1 Pedro 3:4 - Quiché Bible

⁴ Xane' chiwika' iwib pa ri iwanima'. Chicojo' wikbal ri man cäsach ta qui wäch, are wa' chi man quinimarisaj ta iwib pa iwanima' chi ix mach'al pa jamaril. Are wa' sibalaj nim u k'ij chuwäch ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Xane are chuxoq ijeꞌlal ri kel loq pa taq iwanimaꞌ are waꞌ ri maj ukꞌisik xuqujeꞌ sibꞌalaj kajororik. Are waꞌ ri sibꞌalaj kꞌo uqꞌij choch ri Dios.

K'iche'

⁴ Xane ri kas wikobal iwib are ri c'o pa ri iwanima'. Ri kas je'lal ri man cäsach tä u wäch are ri utzalaj iwanima' ri sibalaj cäjororic. We wikobal ri' are sibalaj lok' na wa' chuwäch ri Dios.

K'iche' (New Orthography)

⁴ Xane ri qas wiqob'al iwib' are ri k'o pa ri iwanima'. Ri qas je'lal ri man käsach tä u wäch are ri utzalaj iwanima' ri sib'alaj käjororik. We wiqob'al ri' are sib'alaj loq' na wa' chuwäch ri Dios.

1 Pedro 3:4 ပူးပေါင်းရင်းမြစ်များ

Salmib 131:2

Man c'o ta c'u ne' jas quinbij mawi c'o ta quinbisoj, jacha' jun ac'al ri c'äte cätijtaj ri u tu' ri k'alutal rumal ri u nan. ¡Xak in junam ruc' jun ac'al ri c'äte cätijtaj ri u tu'!

Salmib 147:6

Ri Ajawaxel cuya' qui k'ij ri e mach'amoj, quebuxucule'j c'ut ri e banal tak etzelal cho ri ulew.

Salmib 149:4

Cäquicot c'ut ri Ajawaxel pa ri u tinimit; cuya' c'u chque ri e mach'amoj ri ch'äcanic che u nimarisaxic qui k'ij.

Salmib 25:9

cuc'am qui be ri e mach'alic; ¡quebutijoj che ri suq'uilal!

Salmib 45:13

Waral coc wi ri u mia'l ajawinel ruc' ronojel ri u je'lical. ¡Ri ratz'iak tz'otom ruc' k'an puak!

Salmib 51:6

Kastzij, ri lal calok'ok'ej la ri anima' ri jicom, cäc'ut la ri no'j chnuwäch chupam ri wanima'.

Ri Isaiy 11:4

Cuk'at na tzij ruc' suq'uil paquiwi' ri tukarib, cuto' na qui wi' ri mebayib ri e c'o pa ri tinimit. Ri e u tzij are cäc'äjisan na u wäch ri man cuchomaj ta ri cubano, ruc' ri ruxlab cucämisaj na ri aj etzelal.

Ri Isaiy 29:19

Ri man nimak ta qui k'ij quequicot chi na pa ri Ajawaxel, ri sibalaj e mebayib na quequicot chi na pa ri Tastalicalaj u Dios ri Israel.

Ri Isaiy 57:15

Are' c'u ri Dios ri aj chicajil, ri cac'al chbe k'ij sak, ri tastalic u bi', je cubij wa': “Ri in in jekel pa jun c'olbal chicaj ri tastalic, xukuje' in c'o c'u ruc' ri meba' ri u rikom c'ax, quincu'bisaj c'u u c'u'x xukuje' quinya' u chuk'ab.

Ri Isaiy 61:1

Ri Ruxlabal ri Ajawaxel c'o panuwi', in u tasom c'ut ri Ajawaxel in u takom che u ya'ic utzalaj tak tzijol chque ri mebayib, che qui to'ic ri qui rikom c'ax, che u ya'ic tzijol che u bixic chque ri e ximaxoj cuc' tikom ch'ich' chi e torotajinak chic, che quitoric ri e c'o pa che';

Ri Jeremiy 51:59

Chupam ri ucaj junab ri rajawinic ri Sedequiy, ajawinel re Juda, ri Jeremiy ri k'axal tzij xuya' jun takquil che ri Seraiy, u c'ojol ri Neriy ri' u mam c'ut ri Maasiy. Ri Seraiy terenel rech ri ajawinel Sedequiy pa ri u bic pa Babilon, are c'u cäsuc'uman ri carokxanij wi rib ri ajawinel.

Ri Matey 11:29

Chic'amowaj ri weka'bal ri quinya' chiwij, chiwetamaj iwe wuc', chi in coch'onel xukuje' mach'al ri wanima'; quirik c'u na uxlanem che ri iwanima'.

Ri Matey 21:5

“Chibij che ri u mia'l ri Sion: ‘Chawilampe', ri awajawinel cäpe awuc', mach'alic, quiejeninak chrij jun bur, chrij jun alaj bur, ral jun awaj ajeka'n.’ ”

Ri Matey 23:26

¡Moyalaj parisey! Nabe chach'aja' ri u pam we c'u je caban wa' ri mulul, cacanaj c'u can ch'ajch'oj ri rij xukuje'.

Ri Matey 5:5

Utz que ri caquimach' quib, cäquechbej c'u na ri ulew ri u chi'm ri Dios chque.

Ri Lucax 11:40

Ri ix xa' man quiwaj taj quixch'obonic. Ri xbanow ri rij, ¿la ma ta are xukuje' xbanow ri u pam?

Ri Lucax 16:15

Ri Jesus xubij chque: “Ri ix quik'alajisaj iwib chquiwäch ri winak chi ix suc'; are c'u ri Dios reta'm jas c'o pa iwanima'. Ri jastak ri nimak qui k'ij chquiwäch ri winak, e are itzelalaj tak jastak wa' e tz'il chuwäch ri Dios.”

Romanos 1:23

Rumal chi qui q'uexom ri u juluwem ri Dios ri man cäsach ta u wäch, xane' xquesaj qui wäch ri winak ri cäsach qui wäch, xquesaj qui wäch ri chicop aj uwo caj, ri awaj cajcaj cakan, ri chicop ri cäquijuruj quib.

Romanos 2:29

Xane' ri kas aj judey, are' ri' ri aj judey pa ranima'. Xukuje' ri kas etal re kopinic, are' ri' ri cojom pa ri ranima' ri winak, man xa' ta jastak tz'ibatalic, xane' ri c'o rumal ri Uxlabaxel. Are ri' cänimarisax u k'ij rumal ri Dios, man cumal ta ri winak.

Romanos 6:6

Keta'm c'ut chi ri ka banic nabe xripitaj ruc' ri Crist, rech ri u cuinem ri aj macalaj ojer ka c'aslemal casachtaj u wäch, ma ta c'u cakatakej chic u patanixic ri macaj.

Romanos 7:22

Cäquicot ri wanima' rumal ri u pixab ri Dios.

2 Corintios 10:1

In Pawl quixinbochi'j pa ri u bi' ri Crist, ri ch'uch'uj ranima', ri man cunimarisaj ta rib. Cäbixic chi aretak in c'o iwuc' quinna' wib, aretak c'u man in c'o ta iwuc' quinbij ronojel chiwe, man quinxe'j ta wib.

2 Corintios 4:16

Rumal wa' man cäq'uistaj ta c'u ka c'u'x. Pune' ta ne cätajin cuban k'e'l ri ka cuerp, are c'u ri kanima' cäc'ac'arisaxic k'ij chi k'ij.

Gálatas 5:23

man cäquinimarisaj ta quib, xukuje' quetakan paquiwi' chbil quib. Man c'o ta pixab ri cubij chi ma ta queban we jastak ri'.

Efesios 4:2

Chixux mach'alic xukuje' chi lok'ok'ela' iwib; chc'ol i coch'onic chicoch'ola' c'u tak iwib ruc' lok'ok'ebal c'uxaj,

Colosenses 3:12

Ri Dios quixulok'ok'ej, ix u cha'om, u banom tastalic tak winak chiwe. Chc'ol tok'obisan wächaj pa ri iwanima', chel i c'u'x chque niq'uiaj winak chic, minimarisaj iwib chquiwäch niq'uiaj chic, mibanala' c'ax chbil iwib, chc'ol i coch'onic,

Colosenses 3:3

Ix cäminak chi c'ut, are' c'u ri i c'aslemal c'u'tal ruc' ri Crist pa ri Dios.

1 Tesalonicenses 4:11

c'o jas mixel wi ch'u'j are chixoc il chque ri jastak iwech, chixchacun cuc' tak ri e i k'ab jas ri ka chilibem chiwe.

2 Tesalonicenses 3:12

Cujtakan chque ri winak ri je cäquibano, xukuje' quekapixbej pa ri u bi' ri Ajaw Jesucrist chi chechacun ruc' quicotemal, xa' jun chec'ol wi, chquitija' ri kas qui wa.

1 Timoteo 2:2

Chibana' ch'awem ruc' Dios paquiwi' ri ajawinelab paquiwi' conojel ri e k'atal tak tzij rech cujcuinic cujc'oji' pa utzil xukuje' pa jamaril nim kila' wi ri Dios ruc' jun c'aslemal ri kas utz quilic.

2 Timoteo 2:25

xukuje' ruc' manxoyil quebutijoj ri winak ri cäquic'ulelaj ri u tzij. We ne ri Dios cuya' na chque chi cäquiq'uex qui c'u'x rech cäquetamaj ri kastzij.

Ri Tit 3:2

man quequiyok' ta niq'uiaj chic, man caquiyac ta ch'o'j ruc' ri qui tzij xukuje' e banal tak utzil, chiquic'utu' quib chi e mach'ol ruc' canima' chque conojel.

Santiago 1:21

Rumal rech wa' chiwesaj bic ronojel ri tz'ilol xukuje' ronojel ri sibalaj iwetzelal. Minimarisaj i k'ij, chic'ama' ri tzij ri ticom, ri cäcuin che u colic ri iwanima'.

1 Pedro 1:23

Yo'm jun c'ac' i c'aslemal je ta ne jun alaj ne' c'äte xalaxic. Man yo'm ta wa' rumal winak ri cäsach u wäch, xane' rumal ri man cäsach ta u wäch, rumal ri u tzij ri c'aslic Dios, ri cäc'oji' chbe k'ij sak.

1 Pedro 3:15

Are c'u chicojo' ri Crist che takanel xukuje' che Ajawaxel chupam ri iwanima'. Xak c'u chixc'ol che reyexic u tzelexic u bixic che ronojel winak ri cutz'onoj chiwe jas ri eyebal c'uxaj ri c'o iwuc'.

Nabe Samuel 16:7

Xubij ri Ajawaxel che: “Are maya' a wäch che ri u wächbal mawi che ri u nim rakan, wetzelam u wäch wa'. Man are ta cäya' u k'ij ri cäril ri winak; ri winak are cuya' u wäch chque tak ri wächbal, are c'u ri in are quinya' nu wäch che ri anima'.”