1 Tesalonicenses 2:1 - Quiché Bible

¹ Ri ix c'ut, wachalal, iweta'm chi man xak ta lok' xujopan iwuc'.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Qachalal, ix iwetaꞌm chi qas kꞌo xupatanij ri solinik ri xqabꞌan iwukꞌ.

K'iche'

¹ Ri ix, kachalal, kas iwetam chi man xak tä lok' xujc'oji iwuc', xane nim xixkato' wi.

K'iche' (New Orthography)

¹ Ri ix, qachalal, qas iwetam chi man xaq tä loq' xujk'oji iwuk', xane nim xixqato' wi.

1 Tesalonicenses 2:1 ပူးပေါင်းရင်းမြစ်များ

Ri Job 39:16

Co ranima' chque ri ral, je ta ne ri ma ta e rech, man c'o ta c'u cubij u c'u'x chi pune' ta ne xak lok' ri u chac.

Salmib 127:1

We man are' ri Ajawaxel cäyacow ri rachoch Dios, man c'o ta cupatanij ri qui chac ri e yacanelab; we man are' ri Ajawaxel cäch'ukuw ri tinimit, man c'o ta cupatanij pune' quec'asc'at ri chajinelab.

Salmib 73:13

¡Man c'o ta cupatanij chwe chi josk'ital ri wanima', xukuje' chi queben josk'ij ri nu k'ab che ronojel etzelal!

Ri Isaiy 49:4

Nu bim c'u in: Xak lok' nu rikom c'ax, xak lok' nu q'uisom ri nu chuk'ab man c'o ta jas nu banom.” Kastzij ri chac ri nu banom pa u k'ab ri Ajawaxel c'o wi, Ri tojbal we pa ri u cuinem ri nu Dios c'o wi.

Ri Isaiy 65:23

Man xak ta lok' quechacun na mawi quec'oji' ta calc'ual ri quecämic c'ä maja' cätz'akat qui k'ij. Rumal rech chi e u k'ab tak cachalaxic ri e u tewichi'm ri Ajawaxel, xak c'u junam xukuje' ri e u k'ab tak cachalaxic.

Ri Habacuc 2:13

Ri Ajawaxel ri c'o ronojel u cuinem cubana' che ri a chac chi man c'o ta cubij xukuje' ri awelebal ch'u'j, conojel c'ut ri e a chac cäsachisax na qui wäch rumal ri k'ak'.

1 Corintios 15:10

Rumal c'ut ri u tok'ob ri Dios ri in je nu banic wa' camic; are c'u ri u tok'ob ma ta c'o xubej chwe. Xane' sibalaj in chacuninak na chquiwäch conojel e are'; pune' c'u man in taj, xane' are' ri Dios, ri chupam ri rutzil in u to'm.

1 Corintios 15:2

Rumal c'u wa' ix colotajinak chic, we man quiya' can ri xintzijoj chiwe, we man xak lok' ix cojoninak.

1 Corintios 15:58

Je c'u ri', lok'alaj tak wachalal, kas co chixtac'alok, man c'o ta quixslabsanic. Amak'el chixoc il che ri u chac ri Ajawaxel. Iweta'm chi ri i chac pa ri Ajawaxel man xak ta lok'.

2 Corintios 6:1

Ri uj uj rajchaquib ri Dios junam iwuc'. Rumal ri' quixkabochi'j chi xak lok' mic'am ri u tok'ob ri Dios.

Gálatas 2:2

Xinbec rumal rech chi ri Dios xuc'ut chnuwäch chi rajawaxic jeri' quinbano. Xebench'abej ri quechomaxic chi e c'amal tak be xa' pa qui tuquiel wi, xink'alajisaj ri tzij re colobal ib chquiwäch ri quintzijoj chquixo'l ri man aj judeyib taj. Jewa' xinbano rech man xak ta lok' ri chac ri nu banom xukuje' ri quinban na.

Gálatas 4:11

¡Quinxe'j wib rumal iwech, we ne xak lok' nu banom ri nimalaj chac iwuc'!

Filipenses 2:16

pa ri u k'alajisaxic ri tzij re c'aslemal chquiwäch. Jeri' quinquicot na iwumal pa ri k'ij aretak cäpe ri Crist, weta'm chi man xak ta lok' xinc'am wanim pa ri binem, man xak ta lok' xintij nu chuk'ab pa ri nu chac.

1 Tesalonicenses 2:13

Rumal ri' xukuje' ri uj man cäkatanaba' ta ri ka maltioxinic che ri Dios, rumal chi aretak xic'am ri u tzij ri Dios ri xkatzijoj chiwe, man xic'am taj jas ri u tzij winak. Xane' xic'amo jas ri kastzij, are ri u tzij ri Dios, ri xukuje' cächacun pa ri i c'aslemal ri quixcojonic.

1 Tesalonicenses 3:5

Rumal ri', xukuje' ri in man xink'i' ta chic ma ta quinwil i wäch. Xintakan c'ut rech quetamax ri i cojonic, we ne xixtakchi'x che mac rumal ri takchinel, man c'o ta c'u u patan ri' ri c'axalaj ka chac.

2 Tesalonicenses 1:10

Jewa' cäquic'ulmaj na aretak cäpe ri Jesus rech cänimarisax u k'ij cumal ri e tastalicalaj tak winak ri e rech, rech cäya' u k'ij cumal conojel ri xecojonic, rumal rech chi xquicojo jas ri xkak'alajisaj chquiwäch pa ri k'ij ri'.

2 Tesalonicenses 3:1

Xuwi chi c'u wa' quinbij, kachalal: Chibana' ch'awem ruc' Dios pakawi', rech ri u tzij ri Ajawaxel cäjabun aninak pa ronojel c'olbal, chyok' u k'ij jas ri xc'ulmataj chixo'l.