1 Pedro 5:14 - Quiché Bible

¹⁴ Chiyala' rutzil i wäch, che u c'utic chi quilok'ok'ela' iwib iwachalal c'u iwib. Chc'ol ta jamaril chixo'l, iwonojel ri ix re ri Crist.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ Chiya rutzil iwach pa ri uloqꞌanik ri Dios. Kintaq jaꞌmaril chiꞌwe iwonojel ri ix kꞌo pa Cristo.

K'iche'

¹⁴ Chitz'umaj iwib chbil tak iwib aretak quiyala rutzil i wäch. Je ri' quibano chuc'utic chi kas quiwaj iwib chbil tak iwib. Chuxlan ta ba' ri iwanima' nimalaj iwonojel ri ix, ix rech ri Jesucristo. Amén.

K'iche' (New Orthography)

¹⁴ Chitz'umaj iwib' chb'il taq iwib' aretaq kiyala rutzil i wäch. Je ri' kib'ano chuk'utik chi qas kiwaj iwib' chb'il taq iwib'. Chuxlan ta b'a' ri iwanima' nimalaj iwonojel ri ix, ix rech ri Jesucristo. Amén.

1 Pedro 5:14 ပူးပေါင်းရင်းမြစ်များ

Ri Matey 5:47

We xak xuwi ri e iwachalal quiya' rutzil qui wäch, ¿jas ta c'u lo ri utz quiban na chquiwäch ri niq'uiaj chic? ¿La ma ta xukuje' junam cäquiban ri man aj judeyib taj?

Ri Xuan 14:27

Ri jamaril quinya' can chiwe. Ri nu jamaril quinya' chiwe. Man je ta c'u u ya'ic quinya' chiwe jacha' ri u ya'ic ri caquiya' ri e aj uwächulew. Mäk'oxow ri iwanima', mawi muxe'j rib.

Ri Xuan 16:33

We jastak ri' nu tzijom chiwe, rech quirik jamaril chupam ri u junaxic iwib wuc'. Pa ri uwächulew quirik na c'axc'olil. Chijiquiba' ba' i c'u'x, ri in in ch'äcaninak puwi' ri uwächulew.”

Ri Xuan 20:19

Pa ri xk'ekal re ri k'ij ri', ri nabe k'ij re ri seman, qui mulin quib ri tijoxelab. E tz'apitz'oj ri e u chi' tak ja rumal rech chi cäquixe'j quib chquiwäch ri aj judeyib. Te c'u ri' xpe ri Jesus, xtaq'ui' pa qui niq'uiajil, xubij chque: “Chc'ol ri jamaril iwuc'.”

Ri Xuan 20:26

Oc'owinak chic wajxakib k'ij, jumul chic e c'o ri u tijoxelab pa ri ja, xukuje' ri Max c'o cuc'. Pune' e tz'apitz'oj ri e u chi' ri ja, xopan ri Jesus, xtaq'ui' pa qui niq'uiajil, xubij: “Chc'ol jamaril iwuc'.”

Romanos 1:7

Quintz'ibaj c'u we wuj ri' chiwe iwonojel ri ix c'o pa Rom. Ri Dios quixulok'ok'ej, xixusiq'uij rech quixux tastalic tak winak. Ri Dios ka Tat xukuje' ri Ajawaxel Jesucrist chubana' tok'ob chiwe xukuje' chuya' jamaril chixo'l.

Romanos 16:16

Chebiyala' rutzil tak i wäch. Ri cojonelab pa tak conojel ri u comon cojonelab cäquiya' rutzil i wäch.

Romanos 8:1

Camic c'ut, man c'o ta chi jun c'äjisabal qui wäch ri winak ri e c'o pa ri Crist Jesus.

1 Corintios 1:30

Rumal c'ut ri are' ix nuc'utal ruc' ri Crist Jesus, ri rumal ri Dios uxinak no'j chke, xukuje' suq'uilal, tastaliquil xukuje' colobal ib.

1 Corintios 16:20

Conojel ri kachalal cäquiya' rutzil i wäch. Chiyala' rutzil i wäch ruc' nimalaj rutzil wächaj, che u c'utic chi sibalaj nim quiwil wi iwib ix tastalic tak winak.

2 Corintios 13:12

Chiyala' rutzil tak i wäch ruc' lok'ok'ebal c'uxaj.

2 Corintios 5:17

Je c'u ri', we c'o jun c'o pa Crist, c'ac' winakirisam chic: ri ojer tak jastak xeboc'owic; chiwilampe', e c'ac' conojel ri e c'o chic.

Efesios 6:23

Are' ri Dios ri Tataxel, xukuje' ri Ajawaxel Jesucrist, chuya' chque ri achalaxelab jamaril xukuje' lok'ok'ebal c'uxaj, rachilam cojonic.

1 Tesalonicenses 5:26

Chiya' rutzil qui wäch conojel che u c'utic ri lok'ok'ebal c'u'x.

1 Pedro 1:2

ri e cha'tal jas ri xuchomaj ulok ojer ri Dios Tataxel. Ri are' u banom tastalic tak winak chiwe rumal ri Uxlabaxel, rech quixniman che xukuje' quixchiquichax ruc' ri u quiq'uel ri Crist: are ta ri Dios sibalaj cuban tok'ob chiwe xukuje' sibalaj cuya' jamaril chixo'l.

3 Juan 1:14

Cu'l c'u nu c'u'x chi quinwil na a wäch chanim, cäkatzijobej c'u na kib chwinakil.