1 Juan 5:6 - Quiché Bible

⁶ Are' wa' ri xpe ruc' ja' xukuje' ruc' quic', are' wa' ri Jesucrist. Man xuwi ta ruc' ja', xane xukuje' ruc' ri ja' xukuje' ruc' ri quic'. Are c'u ri Uxlabaxel cäk'alajisan wa'. Ri Uxlabaxel c'ut are ri kastzij.

RI KꞌAKꞌ TESTAMENTO PA TZIJOBꞌAL KꞌICHEꞌ

⁶ Ri Jesucristo xpe cho ri uwachulew, rumal ri jaꞌ xuqujeꞌ kikꞌ; man xaq xwi taj rumal ri jaꞌ xane rukꞌ kikꞌ xuqujeꞌ jaꞌ. Are ri Uxlabꞌixel kaqꞌalajisan we jastaq riꞌ, rumal chi ri Uxlabꞌixel are qas tzij.

K'iche'

⁶ Ri Jesucristo xpe cho ruwächulew, xk'alajin c'u wa' chi are u C'ojol ri Dios aretak xban u kasna', xukuje' aretak xcämisaxic, xel c'u u quiq'uel. Man xuwi taj xk'alajin wa' aretak xban u kasna', xane rumal ri joron re ri kasna' xukuje' rumal ru quiq'uel ri xelic aretak xcämisaxic. Ri Lok'alaj Espíritu are xk'alajisan wa' rumal chi ri Lok'alaj Espíritu xak xuwi cubij ri kas tzij.

K'iche' (New Orthography)

⁶ Ri Jesucristo xpe cho ruwächulew, xq'alajin k'u wa' chi are u K'ojol ri Dios aretaq xb'an u qasna', xuquje' aretaq xkämisaxik, xel k'u u kik'el. Man xuwi taj xq'alajin wa' aretaq xb'an u qasna', xane rumal ri joron re ri qasna' xuquje' rumal ru kik'el ri xelik aretaq xkämisaxik. Ri Loq'alaj Espíritu are xq'alajisan wa' rumal chi ri Loq'alaj Espíritu xaq xuwi kub'ij ri qas tzij.

1 Juan 5:6 ပူးပေါင်းရင်းမြစ်များ

Ri Ezequiel 36:25

Quixinch'aj na ruc' josok'alaj ja', quixinjosk'ij na che ronojel ri i tz'ilol, quixinch'ajch'ojirisaj na chque tak ri e u rikic iwib cuc' tak ri e diosib;

Aj Levitib 17:11

Rumal rech chi ronojel c'aslic, c'asal rumal ri u quiq'uel, nu yo'm c'u in chiwe puwi' ri porobal rech rumal ri quic' quixcuinic quitoj ri u to'tajisaxic ri i c'aslemal, are' c'ut ri quic' cätojow ri u to'tajisaxic ri c'aslemal.

Ri Zacariy 9:11

Are wa' cubij ri Ajawaxel: “Jerusalen, rumal ri u quiq'uel ri a c'ulwächinic in quebenwesaj na chupam ri chaki'j c'ua' ri e awajpache' ri e c'o chupam.

Ri Matey 26:28

Are c'u nu quiq'uel wa' re ri c'ulwächinic. Ri nu quiq'uel cäturuw na rech cäsachtaj ri qui mac e q'ui winak.

Ri Matey 3:16

Xuwi c'u xbantaj ri u bautism ri Jesus, xel ulok pa ri ja'. Chanim c'ut ri caj xjaktajic, xril c'u ri Jesus chi ri Ruxlabal ri Dios xkaj u ulok puwi' jacha' jun palomax.

Marcos 14:24

Ri Jesus xubij chque: “Are' nu quiq'uel wa', ri rumal cajiquibax ri c'ac' c'ulwächinic, ri cätix na che qui to'ic q'uialaj winak.

Ri Lucax 22:20

Aretak e wokinak chic, xuc'am xukuje' ri kumubal, xubij: “We kumubal ri' are' ri c'ac' c'ulwächinic pa ri nu quiq'uel, ri xch'etow u mac iwech.

Ri Xuan 14:17

Are wa' ri Uxlabaxel re ri kastzij. Ri e aj uwächulew man quecuintaj caquic'amowaj, rumal rech chi man cäquil taj mawi queta'm u wäch; are c'u ri ix iweta'm u wäch. Ri are' jekel c'u iwuc', cäc'oji' na pa iwanima'.

Ri Xuan 14:6

Ri Jesus xubij che: “In ri' ri be, ri kastzij, ri c'aslemal. Man c'o ta jun copan ruc' ri Tataxel, we ta ma ta wumal in.

Ri Xuan 15:26

Aretak c'u cäpe ri cucu'bisaj c'uxaj, ri quintak na ulok chiwe, ri aj nu Tat, ri Uxlabaxel aj kastzij ri quel ulok ruc' ri nu Tat, are' ri' cuk'alajisaj na chwij.

Ri Xuan 16:13

Aretak c'ut cäpe ri Uxlabaxel ri kastzij, are quelc'amow na i be pa ronojel ri kastzij. Man queltzijon ta c'u na pa re wi, xane' culutzijoj na ri cutatabej, quebulutzijoj na chiwe ri jastak ri quepe na.

Ri Xuan 3:5

Ri Jesus xubij che: “Kastzij, kastzij quinbij chawe, apachin ri man calax ta rumal ri ja' xukuje' rumal ri Uxlabaxel, man cäcuin taj coc pa ri rajawibal ri Dios.

Ri Xuan 4:10

Ri Jesus xubij che: “We ta aweta'm ri cusipaj ri Dios, we ta aweta'm jachin ri' ri cubij chawe: ‘Chaya' nu joron’, at ta ri' cata' awe che, ri in c'ut quinya' ta awe ri' ri c'aslic joron.”

Ri Xuan 4:14

Apachin c'u ri cäruq'uiaj re ri joron ri quinya' che, mawi jumul chbe k'ij sak cächaki'j ta chi na u chi'. Xane' ri joron ri quinya' che, cux na jun u q'uiyibal ja' che, ri cäpixc'on che junalic c'aslemal.”

Ri Xuan 6:55

Ri nu cuerp are kas wa, ri nu quiq'uel are kas uq'uia'.

Hechos 8:36

Oc'owinak chi c'u jubik', xeboc'ow pa jun c'olbal jawije' ri e c'o wi ja', xubij ri aj Etiopiy: “E c'o ja' waral; ¿la ma ta lo cuya' cäban ri nu bautism?”

Romanos 3:25

Ri Dios xuya' ri Jesucrist che cojol utzil chquixo'l ri winak ruc' are'. Cäquirik we utzil ri' we quecojon che ri Crist, ri xturuw ri u quiq'uel rumal quech. Xc'ulmataj wa' che u k'alajisaxic chi ri Dios are suc' aretak xebucuy ri mac ri qui banom ulok ri winak, man xenataj ta chi che,

Efesios 1:7

Chupam c'ut ri nimalaj u lok'ok'ebal c'uxaj uj u torom ri Dios rumal ri quic' ri xutix ri u C'ojol, e sachtajinak c'ut ri e ka mac.

Colosenses 1:4

Ka tom i tzijol chi c'o i cojonic che ri Crist Jesus, chi quebilok'ok'ej conojel ri tastalic tak cojonelab,

1 Timoteo 3:16

K'alaj chquiwäch conojel chi nim qui banic ri jastak re ri ka k'ijilanic che ri Dios: Ri Dios xc'utun chupam jun cuerp aj winak, xk'alajisaxic chi suc' rumal ri Uxlabaxel, xilitaj cumal ri tako'n aj caj, xtzijox chque tak ri tinimit, xecojon ri winak che ri e c'o cho ri uwächulew, c'ulam pa ri juluwem.

Ri Tit 3:5

xujucolo, man rumal ta suc'alaj chac ri ka banom, xane' rumal rech chi xel u c'u'x chke. Xujuch'ajo, xuban c'ac' tak winak chke, jas jun alaj ne' c'äte xalaxic. Jewa' xubano rumal ri Ruxlabal ri Dios,

Hebreos 10:29

¡E ta c'u lo ri jun ri cäretzelaj u wäch ri u C'ojol ri Dios, man nim ta cäril wi ri quic' ri xbanow tastalic winak che are', are ri quic' re ri u c'ulwächinic ri Dios cuc' ri winak, o cuyok' ri Uxlabaxel ri cäbanow tok'ob chke, sibalaj c'ax na ri c'äjisabal u wäch ri jun ri jewa' cubano!

Hebreos 12:24

Ix opaninak chunakaj ri Jesus, ri ch'awenel re ri c'ac' u c'ulwächinic, xukuje' chunakaj ri u quiq'uel ri xchiquichaxic, ri c'o na ri cubij chuwäch ri u quiq'uel ri Abel.

Hebreos 13:20

Are ba' ri Dios ri cäyo'w jamaril chixo'l, ri xc'astajisan ri Kajaw Jesucrist chquixo'l ri cäminakib, are wa' ri nimalaj Cajyuk' ri chij rumal ri quic' re ri junalic c'ulwächinic,

Hebreos 9:14

¡e ta c'u lo ri u quiq'uel ri Crist, ri xuya' rib rumal ri junalic Uxlabaxel, man tz'ajtajinak taj chuwäch ri Dios, quebujosk'ij na ri retamabal ka c'u'x ruc' ri quesaxic ri cäminak tak chac, rech cäkak'ijilaj ri c'aslic Dios!

Hebreos 9:7

Pa ri ucab c'u u pam ri Lic'om Rachoch Dios, xa' jumul pa ri jun junab coc ri qui nimal ri e cojol tabal tok'ob chupam. Aretak coc bic, rajawaxic chi ruc'am quic' ri cuya' chuwäch ri Dios rumal quech ri u mac ri are' xukuje' rumal quech ri qui mac ri winak.

1 Pedro 1:2

ri e cha'tal jas ri xuchomaj ulok ojer ri Dios Tataxel. Ri are' u banom tastalic tak winak chiwe rumal ri Uxlabaxel, rech quixniman che xukuje' quixchiquichax ruc' ri u quiq'uel ri Crist: are ta ri Dios sibalaj cuban tok'ob chiwe xukuje' sibalaj cuya' jamaril chixo'l.

1 Pedro 3:21

Are c'u ri ja' pa ri u k'ijol ri Noe are' cuq'uexwächij ri roc'owem ri Jesus pa ri nimalaj c'ax ri cujcolow camic; rumal c'u ri' man cujcolotaj ta rumal ri u josk'ixic ri ka cuerp, xane' ri u c'amowaxic ri jun ch'ajch'ojalaj anima' che ri Dios rumal ri u c'astajic ri Jesucrist.

1 Juan 1:7

We c'u cujbin chupam ri sakilal jacha' ri Dios c'o pa ri sakilal, c'o c'u ri' ri junamatajic chkaxo'l, are' c'ut ri u quiq'uel ri u C'ojol, ri are' ri Jesucrist, queresaj na conojel ri ka mac.

1 Juan 4:10

Are wa' ri lok'ok'ebal c'uxaj: man are taj chi uj taj xujlok'ok'en ta ri Dios, xane' chi are' ri are' xujlok'ok'enic, xutak c'u ulok ri u C'ojol, rech cuchi'j rib che tabal tok'ob, quetojtaj c'ut ri e ka mac.

Apocalipsis 1:5

xukuje' che ri Jesucrist ri jicalaj k'alajisanel, ri xc'astaj nabe chquixo'l ri cäminakib, c'o u takanic paquiwi' ri ajawinelab e aj uwächulew. Ri Crist cujulok'ok'ej uj resam c'ut pa qui k'ab ri e ka mac rumal ri u quiq'uel,

Apocalipsis 5:9

Xquibixoj jun c'ac'alaj bix, xquibij: “Ya'tal che la chi cäc'am la ri wuj, chi quejak la ri e u t'ikbal, rumal rech chi xcämisax la, ruc' ri quiq'uel la xelok' la winak rech quebux rech ri Dios re conojel qui wäch winak, ch'abal, amak', nimak tak tinimit.

Apocalipsis 7:14

Xinbij c'u che: “Wajaw, wa' lal lal etamaninak.” Ri are' xubij chwe: “E are wa' ri e elinak ulok pa ri nimalaj c'axc'olil, ri qui ch'ajom ri catz'iak, xquisakarisaj pa ri u quiq'uel ri Alaj Chij.