwe are k'u xeyo'w ri qachalal ri xepe pa Macedonia. Je ri' xinchajij wib' rech man k'o tä latz' xinya chiwe. Je' k'u kintaqej na u b'anik wa'.

2 Corintios 11:9 ပူးပေါင်းရင်းမြစ်များ

Ri Nehemiy 5:15

E are' tak c'u ri e takanelab ri xec'oji' can nabe chnuwäch, xebux jun eka'n che ri tinimit, k'ij chk'ij caquitok'ij cawinak rakan sak puak che ri rajil qui wa xukuje' che rajil u wa'l qui uva. Xak c'u u tz'akat chic ri e cajchaquib sibalaj c'ax caquiban che ri tinimit. Are c'u ri in man je ta xinbano, rumal rech chi nim quinwil ri Dios.

Hechos 18:3

Rumal c'u rech chi junam u wäch ri qui chac, xc'oji' cuc', junam xechacunic; e banal tak lic'om.

Hechos 18:5

Aretak ri Silas ruc' ri Timotey xebel bic pa Masedon, xekaj bic pa Corint. Ri Pawl xujach rib che u tzijoxic chque ri aj judeyib chi ri Jesus are' ri Crist.

Hechos 20:33

Man nu rayim ta c'u u wäch ri u sak puak, o ri u k'an puak, o ri ratz'iak jachin jun.

Romanos 15:26

E are' tak c'ut ri e aj Masedon xukuje' ri e aj Acay cäquiya' jun cuchuj chque ri mebayib kachalal ri e c'o pa Jerusalen.

1 Corintios 16:17

Quinquicotic chi xepe ri Stepns, ri Portunat xukuje' ri Acaic, rumal rech chi e are' xebanow ri man xiban ta ix chwe.

2 Corintios 6:4

Man je ta c'u ri' pa ronojel cäkaya' c'utbal chi uj pataninel rech ri Dios, cätajin c'u cäkach'ijijej ruc' nimalaj coch'onic ri e rikoj tak c'ax, ri q'uetetem, ri e q'ueyowal tak.

2 Corintios 9:12

Aretak xc'am bic we to'banic, man xuwi ta quiya' ri rajawaxic chque, xane' xukuje' quiban chque chi sibalaj cäquimaltioxij che ri Dios.

Filipenses 2:25

Quinchomaj chi rajawaxic xukuje' quintak na bic ri kachalal Epaprodit iwuc', are wäch ajchac, je ta ne wäch ajch'o'j, ri xitak ulok che nu to'ic aretak c'o rajawaxic chwe.

1 Tesalonicenses 2:6

Man xkatzucuj taj chi cänimarisax ka k'ij cumal ri winak, mawi iwumal ix, mawi cumal ri niq'uiaj chic,

1 Tesalonicenses 2:9

Kachalal, cänataj chiwe ri c'axalaj ka chac. Xujcos ruc' ri ka chac. Xujchacun chi chak'ab chi pa k'ij, rech man cäkaya' ta jun eka'n chrij jachin jun chiwe, xkatzijoj ri utzalaj tak u tzij ri Dios chiwe.

Hebreos 11:37

xecämisax che abaj, xek'at che jos; xecämisax che ch'ich'. Xak xebinicat pa tak ri c'olbal, qui cojom qui tz'umal chij xukuje' qui tz'umal q'uisic', sibalaj e mebayib, xquirik c'axc'olil, xeban c'ax chque.