1 Tesalonicenses 5:3 - Quiché Bible

³ Aretak cäquibij ri winak: “Utz uj c'olic, man c'o ta cäkac'ulmaj”, c'äte ri' cäpe na ri sachbal wächaj paquiwi' jas ri u k'oxowem ri ixok ri yawab winak. Man cato'taj ta c'ut.

RI KꞌAKꞌ TESTAMENTO PA TZIJOBꞌAL KꞌICHEꞌ

³ Are kakichapleꞌj ubꞌixik ri winaq: Kꞌo jaꞌmaril xuqujeꞌ maj rumal kaqaxiꞌj qibꞌ qas che riꞌ kape na aqꞌanoq kꞌaxal pa kiwiꞌ, jetaq ri qꞌoxom ri kuriq jun ixoq are kakꞌojiꞌ ral. Man kekwin ta kꞌut kakikol kibꞌ che we kꞌaxal riꞌ.

K'iche'

³ Aretak ri winak cäquibij: “Ronojel xak cäjoror chic, man c'o tä chi je wa' je ri',” —quecha ri'. Are chi' c'ut cäpe na ri nimalaj c'äx pa qui wi' ri xak c'ä te' cäpetic, jas ri k'oxom ri cuna' jun yawab ixok aretak cäril u wäch ri ral. Man quecowin tä c'u ri winak cäquito' quib.

K'iche' (New Orthography)

³ Aretaq ri winaq käkib'ij: “Ronojel xaq käjoror chik, man k'o tä chi je wa' je ri',” —kecha ri'. Are chi' k'ut käpe na ri nimalaj k'äx pa ki wi' ri xaq k'ä te' käpetik, jas ri q'oxom ri kuna' jun yawab' ixoq aretaq käril u wäch ri ral. Man kekowin tä k'u ri winaq käkito' kib'.

1 Tesalonicenses 5:3 ပူးပေါင်းရင်းမြစ်များ

Ri Job 15:21

Quebuta' tararem ri cuxe'j rib cumal; aretak man c'o ta latz' c'o wi man c'o ta cunabej cakaj pa qui k'ab ri eläk'omab.

Ri Job 24:23

Ri Dios cuya' chque chi quec'asi' ruc' jiquibam c'uxaj, quebuyuxlej tak c'ut chquijujunal ri e u xo'l tak cakan ri quequiya'.

Salmib 35:8

¡Chemajix ta rumal jun quiäkasakil! ¡Chekaj chupam ri qui ca'mibal! ¡Chekaj chupam quiäksakil!

Salmib 48:6

Xechaptaj rumal ri xibriquil: xquibak'atila' quib rumal k'oxom, jacha' jun yawab ixok;

Salmib 55:15

¡Chemajix ri e nu c'ulel rumal ri cämical! ¡E c'asc'oj chekaj pa ri mukubal, nojinak c'u ri canima' che ri etzelal!

Salmib 69:22

¡Ri qui wa re nimak'ij puwi' ri qui mexa chux jun c'amibal chque!

E C'ambal tak Tzij 29:1

Ri cuban rib chi tacaticalaj con aretak cäk'ilic, chanim cäsachisax na u wäch man c'o ta u to'tajic.

Ri Isaiy 20:6

Pa ri k'ijol ri' cäquibij na conojel ri e jekel pa we tak'aj ri': ‘Chiwilampe' ri xetac'al wi na ri ka yo'm wi ri cu'lbal ka c'u'x, ri cäkatzucuj wi u to'ic kib rech cujuto' pa u k'ab ri ajawinel re Asiriy. ¿Jas ta c'u ri cäkaban na che ka to'tajisaxic camic?’ ”

Ri Isaiy 29:5

Xak c'u c'ätetal, xa pa jok'otaj, ri Ajawaxel ri c'o ronojel u cuinem cuc'äjisaj na qui wäch ri e a c'ulel cuc' cakulja, nimak tak cabrakan, nimalaj jininem, c'axc'ol, quiakik' jäb, xukuje' c'atic ri cäsachan wächaj. Ri e a c'ulel ri sibalaj e q'ui, quec'äjir na jacha' ri puc'uc' ulew, conojel ri quebanow c'ax chawe, quetelex na bic jacha' ri pajo.

Ri Isaiy 30:13

rumal ri' ix ri c'o i mac. Ix junam ruc' jun nimalaj tapia ri pak'pobinak aretak man c'o ta cänabexic cäwulijic;

Ri Isaiy 47:11

Cäpe c'u na ri quiäkasakil pawi', man catcuin ta c'u che u k'atixic ruc' ri a subunic; cäkaj na jun nimalaj quiäkasakil pawi' ri man catcuin ta che u k'atixic jun nimalaj c'ax ri man aweye'm taj xak c'u c'äte tal cäpe na pawi'.

Ri Isaiy 47:9

Man c'o ta c'u canabej, xa pa jun k'ij quepe na we quiäkasakil ri' pawi': catcanaj na malca'n ixok, xukuje' man e c'o ta chi awal, pune' c'u quebaban q'ui k'ijinic xukuje' quebaban jalan tak qui wäch subunic.

Ri Isaiy 56:12

Cäquibij: “Jo' jekatzucuj u wa'l uva xukuje' ja' ri cäk'abarisanic rech cujk'abaric. Je c'u cäkaban na chwek jas ri cäkaban camic, o coc'ow chi ne na jubik' u wi'.”

Ri Jeremiy 13:21

“¿Jas c'u ri cabij na, Jerusalen, aretak cäk'at na tzij pawi' cumal winak ri kas at xatyo'w tijonic chque? Quepe c'u na u k'oxomal yawab ixok chawe.

Ri Jeremiy 14:19

Ajawaxel ¿La kas xa' jumul xutum la ri Juda? ¿La lal k'itajinak che ri tinimit Sion? ¿Jasche xujsoc la ri man c'o ta wi ka to'tajic? Keyem pok'otajic, man c'o ta c'u jun utzil opaninak ta kuc'. Keyem rutzil ka wäch, xuwi c'u xibim ib c'olic.

Ri Jeremiy 22:23

Camic utz a banom chupam ri a soc man c'o ta cayo'w latz' chawe, chquixo'l tak ri chacalte' ri e c'amom ulok pa ri Libano, ¡quebarika' c'u na c'ax aretak chepe tak ri k'oxomal pawi', k'oxomal tak e jacha' ta ne e re alc'ualanic!”

Ri Jeremiy 4:31

Quinta' jun rakoj chi'aj jacha' ta ne re jun ixok ri quec'ol u nabeal; e are tak wa' ri e u rakoj tak chi'aj ri Sion, ri cach'ikowic, quebuyuk ri u k'ab cubij c'ut: ‘¡Tok'ob nu wäch! ¡Quinequicämisaj ri cämisanelab!’ ”

Ri Jeremiy 6:14

Xak quequimalama' ri qui socotajic ri nu tinimit; “Jamaril, jamaril,” quecha'; ronojel c'ut c'ax u banom.

Ri Jeremiy 6:24

Ri winak pa Jerusalen caquibij: “Ka tom ri tzijol, uj u tuktubisam c'ut ri xe'n ib; cakana' ri elemch'u'j xukuje' ri k'oxomal, jacha' jun ixok ri cac'oji' ral.

Ri Jeremiy 8:11

Xak quequimalama' ri e qui socotajic tak ri nu tinimit; “Jamaril, jamaril,” quecha', ronojel c'ut c'ax u banom.

Ri Ezequiel 13:10

Je, we winak ri', xquiya' tijonic che ri nu tinimit xquibij c'u che chi ronojel utz c'olic, man c'u je ta wa' ri cätajin cac'ulmatajic. Xak e junam ruc' jun winak ri cuyac jun tapia ri man co ta cäcanajic chanim c'ut caquichunaj rij rech man cak'alajin taj.

Ri Osey 13:13

Opaninak ri jok'otaj che ri ralaxic ri Israel, jun alc'ualaxel c'ut ri sibalaj co ranima' ri mawi ne ticarel taj che u colomarisaxic rib pa ri ralaxic.

Ri Nahum 1:10

Ix jacha' q'uix ri qui quemom tak quib, jacha' ri chaki'j u xak k'ayes, kas quixporox na.

Ri Matey 23:33

¡Ix je ta ne e cumätz! ¡Ix quija'l cumätz! ¿Jas lo ri quiban che u to'ic iwib chuwäch ri xibalba ri cac'äjisax wi i wäch?

Ri Xuan 16:21

Aretak jun ixok quealc'ualanok, c'o u bis, petinak c'u ri u k'ijol. Aretak ralam chi c'u ri ac'al, ri u c'axc'olil man cänataj ta chi che, rumal rech ri u quicotemal chi xalax jun ac'al cho ri uwächulew.

Hechos 13:41

Chixul ba' pa sak, ri ix xutunelab; chixmayinok, chsach i wäch. Quinban c'u na jun nu chac pa tak we i k'ij ri', chac ri man quicoj ta ri', we ta c'o jachin cätzijon chiwe.”

U Camulixic ri Pixab 29:19

We c'u aretak i tom chic ri tzij re we chi'nic ri' ri kas cäban na, we c'u ne c'o jun chiwe ri cuban rib chi sibalaj utz, cuchomaj c'ut, cubij: ‘Ronojel ri quinbano utz quel na, pune' are quinbano jas ri quinwaj.’ Are c'u wa' ri cac'amow ulok ri c'ax paquiwi' conojel.

2 Tesalonicenses 1:9

Ri e are' cäquirik na ri u tojbalil ri qui mac. Cäsach na qui wäch chbe k'ij sak, quetastaj na chuwäch ri Ajawaxel, naj queya' wi na che ri u juluwem xukuje' ri u chuk'ab.

Hebreos 12:23

Ix opaninak cuc' ri nabeal tak winak re ri comon cojonelab, ri qui mulin quib, ri e tz'ibam qui bi' pa ri caj. Ix opaninak chunakaj ri Dios, ri qui K'atal Tzij conojel, chquiwäch ri cuxlabal ri suc'alaj tak winak ri e tz'akatisam chic.

Hebreos 2:3

E ta c'u lo ri uj, ¿jas ta cäkabano cujto'tajic, we man cujoc il che ri nimalaj tok'ob ri xuban ri Dios che ka colic? Nabe xtzijox wa' rumal ri Ajawaxel, te c'u ri' xbix chke chi kastzij cumal ri xeto'wic.

2 Pedro 2:4

Ri Dios man xusach ta qui mac ri tako'nib aj caj ri xemacunic, xane' xebuq'uiak pa ri xibalba, xebutz'apij pa ri k'eku'm, chila' cäqueyej wi na ri k'atoj tzij paquiwi'.

K'atal tak Tzij 8:11

Ri Jedeon xutakej ri u be pa ri be ri cusutij rij ri chaki'j uwo sak, pa elebal k'ij che ri Noba xukuje' ri Jogbe, xbe c'u chquij aretak ri e are' man c'o ta cäquinabej.