1 Pedro 2:19 - Quiché Bible

¹⁹ Are utz wa', we jun cuch'ij bis aretak curik c'ax ri man takal ta che, xa rumal rech chi xuban jun jasach ri utz cuna' pa ri ranima' chuwäch ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁹ Jeriꞌ rumal cher sibꞌalaj nim kil jun rumal ri Dios pune utz kanoꞌjinik kabꞌan kꞌax che.

K'iche'

¹⁹ Utz c'u na ri' we jun cuch'ij c'äx, pune man takal tä che chi curiko, we ri are' cuna' pa ranima' cho ri Dios chi man c'o tä etzelal u banom.

K'iche' (New Orthography)

¹⁹ Utz k'u na ri' we jun kuch'ij k'äx, pune man taqal tä che chi kuriqo, we ri are' kuna' pa ranima' cho ri Dios chi man k'o tä etzelal u b'anom.

1 Pedro 2:19 ပူးပေါင်းရင်းမြစ်များ

Ri Job 21:27

In weta'm ri qui chomaj chwij xukuje' ri itzel tak chomanic ri e c'o iwuc'.

Salmib 119:86

¡Chinto' la in terenetal c'u pa wakan man c'o ta jasche! ¡Ri e takomal la conojel e kastzij!

Salmib 35:19

Ma ta quequicot ri nu c'ulel chwe, maquiyuch' qui bak'wäch ri man c'o ta rumal quetzelam nu wäch.

Salmib 38:19

Ri e nu c'ulel e q'ui chic; e q'ui ri man c'o ta jasche cäquetzelaj nu wäch.

Salmib 69:4

Ri man c'o ta rumal caquetzelaj nu wäch e c'o na ri qui q'uiyal chuwäch ri wi'aj ri e c'o che ri nu jolom; e q'uiyirinak ri qui banom qui c'ulel chwe ri man c'o ta jasche caquisachisaj nu wäch caquicoj c'u qui chuk'ab chwe chiquintzelej ri man welek'am taj.

Ri Lucax 6:32

We c'u xak xuwi quebilok'ok'ej ri quixlok'ok'enic, ¿jas ta c'u lo u wi' ri' quibano? Xukuje' ne ri ajmaquib quequilok'ok'ej ri quelok'ok'enic.

Ri Xuan 15:21

Conojel c'u we jastak ri' queban na chiwe rumal rech ri nu bi', rumal rech chi man queta'm ta u wäch ri' ri xinutak ulok.

Hechos 11:23

Aretak xopanic, xrilo chi c'o ri u tok'ob ri Dios cuc' ri cojonelab chila', xquicotic. Xebupixbej conojel chi cäquiterenej ri Ajawaxel ruc' ronojel canima', chi jic chetaken che ri Ajawaxel.

Romanos 13:5

Rumal ri' rajawaxic quiya' iwib pa takic chque, man xuwi ta rumal rech ri c'äjisabal wächaj, xane' rumal rech chi quina' pa ri iwanima' chi rajawaxic quixnimanic.

1 Corintios 15:10

Rumal c'ut ri u tok'ob ri Dios ri in je nu banic wa' camic; are c'u ri u tok'ob ma ta c'o xubej chwe. Xane' sibalaj in chacuninak na chquiwäch conojel e are'; pune' c'u man in taj, xane' are' ri Dios, ri chupam ri rutzil in u to'm.

2 Corintios 1:12

Sibalaj cujquicot rumal wa', chi cäkana' pa ri canima' chi uj tastalic tak winak che u patanixic ri Dios xukuje' man xa ta quieb kanima' pa ronojel ri ka banom cuc' conojel ri winak kas c'u are na chixo'l ix. Are ri Dios yowinak wa' chke rumal ri u tok'ob, man are ta rumal quetamabal winak.

2 Corintios 8:1

Kachalal, cäkabij chiwe ri u tok'ob ri Dios ri yo'm chque ri e comon cojonelab pa Masedon.

2 Timoteo 1:12

Xukuje' rumal rech wa' quinrik we c'ax ri'. Man quinq'uix ta c'ut, rumal rech chi weta'm jachin che in cojoninak wi. Elinak chi sak chnuwäch chi c'o u cuinem che u chajixic ri nu yo'm pa u k'ab c'ä pa ri k'ij ri'.

Hebreos 10:2

We ta ri pixab xcuintaj che u banic tz'akat chque, xquitanaba' ta qui ya'ic tabal tak tok'ob, rumal rech chi e josk'im ta chic xukuje' cäquina' ta ri' pa ri canima' chi man c'o ta chi qui mac.

1 Pedro 2:20

¿La utz c'u lo quixilic we quixch'ayic rumal rech chi c'o mac i banom, quich'ij c'ut? Are c'u we rumal ri u banic utzil quirik c'ax, we quich'ijo, are kas utz quilitaj wa' chuwäch ri Dios.

1 Pedro 4:15

We c'o jun chiwe curik c'ax, ma ta u mac rech chi cämisanel, eläk'om, o banal apachique etzelal, mawi rumal u nimic rib chquipam jastak ri e quech niq'uiaj winak chic.