2 Corintios 1:20 - Quiché Bible

²⁰ Conojel ri jastak ri u bim ri Dios chi cuya' chke, queyataj chke rumal ri Jesucrist. Rumal ri', aretak cäkanimarisaj u k'ij ri Dios, cäkabij “je chbanok” rumal ri Jesucrist.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁰ Rumal cher ronojel ri ubꞌim loq ri Dios tzi je wi riꞌ xuqujeꞌ jeriꞌ pa Cristo, rumal riꞌ kaqabꞌij uj jeriꞌ, rech kaqaqꞌijilaꞌj ri ubꞌiꞌ ri Dios.

K'iche'

²⁰ Ronojel c'u ri u bim ri Dios, je' quel na rumal ri Cristo. Rumal ri' aretak cäkaya u k'ij ri Dios cäkabij: “¡Amén!” —cujcha', rumal ri Cristo Jesús.

K'iche' (New Orthography)

²⁰ Ronojel k'u ri u b'im ri Dios, je' kel na rumal ri Cristo. Rumal ri' aretaq käqaya u q'ij ri Dios käqab'ij: “¡Amén!” —kujcha', rumal ri Cristo Jesús.

2 Corintios 1:20 ပူးပေါင်းရင်းမြစ်များ

Chapletajic 22:18

conojel c'ut ri nimak tak tinimit cho ri uwächulew caquirik na tewichibal rumal quech. Rumal rech chi at nimaninak chwe.’ ”

Chapletajic 3:15

Quinban na chi ri at xukuje' ri ixok, quic'ulelaj na iwib, junam xukuje' ri awija'lil ruc' ri rija'lil. Ri rija'lil cuwach' na ri a jolom, are c'u ri at cacatz na ri u xe' rakan.”

Chapletajic 49:10

Man c'o ta jun quesan ri cuinem pa u k'ab ri Juda mawi ri ch'ämiy ri c'o pa u k'ab c'ä cäpe na ri ajchak'e ri ch'ämiy, ri cänimax na cumal conojel tak ri tinimit.

Salmib 102:16

aretak cuyac chi jumul ri Sion xukuje' aretak cäc'utun pa ri u juluwem,

Salmib 72:17

¡Chjekel ri u bi' ri ajawinel amak'el; chbeytaj ri utzalaj u tzijol jacha' ri u beytajic ri k'ij! ¡Conojel ri nimak tak tinimit ri e c'o cho ri uwächulew, chquirika' tewichibal rumal are'! ¡Chi conojel ri nimak tak tinimit chquibij chi tewichitalic!

Ri Isaiy 65:16

Apachin ta ne ri c'o pa ri ulew ri cutz'onoj jun tewichibal, cutz'onoj na che ri Dios ri jic apachin ta ne ri c'o pa ri ulew ri cuban jun chi'nic ri kas cäban na, cuban na pa ri u bi' ri Dios ri jic. Ri c'axc'ol ri e re ojer xeboc'owic, man quec'utun ta chi chnuwäch.

Ri Isaiy 7:14

Kas c'u are' ri Ajawaxel cäyo'w na jun etal chiwäch: Ri k'apoj yawab winak chic cäc'oji' c'u na jun ral, ri cucoj na Emanuel che u bi'.

Ri Matey 6:13

Mujya' la chuwäch ri takchibal macaj, xane' chujto' la chujesaj la pa u k'ab ri banal etzelal.’

Ri Lucax 2:14

“¡Juluwem che ri Dios ri c'o sibalaj sibalaj chicaj! ¡Jamaril cho ri uwächulew chquixo'l ri winak ri e rech ri utzalaj u rayibal!”

Ri Xuan 1:17

Ri pixab xya' rumal ri Moises, are c'u ri tok'ob xukuje' ri kastzij rumal ri Jesucrist.

Ri Xuan 14:6

Ri Jesus xubij che: “In ri' ri be, ri kastzij, ri c'aslemal. Man c'o ta jun copan ruc' ri Tataxel, we ta ma ta wumal in.

Ri Xuan 3:5

Ri Jesus xubij che: “Kastzij, kastzij quinbij chawe, apachin ri man calax ta rumal ri ja' xukuje' rumal ri Uxlabaxel, man cäcuin taj coc pa ri rajawibal ri Dios.

Romanos 11:36

Ruc' are' e elinak wi ulok conojel ri jastak, rumal are' xukuje' che are' e c'o wi. Chnimarisax u k'ij ri Dios amak'el chbe k'ij sak. Je chbanok.

Romanos 6:23

Ri tojbal ri cuya' ri macaj, are ri cämical; are c'u ri cochinic ri cuya' ri Dios, junalic c'aslemal pa ri u rikic kib ruc' ri Crist Jesus, ri Kajaw.

1 Corintios 14:16

We canimarisaj u k'ij ri Dios xak xuwi ruc' ri awanima', ri jun ri cäto'w ri a ch'awem ri man cuch'ob taj ri cabij, ¿la cubij lo je chbanok che ri a maltioxinic, man cuch'ob ta c'u ri cabij?

2 Corintios 4:15

Ronojel wa' ka c'ulmam rumal iwech. Rech jeri', aretak e q'ui cäquic'am ri u tok'ob ri Dios, sibalaj e q'ui quemaltioxinic, rech cänimarisax u k'ij ri Dios.

2 Corintios 4:6

Ri Dios, ri xubij: “Chtunun ri sakil pa ri k'eku'm”, are ri' ri xtunun pa ri kanima', rech cäketamaj ri u juluwem ri Dios ri cäjuluw che ri u palaj ri Jesucrist.

Gálatas 3:22

Ri Tz'ibatalic cuc'utu chi conojel e tz'apital rumal ri mac. Jeri' ri chi'm cäya' chque ri cojonelab rumal ri cojonic che ri Jesucrist.

Efesios 1:6

Rumal wa' cäkak'ijilaj amak'el rumal ri juluwemalaj rutzil, ri xujutewichibej rumal rech ri lok'alaj u C'ojol.

Efesios 2:7

Jewa' xubano che u c'utic pa tak ri k'ij junab ri quepe na, ri nimalaj u tok'ob chke xukuje' ri rutzil chke rumal ri Crist Jesus.

Colosenses 1:27

Ri xraj wi ri Dios u ya'ic retamaxic ri u k'inomal ri u juluwem we awatalic ri' chquixo'l ri man aj judeyib taj; are Crist wa' pa ri ix, ri cu'lbal i c'u'x che ri juluwem.

2 Tesalonicenses 1:10

Jewa' cäquic'ulmaj na aretak cäpe ri Jesus rech cänimarisax u k'ij cumal ri e tastalicalaj tak winak ri e rech, rech cäya' u k'ij cumal conojel ri xecojonic, rumal rech chi xquicojo jas ri xkak'alajisaj chquiwäch pa ri k'ij ri'.

Hebreos 11:13

Conojel we winak ri' xecämic man xequic'amowaj ta c'ut ri jastak ri u chi'm ri Dios; rumal c'u rech chi c'o qui cojonic, xequil apan chi naj, utz c'u qui c'ulaxic xequibano, xquich'ob c'u quib chi man e aj waral taj chi xak e oc'owenelab cho we uwächulew ri'.

Hebreos 13:8

Ri Jesucrist kas xak jewi iwir, camic, xukuje' amak'el chbe k'ij sak.

Hebreos 7:6

Are c'u ri Melquisedec, pune' man rija'l ta ri Levi, xuc'am ri lajujil che ri Abraham. Xutewichi'j c'u ri Abraham ri u c'amom ri chi'nic che ri Dios.

1 Pedro 1:12

Xk'alajisax c'u chquiwäch ri k'axal tak tzij, chi aretak cäquibij we jastak ri', man chquetaj e are quebajwataj wi, xane' chiwe ix. Are we jastak ri' quetzijox chiwe camic cumal ri winak ri cäquitzijoj ri tzij re colobal ib chiwe rumal ri Ruxlabal ri Dios ri takom ulok chicaj. E jastak wa' ri xcajtaj ri e tako'nib aj caj chi e are' taj xeilowic.

1 Juan 5:11

Are wa' ri k'alajisanic: chi ri Dios u yo'm junalic ka c'aslemal; are c'ut we c'aslemal ri' rumal ri u C'ojol.

Apocalipsis 3:14

“Chatz'ibaj che ri u tako'n ri comon cojonelab pa Laodisey; ‘Ri Kastzij, ri jicalaj k'alajisanel ri cubij ri kastzij, ri takanel puwi' ronojel ri banom rumal ri Dios, jewa' cubij:

Apocalipsis 7:12

je xquibij wa': “¡Je' chbanok! Ri tewichibal, xukuje' ri juluwem, xukuje' ri no'j, xukuje' ri maltioxinic, xukuje' ri nim ilic, xukuje' ri cuinem, xukuje' ri chuk'ab cheyok che ri ka Dios amak'el chbe k'ij sak. Je chbanok.”