2 Corintios 10:1 - Quiché Bible

¹ In Pawl quixinbochi'j pa ri u bi' ri Crist, ri ch'uch'uj ranima', ri man cunimarisaj ta rib. Cäbixic chi aretak in c'o iwuc' quinna' wib, aretak c'u man in c'o ta iwuc' quinbij ronojel chiwe, man quinxe'j ta wib.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ In in Pablo, qas kinbꞌij chiꞌwach pa ri rutzilal ri Cristo, e kꞌi kebꞌinik chi sibꞌalaj kinxiꞌj wibꞌ kinbꞌij ri jastaq are kinwil kipalaj, are kꞌut are sibꞌalaj naj in kꞌo wi, kꞌi ri kinbꞌij.

K'iche'

¹ In wa', ri Pablo, quixinbochi'j rumal ri nimalaj u tok'ob ri Cristo, xukuje' rumal ri nimalaj rutzil ranima'. Cäbixic chi aretak in c'o iwuc' sibalaj man quinban tä nimal. Cäbix c'ut chi aretak man in c'o tä iwuc' co quixinch'abej bi pa tak ri nu wuj ri quintz'ibaj bi chiwe.

K'iche' (New Orthography)

¹ In wa', ri Pablo, kixinb'ochi'j rumal ri nimalaj u toq'ob' ri Cristo, xuquje' rumal ri nimalaj rutzil ranima'. Käb'ixik chi aretaq in k'o iwuk' sib'alaj man kinb'an tä nimal. Käb'ix k'ut chi aretaq man in k'o tä iwuk' ko kixinch'ab'ej b'i pa taq ri nu wuj ri kintz'ib'aj b'i chiwe.

2 Corintios 10:1 ပူးပေါင်းရင်းမြစ်များ

Salmib 45:4

Quiejeninak ruc' nimalil che ch'äcanem che u to'ic u wi' ri kastzij, ri mach'ibalil, ri colomal. ¡Ri iquiak'ab la cuban nimak tak mayibal!

Ri Zacariy 9:9

¡Sibalaj chatquicotok tinimit Sion! ¡Chatbixon rumal quicotemal, tinimit re Jerusalen! Ri awajawinel cäpe na awuc', suc' xukuje' ch'äcanel, mach'al c'ut, quiejeninak chrij jun bur, chrij jun alaj bur, ral jun ati't bur.

Ri Matey 11:29

Chic'amowaj ri weka'bal ri quinya' chiwij, chiwetamaj iwe wuc', chi in coch'onel xukuje' mach'al ri wanima'; quirik c'u na uxlanem che ri iwanima'.

Ri Matey 21:5

“Chibij che ri u mia'l ri Sion: ‘Chawilampe', ri awajawinel cäpe awuc', mach'alic, quiejeninak chrij jun bur, chrij jun alaj bur, ral jun awaj ajeka'n.’ ”

Hechos 8:32

Are Tz'ibatalic wa' ri cätajin cusiq'uij u wäch: “Xc'am bic jacha' jun chij pa ri pilibal, jacha' jun alaj chij ri man cäch'aw taj chquiwäch ri e socal tak rij, jewa' mawi xujak ta ri u chi'.

Romanos 10:20

Xukuje' ri Isaiy ruc' ronojel ranima' xubij: “Xinriktaj cumal ri winak ri man xinquitzucuj taj; xinc'ut wib chquiwäch ri man quec'otow ta chi'aj in jachinok.”

Romanos 12:1

Jeri' wachalal, quixinbochi'j pa ri u tok'ob ri Dios chi quijach ri i cuerp pa u k'ab ri Dios, che jun tabal tok'ob cho ri Dios, jun tastalic sipanic, ri c'aslic, ri cäkaj chuwäch ri Dios. Are wa' ri kas k'ijilanic ri quiya' che ri Dios.

Romanos 15:15

Man quinxe'j ta wib, wachalal, che u tz'ibaxic bic we tzij ri' chiwe, che u nataxic chiwe jas ri iweta'm can nabe. Quintz'ibaj wa' chiwe rumal rech ri tok'ob ri yo'm chwe rumal ri Dios,

1 Corintios 2:3

Xinc'oji' chixo'l man ruc' ta chuk'ab, xane' xinxe'j wib, sibalaj xinbirbitic.

1 Corintios 4:10

Ri uj uj con pa ri Crist, are c'u ri ix ix ajno'jab pa ri Crist. Ri uj man c'o ta ka chuk'ab, ri ix c'o i chuk'ab. Ri ix nim quixil wi, ri uj man nim ta cujil wi.

1 Corintios 4:21

¿Jas ri quiwaj? ¿La quinbe iwuc' ruc' xic'ay pa nu k'ab o ruc' lok'ok'ebal c'uxaj xukuje' ch'uch'ujalaj uxlabal?

2 Corintios 10:10

Cäquibij jujun chi ri tzij ri quintz'ibaj cho ri e nu wuj, c'ax xukuje' c'o qui chuk'ab, aretak c'u in c'o iwuc', man c'o ta nu chuk'ab, man c'o ta u patan ri nu tzij.

2 Corintios 10:2

Quixinbochi'j c'ut chi aretak quinopan iwuc', man rajawaxic taj quinbij c'axalaj tak tzij chque jujun chiwe. E c'o jujun ri cäquibij chi ri uj are cäkaban ri xa' u rayibal ri ka ti'jal. Quebench'abej c'u na ri e are' we rajawaxic.

2 Corintios 10:7

Ri ix xuwi quiya' i wäch chque tak ri wächbalil. We c'o jun cuchomaj pa ranima' chi ri are' rech ri Crist, chuchomaj ba pa ranima' chi jas ri are' rech ri Crist, jeri' ri uj xukuje' uj rech ri Crist.

2 Corintios 11:21

Pune' quel nu q'uixbal che u bixic, ¡ri uj sibalaj xujux tukar chi je xkaban wa'!

2 Corintios 11:30

We rajawaxic chi quinnimarisaj nu k'ij, quinnimarisaj nu k'ij pa ri in tukar wi.

2 Corintios 12:5

Quinnimarisaj u k'ij jun achi ri jewa' u banom. Man quinnimarisaj ta c'u wib in, xane' xak xuwi chquij tak ri nu tukaril.

2 Corintios 3:12

Cu'l ka c'u'x chrij wa'. Rumal ri' cäkatzijoj ronojel, man cäkaxe'j ta kib.

2 Corintios 5:20

Je ba' ri' chi uj u q'uexwäch ri Crist, ri je ta ne are' ta ri kas Dios quixbochi'n kumal. Je ba' ri', pa ri u bi' ri Crist quixkabochi'j chi, chirika' ri jamaril ruc' ri Dios.

2 Corintios 6:1

Ri uj uj rajchaquib ri Dios junam iwuc'. Rumal ri' quixkabochi'j chi xak lok' mic'am ri u tok'ob ri Dios.

2 Corintios 7:4

Sibalaj nim ri cu'lbal nu c'u'x chiwij, xukuje' quinquicot iwuc'. Sibalaj cu'bisam nu c'u'x xukuje' nim ri nu quicotemal pa ronojel ri ka c'axc'olil.

Gálatas 4:13

Iweta'm c'ut chi xintzijoj ri tzij re colobal ib chiwe nabe mul rumal jun yabil ri xinrik pa ri nu cuerp.

Gálatas 5:2

In Pawl quinbij chiwe achijab we cakopix ri u tz'umal ri u wi' ri ix achijab wi che iwetal che i suq'uirisaxic chuwäch ri Dios, man c'o ta cupatanij ri' ri Crist chiwe.

Efesios 3:1

Rumal ri', in Pawl, in c'o pa che' rumal rech ri Crist Jesus che iwutzil ix ri man ix aj judeyib taj.

Efesios 4:1

In c'ut, in ajpache' rumal ri Ajawaxel, quixinbochi'j chi quibano jas ri takal chque ri winak ri e siq'uim rumal ri Dios, jas ri ix xixsiq'uixic.

Filipenses 4:5

Ri i ch'uch'ujil chetamax cumal conojel ri winak. Ri Ajawaxel cänakajinic.

Colosenses 1:23

we kas co ix tac'al pa ri i cojonic, man quiya' ta canok, we kas cu'l i c'u'x chrij ri tzij re colobal ib ri i tom, man cuban ta quieb i c'u'x. Are utzalaj tak tzij wa' cätzijox pa tak ronojel c'olbal cho ri uwächulew. Ri in, in Pawl in cojom che patanijic.

2 Tesalonicenses 3:17

In Pawl quinya' rutzil i wäch ruc' ri nu k'ab. Are wetal wa' pa ronojel wuj ri quintz'ibaj chiwe. Je quintz'ibam wa'.

Filemón 1:19

In, Pawl quintz'ibaj ruc' ri nu k'ab: in quintojow na, ¡cuya' ta c'u ne ri' quinbij chawe chi a c'as awib pa nu k'ab!

Filemón 1:9

xak c'u quitz'onoj tok'ob chawe, rumal rech chi catinlok'ok'ej. In wa' in, Pawl, in nim winak chic, camic in c'o pa che' rumal rech ri Crist Jesus,

1 Pedro 2:11

Lok'alaj tak wachalal, chixux je jas winak ri xak queboc'owic, ri e c'o pa jun tinimit man quech taj. Miban ri u rayibal ri i ti'jal, ri cäch'ojin chrij ri iwanima'.

Apocalipsis 1:9

In, ri Xuan, ri iwachalal. Nu c'amom wech iwuc', pa c'axc'olil, xukuje' pa ri ajawibal, xukuje' pa ri chuk'ab ri cuya' ri Jesus rech quink'i' ri c'ax. In c'o pa jun ch'akap ulew Patmos u bi' ri c'o pa u niq'uiajil ri plo. In yo'm can chila' rumal rech chi nu tzijom ri u tzij ri Dios, xukuje' ri u k'alajisaxic ri Jesus.