1 Timoteo 1:9 - Quiché Bible

⁹ Keta'm c'u wa', chi man yo'm ta ri pixab chque ri suc' tak winak, xane' chque ri itzel tak winak, ri man cäquiya' ta quib pa takic, ri man e k'ijilal ta Dios, ri e ajmaquib, ri winak ri man e tastalic taj, ri man cäquiya' ta u k'ij ri Dios, ri e cämisal tak qui tat qui nan, ri e cämisal achijab,

RI KꞌAKꞌ TESTAMENTO PA TZIJOBꞌAL KꞌICHEꞌ

⁹ Naꞌtaj chaqe chi ri taqanik man xyaꞌtaj kumal ke ri e sukꞌ taq winaq, xane kumal ke ri man keꞌniman taj, xuqujeꞌ kumal ri kꞌax laj taq winaq ri man kakita ta tzij, kumal ke ri itzel taq winaq xuqujeꞌ aꞌjmakibꞌ, kumal ke ri man kemekꞌekꞌ taj xuqujeꞌ ri man kakibꞌan ta ri Tyoxalaj taq jastaq. Ri taqanik xyaꞌik rumal ke ri winaq ri man keꞌkinimaj ta ri e kitat kinan, xuqujeꞌ kumal ke ri kamisanelabꞌ,

K'iche'

⁹ Etamtal wa' chi ri Pixab man xyi' tä chque ri winak ri tajin cäca'n ri utzil, xane chque ri man cäquiya tä quib pa takic, chque ri man queniman taj, chque ri man quecojon tä che ri Dios, chque ri ajmaquib, chque ri man nim tä cäquil wi ri Dios, ri man c'o tä äwas chquiwäch, chque ri quequicämisaj qui nan qui tat, chque ronojel qui wäch cämisanelab.

K'iche' (New Orthography)

⁹ Etamtal wa' chi ri Pixab' man xyi' tä chke ri winaq ri tajin käka'n ri utzil, xane chke ri man käkiya tä kib' pa taqik, chke ri man keniman taj, chke ri man kekojon tä che ri Dios, chke ri ajmakib', chke ri man nim tä käkil wi ri Dios, ri man k'o tä äwas chkiwäch, chke ri kekikämisaj ki nan ki tat, chke ronojel ki wäch kämisanelab'.

1 Timoteo 1:9 ပူးပေါင်းရင်းမြစ်များ

Ucab Samuel 16:11

Xbextax c'u u wäch ruc' ri Abisay xukuje' cuc' ri e rach k'atal tak tzij, xubij: “We c'u ne kas are' ri nu c'ojol cutzucuj resaxic ri nu c'aslemal, ¡e ta c'u lo jun chque ri e aj ramak' ri Benjamin! ¡Chiya' c'olbal che chi chinuc'okoj na, bim c'u ne la' che rumal ri Ajawaxel chi je cubano!

Ucab Ajawinelab 19:37

C'o c'u jun k'ij, aretak cätajin cäk'ijilan chupam ri rachoch ri Nisroc, ri u dios, ri Adramelec xukuje' ri Sarezer ri e u c'ojol xebopan ruc' xquicämisaj c'ut, xebanimaj c'u bic xebe pa ri ulew ri Ararat. Ri xajawin c'u na chupam ri u c'olbal are' ri u c'ojol, ri Esaradon u bi'.

Ucab Tzijobelil 32:21

Are c'u ri Ajawaxel xutak jun tako'n aj caj ri xebucämisaj conojel ri ajch'ojab, xukuje' tak ri e qui nimakil ri ajch'ojab, ri quetakan paquiwi' ri rajch'ojab ri ajawinel re Asiriy, ri xtzelej na pa ri rulewal nojinak che q'uixbal. Aretak c'u xoc chupam ri rachoch ri u dios, kas chila' xcämisax wi cumal ri kas e u c'ojol.

Elem 20:13

Mat cämisanic.

Elem 21:14

Che c'ut ri coyowar chrij ri rajil u tz'akat cucämisaj c'ut ruc' ronojel u chuk'ab, catzucux u rikic pune' ta cuc'u' rib chunakaj ri porobal, cak'at tzij puwi' chi cäcämisaxic.

E C'ambal tak Tzij 20:20

Ri cuc'okoj ri u tat o ri u nan, cäcäm na pa ri xibibalalaj k'ekumalil.

E C'ambal tak Tzij 28:17

Jachin ri u banom jun cämic man cätaq'ui' ta na c'ä cätzak na pa ri mukbal: ¡C'o jun mutijtobej u k'atixic!

E C'ambal tak Tzij 28:24

Cachil banal tak c'ax jachin ri queläk' chquij ri u nan u tat cucoj c'u pa ch'o'j che u bixic chi man c'o ta jas u banom.

E C'ambal tak Tzij 30:11

E c'o jachin tak quequic'okoj ri qui tat man quequitewichi'j ta c'ut ri qui nan.

E C'ambal tak Tzij 30:17

Ri cäretzelaj u wäch ri u tat cäretz'bej c'u u wäch ri u nan ri nim winak chic, ya'tal che chi quec'otix ri e u bak'wäch cumal ri joj xukuje' chi cätij cumal ri cot.

Ri Jeremiy 23:11

Ri Ajawaxel cujiquiba' u bixic: “Xukuje' c'u ne tak ri e k'axal tak tzij xukuje' tak ri e cojol tabal tok'ob man e nimanelab taj; kas chupam ri wachoch e nu rikom wi caquiban ri etzelal.

Ri Ezequiel 21:25

Are c'u ri chawe at, ajawinel pa Israel, itzel banal il, canakajin ri jok'otaj chawe che ri u c'amic ri q'uisbal c'äjisabal a wäch.

Aj Levitib 20:9

Apachin ta ne ri cuc'okoj ri u nan o ri u tat, kastzij cäcämisax na; u nan o u tat c'u ri' ri xuc'okoj, are ajchak'mac che ri u cämical.

Ri Matey 10:21

Ri achalaxel quebujach na ri rachalal pa cämic, ri tataxelab quebujach na ri ralc'ual. Ri alc'ualaxelab cäquiwalijisaj na quib chquij ri qui tat qui nan, quequicämisaj c'u na.

Romanos 1:30

Caquibij c'axalaj tak tzij chquij ri niq'uiaj chic, cäquetzelaj u wäch ri Dios. Queyok'onic. Nimak cäquina' quib. Cäquitzijoj quib chi utzalaj tak jastak qui banom. Cäquichomaj itzel tak jastak rech cäquibano. Man cäquinimaj ta ri qui tat qui nan.

Romanos 4:13

Man rumal ta ri pixab xchi'x che ri Abraham cuc' ri e rija'l chi cäquechbej na ri uwächulew, xane' rumal ri suq'uil rech ri cojonic.

Romanos 5:20

Ri Dios xuya' ri pixab rech ri winak cäquilo chi nim ri qui mac. Pune' sibalaj nim ri qui mac ri winak, are c'u c'o na ri nimalaj u tok'ob ri Dios.

Romanos 6:14

Jeri' man cätakan ta chi c'u ri mac piwi'. Man ix c'o ta chi c'u chuxe' ri pixab, xane' chuxe' ri tok'ob.

Gálatas 3:19

¿Jas c'u cupatanij ri pixab? Xya'taj che u c'utic jas ri mac cäquiban ri winak, c'ä xpe na we Rija'l ri', ri u bim wi ri u chi'm ri Dios che. Ri pixab yo'm cumal ri tako'nib re ri caj pa u k'ab jun ch'awenel, are ri Moises.

Gálatas 5:18

We c'u are' ri Uxlabaxel cäc'amow i be, man ix c'o ta chi ri' chuxe' ri pixab.

Gálatas 5:21

Man cäcaj taj cäquirik utzil niq'uiaj chic, quek'abaric, cäquiban nimalaj mac aretak cäquimulij quib che nimak tak wa'im. Xukuje' cäquiban niq'uiaj jastak chic ri man e utz taj. Quinbij apan chiwe, jas ri nu bim canok, chi ri je caquitakej u banic wa' man cäquechbej taj ri rajawibal ri Dios.

Gálatas 5:23

man cäquinimarisaj ta quib, xukuje' quetakan paquiwi' chbil quib. Man c'o ta pixab ri cubij chi ma ta queban we jastak ri'.

U Camulixic ri Pixab 27:16

‘C'okotajinak ri winak ri man nim ta cäril wi ri u tat o u nan.’ Conojel ri tinimit cäquibij na: ‘Je chelok.’

2 Tesalonicenses 2:8

cuc'utunisaj c'u na rib ri itzel ri', ri cäsachisax na u wäch rumal ri Ajaw Jesus rumal ri ruxlab ri u chi', cuyojyobisaj c'u na rumal ri u ruc'upinic ri rulem.

1 Timoteo 4:7

Mabe awanima' cuc' tak ri puquinic ri man c'o ta qui patan ri cäquitzijoj ri winak. Are chacojo' a chuk'ab chupatanixic ri Dios.

1 Timoteo 6:20

Timotey, chachajij ri yo'm pa a k'ab. Maya' qui k'ij ri tz'ilalaj tak tzijonic ri man c'o ta qui patan. Maya' qui k'ij tak ri tijonic ri man je taj jas ri caya' at, ri xak cäbix che chi utzalaj no'j.

2 Timoteo 2:16

Chak'ila' awib che ri tzijonem re we uwächulew ri' ri man c'o ta quechbex che xane' catquinim chupam ri etzelal.

2 Timoteo 3:2

Quec'oji' na winak ri cäquilok'ok'ej quib chquibil quib, ri cäquilok'ok'ej ri puak, ri nimak qui banic cäquiban chi quib, ri cäquiban nimal; ri itzel tak tzij u pa qui chi', ri man queniman ta chque ri qui tat qui nan, ri man cäquiya' ta maltioxinic, man ch'ajch'oj ta ri qui c'aslemal,

Ri Tit 1:10

E q'ui ri man cäquiya' ta quib pa takic, ri cäquibij tzij ri man c'o ta qui patan, ri quequisub niq'uiaj winak chic. E are' wa' ri aj judeyib ri cäquibij chi rajawaxic ri u kopixic ri u wi' ri qui tz'umal ri e achijab wi che quetal.

Ri Tit 1:16

Cäquibij chi queta'm u wäch ri Dios, ruc' c'u ri qui chac cäquik'alajisaj chi man je taj. Itzel quebil wi, man e nimanelab taj. Man quecuin ta c'ut cäcan ta jubik' ri utzil.

Ri Tit 1:6

Rajawaxic chi ri jun ri catakan pa ri comon cojonelab, man c'o ta etzelal cäriktaj chrij xukuje' xa' jun rixokil. Rajawaxic chi ri e ralc'ual e cojonelab, ri man cätataj ta etzelal chquij, xukuje' man quewalij ta chquij ri e c'o paquiwi'.

Ri Tit 3:3

Xukuje' ri uj man c'o ta ka no'j nabe canok, man uj nimanelab taj, uj subutajnak, ka yo'm kib pa u k'ab ri xa' ka rayibal xukuje' ronojel u wäch jastak ri xkaj chkawäch. Xkaban etzelal, xpe koyowal we jun chic xurik utzil. Itzel xekil niq'uiaj winak chic, xukuje' itzel xujquil uj ri e are'.

Hebreos 11:31

Rumal ri cojonic, ri Rahab, ri ixok quech nim ch'utin, man xcämisax ta junam cuc' ri man xeniman taj, rumal rech chi xebuc'ulaj ri achijab pa jamaril e solinel ri cäquil ri tinimit.

Hebreos 12:16

c'o jun muban macunic cuc' ixokib achijab, o märetzelaj u wäch ri jastak re ri Dios, jas xuban ri Esau, ri xuc'ayij ri u nabealil che u q'uexwäch jun lak riquil.

1 Pedro 2:7

Chiwe ix ri quixcojonic: pakal rajil. Chque c'u ri man quecojon taj: “Ri abaj ri xquixutuj ri yacanelab, are wa' ri abaj ri xux nim u k'ij, ri cächapow ri yacom;”

1 Pedro 3:20

E are wa' e uxinak man e nimanelab taj pa ri e ojer tak k'ijol, pa tak ri e u k'ij ri Noe, aretak ri Dios xeye'm ruc' coch'onic joropa' k'ij xbeytaj u banic ri jucub, ri Dios xebuto'tajisaj jujun winak puwi' ri ja' e wajxakib c'ut chi conojel.

1 Pedro 4:18

We ri suc'alaj winak ruc' c'ax cacolotajic, ¿jas lo cuc'ulmaj na ri ajmac xukuje' ri winak ri man cuya' ta u k'ij ri Dios?

Ri Juds 1:15

cuk'at na tzij paquiwi' conojel, cuk'alajisaj na ronojel ri itzelalaj tak qui chac ri man cäquiya' ta u k'ij ri Dios, ri xquibano rumal rech chi man xeniman ta che ri Dios, xukuje' cuk'alajisaj na ri c'axalaj tak tzij ri xquibij ri ajmaquib chrij ri Dios rumal rech chi man cäquiya' ta u k'ij.”

Apocalipsis 21:8

Are c'u ri cäquixe'j quib, ri man quecojon taj, ri e tz'ilobinak cumal itzelalaj tak jastak, ri cämisanelab, ri xak cäcuc'aj quib cuc' achijab ixokib che qui banic ri macunic, ri cäquiban itzinic, ri cäquik'ijilaj tak diosib, ri e banal tak tzij, quebe ri e are' pa ri cho ri cänicow wi ri k'ak' xukuje' asubre, are wa' ri ucab cämical.”

Apocalipsis 22:15

Chquij c'u ri u chi' quec'oji' wi can ri winak ri cäquiban tz'ilalaj tak jastak ri quequiban ri itzinic, ri xak cäcuc'aj quib cuc' achijab ixokib che qui banic macunic, ri cämisanelab, ri quequik'ijilaj tak diosib, xukuje' conojel ri cäkaj ri banoj tzij chquiwäch, ri cäquiban subunic.