1 Timoteo 5:3 - Quiché Bible

³ Chebato' ri malca'nib ri kastzij c'o qui rajawaxic.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Utz chabꞌana che kilik ri e malkaꞌn taq ixoqibꞌ ri qas e tzaqtal kanoq.

K'iche'

³ Nim cheawila wi ri malca'nib ixokib, chabana c'u tok'ob chque ri kas c'o qui rajwaxic.

K'iche' (New Orthography)

³ Nim cheawila wi ri malka'nib' ixoqib', chab'ana k'u toq'ob' chke ri qas k'o ki rajwaxik.

1 Timoteo 5:3 ပူးပေါင်းရင်းမြစ်များ

Ri Job 29:13

Ri xc'oji' pa ri tzakmajic quebuya' maltioxinic chwe; ri nu to'banic e are' chque ri malca'nib ri e ya'l quicotemal.

Ri Job 31:16

Mawi jumul ma ta xinto' ri meba' pa ri u q'uetetem mawi xak ta xinca'yej chi ri malca'nib xquina' numic.

Salmib 146:9

ri Ajawaxel quebuch'uku ri e re jun tinimit chic, ri minorib xukuje' ri malca'nib, cuban c'ut chi ri e banal tak etzelal caquisach ri qui be.

Salmib 68:5

Ri Dios, ri jekel pa ri tastalicalaj rachoch, are' qui tat ri minorib xukuje' are' to'l quech ri malca'nib;

Salmib 94:6

Quequicämisaj malca'nib xukuje' ri man e qui winakil taj; xukuje' quequicämisaj ri e minorib.

Elem 20:12

Nim chawila' wi ri a tat xukuje' ri a nan, rech naj catc'asi' cho ri ulew ri cuya' ri Ajawaxel ri a Dios chawe.

Ri Jeremiy 49:11

‘Chebaya' can ri e a minorib chwe rech quebenchajij. Qui cuba' qui c'u'x ri e a malca'nib chwij.’ ”

Ri Matey 15:6

Man ya'tal ta chi che chi nim ta caril wi ri u tat o ri u nan. Jeri' man quiya' ta u k'ij ri u takanic ri Dios are c'u quiya' u k'ij ri i tijonic pa iwech wi.

Ri Matey 23:13

¡C'ax iwech, ajtijab re ri pixab xukuje' pariseyib! ¡Xa' quieb i wäch! Quitz'apij chquiwäch ri winak ri u chi' ri rajawibal ri Dios. Ri ix c'ut man quixoc taj, mawi quiya' chi queboc ri winak ri cäcaj queboquic.

Ri Lucax 2:37

Malca'n c'u wa' jumuch' ruc' quiejeb u junab chic. Mawi jubik' quel bic chupam ri rachoch Dios, xane' cäpatanin che ri Ajawaxel Dios chi pa k'ij chi chak'ab man cäwa' taj xukuje' cuban ch'awem ruc' Dios.

Ri Lucax 7:12

Aretak xebopan chunakaj ri tinimit, xrilo chi telem bic jun cäminak che u mukic. Ri cäminak xa' jun chi ala, ral jun nanaxel malca'n. Achilam c'u cumal q'uialaj winak re ri tinimit.

Ri Xuan 1:47

Aretak ri Jesus xril ri Natanael cätajin copan ruc', jewa' xubij chrij: “Chiwilampe' jun kas aj israel, ri man c'o ta wi subunic.”

Hechos 6:1

Pa tak ri k'ij ri', aretak cätajin queq'uiyir ri cojonelab, ri quech'aw pa grieg xquiyac wixwitem chquij ri quech'aw pa hebrey, cäquibij chi aretak quepatanix ri malca'nib chuchuyib ronojel k'ij, ri qui malca'nib ri e are' man quepatanix taj.

Hechos 9:39

Ri Lu' xwalijic, xerachilaj bic. Aretak xopanic, xquic'am bic pa ri cawik ja. E conojel ri chuchuyib malca'nib quebok'ic, quequic'ut ri atz'iak xukuje' ri u pam tak atz'iak ri xuban ri Dorcs aretak c'ä c'aslic.

Hechos 9:41

Ri are' xuya' ri u k'ab che, xuwalijisaj. Xebusiq'uij ri cojonelab xukuje' ri chuchuyib malca'nib. Xutac'aba' ri Dorcs chquiwäch c'aslic.

U Camulixic ri Pixab 10:18

ri cuban suc'alaj k'atan tzij puwi' ri minor xukuje' ri malca'n; ri quel u c'u'x, cuya' u wa' xukuje' ratz'iak ri man u winakil ta ri jekel chixo'l.

U Camulixic ri Pixab 14:29

rech aretak quepe ri aj levitib ri man c'o ta ri xya' ta culew, o ri man e i winakil ta ri e jekel chixo'l, o ri minorib xukuje' ri malca'nib, utz qui tzukic quiban bic. We je quiban wa' ri Ajawaxel ri i Dios quixutewichi'j na pa ronojel ri quibano.”

U Camulixic ri Pixab 16:11

Quiban c'u nimak'ij chuwäch ri Ajawaxel ri i Dios, pa ri c'olbal ri u cha'om che u jekelibal ri u bi', junam cuc' ri e iwalc'ual, ri pataninel tak iwech ri e lok'om, ri aj levitib, ri man e i winakil ta, ri minorib xukuje' ri malca'nib ri e jekel pa ri i tinimit.

U Camulixic ri Pixab 16:14

Quixquicot c'u pa we nimak'ij ri' junam cuc' ri e iwalc'ual, ri e i pataninelab tak iwech ri e lok'om, xukuje' ri aj levitib, ri man e i winakil taj, ri minorib xukuje' ri malca'nib ri e jekel pa tak ri e i tinimit.

U Camulixic ri Pixab 27:19

‘C'okotajinak ri winak ri cuban jun jasach ri man suc' ta che jun winak ri man u winakil taj, o che jun malca'n, o che jun minor.’ Conojel ri tinimit cäquibij na: ‘Je chelok.’

1 Tesalonicenses 2:6

Man xkatzucuj taj chi cänimarisax ka k'ij cumal ri winak, mawi iwumal ix, mawi cumal ri niq'uiaj chic,

1 Timoteo 5:2

Chebapixbej ri nimak tak chuchuyib e jacha' ri a nan. Chebapixbej ri alitomab je jas ri e awana'b ruc' ch'ajch'ojil.

Santiago 1:27

Ri k'ijilanic che ri Dios ri kas ch'ajch'oj, ri man tz'ajtal ta chuwäch ri Dios Tataxel are wa': Chi quekilij ri malca'nib xukuje' ri man c'o ta chic qui tat qui nan, ri e c'o pa c'axc'olil, xukuje' chi cäkachajij kib man cakatz'aj ta kib, man cakaban ta ri etzelal re ri uwächulew.

1 Pedro 2:17

Nim chebiwila wi conojel. Chebilok'ok'ej ri kachalal. Chixe'j iwib chuwäch ri Dios. Nim chiwila' wi ri ajawinel.

1 Pedro 3:7

Xukuje' ri ix achajilaxelab chixjekel cuc' ri e wixokilab ruc' no'jibal, chiya' u k'ij ri iwixokil rumal rech chi man junamataj taj ri u cuerp ruc' ri rech ri rachajil, jacha' xukuje' chi e i wäch echbenelab che ri tok'ob aj c'aslemal, rech ri e i ch'awem ruc' Dios man curik ta k'atibal.