2 Corintios 1:1 - Quiché Bible

¹ Ri in Pawl, in takom rech ri Jesucrist rumal ri u rayibal ri Dios. In xukuje' ri kachalal Timotey cäkatz'ibaj we wuj ri' chque ri e re ri u comon cojonelab ri Dios ri c'o pa Corint, xukuje' chque conojel ri winak ri e rech ri Dios ri e c'o pa Acay.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Ri Pablo taqoꞌn rech ri Cristo Jesús xa rumal ri urayibꞌal kuꞌx ri Dios, rachiꞌl ri alaxik Timoteo, kakitaq rutzil kiwach konojel ri e kojonelabꞌ ri e kꞌo pa ri tinimit Corinto pa Acaya:

K'iche'

¹ In wa', ri Pablo, in apóstol. In jun chque ru tako'n ri Jesucristo. Je wa' nu banic rumal chi are u rayibal ri Dios. Ri in, wachi'l ri kachalal Timoteo, quintz'ibaj bi wa' we wuj ri' chque ri kachalal cojonelab che ri Dios ri e c'o pa ri tinimit Corinto, xukuje' chque conojel ri e rech ri Dios ri e c'o pa tak ri tinimit re Acaya.

K'iche' (New Orthography)

¹ In wa', ri Pablo, in apóstol. In jun chke ru taqo'n ri Jesucristo. Je wa' nu b'anik rumal chi are u rayib'al ri Dios. Ri in, wachi'l ri qachalal Timoteo, kintz'ib'aj b'i wa' we wuj ri' chke ri qachalal kojonelab' che ri Dios ri e k'o pa ri tinimit Corinto, xuquje' chke konojel ri e rech ri Dios ri e k'o pa taq ri tinimit re Acaya.

2 Corintios 1:1 ပူးပေါင်းရင်းမြစ်များ

Hechos 16:1

Xebopan pa Derb xukuje' pa Listr. C'o chila' jun cojonel Timotey u bi', ral jun chuchu' cojonel aj judey, are c'u ri u tat aj Gres.

Romanos 15:26

E are' tak c'ut ri e aj Masedon xukuje' ri e aj Acay cäquiya' jun cuchuj chque ri mebayib kachalal ri e c'o pa Jerusalen.

Romanos 16:21

Cäya' rutzil i wäch rumal ri Timotey ri wach aj chac, ri Lusiy, ri Jason xukuje' ri Sosipater, are' e nu winakil.

Romanos 16:5

Xukuje' chiya' rutzil qui wäch ri kachalal ri cäquimulij quib pa cachoch ri Prisil rachil ri Aquil. Chiya' rutzil u wäch ri Epenet, ri are' aj Asiy are' nabe cojonel che ri Crist.

1 Corintios 10:32

Mixux ya'l tzakibal chque ri aj judeyib, mawi chque ri man aj judeyib taj, mawi che ri comon cojonelab aj Dios.

1 Corintios 16:10

We copan ri Timotey, chiwila' chi c'o u q'ueyowal muriko, chc'ol c'u iwuc', rumal rech chi ri are' cuban ri u chac ri Ajawaxel jacha' ri in.

1 Corintios 16:15

Wachalal, iweta'm chi ri e aj uwo rachoch ri Stepns, are e nabe tak cojonelab chquixo'l ri winak ri e c'o pa Acay, qui yo'm c'u quib che qui patanixic ri kachalal pa ri cojonic.

1 Corintios 16:24

Ri nu lok'ok'ebal c'u'x pa ri Crist Jesus chc'ol iwuc' iwonojel.

1 Corintios 6:11

E c'o c'u jujun chiwe e je tak wa' nabe canok. Camic c'ut ix ch'ajtajinak chic, banom chi tastalic tak winak chiwe, ix k'alajisam chic chi ix suc' chuwäch ri Dios pa ri u bi' ri Ajawaxel Jesucrist, rumal ri Uxlabal re ri ka Dios.

2 Corintios 1:19

Rumal rech chi ri u C'ojol ri Dios, ri Jesucrist, ri xkatzijoj chiwe cuc' ri Silban xukuje' ri Timotey, ri tzij ri xkabij man are ta “je” xukuje' ta “jayi'”. Xane' ri tzij are “je” rumal ri Crist.

2 Corintios 1:23

Quincoj ri Dios che k'alajisanel puwi' ri wanima', chi man in benak ta pa Corint, rumal rech chi quintok'obisaj i wäch.

2 Corintios 11:10

Sibalaj jic in c'olic chi wetamam ri u kastzij ri Crist, xukuje' chi man c'o ta jun catokin ta ri nimarisabal nu k'ij pa ronojel ri ulew re Acay.

2 Corintios 9:2

rumal rech chi weta'm chi ri ix sibalaj quiwaj quiban ruc' ronojel iwanima'. Nu bim chque ri e aj Masedon chi quinquicot iwuc', rumal rech chi ri ix aj Acay i chomam ulok u banic wa' junabir, xa' c'u co'l man conojel ri aj Masedon quichajim anima' che u banic quech ri quiban ix rumal ri utzalaj i chomanic.

Gálatas 1:1

In, Pawl, in jun takom, man cumal ta winak, mawi xa' in takom rumal jun winak, xane' rumal ri Jesucrist xukuje' rumal ri Dios Tataxel, ri xc'astajisan ri Jesus chquixo'l ri cäminakib.

Gálatas 3:26

Iwonojel c'ut ix ralc'ual ri Dios rumal ri cojonic che ri Crist Jesus.

Efesios 1:1

In Pawl, u takomaxel ri Jesucrist rumal ri u rayibal ri Dios, quintz'ibaj we wuj ri' chque ri winak ri e rech ri Dios ri e c'o pa Epes ri e cojonelab che ri Crist Jesus.

Filipenses 1:1

In Pawl xukuje' ri Timotey, uj u lok'om tak pataninelab ri Jesucrist, cäkatz'ibaj bic we wuj ri' chque conojel ri cojonelab pa Crist Jesus ri e c'o chila' pa Pilips, xukuje' chque ri cojonelab ri quesolin conojel ri ajcristib xukuje' chque ri cojonelab ri quepataninic.

1 Tesalonicenses 1:1

In Pawl, wachil ri Silban xukuje' ri Timotey, quintz'ibaj we wuj ri' chque ri comon cojonelab aj tesaloniquib, ri e c'o pa u k'ab ri Dios Tataxel xukuje' xa' e jun ruc' ri Ajaw Jesucrist. Ri Dios ka Tat xukuje' ri Ajaw Jesucrist cuban tok'ob chiwe xukuje' cuya' jamaril chixo'l.

1 Tesalonicenses 3:2

xintak c'u bic ri Timotey ri kachalal. Are pataninel re ri Dios, are kach ajchac pa ri utzalaj tak tzij re ri Crist. Xkatak bic iwuc' che i pixbexic xukuje' che u ya'ic i chuk'ab pa ri i cojonic,

2 Tesalonicenses 1:1

In Pawl, wachil ri Silban xukuje' ri Timotey, quintz'ibaj we wuj ri' chque ri comon cojonelab aj tesaloniquib, ri xa' ix jun ruc' ri Dios ri ka Tat xukuje' ri Kajaw Jesucrist.

1 Timoteo 1:1

Ri in Pawl, in u takom ri Jesucrist, jas ri xtakan wi ri Dios ri ka Colonel xukuje' ri Kajaw Jesucrist. Chrij c'u ri are cu'l wi ka c'u'x.

2 Timoteo 1:1

Ri in Pawl, u takom ri Crist Jesus rumal ri u rayibal ri Dios, jas ri u beya'l ri chi'm, ri u junaxic ib ruc' ri Crist Jesus,

Ri Tit 1:1

Ri in Pawl, in rajchac ri Dios xukuje' takom re ri Jesucrist, rech quecojon na ri winak ri e cha'tal rumal ri Dios, rech cäquetamaj ri kas k'ijilanic che ri Dios,

Filemón 1:1

In Pawl, in c'o pa che' rumal rech ri Crist Jesus, junam ruc' ri kachalal Timotey quintz'ibaj we wuj ri' chawe, lok'alaj Pilemon, at kach ajchac,

Hebreos 13:23

Quinwaj chi quiwetamaj chi ri kachalal Timotey xtzokopixic. We cäpe chanim, quinbe che iwilic junam ruc'.