1 Pedro 2:12 - Quiché Bible

¹² Ronojel utz chibana' chquixo'l ri man cojonelab taj. Jeri', pune' cäquiyac tzij chiwij je jas chquij banal tak etzelal, cäquil ri utzalaj tak chac ri quibano, cäquinimarisaj c'u u k'ij ri Dios pa ri k'ij aretak chuta' chke jas ri ka banom.

RI KꞌAKꞌ TESTAMENTO PA TZIJOBꞌAL KꞌICHEꞌ

¹² Qas utz chixnoꞌjinoq chikiwach ri man e kojonelabꞌ taj, rech man kakibꞌij taj chi itzel kixnoꞌjinik xane are kakil ri utz taq inoꞌjibꞌal rech jeriꞌ kakiya na uqꞌij ri Dios pa ri qꞌij rech kolotajem.

K'iche'

¹² Chibana ri kas utz pa ri i c'aslemal chquixol ri winak ri mäja' kas quetam u wäch ri Dios. Je ri', pune ri e are' cämic quixquiyok'o, cäquibij chiwij chi ix banal tak etzelal, cäquinimarisaj c'u na u k'ij ri Dios rumal ri utzil ri quibano aretak cäpe ri Are', cuc'ut c'u ri nimalaj u chuk'ab pa qui wi' ri winak.

K'iche' (New Orthography)

¹² Chib'ana ri qas utz pa ri i k'aslemal chkixol ri winaq ri mäja' qas ketam u wäch ri Dios. Je ri', pune ri e are' kämik kixkiyoq'o, käkib'ij chiwij chi ix b'anal taq etzelal, käkinimarisaj k'u na u q'ij ri Dios rumal ri utzil ri kib'ano aretaq käpe ri Are', kuk'ut k'u ri nimalaj u chuq'ab' pa ki wi' ri winaq.

1 Pedro 2:12 ပူးပေါင်းရင်းမြစ်များ

Salmib 37:14

Ri e banal tak etzelal cäquijosij ri ch'ich' re ch'o'j cäquitanij ri qui q'uiakbal ch'ab che qui kasaxic ri mebayib ri man e nimak ta qui k'ij, ¡che qui cämisaxic ri utz qui c'aslemal!

Salmib 50:23

Ri cuchi'j ri u maltioxinic chwe, cunimarisaj nu k'ij. ¡In quinto'tajisaj ri cäjeki' pa ri nu be!”

Ri Isaiy 10:3

¿Jas lo ri quiban na aretak quiya' u bixic ri e i banom, aretak quiwilo chi petinak ri c'äjisabal wächaj chi naj?

Ri Daniel 6:4

Ri solinelab xukuje' ri k'atal tak tzij xquitzucuj u rikic jun mac pa ri u c'aslemal che u tzujuxic chuwäch ri ajawinel chi man utz ta ri k'atan tzij ri cätajin cuban pa ri ajawibal, man xquirik ta c'u jun tzujubal rech ri Daniel rumal rech chi ronojel ri cubano sibalaj tz'akat u banic cubano, man c'u xecuin ta che u banic jun rekle'n ri Daniel chuwäch ri ajawinel.

Ri Matey 10:25

Cubana' wa' che ri tijoxel chi cux jas ri rajtij, cubana' wa' che ri ajchac chi cux jas ri rajaw. We xbix Beelzebu che ri rajaw ja, ¡e ta c'u lo ri aj uwo rachoch!”

Ri Matey 5:11

Utz iwe ix aretak ri winak caquiyac iwoyowal, quixquiyok' c'ut, rumal c'u wech caquibij ronojel qui wäch banoj tak tzij chiwij.

Ri Matey 5:16

Jewa' chtunun ri i chäj chquiwäch ri winak, rech quequil ri utzalaj tak i chac, cäquinimarisaj c'u u k'ij ri i Tat ri c'o pa ri caj.”

Ri Matey 9:8

Ri q'uialaj winak aretak xquilo, xquimayo, xquinimarisaj u k'ij ri Dios, rumal rech chi are yowinak we takanic ri' pa qui k'ab ri winak.

Ri Lucax 1:68

“Chnimarisax u k'ij ri Ajawaxel ri qui Dios ri aj Israel, rumal rech chi xebulusolij ri u winak, xebucolo.

Ri Lucax 19:44

Catquiwulij na can cho ulew, quequiq'uiak na can ri winak cho ulew ri e c'o awuc'. Man cäquiya' ta na can jun abaj puwi' jun abaj. Rumal rech chi man xach'ob taj ri rulem ri Dios awuc'.”

Ri Lucax 6:22

Utz iwe aretak quetzelax i wäch cumal ri winak, aretak quixquitas apanok, quixquiyok'o, cäquibij chi ix itzel tak winak, ronojel wa' cäquiban chiwe rumal rech ri Rija'l Winak.

Ri Xuan 13:31

Aretak c'u elinak chi bic ri Judas, ri Jesus xubij: “Chanim ri' cajuluwirisax na ri Rija'l Winak, xukuje' cajuluwirisax ri Dios rumal ri are'.

Hechos 15:14

Ri Simon Lu' u bim chke jas ri xuban ri Dios che u tok'obisaxic qui wäch ri man aj judeyib taj nabe mul rech cäresaj jun tinimit chquixo'l ri e rech ri are'.

Hechos 24:13

Man quecuin taj cäquic'ut chwäch la chi kastzij we jastak ri' ri quinquitzujuj wi.

Hechos 25:7

Aretak xpetic ri Pawl, xsutix rij cumal ri aj judeyib ri e petinak pa Jerusalen. E q'ui ri itzelalaj tak mac xquiya' chrij. Man quecuin ta c'ut cäquic'utu chi kastzij jas ri cäquibij.

Hechos 28:22

Are c'u kakaj cäkatatabej ri cachomaj. Keta'm c'ut chi pa conojel c'olbal cac'ulelax wi we c'ac' juk'at ri'.”

Romanos 12:17

we cäban etzelal chiwe, mitoj u q'uexel ruc' etzelal. Are chicojo' i chuk'ab che u banic utzil chquiwäch conojel ri winak.

Romanos 13:13

Chujbinok je jas ri pa k'ij, rech utz quilitaj ri ka chac. Mujk'abaric makamulij chi kib che nimak tak wa'im re wojcorem. Mujc'uji ruc' ri winak pa ri u ch'at ri man kech taj. Mäkaban ri ka rayinic ri man takal ta qui banic. Mäkaban ch'o'j. Itzel mäkil wi we jun chic curik utzil.

Romanos 14:18

Conojel c'u ri je cäquiban wa' che u patanixic ri Crist, utz quebil wi rumal ri Dios, xukuje' ri winak cäquibij chi utz.

Romanos 15:9

Xukuje' rech ri man aj judeyib taj cäquinimarisaj u k'ij ri Dios rumal rech ri relebal u c'u'x chque. Jas ri Tz'ibatalic: “Rumal ri' quintzijoj na chque ri nimak tak tinimit jas ri banom la, quinbixoj na tak bix che u nimarisaxic ri bi' la.”

1 Corintios 14:25

quel na chi sak ri jastak ri e c'o pa ranima'. Je c'u ri' chi cutzak na rib cho ri ulew, cuk'ijilaj na ri Dios xukuje' cubij c'ut chi kastzij c'o ri Dios iwuc'.

2 Corintios 1:12

Sibalaj cujquicot rumal wa', chi cäkana' pa ri canima' chi uj tastalic tak winak che u patanixic ri Dios xukuje' man xa ta quieb kanima' pa ronojel ri ka banom cuc' conojel ri winak kas c'u are na chixo'l ix. Are ri Dios yowinak wa' chke rumal ri u tok'ob, man are ta rumal quetamabal winak.

2 Corintios 13:7

Cäkaban ch'awem ruc' Dios, rech miban jun etzelal. Cäkaban wa' man che ta u c'utic chi ma ta uj c'ambejebem chic xane' rech ri ix are quiban ri utzilal je ta c'u ne ri quelic chi uj ta ri u tzakinak.

2 Corintios 8:21

Cäkachomaj c'u u banic ri utz, man xuwi ta chuwäch ri Ajawaxel, xane' xukuje' chquiwäch ri winak.

Efesios 2:3

Jas ri e are', ojer konojel xkaban can ri ka rayinic aj winak re mac, xkaban ri u rayibal ri ka ti'jal, jas ri xkachomaj. Rumal c'u ri' takal chke we ta xpe ri royowal ri Dios pakawi', je jas ri niq'uiaj chic.

Efesios 4:22

Ri nabe i c'aslemal ri iwuc'am ulok, chiwesaj ri ojer ri k'ayinak cumal ri e subunelabalaj tak e i rayinic.

Filipenses 1:27

Xak xuwi chibana' pa ri i c'aslemal jas ri takal che ri tzij re colobal ib ri u bim ri Crist. Jeri' we quinbe che iwilic o man quinbe taj, quinta' i tzijol chi co ix tac'alic, xa' jun iwanima', xa' jun i chomanic, junam quixchacun che u tzijoxic ri cojonic re ri tzij re colobal ib.

Filipenses 4:8

Chuq'uisbalil, wachalalib, e joropa' jastak ri kas e je, e joropa' jastak ri ya'tal u ya'ic qui k'ij, e joropa' jastak ri e suc', e joropa' jastak ri e ch'ajch'oj, e joropa' jastak ri ya'tal qui lok'ok'exic, e joropa' jastak ri e utz qui tzijol, we c'o c'u apachique utzil, o apachique ak'anasibal k'ij, e are' wa' chebino'jij.

1 Tesalonicenses 4:12

Jeri' utz quixbin chquiwäch ri niq'uiaj winak chic, utz quixil cumal. Jeri' man c'o ta jas rajawaxic chiwe.

1 Timoteo 2:2

Chibana' ch'awem ruc' Dios paquiwi' ri ajawinelab paquiwi' conojel ri e k'atal tak tzij rech cujcuinic cujc'oji' pa utzil xukuje' pa jamaril nim kila' wi ri Dios ruc' jun c'aslemal ri kas utz quilic.

1 Timoteo 4:12

Maya' chque ri winak chi cäquetzelaj a wäch xa' rumal rech chi at ac'al achi na. Xane' chatux jun c'utbal pa ronojel chquiwäch ri cojonelab, rech ri e are catquilo, cäquiban que jas ri caban at. Jeri' cäquita' ri utzalaj a tzij, cäquilo chi utz catbin pa ri a c'aslemal, chi quebalok'ok'ej niq'uiaj chic, chi c'o a cojonic, chi ch'ajch'oj ri a c'aslemal, cäquiban c'u que jas ri caban at.

1 Timoteo 5:10

ri quesax u tzijol chi utzalaj chac u banom, ri e u q'uiyisan ral, ri u yo'm okxanibal chque ri winak, ri u ch'ajom ri cakan ri cojonelab, ri e u to'm ri e c'o pa c'axc'olil, ri u banom ronojel u wäch utzalaj tak chac.

Hebreos 13:18

Chibana' ch'awem ruc' Dios pakawi'. Kas cäkana' pa ri kanima' chi man c'o ta etzelal ka banom. Cäkaj c'ut chi utz cujbin pa ronojel.

Hebreos 13:5

Milok'ok'ej ri puak, chubana' chiwe ri c'o iwuc'. U bim c'u ri Dios: Man catintzokopij ta canok mawi catinya' canok.

Santiago 3:13

¿Jachin chixo'l c'o u no'j, cuch'ob q'ui jastak? Chebuc'utu ri u chac cumal ri utzalaj jastak ri cuban pa ri u c'aslemal, ri cuban ruc' ri u no'j, munimarisaj rib.

1 Pedro 2:15

Are c'u wa' ri u rayibal ri Dios, chi rumal ri u banic utzil quitz'apij u pa qui chi' ri winak ri man utz ta qui chomanic, man c'o ta queta'm.

1 Pedro 3:16

Chc'ol utzalaj retamabal i c'u'x, rech ri queyok'on chiwe queq'uix na chque tak ri kas e qui tzij, aretak ri e are' quequil ri e utzalaj tak i c'aslemal pa Crist.

1 Pedro 4:11

We c'o jun cätzijonic, je chtzijonok jas ri e u tzij ri Dios. We c'o jun cäpataninic, chpataninok je jas ruc' ri cuinem ri cuya' ri Dios. Jeri' pa ronojel cänimarisax u k'ij ri Dios rumal ri Jesucrist, ri nim u k'ij xukuje' ri c'o u cuinem amak'el chbe k'ij sak. Je chbanok.

2 Pedro 3:11

U mac c'u rech chi conojel ri jastak cäsachisax na qui wäch, ¡sibalaj rajawaxic chi quixbin pa jun tastalic i c'aslemal xukuje' quixniman che ri Dios!

Ri Rut 3:14

Ri Rut xwar pa ri ak'ab ri' pa rakan ri Booz. Chucab k'ij c'ä majok chi casakaric xwalijic, aretak c'ä sibalaj k'eku'm na, u bim c'ut ri Booz: “Man c'o ta jun cheta'manic chi we ixok ri' ulinak waral.”