1 Pedro 4:18 - Quiché Bible

¹⁸ We ri suc'alaj winak ruc' c'ax cacolotajic, ¿jas lo cuc'ulmaj na ri ajmac xukuje' ri winak ri man cuya' ta u k'ij ri Dios?

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁸ Ri tzꞌibꞌatalik kubꞌij: We rukꞌ kꞌax kakolotaj ri sukꞌ winaq, ¿jas lo ri kakꞌulmataj na rukꞌ ri ajmak, bꞌanal kꞌax?

K'iche'

¹⁸ We ruc' c'äx ri winak ri jicom canima' cho ri Dios cäquirik ru tobanic ri Are', ¿jas lo ri cäquirik na ri winak ri man quecojon tä che ri Dios, ri xak e ajmaquib?

K'iche' (New Orthography)

¹⁸ We ruk' k'äx ri winaq ri jikom kanima' cho ri Dios käkiriq ru tob'anik ri Are', ¿jas lo ri käkiriq na ri winaq ri man kekojon tä che ri Dios, ri xaq e ajmakib'?

1 Pedro 4:18 ပူးပေါင်းရင်းမြစ်များ

Chapletajic 13:13

jawije' ri e c'o wi ri winak ri sibalaj e banal tak etzelal chuwäch ri Ajawaxel.

E C'ambal tak Tzij 11:31

We ri suc' cuc'am ri tojbal rech waral cho ri uwächulew, ¡e ta c'u na lo ri banal etzelal xukuje' ri ajmac!

Ri Jeremiy 25:29

Quinchaplej c'u na qui takic tak ulok ri c'äjisabal tak wächaj ri quinya' na puwi' ri tinimit ri tastal chwe. ¿La are ta c'u pa i c'u'x ix chi ma ta qui kajbej na ri c'äjisabal wächaj? Kas c'u qui kajbej wi na, quintak c'u na ulok ri ch'o'j paquiwi' conojel ri winak re ri uwächulew. In, ri Ajawaxel ri c'o ronojel nu cuinem, quinjiquiba' u bixic.’

Ri Ezequiel 18:24

We c'u ri suc' cutanaba' u banic ri suq'uilal are c'u cuban ronojel ri etzelal xukuje' ri xojibal ri cuban ri banal etzelal, ¿La qui chomaj ix chi cutakej c'aslemal? In man quenataj ta chi chwe conojel ri utzil ri e u banom can nabe: Cäcäm na umal ri man u jiquiltaj xukuje' rumal quech tak ri e u mac.

Ri Lucax 15:1

Xebopan conojel ri e tok'il tak alcabal xukuje' ri ajmaquib ruc' ri Jesus che u tatabexic ri u tzij.

Ri Lucax 23:31

We queban we jastak ri' che ri räx che', ¿jas ta c'u lo ri ma ta caban na che ri chaki'j che'?”

Hechos 14:22

Xya' c'u chajin anima' chque ri cojonelab rech co quec'oji' chupam ri qui cojonic. Xquibij chque chi che ri oquem chupam ri rajawibal ri Dios rajawaxic qui rikic q'ui c'axc'olil.

Hechos 27:24

Xubij c'u chwe: ‘Maxe'j awib, Pawl. Rajawaxic chi cattac'abax na chuwäch ri Sesar. Chatampe', rumal awech, ri Dios quebuto' na conojel ri e c'o awuc' pa ri nim jucub chuwäch ri cämical.’

Hechos 27:31

C'äte ri' ri Pawl xubij che ri qui nimal ri jun sient ajch'ojab xukuje' chque ri ajch'ojab: “We man quecanaj can wa' chupam ri nim jucub, man cuya' taj cäcol ib alak.”

Romanos 1:18

Quilitaj c'ut chi cäpe ri royowal ri Dios chicaj paquiwi' conojel ri winak ri man cäquiya' ta u k'ij ri Dios, ri cäquiban tak etzelal. Rumal ri etzelal ri cäquibano, man quetamax ta ri kastzij.

Romanos 5:6

Aretak man xujcuin ta che u colic kib, ri Crist, kas pa ri k'ij ri rajawaxic, xcäm rumal quech ri winak ri man cäquiya' ta u k'ij ri Dios.

Romanos 5:8

Are c'u ri Dios cuk'alajisaj chkawäch chi cujulok'ok'ej. Aretak c'ä uj ajmaquib, ri Crist xcäm rumal kech.

1 Corintios 10:12

Je c'u ri', apachin ri cuchomaj chi co tac'alic, chrila' rib rech mätzakic.

1 Timoteo 1:9

Keta'm c'u wa', chi man yo'm ta ri pixab chque ri suc' tak winak, xane' chque ri itzel tak winak, ri man cäquiya' ta quib pa takic, ri man e k'ijilal ta Dios, ri e ajmaquib, ri winak ri man e tastalic taj, ri man cäquiya' ta u k'ij ri Dios, ri e cämisal tak qui tat qui nan, ri e cämisal achijab,

Hebreos 4:1

Xbix chke rumal ri Dios chi cujoc na pa ri uxlanem. Chkaxe'j ba kib, we ne c'o jun chiwe muc'ulmaj chi man coc ta pa ri uxlanem.

Santiago 5:6

I k'atom tzij paquiwi' xukuje' e i cämisam ri e suc'ab. Ri e are' c'ut man xquiya' ta u q'uexel ri c'ax chiwe.

1 Pedro 5:8

Chichomaj jas ri quibano, chixc'asc'atok. Ri i c'ulel, ri itzel, cusutij iwij je jas jun coj curak u chi' cutzucuj jachin cubik'o.

2 Pedro 3:7

Are c'u ri caj ulew ri e c'o camic, e chajin rumal ri u tzij ri Dios c'ä pa ri k'ij re k'atoj tzij, queporox c'u na, aretak cäsach na qui wäch ri winak ri man cäquiya' ta u k'ij ri Dios.

Ri Juds 1:15

cuk'at na tzij paquiwi' conojel, cuk'alajisaj na ronojel ri itzelalaj tak qui chac ri man cäquiya' ta u k'ij ri Dios, ri xquibano rumal rech chi man xeniman ta che ri Dios, xukuje' cuk'alajisaj na ri c'axalaj tak tzij ri xquibij ri ajmaquib chrij ri Dios rumal rech chi man cäquiya' ta u k'ij.”

Nabe Samuel 15:18

Je c'u ri', we are' ri Ajawaxel xattakow bic xuya' bic takanic chawe chi casachisaj qui wäch ri ajmaquib tak aj amalesib, xukuje' che qui banic c'ax chque c'ä caq'uis na tzij paquiwi'.