1 Pedro 2:6 - Quiché Bible

⁶ Rumal ri' xukuje' c'o pa ri Tz'ibatalic: “Chiwilampe', quincoj pa Sion ri abaj ri cächapow ri yacom, cha'om, pakal rajil; apachin c'u ri cäcojon che, man quesax ta na u q'uixbal.”

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Ri tzꞌibꞌatalik kubꞌij: Chiwilampeꞌ, kinya pa Sión jun abꞌaj ri nuchaꞌom xuqujeꞌ paqal rajil, xapachin ri kakubꞌiꞌ ukꞌuꞌx chirij man kel ta ukꞌixibꞌal.

K'iche'

⁶ Rumal ri' xukuje' cubij ru Lok' Pixab ri Dios ri Tz'ibtalic: ¡Chiwilampe'! C'o Jun ri quinya pa ri Sión, je' ta ne chi quincha' jun abaj ri sibalaj nim u k'ij, quincoj c'u ri Are' che tok'ebal re ri ja. Jachin c'u ri cäcojon che, man cäbison tä ri', xane cäquicot na ranima', —cächa ri tz'ibtal canok.

K'iche' (New Orthography)

⁶ Rumal ri' xuquje' kub'ij ru Loq' Pixab' ri Dios ri Tz'ib'talik: ¡Chiwilampe'! K'o Jun ri kinya pa ri Sión, je' ta ne chi kincha' jun ab'aj ri sib'alaj nim u q'ij, kinkoj k'u ri Are' che toq'eb'al re ri ja. Jachin k'u ri käkojon che, man käb'ison tä ri', xane käkikot na ranima', —kächa ri tz'ib'tal kanoq.

1 Pedro 2:6 ပူးပေါင်းရင်းမြစ်များ

Chapletajic 49:24

E c'o c'u cowilaj tak u k'ab ri Jose amak'el co u tanim ri u q'uiakbal ch'ab; ¡maltiox che ri u Dios ri Jacob ri c'o ronojel u cuinem!, ¡maltiox che ri u bi' ri ajyuk', ri to'l rech ri Israel!

Salmib 40:14

¡Chesax ta nimalaj qui q'uixbal ri cäquitzucuj u sachic nu wäch! ¡Chebanimaj ta rumal qui q'uixbal ri cäcaj cäquiban c'ax chwe!

Salmib 89:19

Pa jun k'ijol ojer xch'aw la ulok pa jun c'utwächinic, xbij la chque ri jicalaj tak pataninel tak ech la: “Nu cha'om jun aj nu tinimit ri c'o u chuk'ab, nu nimarisam u k'ij nu to'm c'ut.”

Ri Isaiy 28:16

Rumal ri', ri Ajawaxel cubij: “Quincoj na jun abaj pa Sion, jun abaj ri cha'om ri sibalaj pakal rajil, are c'u abaj wa' ri nim u patan, ri cajwataj na che tac'alibal. Ri c'o u jiquiban wi c'uxaj, man quebel ta na ch'u'j.

Ri Isaiy 41:11

Conojel ri cäquetzelaj a wäch quel na qui q'uixbal, quemach'i na ri cäquitij qui chuk'ab chawij xa jumul cäq'uis na tzij paquiwi'.

Ri Isaiy 42:1

“Waral c'o wi ri nu pataninel, ri quinya' ri nu to'banic che ri nu cha'om, ri quinquicot ruc'. Nu yo'm ri wuxlabal pa ranima' rech cuc'am ulok ri suq'uil chque conojel ri nimak tak tinimit.

Ri Isaiy 46:13

In quinbano chi cänakajin ulok ri torotajic ri quinbano ri colobenic ri quinbano, man cäbeytaj taj, man naj ta c'o wi. In quinya' na ri colobenic che ri Sion, quinya' na ri nimarisabal nu k'ij che ri Israel.”

Ri Isaiy 50:7

Ri Ajawaxel are quinto'wic: rumal ri' man c'ax ta xeben na' ri yok'bal rumal ri' co in c'olic jacha' jun nim abaj, weta'm chi man quel ta nu q'uixbal.

Ri Isaiy 54:4

Maxe'j awib, man quel ta na a q'uixbal man catyok' ta na, mawi c'o jas catq'uix wi na. Cäsach na ri a q'uixbal pa jolom ri elinak aretak c'ä at ac'al na, man cänataj ta chi na chawe ri a q'uixbal ri xelic aretak c'ä at malca'n,

Ri Daniel 10:21

Camic quinbij chawe ri tz'ibatal chupam ri wuj ri c'o wi ri kastzij: Pa ri nu tijoj chuk'ab cuc', xak xuwi c'o ri u to'banic ri Miquel wuc', ri tako'n aj caj ri to'banel pa Israel.’ ”

Ri Zacariy 10:4

Chque ri e are' quel wi na ri Abaj ri Tz'apibal u wi' ri chac, ri Ch'ic re Lic'om xukuje' ri Q'uiakbal Ch'ab re Ch'o'j. Chque ri are' quebel wi na conojel ri c'amal tak be.

Ri Matey 12:18

“Chiwilampe' ri pataninel we ri nu cha'om, ri lok' chnuwäch, sibalaj cäquicot ri wanima' ruc'. Quinya' na ri Wuxlabal che. Cuya' na u bixic ri takal chque tak ri nimak tak tinimit.

Marcos 12:10

¿La ma ta i siq'uim we Tz'ibatalic ri'?: ‘Ri abaj ri xq'uiak can cumal ri yacal tak ja, are abaj wa' ri xux na ri nim u patan.

Ri Lucax 20:17

Ri Jesus c'ut xca'y chque ri winak, xubij: “¿Jas c'u ri tz'ibatalic?: ‘Ri abaj ri xquiq'uiak can ri banal tak ja, are' uxinak ri abaj ri nim na u banic.

Ri Lucax 23:35

E tac'atoj c'u ri winak, cätajin queca'y che ri Jesus. Ri nimak qui banic xquetz'bej u wäch, xquibij: “Ri are' xebucol niq'uiaj winak chic. Chucolo c'u rib chbil rib, we are wa' ri Crist, ri cha'om rumal ri Dios.”

Ri Xuan 7:38

Ri cäcojon chwe in, jas ri cubij ri Tz'ibatalic: ‘nima' re c'aslic ja' quebel na ulok pa ri ranima'.’ ”

Hechos 1:16

“Kachalal, rajawaxic cäbantaj na jas cubij ri Tz'ibatalic, ri xubij can ri Ruxlabal ri Dios pa u chi' ri David, chrij ri Judas ri xc'amow qui be ri xeyutuw ri Jesus.

Romanos 10:11

Are c'u ri Tz'ibatalic cubij: “Conojel ri quecojon che ri are', man quel ta na qui q'uixbal.”

Efesios 1:4

Ri Dios xujucha' pa ri Crist aretak c'ä majok cätiquitaj ulok ri uwächulew, rech cujux tastalic tak winak, cujc'oji' chuwäch ri are', man c'o ta ka mac.

Efesios 2:20

Ix je ta ne jun ja, ri yacom puwi' ri tac'alibal ri e cojom wi ri takomxenlab xukuje' ri k'axal tak tzij. Ri Jesucrist are' ri nabe abaj re ri u ch'u'c ja.

2 Timoteo 3:16

Ronojel ri Tz'ibatalic petinak ruc' ri Dios: utz che tijonic, che pixbenic, che jic'onic, che nak'atisanic che ri suq'uilal.

1 Pedro 2:4

Chixk'ax ba' ruc' ri Ajawaxel, are' je ta ne jun c'aslic abaj. Are' ri abaj ri xutum can cumal ri winak, cha'om c'u rumal ri Dios, pakal rajil.

1 Pedro 2:8

xukuje' tz'ibatalic: “Are abaj cäquichak'ij quib ri winak chrij, are nimalaj abaj quetzak ri winak chrij.” Quetzak rumal ri tzij, rumal rech chi man cäquinimaj taj; che c'u wa' xecoj wi.

2 Pedro 1:20

Rajawaxic nabe quich'obo, chi ronojel ri qui tzij ri k'axal tak tzij ri c'o pa ri Tz'ibatalic, man cuya' taj cubij jun ri xa u chomanic pa re wi che ri u k'alajisaxic.

2 Pedro 3:16

Xukuje' pa conojel ri u wuj xebutzijoj wi we jastak ri'. E c'o jujun chque ri jastak ri' c'ax qui ch'obic, jech'bam u bixic cumal ri winak ri man c'o ta quetam xukuje' ri man e cowirisam taj, jas cäquiban chque ri niq'uiaj Tz'ibatalic chic. Rumal wa' cäquic'am ulok sachbal qui wäch.