1 Pedro 2:20 - Quiché Bible

²⁰ ¿La utz c'u lo quixilic we quixch'ayic rumal rech chi c'o mac i banom, quich'ij c'ut? Are c'u we rumal ri u banic utzil quirik c'ax, we quich'ijo, are kas utz quilitaj wa' chuwäch ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁰ ¿Jas kꞌu che nimaꞌq kinaꞌo rukꞌ ri kꞌax kibꞌano? Kabꞌan kꞌax chiꞌwe rumal ri kꞌax ri kibꞌano, we kabꞌan kꞌax chiꞌwe rumal ri utzilal ri kibꞌano, ri Dios kuya na iqꞌij.

K'iche'

²⁰ We c'u rumal ri u banic ri man utz taj cäc'äjisax i wäch ix, ¿a nim c'u lo u banic wa' chi quich'ij ri c'äx ruc' paciencia? ¡Man je' taj! We c'u ne quirik c'äx xa rumal ru banic utzil, quich'ij c'u wa' ruc' paciencia, are utz quil na wa' rumal ri Dios.

K'iche' (New Orthography)

²⁰ We k'u rumal ri u b'anik ri man utz taj käk'äjisax i wäch ix, ¿a nim k'u lo u b'anik wa' chi kich'ij ri k'äx ruk' paciencia? ¡Man je' taj! We k'u ne kiriq k'äx xa rumal ru b'anik utzil, kich'ij k'u wa' ruk' paciencia, are utz kil na wa' rumal ri Dios.

1 Pedro 2:20 ပူးပေါင်းရင်းမြစ်များ

Ri Matey 26:67

Xquichubaj c'u ri u palaj ri Jesus. Xquit'oc che k'ab. Niq'uiaj chic xquipak'ij k'ab chu palaj.

Ri Matey 5:47

We xak xuwi ri e iwachalal quiya' rutzil qui wäch, ¿jas ta c'u lo ri utz quiban na chquiwäch ri niq'uiaj chic? ¿La ma ta xukuje' junam cäquiban ri man aj judeyib taj?

Marcos 14:65

Jujun chque xquichaplej u chubaxic chu palaj, xquich'uk ri u palaj, xquit'oc che k'ab, xquibij che: “¡Chach'obo' jachin xatch'ayowic!” Ri chajinelab xquipak'ij k'ab che ri u palaj.

Ri Lucax 6:32

We c'u xak xuwi quebilok'ok'ej ri quixlok'ok'enic, ¿jas ta c'u lo u wi' ri' quibano? Xukuje' ne ri ajmaquib quequilok'ok'ej ri quelok'ok'enic.

1 Corintios 4:11

C'ä pa we jok'otaj ri' cujnumic, cächaki'j ka chi', man e c'o ta katz'iak, uj ch'ayo'm chk'ab, man c'o ta kas kachoch.

Gálatas 4:18

Kastzij chi utz we cujoc il chque niq'uiaj chic, cuc' c'u utzalaj tak chomanic; je c'u chux amak'el, ma ta xak xuwi aretak in c'o chixo'l.

Efesios 5:10

Chiwetamaj ba' jachique jastak ri quekaj chuwäch ri Ajawaxel.

Filipenses 4:18

Ronojel c'o wuc', q'ui ri jastak we c'olic. Xinc'am ri xitak ulok rumal ri Epaprodit, c'o ronojel ri rajawaxic chwe ruc' u wi'. Ri xiya' chwe, are je ta ne jun c'oc'alaj c'oc'al sipam cho ri Dios, ri cäc'am rumal ri Dios ri cäkaj chuwäch.

1 Pedro 2:19

Are utz wa', we jun cuch'ij bis aretak curik c'ax ri man takal ta che, xa rumal rech chi xuban jun jasach ri utz cuna' pa ri ranima' chuwäch ri Dios.

1 Pedro 3:14

Xukuje' we quirik c'ax rumal rech chi quiban ri suc', utz iwe. Mixe'j c'u iwib chquiwäch ri xibibal tak jastak ri cäquibano, mäk'oxow ri iwanima'.

1 Pedro 3:17

Are c'u utz na aretak quirik c'ax rumal ri u banic utzil, we jeri' cäraj ri Dios, chuwäch ri u rikic c'ax rumal ri u banic etzelal.