1 Pedro 2:2 - Quiché Bible

² Jas jun alaj ne' sibalaj cäraj u tu', je xukuje' ri ix sibalaj chitzucuj ri utz che ri iwanima', je ta ne leche ri man c'o ta jas yujam ruc'. Chibana' wa' rech quixq'uiy pa ri i colotajic,

RI KꞌAKꞌ TESTAMENTO PA TZIJOBꞌAL KꞌICHEꞌ

² Chirayij ri utzij ri Dios jetaq ri kubꞌan jun laj akꞌal kurayij ri leche rech jeriꞌ kixkiꞌyik pa ri ikolotajem.

K'iche'

² Chibana' jas ri cuban jun alaj ac'al ri te' quil u wäch, cutzucuj ru tu' ru nan. Rajwaxic chi sibalaj que' iwanima' ruc' ru Lok' Pixab ri Dios ri je' ta ne kas leche ri man c'o tä yujtal ruc', rech rumal wa' quixq'uiyic, quirik c'u na ru tobanic ri Dios.

K'iche' (New Orthography)

² Chib'ana' jas ri kub'an jun alaj ak'al ri te' kil u wäch, kutzukuj ru tu' ru nan. Rajwaxik chi sib'alaj ke' iwanima' ruk' ru Loq' Pixab' ri Dios ri je' ta ne qas leche ri man k'o tä yujtal ruk', rech rumal wa' kixk'iyik, kiriq k'u na ru tob'anik ri Dios.

1 Pedro 2:2 ပူးပေါင်းရင်းမြစ်များ

Ucab Samuel 23:5

Rumal ri' ri wija'lil co c'o ruc' ri Dios, ri are' xuban jun junalic c'ulwächinic wuc', ri sibalaj colom xukuje' co c'olic. Ri are' cuya' ri tz'akatalaj ch'äcanic chwe cuban c'ut chi quetz'akat conojel ri e nu rayinic.

Ri Job 17:9

Caquicoj qui chuk'ab che u bixic chi e suc', chi e ch'ajch'oj ri qui k'ab.

E C'ambal tak Tzij 4:18

Ri qui be ri suc'alaj tak winak junam ruc' ri u sakaribal jun c'ac' k'ij: ri cäbe u q'uiyic c'ä cäjuluw na pa ronojel ri u juluwem.

Ri Osey 14:5

Quinux na che ri Israel jacha' ri räxk'ab, quebuya' c'u na cotz'i'j e jacha' ri xuxa'n. Ri e qui rab sibalaj co quetiqui na jacha' ri juyub Libano;

Ri Osey 14:7

Ri Israel cajeki' chi na jumul chuxe' ri nu to'banic; queq'uiy c'u na jacha' ri trico, quecotz'ijan na e jacha' ri uva ri quebux c'u na nim qui k'ij jacha' ri u wa'l uva re ri Libano.

Ri Osey 6:3

¡Ka tija' ka k'ij che retamaxic u wäch ri Ajawaxel! Ri Ajawaxel cäpe na kuc', kastzij jacha' ri relic ulok ri k'ij, kastzij jacha' ri u ja'xic ri uwächulew rumal ri jäb pa ri u q'uisbal ri junab xukuje' pa ri u chaplebal ri junab.

Ri Malaquiy 4:2

Are c'u ri ix ri nim quiniwil wi, ri nu suq'uilal cajuluw na chiwe jacha' ta ne ri chaj ri cuya' ri k'ij, ri quebuc'am ulok rutzil wächaj chquipam tak ri e u tun. Are c'u ri ix quixch'opin na che quicotemal e jacha' ri alaj tak ama'ib wacax ri quebel ulok chupam ri qui warabal.

Ri Matey 18:3

Xubij: “Kastzij quinbij chiwe: We man quiq'uex i c'u'x, we man quixux je jas ri ac'alab, man quixoc ta pa ri rajawibal ri Dios.

Ri Matey 19:14

Ri Jesus xubij c'u chque: “Chiya' chi quepe ri ac'alab wuc', mebik'atij, quech c'ut ri rajawibal ri Dios ri e je tak wa'.”

Marcos 10:15

Kastzij quinbij chiwe, chi apachin ri man cuc'am ta ri rajawibal ri Dios jacha' ri jun ac'al ch'utin, man coc ta na chupam.”

Ri Lucax 18:17

Kastzij quinbij chiwe, chi apachin ri man cuc'am ta ri rajawibal ri Dios je jas ri jun ac'al, man coc ta chupam ri rajawibal ri Dios.”

Romanos 6:4

Ri ka bautism are' jun c'utbal chi uj mukutajinac ruc' ri Crist pa ri u cämical, rech xukuje' ri uj cujbin na pa ri c'ac' c'aslemal, jacha' ri u walijisaxic ri Crist chquixo'l ri cäminakib rumal ri u juluwem ri Tataxel.

1 Corintios 14:20

Wachalal je mixchomanic jacha' ac'alab. Chixux ac'alab che ri etzelal; chixux c'u ri'jab aretak quixchomanic.

Efesios 2:21

Che c'u wa' ri Crist u nuc'um wi rib ronojel ri ja caq'uiy c'ut rech cux tastalicalaj rachoch ri Ajawaxel Dios.

Efesios 4:15

Xane' chkabij ri kastzij ruc' lok'ok'ebal c'u'x, jeri' chujq'uiy ba pa ronojel, pa ri Crist, ri are' ri jolomaj.

2 Tesalonicenses 1:3

Kachalal, rajawaxic chi amak'el cujmaltioxin che ri Dios rumal iwech. Rumal rech chi cätajin cäq'uiy ri i cojonic xukuje' cätajin cänimar ri lok'ok'ebal i c'u'x chbil tak iwib.

1 Pedro 1:23

Yo'm jun c'ac' i c'aslemal je ta ne jun alaj ne' c'äte xalaxic. Man yo'm ta wa' rumal winak ri cäsach u wäch, xane' rumal ri man cäsach ta u wäch, rumal ri u tzij ri c'aslic Dios, ri cäc'oji' chbe k'ij sak.

2 Pedro 3:18

Chixq'uiy ba' pa ri u tok'ob xukuje' pa ri retamaxic u wäch ri Kajaw xukuje' ka Colonel Jesucrist xukuje' c'ä pa tak ri k'ij junab chbe k'ij sak. Je chbanok.