1 Pedro 3:20 - Quiché Bible

²⁰ E are wa' e uxinak man e nimanelab taj pa ri e ojer tak k'ijol, pa tak ri e u k'ij ri Noe, aretak ri Dios xeye'm ruc' coch'onic joropa' k'ij xbeytaj u banic ri jucub, ri Dios xebuto'tajisaj jujun winak puwi' ri ja' e wajxakib c'ut chi conojel.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁰ Areꞌ taq waꞌ ri uxlabꞌal ri man xeniman taj pa taq ri uqꞌij ri Noé are tajin kuyak ri arca, ri Dios xerayeꞌj na kakikꞌex kikꞌuꞌx. Pa ri arca xa e wajxaqibꞌ winaq xekolotajik, are ri jaꞌ xekolowik.

K'iche'

²⁰ E are tak wa' ri anima'aj quech ri winak ri man xeniman tä che ri Dios ojer pa ru k'ijol ri ka mam Noé. Ri Dios xuchajij paciencia, xereyej chi cäquiq'uex canima', cäquiq'uex qui chomanic aretak ri ka mam Noé tajin cuban ri nimalaj barco ri cäbix “arca” che. Man e q'uia tä c'ut ri xquirik ru tobanic ri Dios, xane xa e wajxakib wa' ri man xejik' tä pa ri ja'.

K'iche' (New Orthography)

²⁰ E are taq wa' ri anima'aj kech ri winaq ri man xeniman tä che ri Dios ojer pa ru q'ijol ri qa mam Noé. Ri Dios xuchajij paciencia, xereyej chi käkik'ex kanima', käkik'ex ki chomanik aretaq ri qa mam Noé tajin kub'an ri nimalaj barco ri käb'ix “arca” che. Man e k'ia tä k'ut ri xkiriq ru tob'anik ri Dios, xane xa e wajxaqib' wa' ri man xejiq' tä pa ri ja'.

1 Pedro 3:20 ပူးပေါင်းရင်းမြစ်များ

Chapletajic 6:13

xubij che ri Noe: “Xchomataj wumal chi quinsach qui wäch conojel ri winak. E are' c'ut ajchak'maquib chi e c'o q'ui ri tokinic cho ri uwächulew, rumal ri' xinchomaj u sachic qui wäch ri winak xukuje' ronojel ri uwächulew.

Chapletajic 6:3

Xubij c'u ri Ajawaxel: “Man quinya' ta be chque ri winak chi sibalaj naj cäc'asi'c, rumal rech chi ri are' xak ti'j. Xa jun sient ruc' juwinak (120) junab cäc'asi'c.”

Chapletajic 6:5

Ri Ajawaxel xrilo chi sibalaj nim ri quetzelal ri winak cho ri uwächulew, xukuje' chi amak'el are cuchomaj u banic ri etzelal,

Chapletajic 6:8

Ri Ajawaxel utz c'u xril wi ri Noe.

Chapletajic 7:13

Kas pa ri k'ij ri' xoc ri Noe pa ri jucub e rachil ri Sem, Cam, Japet ri e u c'ojol, ri rixokil xukuje' ri e oxib ralib.

Chapletajic 8:1

Xnataj ri Noe che ri Dios xukuje' xenataj conojel ri awaj che ri e c'o ruc' ri Noe pa ri jucub. Xutak ulok jun quiakik' puwi' ri uwächulew, nojim xbutzajic ri ja';

Chapletajic 8:18

Xel c'u ulok ri Noe pa ri jucub rachil ri rixokil, ri e u c'ojol xukuje' ri e ralib.

Ri Isaiy 30:18

Are c'u ri Ajawaxel quixreyej, che u tok'obisaxic i wäch; ri are' sibalaj curayij cuc'ut ri u lok'ok'ebal c'u'x chiwe, are' c'u ri Ajawaxel are jun Dios aj suq'uil. ¡Utz quech conojel ri quebeyen che!

Ri Matey 7:14

Latz' c'u u wäch ri oquibal, xukuje' alaj u wäch ri be ri quec'aman bic pa ri c'aslemal. Man e q'ui ta c'ut ri querikowic.”

Ri Lucax 12:32

“Mixe'j iwib, ch'utinalaj jumulaj nu chij. Cäkaj c'u chuwäch ri i Tat ri u ya'ic ri rajawibal chiwe.

Hechos 2:41

Je c'u ri' ri xquic'amowaj ri u tijonic, xban c'ut ri bautism; craj c'u ne e c'o oxib mil winak xetikitaj chque ri cojonelab pa ri k'ij ri'.

Romanos 9:22

We c'u ri Dios xraj xuc'ut ri royowal chquiwäch ri winak rech cäquetamaj ri u cuinem, xebuch'ij c'u ruc' nimalaj coch'onic ri winak ri takal chque chi cäc'äjisax qui wäch xukuje' ri cäsach na qui wäch, ¿jas cäkabij che wa'?

Efesios 5:26

Jeri' xuban che rech cux jun tastalic comon cojonelab. Je ta ne xuch'aj ruc' ja' aretak xujosk'ij rumal ri tzij,

Hebreos 11:7

Rumal ri cojonic, ri Noe aretak ri Dios xubij apan jastak che ri c'ä majok quebilitajic, xniman che ri Dios, xuban c'u ri jucub che qui colic ri e aj uwo rachoch. Rumal ri cojonic, xuk'alajisaj chi c'o qui mac ri winak ri e c'o cho ri uwächulew, xrechbej c'u ri suq'uil ri cäpe rumal ri cojonic.

1 Pedro 1:22

I josk'im ri iwanima' rumal rech chi xinimaj ri kastzij, rech quebilok'ok'ej ri iwachalal, man xak ta quieb i wäch. Chilok'ok'ela ba' iwib ruc' ronojel iwanima' xukuje' ronojel i chuk'ab.

1 Pedro 1:9

Ri i cojonic c'ut u banom chiwe chi quecolotaj ri iwanima'.

1 Pedro 2:25

Ix junam c'u can cuc' ri chij ri qui jalon qui be. Camic c'ut ix tzelejinak ulok ruc' ri Crist, ri are' ri ajyuk' xukuje' ri chajinel re ri iwanima'.

1 Pedro 3:19

Pa uxlabal c'ut xbe che tzijonic cuc' tak ri uxlabal ri e c'o pa che'.

1 Pedro 4:19

Je c'u ri', ri winak ri cäquirik c'ax jas ri u rayibal ri Dios, chquibana' utzil, chquijacha' ri canima' che ri Dios, ri jic winakirisanel.

2 Pedro 2:5

Xukuje' man xusach ta qui mac ri winak ri e c'o cho ri uwächulew ojer, xane' xuwi xucol ri Noe, tzijol re ri suq'uil, e rachil e wukub winak chic, aretak xutak ulok ri nimalaj k'ekal jäb paquiwi' ri winak re ri uwächulew ri man xquiya' ta u k'ij ri Dios.

2 Pedro 3:15

Chichomaj ba' chi colobal ri u coch'onic ri Kajaw; je jas xutz'ibaj ri lok'alaj kachalal Pawl chiwe, jas ri no'j ri yo'm che.