1 Pedro 5:6 - Quiché Bible

⁶ Chimach'a' ba' iwib chuxe' ri u k'ab ri Dios ri sibalaj c'o u cuinem, rech ri are' cunimarisaj i k'ij aretak cäpe ri k'ij.

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Chimochꞌo bꞌa iwibꞌ chuxeꞌ raqan uqꞌabꞌ ri Dios, rech kuya na iqꞌij are kuriq ri uqꞌijal.

K'iche'

⁶ Kas china' pa iwanima' chi man nim tä i banic, chiya c'u iwib pu k'ab ri ka Dios ri c'o nimalaj u chuk'ab rech ri Are' cunimarisaj na i k'ij ix aretak curik ri k'ij.

K'iche' (New Orthography)

⁶ Qas china' pa iwanima' chi man nim tä i b'anik, chiya k'u iwib' pu q'ab' ri qa Dios ri k'o nimalaj u chuq'ab' rech ri Are' kunimarisaj na i q'ij ix aretaq kuriq ri q'ij.

1 Pedro 5:6 ပူးပေါင်းရင်းမြစ်များ

Nabe Ajawinelab 21:29

“¿La awilom jas ri u mach'ic rib ri Acab u banom chnuwäch? Rumal c'u rech chi u mach'om rib chnuwäch, man quinc'am ta ulok ri etzelal paquiwi' ri rachalal joropa' k'ij cac'asi'c, xane' pa ri u c'aslemal ri u c'ojol.”

Ucab Ajawinelab 22:19

rumal c'u rech chi slabetajinak ri awanima' xatkeb c'u wuc' aretak xatatabej ri k'alajisanic ri nu yo'm chrij we c'olbal ri' xukuje' ri winak ri e c'o chupam, chi quejocoq'uex na bic e c'okotajinak c'ut, rumal rech chi xajis ri awatz'iak chawij xukuje' chi xatok' chnuwäch, ri in xatintatabej. In, ri Ajawaxel, quinbij chawe.

Ucab Tzijobelil 12:12

Je c'u ri' rumal rech chi xumach'irisaj rib ri Roboam, xoc'ow ri royowal ri Ajawaxel chrij man xuq'uis ta c'u u sachisaxic u wäch. Pune' ruc' ronojel ri xc'ulmatajic, c'ä e c'o c'u na utzalaj tak jastak pa Juda.

Ucab Tzijobelil 30:11

E c'o c'u ne jujun achijab ri e aj ramak' ri Aser, ri Manases xukuje' ri Zabulon xquimach' quib chuwäch ri Dios xebe c'u pa Jerusalen.

Ucab Tzijobelil 32:26

Pune' c'u ne xuban nimal, ri Ezequiy xumach'irisaj rib chuwäch ri Dios, xukuje' junam xquiban ri winak aj Jerusalen, ri Ajawaxel man c'u xukasaj taj ri royowal paquiwi' pa tak ri u k'ijol ri Ezequiy.

Ucab Tzijobelil 33:12

Aretak xuna' ri rib chi c'o pa ri nimalaj c'ax xutz'onoj elebal c'u'x che ri Ajawaxel, xumach'irisaj c'u rib ruc' ronojel ranima' chuwäch ri qui Dios ri e nabe tak u mam.

Ucab Tzijobelil 33:19

Ri u ch'awem ruc' Dios xukuje' ri tzelebal u wäch ri xuc'amo, ronojel ri u tzijoxic ri u mac xukuje' ri u jech'balil xukuje' tak ri c'olbal ri xebuyac wi tak ri porobal ri quek'ijilax wi diosib, xukuje' ri xebuya' wi tak ri e u wächbal ri Asera xukuje' tak ri diosib, c'ä majok chumach'irisaj rib chuwäch ri Dios, e tz'ibatal pa ri qui tzijobelil ri e k'axal u tzij.

Ucab Tzijobelil 33:23

Man c'u xumach'irisaj ta rib chuwäch ri Ajawaxel, jacha' ri xuban ri Manases ri u tat, xane' xebumulij q'ui macaj puwi'.

Ucab Tzijobelil 36:12

E itzel tak c'ut ri e u banoj ri xebuban chuwäch ri u Dios. Man xumach'irisaj ta rib chuwäch ri Jeremiy, ri k'axal tzij, ri xubij che jas ri cubij ri Ajawaxel.

Ri Job 36:22

Kas utz rilic ri nimalaj u cuinem ri Dios chbana' la. Man c'o ta jun ajtij ri chuya'taj chajunamataj ta ruc';

Salmib 75:10

ri are' cusach na u wäch ri nimal ri quec'amow ri banal tak etzelal, cunimarisaj c'u na ri u cuinem ri utzalaj winak.

Salmib 89:13

Ri k'ab la cuinel; ri iquiak'ab la c'o u chuk'ab xukuje' ch'äcanel.

Elem 10:3

Ri Moises rachilam ri Aaron xebe che u ch'abexic ri ajawinel, xquibij c'u che: “jewa' cubij ri Ajawaxel ri qui Dios ri aj hebreyib: ‘¿C'ä jampa' ri camach' ta na awib chnuwäch? Chatzokopij bic ri nu tinimit rech cäbe che nu k'ijilaxic;

Elem 3:19

Kas c'u weta'm chi ri ajawinel re Ejipt man quixutzokopij taj, we ta ma ta rumal ri u chuk'ab ri nu cuinem.

Elem 32:11

Ri Moises xuta' tok'ob che ri Ajawaxel ri u Dios, xubij: “Ajawaxel, ¿jas ta che cäk'ak'ar ri oyowal la puwi' ri tinimit la ri xesaj la ulok pa Ejipt ruc' ri nimalaj cuinem la?

E C'ambal tak Tzij 29:23

Ri cuban nimal cämach'irisaxic, are' c'u ri u mach'om rib cänimarisax u k'ij.

Ri Isaiy 2:11

Ri e banal tak nimal, queyuxi na ri cäquiban quib chi nimak qui k'ij quemach'irisax na. Xuwi ri Ajawaxel cuc'ut na ri u nimalil pa ri k'ij ri',

Ri Isaiy 40:4

Chebinojisaj tak ri c'olbal ri e q'uiyinak wi aj, chebilianisaj tak ri juyub xukuje' ri e u tza'm tak juyub, ri c'olbal ri e c'o wi c'ache'laj xukuje' tanatak, chebililobisaj.

Ri Isaiy 57:15

Are' c'u ri Dios ri aj chicajil, ri cac'al chbe k'ij sak, ri tastalic u bi', je cubij wa': “Ri in in jekel pa jun c'olbal chicaj ri tastalic, xukuje' in c'o c'u ruc' ri meba' ri u rikom c'ax, quincu'bisaj c'u u c'u'x xukuje' quinya' u chuk'ab.

Ri Jeremiy 13:18

“Chabij che ri ajawinel xukuje' che ri ajawinel ixok nanaxel: ‘Chixkaj ulok chiya' can ri tem re ajawibal chixt'uyul c'u cho ri ulew, tzakinak c'ut ri corona ri c'o che ri i jolom ri quixwikowic.’

Ri Jeremiy 44:10

C'ä camic ri ix man i q'uexom taj ri i c'aslemal, mawi i xe'n iwib, mawi e i tz'akatisam taj ri tijonic xukuje' tak ri pixab ri xebenya' chiwe xukuje' chque ri e i mam.

Ri Ezequiel 17:21

Ri e cowilaj tak rajch'ojab quecäm na pa ri ch'o'j, jachin tak c'ut ri quec'asi' canok quejabux na pa ri quiejeb quiakik'. C'äte c'u ri' quich'ob na ix chi in ri' ri Ajawaxel, in ch'awinak.

Ri Ezequiel 21:6

Are c'u ri at, winak, chatjuyuw che ok'ej ruc' c'ut ri awanima' ri u banom ch'akatak; chatok'ok chuwäch ri tinimit.

Ri Daniel 5:22

Are' c'u ri camic ri lal, ri Belsasar, u c'ojol we achi ri' ri xukuje' reta'm ri xuc'ulmaj, mawi c'u ne u mach'irisam ta ib la.

Aj Levitib 26:41

xukuje' c'u ri in quixinc'ulelaj na quixinc'am c'u bic pa ri culew ri e i c'ulel; c'ä chi' c'ut cäquimach' na ri canima' ri quebuk'ijilaj tak diosib, caquitoj c'u na ri qui mac.

Ri Miquey 6:8

Ri Ajawaxel u bim chic chawe o winak, jachique ri' ri utz xukuje' jachique ri careyej ri are' chawe: chi chabana' ri suq'uilal, xukuje' chi chatux jic xukuje' xa jun awanima' xukuje' chi chanimaj ri a Dios ruc' mach'ibalil.

Ri Matey 23:12

Apachin c'ut ri cunimarisaj u k'ij chbil rib camach'irisax na, apachin c'ut ri cumach'irisaj rib canimarisax na u k'ij.

Ri Lucax 1:52

Xebukasaj ri ajawinelab ri c'o qui cuinem paquiwi' ri e qui tem ajawinelab, xebuwalijisaj c'u ri winak ri man nim ta qui k'ij.

Ri Lucax 14:11

Conojel c'u ri cäquinimarisaj quib, cäkasax na qui k'ij. Apachin c'u ri man cunimarisaj ta rib, cänimarisax na u k'ij.”

Ri Lucax 18:14

Quinbij chiwe chi ri tok'il alcabal, aretak xel bic xbe cho rachoch, are' k'alajisam chic chi suc' chuwäch ri Dios. Man je ta wa' ri jun chic, ri pariseyib. Conojel c'u ri cäquinimarisaj quib, ri e are' cäkasax na qui k'ij. Apachin c'u ri man cunimarisaj ta rib, are ri' cänimarisax na u k'ij.”

Romanos 5:6

Aretak man xujcuin ta che u colic kib, ri Crist, kas pa ri k'ij ri rajawaxic, xcäm rumal quech ri winak ri man cäquiya' ta u k'ij ri Dios.

1 Corintios 10:22

O ¿la cäkayac royowal ri Ajawaxel? ¿La are ta c'u lo c'o na ka chuk'ab uj chuwäch ri are'?

U Camulixic ri Pixab 32:35

che ri k'ij ri quinya' na rajil u q'uexel chque, quinya' c'u ri takal chque, aretak copan ri k'ij re ri qui tzakic, nakaj chi c'u c'o wi ri k'ij re ri u sachic qui wäch, xa co'l man cänakajin ri k'ijol chque.

1 Timoteo 2:6

Rumal rech chi xujach rib ri Jesucrist pa u k'ab ri cämical che u tojic ri rajil ri colobal ib chque conojel, jas ri u cholajil ri k'alajisanic ri xya' pa ri kas u k'ijol.

Ri Tit 1:3

Xuchomaj jun k'ij, xuk'alajisaj ri u tzij. Xya' ri tzij pa nu k'ab rumal ri u takanic ri ka Colonel Dios.

Santiago 4:10

China' pa iwanima' chi man c'o ta i banic chuwäch ri Ajawaxel, ri are' c'ut cunimarisaj na i k'ij.

Santiago 4:7

Chijacha' ba' iwib pa u k'ab ri Dios. Chik'atij u wäch ri itzel, canimaj c'u na chiwäch.

Santiago 5:10

Wachalal, ri k'axal tak u tzij ri Dios ri xetzijon pa ri u bi' ri Ajawaxel xquirik c'ax, xqueyej c'ä xoc'ow na ri c'axc'olil. Chebic'ama' che c'utbal, chibana' iwe jas ri xquiban ri e are'.