1 Pedro 2:25 - Quiché Bible

²⁵ Ix junam c'u can cuc' ri chij ri qui jalon qui be. Camic c'ut ix tzelejinak ulok ruc' ri Crist, ri are' ri ajyuk' xukuje' ri chajinel re ri iwanima'.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁵ Nabꞌe kanoq, je ri ix kꞌo ri sachinaq chij, kamik kꞌut xixtzalij loq rukꞌ ri ajyuqꞌ ri kakwinik kuchajij ri ikꞌaslemal.

K'iche'

²⁵ Ri ix nabe canok ix sachinak, je' ta ne ix chij ri i jabum iwib. Cämic c'ut ix tzelejinak chi lok ruc' ri Cristo. Ri Are' quixuchajij junam jas jun ajyuk' queuchajij ru chij. Cuchajij c'u na ri iwanima'.

K'iche' (New Orthography)

²⁵ Ri ix nab'e kanoq ix sachinaq, je' ta ne ix chij ri i jab'um iwib'. Kämik k'ut ix tzelejinaq chi loq ruk' ri Cristo. Ri Are' kixuchajij junam jas jun ajyuq' keuchajij ru chij. Kuchajij k'u na ri iwanima'.

1 Pedro 2:25 ပူးပေါင်းရင်းမြစ်များ

Ri Isaiy 53:6

Konojel uj xujsachic uj jacha' chij, chkajujunal xkatakej ri kas ka be pa kech wi, are c'u ri Ajawaxel xuya' ronojel ri ketzelal chrij.

Ri Ezequiel 34:6

Xquituquij quib pa conojel tak juyub xepaki' paquiwi' tak ri ch'ucuch'ak tak juyub, xquijabula' tak quib pa ronojel ri uwächulew, man c'o ta c'u jachin xoc ta il chque, ri xbe ta che qui tzucuxic.

Hechos 20:28

Chichajij iwib. Chichajij ronojel ri jumulaj chij ri yo'm pa i k'ab rumal ri Ruxlabal ri Dios. Xuya' pa i k'ab rech quebiyuk'uj ri e comon cojonelab rech ri Dios, ri xebulok' ruc' ri u quiq'uel.

Ri Isaiy 40:11

Cäpetic jacha' jun ajyuk' ri quebuchajij ri u chij quebuyac ri alaj tak chij, quebuk'aluj, quebuc'am bic cho u c'u'x, sibalaj coc il che qui chajixic ri c'äte xebalaxic.

Salmib 119:176

Nu jalon nu be jacha' jun chij; ¡petba' la che nu tzucuxic, man c'u e sachinak ta ri e takomal la pa nu jolom!

Ri Matey 9:36

Aretak ri Jesus xeril ri q'uialaj winak, xel u c'u'x chque, rumal rech chi cäquirik c'ax e je jas ri chij ri man c'o ta cajyuk', e jabuninak.

Ri Matey 18:12

¿Jas quichomaj? We jun winak c'o jun sient (100) u chij, jun chque cäsach canok, ¿la ma ta quebuya' can ri jumuch' belejlajuj (99), cäbe pa tak ri juyub che u tzucuxic ri jun ri xsach canok?

1 Pedro 5:4

Aretak cäpe na ri Qui Nimal ri ajyuk'ab, quic'am na ri corona ri man q'uisel taj, are wa' ri juluwem.

Hebreos 13:20

Are ba' ri Dios ri cäyo'w jamaril chixo'l, ri xc'astajisan ri Kajaw Jesucrist chquixo'l ri cäminakib, are wa' ri nimalaj Cajyuk' ri chij rumal ri quic' re ri junalic c'ulwächinic,

Ri Jeremiy 23:2

Ri Ajawaxel, ri u Dios ri Israel, je cubij wa' chque ri ajyuk'ab ri quebajawin puwi' ri u tinimit: “Ix e i jabum ri e nu chij, i banom c'u chque chi e animajinak bic man c'u e qui chajin taj. Are c'u ri camic, in sibalaj quinoc na il che ri utzalaj u c'äjisaxic qui wäch ri e itzel tak qui banoj. In, ri Ajawaxel, quinjiquiba' u bixic.

Hebreos 3:1

Je c'u ri', tastalic tak wachalal, ix siq'uim cuc' niq'uiaj chic chi quixux rech ri Dios. Kas chichomaj ba' ri Crist Jesus, are takom xukuje' qui nimal ri cojol tabal tok'ob re ri ka cojonic.

Ri Ezequiel 37:24

Ri pataninel wech ri David are' cux na ajawinel xuwi c'ut ri are' cux na cajyuk' conojel, ri e are' queniman na chwe quequitz'akatisaj na ri nu pixab xukuje' tak ri nu takanic.

Salmib 80:1

Yuk'ul re ri Israel, ri cäc'am la u be ri Jose jacha' jumulaj chij, ri cojom la ri tem la re ajawibal paquiwi' ri aj cajalaj tak to'banelab ri e c'o qui xic', ¡Tatabem la! ¡Utz rilic ri Eprain chbana' la,

Ri Zacariy 13:7

Ri Ajawaxel ri c'o ronojel u cuinem cujiquiba' u bixic: “¡Chatwalijok, ch'ich' re ch'o'j, che u banic c'ax che ri wajyuk' xukuje' che ri wachil! ¡Chacämisaj ri ajyuk', are c'u ri jumulaj cujabuj na rib, are c'u ri in quintzelej chi na che qui c'ulelaxic ri alaj ama'ib tak chij!

Ri Isaiy 13:14

Ri winak jeri' quepe masat aj lianic ri e okatam, o jacha' jumulaj chij ri cäquijabuj quib ri man c'o ta jachin quemulinic. Chquijujunal quetzelej na pa tak ri qui tinimit, quebanimaj na, quetzelej na pa tak ri culew.

Ri Isaiy 53:5

Xsoc qui mac quech ri e ka c'ulelanic, xban c'ax che qui mac quech ri ketzelal ri c'äjisabal wächaj ri xuriko xuc'am ulok jamaril chke, cumal ri e u socotajic cakarik rutzil ka wäch.

Hebreos 5:2

Ri cojol tabal tok'ob cäcuinic quil u c'u'x chque ri man c'o ta queta'm xukuje' ri e subutajinak, rumal rech chi xukuje' ri are' tukar.

1 Pedro 3:20

E are wa' e uxinak man e nimanelab taj pa ri e ojer tak k'ijol, pa tak ri e u k'ij ri Noe, aretak ri Dios xeye'm ruc' coch'onic joropa' k'ij xbeytaj u banic ri jucub, ri Dios xebuto'tajisaj jujun winak puwi' ri ja' e wajxakib c'ut chi conojel.