1 Pedro 3:14 - Quiché Bible

¹⁴ Xukuje' we quirik c'ax rumal rech chi quiban ri suc', utz iwe. Mixe'j c'u iwib chquiwäch ri xibibal tak jastak ri cäquibano, mäk'oxow ri iwanima'.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁴ Utz iwe we kiriq kꞌax rumal ri utzilal ri kibꞌano, mixiꞌj iwibꞌ xuqujeꞌ miya iwibꞌ pa xibꞌixik rumal ri kexibꞌin ri winaq.

K'iche'

¹⁴ Pune ba' rumal ru banic ri utzil quirik c'äx, utz c'u iwe ri'. Rumal ri' mixej iwib chquiwäch ri quebanow c'äx chiwe, mixoc il cumal.

K'iche' (New Orthography)

¹⁴ Pune b'a' rumal ru b'anik ri utzil kiriq k'äx, utz k'u iwe ri'. Rumal ri' mixej iwib' chkiwäch ri keb'anow k'äx chiwe, mixok il kumal.

1 Pedro 3:14 ပူးပေါင်းရင်းမြစ်များ

E C'ambal tak Tzij 3:25

Maxe'j awib chque ri jastak ri xak c'ätetal quec'ulmatajic, mawi che ri u q'ueyowal ri cäpe paquiwi' ri banal tak etzelal,

Ri Isaiy 51:12

“In, kas in, quinyo'w u chuk'ab ri awanima'. ¿Jachin chquiwäch caxe'j ta wi awib? ¿La chquiwäch ri winak? ¿La chquiwäch ri winak ri xa quecämic ri xa e junam ruc' ri k'ayes?

Ri Jeremiy 1:8

Maxe'j awib chuwäch apachin jun, quinc'oji' c'u na awuc' che a to'ic. In ri Ajawaxel quinya' ri nu tzij.”

Ri Jeremiy 15:15

Ajawaxel, lal chi eta'm la ronojel, ¡Chinnataj che la pet c'u la che nu to'ic! ¡Chya' la rajilal u c'axelal chque ri caquitzucuj u banic c'ax chwe! Sibalaj c'u macoch'on na la chque chi quinya' la pa ri cämical, chila la chi rumal ech la quinch'ij ri nu yok'ic.

Ri Ezequiel 3:9

Quenbana' co chawe jacha' ri diamant, co na chuwäch ri abaj. Maxe'j awib chquiwäch, mawi mape awanima' chuwäch ri qui palaj ri caquibano, pune' man sibalaj e nimanelab taj.”

Ri Matey 10:28

Mixe'j ba iwib chquiwäch ri cäquicämisaj ri cuerp, man quecuin ta c'ut cäquicämisaj ri c'aslibal. Are c'u chixe'j na iwib chuwäch ri jun ri cäcuin che u sachic u wäch ri cuerp xukuje' ri c'aslibal chupam ri xibalba.

Ri Matey 10:31

Je c'u ri' mixe'j iwib; are c'u ri ix c'o na iwajil chquiwäch q'ui chiochi.”

Ri Matey 10:39

Apachin ri curik ri u c'aslemal, cutzak c'u na; apachin ri cutzak ri u c'aslemal rumal wech in, curik c'u na.”

Ri Matey 16:25

Apachin ta ne ri cäraj u colic ri u c'aslemal, cusachisaj na u wäch, apachin ta ne ri cusachisaj u wäch ri u c'aslemal rumal wech, curik na.

Ri Matey 19:29

Conojel ri qui yo'm can cachoch, o cachalal, o canab, conojel ri qui yo'm can qui nan qui tat, conojel ri qui yo'm can quixokil, o calc'ual, o culew, rumal rech ri nu bi', caquic'am na jun sient chi je tak wa' xukuje' cäquechbej na ri junalic c'aslemal.

Marcos 10:29

Xubij c'u ri Jesus: “Kastzij quinbij chiwe, chi conojel ri qui yo'm can cachoch, cachalal, qui nan, qui tat, quixokil, calc'ual o culew rumal wech in xukuje' rumal quech ri utzalaj tak tzij,

Marcos 8:35

Apachin ri cäraj cuto' rib rech man cäpe ta c'ax chrij, cutzak na ri u c'aslemal. Apachin c'u ri cutzak ri u c'aslemal rumal wech in xukuje' rumal rech ri utzalaj tak tzij, ri are' cucol na ri u c'aslemal.

Ri Xuan 14:1

“Masach ri i c'u'x. Chixcojon che ri Dios, xukuje' chixcojon chwe in.

Ri Xuan 14:27

Ri jamaril quinya' can chiwe. Ri nu jamaril quinya' chiwe. Man je ta c'u u ya'ic quinya' chiwe jacha' ri u ya'ic ri caquiya' ri e aj uwächulew. Mäk'oxow ri iwanima', mawi muxe'j rib.

Hechos 9:16

Quinc'ut c'u na chuwäch joropa' ri q'uialaj c'ax curik na rumal rech ri nu bi'.”

2 Corintios 12:10

Rumal ri' quinquicotic aretak man c'o ta nu chuk'ab, aretak quinyok'ic, aretak man c'o ta ri cajwataj chwe, aretak quinokataxic, xukuje' aretak quinrik c'ax rumal rech ri Crist. Aretak c'u in tukar, c'äte ri' sibalaj c'o nu chuk'ab.

Filipenses 1:29

Rumal c'u rech ri Crist, man xuwi ta ya'tal chiwe chi quixcojon che, xane' xukuje' chi quirik c'ax rumal rech.

Santiago 1:12

Caquirik ri quicotemal ri winak ri cucoch' ri c'ambejenic ruc' nimalaj chuk'ab, aretak c'u quilitajic chi ch'äcaninak cuc'am na ri c'aslemal che tojbal rech, are c'u corona wa' ri u chi'm ri Dios chque ri quelok'ok'en che.

Santiago 5:11

Ri uj c'ut cäkabij chi tewichital ri winak ri cäquich'ij ri c'ax. I tom ri u ch'ijonic ri Job, iwilom jas xuban ri Ajawaxel che aretak xoc'ow ri u c'axc'olil. Iwilom chi ri Ajawaxel cutok'obisaj qui wäch ri winak, quel u c'u'x chque.

1 Pedro 3:6

Je xuban ri Sara, xniman che ri Abraham, xubij c'u wajaw che. Ri ix quixux na je jas ri Sara we quiban utzil, we man c'o ta jas quixe'j wi iwib chuwäch.