1 Pedro 4:8 - Quiché Bible

⁸ Puwi' ronojel, chicojo' i chuk'ab che u lok'ok'exic iwib, rumal rech chi ri lok'ok'ebal c'u'x cubano chi quesachtaj q'ui mac.

RI KꞌAKꞌ TESTAMENTO PA TZIJOBꞌAL KꞌICHEꞌ

⁸ Qas chiloqꞌaj iwibꞌ, are waꞌ ri qas nim ubꞌanik, rumal cher ri loqꞌanik kakwinik kukuy ronojel ri makaj.

K'iche'

⁸ Man xuwi tä c'u wa', xane xukuje' sibalaj chiwaj iwib chbil tak iwib rumal chi we je ri' quibano, quiwaj iwib, quisachala na ri i mac chbil tak iwib pune sibalaj q'uia ri i mac.

K'iche' (New Orthography)

⁸ Man xuwi tä k'u wa', xane xuquje' sib'alaj chiwaj iwib' chb'il taq iwib' rumal chi we je ri' kib'ano, kiwaj iwib', kisachala na ri i mak chb'il taq iwib' pune sib'alaj k'ia ri i mak.

1 Pedro 4:8 ပူးပေါင်းရင်းမြစ်များ

E C'ambal tak Tzij 10:12

Ri etzelen wächaj quebuyac ch'o'j, are c'u ri lok'ok'ebal c'uxaj quebucuy conojel tak ri macunic.

E C'ambal tak Tzij 12:16

Ri man c'o ta u no'j cuc'utuxtaj ri royowal; ri utz cächomanic man coc ta il aretak cäyok'ic.

E C'ambal tak Tzij 17:9

Ri man quebuya' ta u xiquin che ri c'ax ri cäban che quebuq'uiyisaj colob aj lok'ok'ebal c'uxaj; jachin ri cutakej u nataxic ri c'ax cunajtajisaj ri rachil.

E C'ambal tak Tzij 18:13

Jun conil xukuje' jun q'uixbal u tzelexic u wäch ri tzij c'amajok chtatabexok.

1 Corintios 13:1

We ta quinch'aw pa ri qui ch'abal ri winak, xukuje' ta c'u ne pa ri quech ri tako'nib aj chicaj, ma ta c'u c'o lok'ok'ebal nu c'u'x, quinux ri' jas jun quiäk ch'ich' ri cätzilnajic, o jun quetequic ch'ich' ri cäch'arnajic.

1 Corintios 13:4

Ri c'o lok'ok'ebal u c'u'x are ri' cuk'i' ri c'ax, ch'uch'uj, man cäpe ta royowal che jun chic we curik utzil, man cärak'anisaj ta u k'ij, man cunimarisaj ta rib,

Colosenses 3:14

Puwi' c'u ronojel wa', chc'ol lok'ok'ebal i c'u'x. Are c'u wa' quixuc'an pa jun tz'akatalaj chomanic.

1 Tesalonicenses 3:12

Ri Ajawaxel chunimarisaj ri lok'ok'ebal i c'u'x, rech sibalaj quilok'ok'ela' na iwib, rech sibalaj quebilok'ok'ej na conojel ri winak, jas ri uj quixkalok'ok'ej.

2 Tesalonicenses 1:3

Kachalal, rajawaxic chi amak'el cujmaltioxin che ri Dios rumal iwech. Rumal rech chi cätajin cäq'uiy ri i cojonic xukuje' cätajin cänimar ri lok'ok'ebal i c'u'x chbil tak iwib.

1 Timoteo 1:5

Ri q'uisbal c'u u tza'm ri takomal are ri lok'ok'ebal c'uxaj ri q'uiyinak pa jun josok'alaj c'uxaj, pa jun utzalaj etamabal c'uxaj, xukuje' pa jun cojonic ri man xak ta quieb u wäch.

Hebreos 13:1

Chäjekel ri lok'ok'enic aj achalaxic chixo'l.

Santiago 5:12

Ri sibalaj rajawaxic, wachalal, micoj ri caj o micoj ri ulew pa i tzij che u bixic ri chi'nic ri kas cäban na. Micoj apachique jasach pa i tzij che u bixic ri chi'nic ri kas cäban na. Xane' aretak quibij “je'”, xuwi “je'” chibij. Aretak quibij “man je taj”, xuwi “man je taj” chibij. Chibana' wa' rech man cäk'at ta tzij piwi'.

Santiago 5:20

chich'obo' chi ri jun ri cäresaj ri ajmac pa ri be jawije' ri sachinak wi, cuto' na ri ranima' wa' chuwäch ri cämical, xukuje' cubano chi quesachtaj ri q'ui mac.

1 Pedro 1:22

I josk'im ri iwanima' rumal rech chi xinimaj ri kastzij, rech quebilok'ok'ej ri iwachalal, man xak ta quieb i wäch. Chilok'ok'ela ba' iwib ruc' ronojel iwanima' xukuje' ronojel i chuk'ab.

3 Juan 1:2

Lok'alaj wachalal, quintz'onoj che ri Dios chi kas ta utz chatel na pa ronojel ri cabano, xukuje' quinrayij chi catriktajic chi utz a wäch, je jas ri a c'aslibal utz c'o ruc' ri Dios.