1 Pedro 1:1 - Quiché Bible

¹ Ri in Lu', in takom re ri Jesucrist, quintz'ibaj we wuj ri' chque ri e jabuninak pa Pont, pa Galas, pa Capados, pa Asiy, xukuje' pa Bitin, ri man chila' taj ri qui tinimit,

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Ri Pedro, taqoꞌn rech ri Jesucristo, kutaq rutzil kiwach ri e chaꞌtalik rumal ri Cristo, xuqujeꞌ konojel ri winaq ri e kꞌo pa ri tinimit Ponto, Galacia, Capadocia, Asia xuqujeꞌ Bitinia.

K'iche'

¹ In wa', ri Pedro, in apóstol. In jun chque ru tako'n ri Jesucristo. Quintz'ibaj bi wa' we wuj ri' chiwe ix, ix ri' ri ix jabuninak cho ruwächulew, ri ix ri c'o pa Ponto, pa Galacia, pa Capadocia, pa Asia, xukuje' ri ix ri c'o pa Bitinia.

K'iche' (New Orthography)

¹ In wa', ri Pedro, in apóstol. In jun chke ru taqo'n ri Jesucristo. Kintz'ib'aj b'i wa' we wuj ri' chiwe ix, ix ri' ri ix jab'uninaq cho ruwächulew, ri ix ri k'o pa Ponto, pa Galacia, pa Capadocia, pa Asia, xuquje' ri ix ri k'o pa Bitinia.

1 Pedro 1:1 ပူးပေါင်းရင်းမြစ်များ

Ri Ester 3:8

Xubij c'ut ri Aman che ri ajawinel Asuer: “Chquixo'l conojel tak ri tinimit ri u tz'akatil ri ajawibal la, c'o jun ri u tasom rib chquixo'l ri niq'uiaj chic; e c'o u pixab ri man e junam ta cuc' ri niq'uiaj tinimit chic, man c'u caquinimaj taj ri e u takanic ri ajawinel. Man takal ta che ri ajawinel chi we tinimit ri' cutakej jekelem chupam ri ajawibal la.

Salmib 44:11

Uj jachom la, uj jacha' ta ne chij ri quebe pa ri pilibal; uj tuquin la chquixo'l ri quequik'ijilaj ri diosib;

Ri Ezequiel 6:8

Quinban c'u na chi e c'o jujun chiwe queto'taj chuwäch ri cämical quec'asi' c'u canok, e jabutal chquixo'l ri nimak tak tinimit.

Aj Levitib 26:33

Are c'u ri ix quinxinjabuj na chquixo'l ri nimak tak tinimit, quintak c'u na bic ch'o'j chiwij; cujalwächij na can jun chaki'j uwo sak ri iwulew, quetz'ini can ri i tinimit tak.

Ri Matey 10:2

Ri cablajuj takomxenlab e are wa' ri qui bi': ri nabe Simon, ri cäbix Lu' che, ri Trix ri rachalal, ri Santiag u c'ojol ri Zebedey, ri Xuan ri rachalal,

Ri Matey 24:22

We ta ma ta queco'pix ri k'ij ri', ma ta c'o jun winak ri cäto'tajic. Rumal c'u quech ri e cha'om, queco'pix ri k'ij ri'.

Ri Matey 4:18

Ri Jesus cätajin cäbin chuchi' ri cho re Galiley, xeril quieb achijab cachalal quib. Ri jun are ri Simon ri xukuje' cäbix Lu' che, ri jun chic are ri Trix. Cätajin cäquiq'uiak ri qui c'at chapbal cär pa ri cho, e cäranelab c'ut.

Ri Lucax 18:7

¿La ma ta ri Dios cuk'at na tzij paquiwi' ri qui c'ulel ri winak ri e u cha'om, we ri e are' cäquirak qui chi', quebochi'n che chi pa k'ij chi chak'ab? ¿La cäbeytaj ta lo ri Dios?

Ri Xuan 11:52

Man xuwi' ta c'u cäcäm na che u q'uexwäch ri nim tinimit, xane' xukuje' rech quebumulij na pa jun ri e ralc'ual ri Dios ri e jabuninak.

Ri Xuan 7:35

Xquitzijobela' c'u quib ri aj judeyib: “¿Jawije' ta lo cäbe wi, ri ma ta cäkarik na? ¿La cäbe ta lo cuc' ri ka winakil ri e jabuninak chquixo'l ri aj Gres? ¿La cäbe cuc' ri aj Gres che qui tijoxic?

Hechos 18:2

Chila' xurik wi jun aj judey Aquil u bi', are aj Pont. C'ä maja' naj opaninak, petinak pa Ital, rachil ri Prisil ri rixokil. Rumal rech chi ri k'atal tzij Clawd xtakanic chi conojel ri aj judeyib quebel bic pa Rom. Xopan c'u ri Pawl che qui solixic.

Hechos 18:23

Xc'oji' q'ui k'ij chila', xel bic. Xoc'ow pa tak ri tinimit re Galas xukuje' Prij chquijujunal. Xebupixbej conojel ri cojonelab rech cac'oji' u chuk'ab ri qui cojonic.

Hechos 19:10

Quieb junab c'ut je xquibano. Jeri' chi conojel ri e c'o pa Asiy, chi aj judeyib chi man aj judeyib taj, xquita' ri u tzij ri Ajawaxel.

Hechos 6:9

Jujun chque ri e c'o pa ri ja ri cäquitijoj wi quib ri aj judeyib che ri pixab ri binam Tzokopim tak Winak chque, junam cuc' jujun tak aj Siren, aj Alejandriy, aj Silisiy, ri e aj Asiy, xquichaplej chomanic ruc' ri Estebn.

Hechos 8:4

Are c'u ri cojonelab ri xquijabuj quib, apawije' ri quebe wi, cäquitzijoj ri u tzij ri Dios chque ri winak.

1 Corintios 16:19

Ri e comon cojonelab ri e c'o pa Asiy cäquiya' rutzil i wäch. Ri Aquil xukuje' ri Prisil, xukuje' conojel ri cojonelab ri cäquimulij quib pa ri cachoch, cäquiya' nimalaj rutzil i wäch.

2 Corintios 1:8

Cäkaj c'ut, wachalal, chi quiwetamaj jas ri c'ax ri xkarik pa Asiy. Sibalaj nim ri c'ax xkariko, ri man c'o ta chi ka chuk'ab che u ch'ijic. Jeri' chi man c'o ta chi cu'lbal ka c'u'x chrij chi cujc'asi'c.

Gálatas 1:2

In xukuje' conojel ri kachalal ri e c'o wuc' cäkatz'ibaj we wuj ri' chque tak ri comon cojonelab ri e c'o pa Galas.

Efesios 2:12

Chnataj chiwe chi ojer canok man c'o ta ri Crist iwuc', man c'o ta iwe chque ri winak aj Israel, man c'o ta iwe che ri e u c'ulwächinic ri Dios mawi che ri e u chi'm. Xak ix c'o cho ri uwächulew, man c'o ta can ri Dios pa iwanima' mawi c'o cu'bisabal i c'u'x.

Efesios 2:19

Rumal c'u ri' man ix tastal ta chic che ri u tinimit ri Dios, mawi ix ta chi jalan winak; ri xak ta ix oc'owel ix junam chic cuc' ri winak ri e rech ri Dios, ix jun cuc' ri e aj uwo rachoch ri Dios.

U Camulixic ri Pixab 28:64

Ri Ajawaxel catujabuj na pa conojel ri nimak tak tinimit, pa ronojel ri uwächulew, chila' c'ut quebak'ijilaj wi na jule' tak diosib chic, ri xa e re che', e re abaj, ri mawi ri at, mawi ne ri e a mam xquetamaj ta qui wäch.

U Camulixic ri Pixab 32:26

In xinchomaj qui jabuxic, quinsach c'u u wäch ri natabal quech cho ri uwächulew,

U Camulixic ri Pixab 4:27

Ri Ajawaxel quixujabuj na pa conojel ri nimak tak tinimit, xa c'u ix quieb oxib quixto'taj na chquipam ri nimak tak tinimit.

2 Timoteo 1:15

Aweta'm ba' chi conojel ri e c'o pa Asiy xinquiya' can nu tuquiel. Jujun c'ut chque are' ri Pijel xukuje' ri Hermojenes.

Hebreos 11:13

Conojel we winak ri' xecämic man xequic'amowaj ta c'ut ri jastak ri u chi'm ri Dios; rumal c'u rech chi c'o qui cojonic, xequil apan chi naj, utz c'u qui c'ulaxic xequibano, xquich'ob c'u quib chi man e aj waral taj chi xak e oc'owenelab cho we uwächulew ri'.

Santiago 1:1

In Santiag, u lok'om pataninel ri Dios xukuje' rech ri Ajaw Jesucrist, quinya' rutzil qui wäch ri cablajuj ramak' ri Israel ri qui jabum quib pa ronojel ri uwächulew.

1 Pedro 2:11

Lok'alaj tak wachalal, chixux je jas winak ri xak queboc'owic, ri e c'o pa jun tinimit man quech taj. Miban ri u rayibal ri i ti'jal, ri cäch'ojin chrij ri iwanima'.

2 Pedro 1:1

Ri in Simon Lu', rajchac xukuje' takom re ri Jesucrist, quintz'ibaj we wuj ri' chque conojel ri qui rikom ri cojonic ri sibalaj nim rajil junam ruc' ri ke uj, rumal ri u suq'uil ri ka Dios xukuje' ka Colonel Jesucrist.

Apocalipsis 1:11

ri xubij chwe: “Ri cawilo chatz'ibaj pa jun wuj, chataka' c'u bic chque ri wukub comon cojonelab ri e c'o pa Asiy: che ri c'o pa Epes, che ri c'o pa Smirn, che ri c'o pa Pergm, che ri c'o pa Tiatir, che ri c'o pa Sards, che ri c'o pa Piladelp, xukuje' che ri c'o pa Laodisey.”