1 Tesalonicenses 1:4 - Quiché Bible

⁴ Kachalal ix lok'ok'em rumal ri Dios, keta'm chi xixcha'taj rumal.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Loqꞌalaj taq alaxik rech ri Dios, qetaꞌm chi are ri Dios ix choꞌwinaq apanoq.

K'iche'

⁴ Ketam c'ut, kachalal, chi quixraj ri Dios, xukuje' chi ix cha'tal rumal.

K'iche' (New Orthography)

⁴ Qetam k'ut, qachalal, chi kixraj ri Dios, xuquje' chi ix cha'tal rumal.

1 Tesalonicenses 1:4 ပူးပေါင်းရင်းမြစ်များ

Romanos 1:7

Quintz'ibaj c'u we wuj ri' chiwe iwonojel ri ix c'o pa Rom. Ri Dios quixulok'ok'ej, xixusiq'uij rech quixux tastalic tak winak. Ri Dios ka Tat xukuje' ri Ajawaxel Jesucrist chubana' tok'ob chiwe xukuje' chuya' jamaril chixo'l.

Romanos 9:25

Jas cubij pa ri u wuj ri Osey: “Ri winak ri man e nu tinimit taj, quinbij na nu tinimit chque. Ri winak ri man e lok'ok'em taj, quebenlok'ok'ej na.

Efesios 1:4

Ri Dios xujucha' pa ri Crist aretak c'ä majok cätiquitaj ulok ri uwächulew, rech cujux tastalic tak winak, cujc'oji' chuwäch ri are', man c'o ta ka mac.

Colosenses 3:12

Ri Dios quixulok'ok'ej, ix u cha'om, u banom tastalic tak winak chiwe. Chc'ol tok'obisan wächaj pa ri iwanima', chel i c'u'x chque niq'uiaj winak chic, minimarisaj iwib chquiwäch niq'uiaj chic, mibanala' c'ax chbil iwib, chc'ol i coch'onic,

1 Tesalonicenses 1:3

Chuwäch ri Dios ka Tat, cänataj chke chi ix chacuninak ruc' cojonic, i banom c'axalaj chac ruc' lok'ok'ebal c'u'x. Cänataj chke chi man quiya' ta can ri cu'lbal i c'u'x chrij ri Kajaw Jesucrist, pune' quirik c'ax.

2 Tesalonicenses 2:13

Kachalal ix lok'ok'em rumal ri Ajawaxel, rajawaxic chi amak'el cujmaltioxin che ri Dios rumal iwech. Rumal rech chi pa ri u tiquiritajic, ri Dios xixucha' rech quixcolotajic rumal ri Uxlabaxel ri cuban tastalic tak winak chiwe, rumal ri i cojonic che ri kastzij.

1 Pedro 1:2

ri e cha'tal jas ri xuchomaj ulok ojer ri Dios Tataxel. Ri are' u banom tastalic tak winak chiwe rumal ri Uxlabaxel, rech quixniman che xukuje' quixchiquichax ruc' ri u quiq'uel ri Crist: are ta ri Dios sibalaj cuban tok'ob chiwe xukuje' sibalaj cuya' jamaril chixo'l.

2 Pedro 1:10

Rumal ri', wachalal, quinbij wa' chiwe: Ri Dios xixuch'a xukuje' ix cha'talic. Chicojo' ba i chuk'ab che u c'utic pa ri i c'aslemal chi kastzij ix siq'uim xukuje' ix cha'tal rumal ri Dios. We jewa' quibano, mawi jumul quixtzakic.