1 Juan 4:1 - Quiché Bible

¹ Lok'alaj tak wachalal, micojo ix chi ronojel ri cabixic uxlabisam rumal ri Dios, xane' chebitijtobej quij, quiwil c'ut we ri uxlabal ri c'o pa ri canima' rech ri Dios o man rech taj. Nojisam c'ut ri uwächulew cumal ri e banal tak tzij ri caquibij chi are' ri Dios bininak chque.

RI KꞌAKꞌ TESTAMENTO PA TZIJOBꞌAL KꞌICHEꞌ

¹ Loqꞌalaj taq qachalal, mikoj rech xapachin ri kubꞌij chiꞌwe chi are ri Uxlabꞌixel kachꞌaw che, xane qas chichꞌobꞌo rij we qas rech ri Dios ri kubꞌij, rumal cher sibꞌalaj e kꞌi winaq xeꞌl loq cho ri uwachulew ri kakijaluj chi e qꞌalajisal taj utzij ri Dios.

K'iche'

¹ Lok'alaj tak kachalal, micoj ri qui tzij conojel ri winak ri cäquibij chi ri espíritu ri c'o cuc' yo'm chque rumal ri Dios, xane chiwila na we ri espíritu ri c'o cuc' kas rech ri Dios o man rech taj. Je ri', rumal chi tajin queq'uiar cho ruwächulew ri banal tak tzij ri cäquibij chi kas e k'alajisal tak re ru Lok' Pixab ri Dios.

K'iche' (New Orthography)

¹ Loq'alaj taq qachalal, mikoj ri ki tzij konojel ri winaq ri käkib'ij chi ri espíritu ri k'o kuk' yo'm chke rumal ri Dios, xane chiwila na we ri espíritu ri k'o kuk' qas rech ri Dios o man rech taj. Je ri', rumal chi tajin kek'iar cho ruwächulew ri b'anal taq tzij ri käkib'ij chi qas e q'alajisal taq re ru Loq' Pixab' ri Dios.

1 Juan 4:1 ပူးပေါင်းရင်းမြစ်များ

Nabe Ajawinelab 13:18

Xucoj c'u u chuk'ab ri nim winak: “In xukuje' in k'axal tzij, xak junam jacha' ri at, jun tako'n rech ri Ajawaxel yowinak takanic chwe chi catinc'am bic cho wachoch che u ya'ic a wa awuq'uia'.” Xa c'u ne banoj tzij ri xuban ri nim winak,

E C'ambal tak Tzij 14:15

Ri con cucoj ronojel ri cäbix che; ri utz cächomanic cäril na jawije' ri cäbin wi.

Ri Jeremiy 14:14

Are c'u ri Ajawaxel xutzelej u bixic chwe: We je caquibij wa' ri e k'axal tzij pa ri nu bi', xa' cätajin caquiban banoj tzij. In man e nu takom ta bic, mawi nu yo'm ta jun takanic chque mawi ta ne e nu tzijobem. Xa' e u cawäch tak k'alajisanic, subunelalaj tak c'utwächinic, xak pa qui jolom e q'uiyinak wi. E are tak wa' ri quequiya' quibixic we e k'axal tak tzij ri'.

Ri Jeremiy 23:16

Cächa ri Ajawaxel ri c'o ronojel u cuinem: “Aj israelib, miya' i xiquin che ri cäquibij ri e k'axal tak tzij. Ri caquibij xa' e banoj tak tzij, jastak ri xak pa tak qui jolom cäpe wi, chi ri in man nu yo'm ta u bixic chque.

Ri Jeremiy 5:31

Ri caquiya' u bixic ri e k'axal tzij xa' banoj tzij; ri e cojol tabal tok'ob caquiban ri k'atoj tak tzij jas ri kas cäcaj, ¡are c'u wa' ri cäkaj chuwäch ri nu tinimit! ¿Jas c'u lo ri quiban na ix aretak copan ri q'uisbalil?’ ”

Marcos 13:21

We c'o c'u jun cubij chiwe: ‘Chiwilampe', waral c'o wi ri Crist’, o ‘Chiwilampe', jela' c'o wi’, micoj ri cubij.

Ri Lucax 12:57

“¿Jas c'u che man quichomaj taj pa iwech wi jachique ri suc'?

Ri Lucax 21:8

Xubij c'u ri Jesus: “Chichajij iwib, mixsubutajic. E q'ui c'ut quepe na pa ri nu bi', cäquibij: ‘in ri' ri Crist.’ Xukuje' cäquibij: ‘Are' c'u k'ij wa'.’ Mixbe ba chquij.

Hechos 17:11

Sibalaj utz ri qui no'j ri aj Berey chquiwäch ri e c'o pa Tesalon. Xquic'am ri tzij ruc' ronojel canima'. K'ij chi k'ij cäquitzucuj chupam ri Tz'ibatalic, che rilic we kastzij ri cubij chque.

Hechos 20:29

Weta'm c'ut chi aretak in benak chic, queboc na winak chixo'l e je ta ne c'a'nalaj tak utiw, ri cäcan na c'ax chque ri jumulaj chij.

1 Corintios 12:10

Jun yo'm che ri u banic tak mayibal. Ri jun chic yo'm che ri u k'axexic u tzij ri Dios. Jujun chic cuya' ri Dios chque ri retamaxic u wäch ri uxlabal ri e subunelab xukuje' ri kas Ruxlabal ri Dios. Jujun chic cäya' chque chi quech'aw pa tak ch'abal. Cäya' chi c'u na chque jujun chic ri u k'alajisaxic ri bim pa tak we ch'abal ri'.

1 Corintios 14:29

We caquiya' u bixic ri yo'm chque rumal ri Dios, e quieb o e oxib chech'awok, ri niq'uiaj chic chquichomaj rij ri cäbixic.

1 Tesalonicenses 5:20

Miwetzelaj u wäch ri qui tzij ri cäquik'axej tzij chque ri winak ri yo'm chque rumal ri Dios.

1 Tesalonicenses 5:21

Chitijtobej ronojel; chic'olo' ri utz.

2 Tesalonicenses 2:2

chi muban quieb i c'u'x pa ri i chomanic. Mixsach rumal jun uxlabal, o rumal tzij, o rumal wuj je ta ne chi kech uj. Misach i c'u'x we quito chi petinak chic ri u k'ij ri Ajawaxel.

1 Timoteo 4:1

K'alaj cubij ri Uxlabaxel chi pa ri q'uisbal tak k'ij, e c'o jujun cäquitas na quib chrij ri cojonic, quequitatabej na ri uxlabal ri e subunelab, xukuje' ri qui tijonic ri itzel tak uxlabal.

2 Timoteo 3:13

E are c'u ri e itzel tak winak, ri e subunelab, quenimataj na, cäquitakej na subunic, e subutajinak c'ut.

2 Pedro 2:1

Xukuje' xec'oji' can chquixo'l ri winak ojer jujun ri xak xquijaluj quib chi e k'axal tak u tzij ri Dios. Xukuje' chixo'l ix quec'oji' na jujun ri cäquijaluj na quib chi e ajtijab. Ri e are' chi c'uyal cäquic'am ulok tijonic ri quec'amow bic ri winak pa ri c'ax. Man caquik'alajisaj taj ri Ajawaxel ri xecolowic. Rumal ri' chanim cäsach na qui wäch rumal rech ri cäquibano.

1 Juan 2:18

Lok'alaj tak walc'ual, are wa' ri q'uisbal tak k'ij. Jas ri i tom chi cäpe na jun ri cuban u c'ulel che ri Crist, camic c'ut e c'o chi q'ui ri cäquiban qui c'ulel che ri Crist. Rumal c'u ri' cäkach'obo chi are chi wa' ri q'uisbal tak k'ij.

1 Juan 2:7

Lok'alaj tak wachalal, we takomal ri' ri quintz'ibaj bic chiwe man c'ac' taj: are wa' ri xic'am ix kas pa ri tictajic. We ojer takomal ri' are tzijol wa' ri i tom chic.

2 Juan 1:7

E q'ui c'ut ri e benak cho ri uwächulew ri cäcaj quixquisubu, cäquibij chi ri Jesucrist man c'o ta u cuerp xpe cho ri uwächulew. Ri jun ri je cubij wa', are subunel ri cuban u c'ulel che ri Crist.

3 Juan 1:11

Lok'alaj wachalal, maban ba awe ri etzelal, xane' chbana' ri utzilal. Apachin ri cuban utzilal, are ri' rech ri Dios. Apachin c'u ri cuban etzelal, man rilom ta u wäch ri Dios ri'.

Apocalipsis 2:2

E weta'm ri e a chac, ri e c'axalaj a chac, xukuje' ri a ch'ijonic, weta'm chi man quebak'i taj ri itzel tak winak. Weta'm chi xebanic'oj ri cäquibij quib chi e takom, man e je ta c'ut. Xebanic'oj c'ut chi e banal tak tzij.