1 Pedro 5:10 - Quiché Bible

¹⁰ Are c'u ri Dios cuban na tz'akat chiwe, quixucowirisaj na, cuya' na i chuk'ab, xukuje' quixutac'aba' na. Are ri' ri Dios ri cäbanow ronojel u wäch tok'ob xukuje' ri xixsiq'uin che ri junalic u juluwem pa ri Crist.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Are chriqtaj kꞌax iwumal jun janipa qꞌij, ri Dios ajchoqꞌe ronojel toqꞌobꞌ ri xixusikꞌij apanoq pa ri ujuluwem ri maj ukꞌisik pa Cristo, kixusukꞌumaj na, kubꞌan na ko chiꞌwe xuqujeꞌ kujeqebꞌa na ikꞌuꞌx.

K'iche'

¹⁰ Aretak c'ut i rikom chi quieb oxib k'ij c'äxc'ol, ri Dios ri sibalaj cutok'obisaj ka wäch, ri xujusiq'uij rech cänimarisax ka k'ij junam ruc' ri Jesucristo, cubano chi quijiquiba na ri iwanima' chrij, cuban na tz'akat chiwe. Cuya na ri i chuk'ab, xukuje' cubano chi kas co quixjeki na pa ri i cojonic.

K'iche' (New Orthography)

¹⁰ Aretaq k'ut i riqom chi kieb' oxib' q'ij k'äxk'ol, ri Dios ri sib'alaj kutoq'ob'isaj qa wäch, ri xujusik'ij rech känimarisax qa q'ij junam ruk' ri Jesucristo, kub'ano chi kijikib'a na ri iwanima' chrij, kub'an na tz'aqat chiwe. Kuya na ri i chuq'ab', xuquje' kub'ano chi qas ko kixjeqi na pa ri i kojonik.

1 Pedro 5:10 ပူးပေါင်းရင်းမြစ်များ

Salmib 119:28

In jik'inak chquipam tak ri e u wa'l wächaj re k'oxomal; ¡bana' ba' la chi co quinc'ojic jas ri u cholajil ri chi'nic la!

Salmib 138:7

Aretak quinriktaj chupam ri sayowem, ri lal cäya' la nu c'aslemal; calic' ri cuinem la quinto'tajisaj c'u la, chuwäch ri coyowal ri e nu c'ulel.

Salmib 86:15

Are' c'u ri lal, Ajawaxel, lal jun Dios ch'uch'uj ri quel c'u'x la, coch'onel, lal lok'ok'ebal c'uxaj ronojel xukuje' kastzij.

Salmib 86:5

Rumal rech chi lal, Ajawaxel, lal utz cacuyun c'u la nim ri lok'ok'ebal c'u'x la chque ri quenatan la.

Ri Zacariy 10:12

In quinyo'w na qui chuk'ab, quech'äcan c'u na pa ri nu bi'. In, ri Ajawaxel, quinya' ri nu tzij.”

Ri Zacariy 10:6

Cacha' ri Ajawaxel: “In quinya' na qui chuk'ab ri e rija'lil ri Juda quebento'tajisaj c'u na ri e rija'lil ri Jose. Quinc'am na qui be quebentzelej na chupam ri culew, rumal rech chi quel nu c'u'x chque. Quebux c'u na jacha' ta ne ri ma ta c'o jubik' ri xinwetzelaj ta wi qui wäch, in c'ut ri Ajawaxel ri qui Dios, ri quebench'ob tak ri e qui bochi'nic chwe.

Ri Lucax 22:32

Xinbochi'n c'u pawi', rech man caya' ta can ri a cojonic. Ri at c'ut, aretak chaq'uex chi na a c'u'x, chaya' qui chuk'ab ri awachalal.”

Romanos 15:13

Ri Dios ri cucu'bisaj ka c'u'x chunojisaj ta ri iwanima' ruc' nimalaj quicotemal, chc'oji' ta jamaril chixo'l rumal ri i cojonic. Jeri' kas cäcu'bi i c'u'x chrij ri Dios rumal ri u cuinem ri Ruxlabal ri Dios.

Romanos 15:5

Ri Dios ri cuya' chke chi cäkach'ij ri c'ax, ri cucu'bisaj ka c'u'x, chuya' ba' chiwe chi cäc'oji' xa' jun anima' chixo'l, je jas ri u beya'l ri Crist Jesus,

Romanos 16:25

Chkanimarisaj ba' u k'ij ri Dios ri cäcuin che i tac'abaxic, jas ri cubij pa ri tzij re colobal ib ri quintzijoj, jas cubij ri tzij chrij ri Jesucrist, jas ri xketamaj aretak xec'ut chkawäch ri jastak ri man etamatal ta can nabe, ri man tzijom ta ulok kas aretak majok cätiquiritaj ri uwächulew.

Romanos 9:11

Ri Dios xch'aw ruc' ri Rebec aretak c'ä majok queralaj ri ral, c'ä majok cäquiban utzil o etzelal. Jeri' cäkil ri u chomanic ri Dios chi quebucha' ri winak man rumal ta ri chac ri qui banom, xane' nabe quebusiq'uij.

Romanos 9:24

Ri e u siq'uim, uj c'u ri', man xuwi ta chquixo'l ri aj judeyib, xane' xukuje' chquixo'l ri man a aj judeyib taj.

1 Corintios 1:10

Quixinbochi'j ba', wachalal, pa ri u bi' ri Kajaw Jesucrist, chi xa' junam chixtzijon iwonojel, mäc'oji' tasoj ib chixo'l, xane' chux junam i chomanic, chux junam iwanima' iwonojel.

1 Corintios 1:9

Jic c'u ri Dios. Amak'el cutz'akatisaj ri u bin. Ri are' xixusiq'uij rech quixc'oji' junam ruc' ri Kajaw Jesucrist ri u C'ojol.

2 Corintios 13:11

Chuq'uisbalil, wachalal: Chixquicotok. Chitz'akatisaj jas ri cäraj ri Dios pa ri i c'aslemal. Chicu'bisala' i c'u'x. Chux junam i chomanic. Chixjekel pa jamaril. Are c'u ri Dios ri re lok'ok'ebal c'uxaj, aj jamaril, cäc'oji' na iwuc'.

2 Corintios 4:17

Ri c'axc'olil ri cäkarik waral man al taj, ri xak oc'owel, cuban chke chi cäkarik na jun junalic juluwem ri sibalaj nim u banic, ri sibalaj c'o na chuwäch ri c'axc'olil.

Filipenses 4:13

Ronojel quincuin chubanic are' c'u Crist ri cäyo'w nu chuk'ab.

Colosenses 2:7

benak ri i xeal pa ri are', co ix tiquitoj pa ri are' rumal ri cojonic, je jacha' ri xixtijox wi, quiya' c'u maltioxinic amak'el che ri Dios.

1 Tesalonicenses 2:12

Xixkabochi'j chi quixbinic jas ri takal che jun ri terenel ri Dios. Are' ri Dios xixsiq'uinic rech ix jun pa ri rajawibal xukuje' pa ri u juluwem.

2 Tesalonicenses 2:14

Ri Dios xixusiq'uij rumal ri tzij re colobal ib ri cäkatzijoj, rech quirik ri u juluwem ri Kajaw Jesucrist.

2 Tesalonicenses 2:17

Are' ri are' cucu'bisaj i c'u'x, xukuje' cuya' i chuk'ab che u bixic ronojel utzalaj tak tzij xukuje' che u banic ronojel utzalaj tak chac.

2 Tesalonicenses 3:3

Ri Ajawaxel are jic. Ri are' cuya' na i chuk'ab, quixuchajij na chuwäch ri itzel.

1 Timoteo 6:12

Chatija' a k'ij che ri utzalaj ch'o'j re ri cojonic. Chachapa' ri c'aslemal ri man cäq'uis taj. Che c'u wa' xatsiq'uix wi aretak xak'alajisaj ri utzalaj a cojonic chquiwäch e q'ui winak ri xquita' ri a tzij.

2 Timoteo 1:9

ri xujucolo ri xujusiq'uij xukuje' xutas ri ka c'aslemal che ri are', man rumal ta c'u ri ka banom, xane' rumal ri u rayinic ri u tok'ob ri u yo'm chke pa Crist Jesus, c'ä majok tak ri e k'ij junab,

2 Timoteo 2:10

Rumal ri' quinch'ij conojel ri rikoj c'ax che cutzil ri e cha'om, rech xukuje' ri e are' cäquirik ri colobal ib ri c'o pa Crist Jesus ruc' ri junalicalaj juluwem.

Hebreos 9:15

Rumal ri' ri Crist are ri ch'awenel aj jun c'ac' c'ulwächinic, rech ri e siq'uitalic caquic'am ri junalic echbal ri chi'talic, camic c'ut cäminak ri are' che quesaxic ri macaj ri e ban tajinak chuxe' ri nabe c'ulwächinic.

1 Pedro 1:15

Xane' jas ri Dios ri xixusiq'uij, are tastalic, xukuje' ri ix chixux tastalicalaj tak winak pa ronojel ri quibano.

1 Pedro 4:10

Chiyala' iwe chijujunal jas ri yo'm chiwe rumal ri Dios, je jas utzalaj tak e chajil re ronojel u wäch u tok'ob ri Dios.

1 Pedro 4:11

We c'o jun cätzijonic, je chtzijonok jas ri e u tzij ri Dios. We c'o jun cäpataninic, chpataninok je jas ruc' ri cuinem ri cuya' ri Dios. Jeri' pa ronojel cänimarisax u k'ij ri Dios rumal ri Jesucrist, ri nim u k'ij xukuje' ri c'o u cuinem amak'el chbe k'ij sak. Je chbanok.

2 Pedro 1:3

Ri Dios, rumal ri u cuinem, u sipam conojel ri rajawaxic che ri ka c'aslemal, rech cujniman che ri are', rumal rech chi keta'm u wäch ri jun ri xujusiq'uij rumal ri u juluwem xukuje' ri rutzil.

1 Juan 2:25

Are c'u wa' ri kas u chi'm ri Jesucrist chke: ri junalic c'aslemal.

Ri Juds 1:24

Ri Dios ri c'o ronojel u cuinem che i chajixic rech man quixtzak taj, jeri' man ix tz'ajtajinak taj aretak quixutac'aba' chuwäch ri u juluwem ruc' nimalaj quicotemal.