1 Pedro 4:7 - Quiché Bible

⁷ Cäpe c'u na ri k'ij aretak queq'uis conojel ri jastak. Utz ba' chixchomanok, chichomaj jas ri quibano, rech utz quiban che ri ch'awem ruc' Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

⁷ Xqebꞌ loq ri kꞌisbꞌal qꞌij rech ronojel ri jastaq. Xaq jeriꞌ chibꞌana chꞌawem, chixkꞌasloq, chichomaj ubꞌanik sukꞌ taq jastaq.

K'iche'

⁷ Xa jubik' craj chi man copan ri k'ij ri cujto'tajic, ri cäq'uis na ronojel. Miban xak jas ri quiwaj ix, xane chichomaj ba' jas ri quibano. Kas chixoc il chubanic orar.

K'iche' (New Orthography)

⁷ Xa jub'iq' kraj chi man kopan ri q'ij ri kujto'tajik, ri käk'is na ronojel. Mib'an xaq jas ri kiwaj ix, xane chichomaj b'a' jas ri kib'ano. Qas chixok il chub'anik orar.

1 Pedro 4:7 ပူးပေါင်းရင်းမြစ်များ

Chapletajic 19:35

Xquiya' chi u wa'l uva che ri qui tat, xwar chi c'u ri chak'axel ruc', man xunabej ta c'u ri Lot aretak xk'oyi' ruc' mawi aretak xwalijic.

Chapletajic 6:13

xubij che ri Noe: “Xchomataj wumal chi quinsach qui wäch conojel ri winak. E are' c'ut ajchak'maquib chi e c'o q'ui ri tokinic cho ri uwächulew, rumal ri' xinchomaj u sachic qui wäch ri winak xukuje' ronojel ri uwächulew.

Ri Tzijonel 7:2

Are utz na ri benam ruc' ri cäminak chuwäch ri benam pa nimak'ij; ri cämical are q'uisbal u c'aslemal ronojel winak, e are' c'ut ri e c'aslic rajawaxic ta ri' u nataxic cumal.

Ri Jeremiy 5:31

Ri caquiya' u bixic ri e k'axal tzij xa' banoj tzij; ri e cojol tabal tok'ob caquiban ri k'atoj tak tzij jas ri kas cäcaj, ¡are c'u wa' ri cäkaj chuwäch ri nu tinimit! ¿Jas c'u lo ri quiban na ix aretak copan ri q'uisbalil?’ ”

Ri Matey 24:42

Chixc'asc'at ba', rumal rech chi man iweta'm taj jachique k'ij ri cäpe na ri Iwajaw.

Ri Matey 25:13

Chixc'asc'at ba', rumal rech chi man iweta'm taj jachique k'ij, mawi iweta'm jachique jok'otaj cäpe ri Rija'l winak.”

Ri Lucax 21:34

Chichajij iwib, miwalobisaj ri iwanima' chupam ri munil, mixk'abaric, mixoc il che ri jastak re we c'aslemal ri', xak c'ätetal ne mäpe ri k'ij ri' chiwij

Ri Lucax 21:36

Xakba' chixc'ol suc'umatalic, chibana' ch'awem ruc' Dios ronojel jok'otaj, rech quixcuinic quixto'tajic man quebikajbej ta c'ut we jastak ri' ri quec'ulmataj na quixcuin c'u ri' quitac'aba' iwib chuwäch ri Rija'l Winak.”

Ri Lucax 22:46

Xubij chque; “¿Jasche quixwaric? Chixwalijok, chibana' ch'awem ruc' Dios, rech man quixtzak taj aretak quixtakchi'x che mac.”

Romanos 12:12

Chixquicot pa ri cu'lbal i c'u'x. Chich'ija' ri c'axc'olil. Amak'el chibana' ch'awem.

1 Corintios 15:24

Chuq'uisbalil, ri Crist cujach na ri ajawibal che ri Dios Tataxel, cusach c'u qui wäch conojel ri e c'o paquiwi' niq'uiaj chic, conojel ri c'o qui takanic xukuje' conojel ri c'o qui cuinem.

1 Corintios 7:29

Are c'u wa' quinbij, wachalal, chi ri k'ij xak k'atatal chic; ri c'o c'u chkawäch camic. Rumal c'u ri', ri c'o quixokil, chquibana' chi je ta ne ri man c'o ta quixokil.

Efesios 6:18

Mitanaba' ri u banic ch'awem ruc' Dios: chixbochi'nok xukuje' chixtz'onom che ri Dios amak'el, pa ri Uxlabaxel. Chixc'asc'atok, mixtuktubic, chibana' c'u ch'awem puwi' ronojel ri u tinimit ri Dios.

Filipenses 4:5

Ri i ch'uch'ujil chetamax cumal conojel ri winak. Ri Ajawaxel cänakajinic.

Colosenses 4:2

Amak'el chibana' ch'awem ruc' Dios. Chixc'asc'at che u banic, chixmaltioxin che ri Dios.

2 Timoteo 4:5

Ri at c'ut chachomaj jas ri caban pa ronojel, chach'ija' ri c'ax, chatzijoj ri tzij re colobal ib chque ri winak, chaq'uisa' ri a chac.

Ri Tit 2:12

Cujutijoj chi cäkatas kib chrij ri rayibal aj uwächulew xukuje' ri jastak ri man cäquiya' ta u k'ij ri Dios. Cujutijoj chi utz ri ka chomanic cäkabano, cäkaban ri suc', xukuje' cujniman che ri Dios pa ri ka c'aslemal waral cho ri uwächulew,

Hebreos 10:25

Mäkaya' can ri u mulixic kib, jas ri qui nak'atisabal jujun, xane' chkapixbela kib. Kas c'u chujoc na il rumal rech chi cakilo chi canakajin ri k'ij re ri Ajawaxel.

Hebreos 9:26

We ta jeri', ri Crist xajwataj ta ri' chi u rikom ta c'ax q'ui mul kas pa ri u tiquiritajic ri uwächulew. Man je ta c'ut, xane' camic xa' jumul xutac'aba' rib aretak cätajin cäq'uis ri k'ij junab, ri Crist xuya' ri u c'aslemal che tabal tok'ob che u sachic ri macaj.

1 Pedro 1:13

Rumal ri', chicojo' i chuk'ab che ri chomanic, chichomaj jas ri quibano, chicu'ba' i c'u'x pa ronojel chrij ri tok'ob ri cäc'am na ulok chiwe aretak cäpe ri Jesucrist.

1 Pedro 3:7

Xukuje' ri ix achajilaxelab chixjekel cuc' ri e wixokilab ruc' no'jibal, chiya' u k'ij ri iwixokil rumal rech chi man junamataj taj ri u cuerp ruc' ri rech ri rachajil, jacha' xukuje' chi e i wäch echbenelab che ri tok'ob aj c'aslemal, rech ri e i ch'awem ruc' Dios man curik ta k'atibal.

1 Pedro 5:8

Chichomaj jas ri quibano, chixc'asc'atok. Ri i c'ulel, ri itzel, cusutij iwij je jas jun coj curak u chi' cutzucuj jachin cubik'o.

Apocalipsis 16:15

Chiwilampe', quinpetic je jacha' jun eläk'om. Utz re ri cäc'asc'atic, ri quebuchajij ri ratz'iak, rech man ch'anal taj cäbinic, man quebel ta ri u q'uixbal.