1 Juan 3:4 - Quiché Bible

⁴ Conojel ri cäquiban mac, e are' ri' man cäquinimaj ta ri pixab. Ri mac are ri man u nimaxic ta ri pixab.

RI KꞌAKꞌ TESTAMENTO PA TZIJOBꞌAL KꞌICHEꞌ

⁴ Ri winaq ri kubꞌan mak kuqꞌipij ri taqanik; xuqujeꞌ man nimanel taj che.

K'iche'

⁴ Jachin c'u ri cämacunic, man cäniman tä ri' che ru Lok' Pixab ri Dios, are ajchak' mac ri' rumal chi ri mac are ru xalk'atixic ri Pixab.

K'iche' (New Orthography)

⁴ Jachin k'u ri kämakunik, man käniman tä ri' che ru Loq' Pixab' ri Dios, are ajchaq' mak ri' rumal chi ri mak are ru xalq'atixik ri Pixab'.

1 Juan 3:4 ပူးပေါင်းရင်းမြစ်များ

Nabe Ajawinelab 8:47

we pa ri ulew jawije' ri e yo'm wi quetzelej uc' la, caquitz'onoj c'u tok'ob che la, caquich'ob c'ut chi e macuninak, qui banom c'ut ri etzelal,

Nabe Tzijobelil 10:13

Are' je cämical wa' xutaklebej ri Saul u mac rech ri retzelal, xmacun c'ut aretak man xunimaj taj ri u takanic ri Ajawaxel xukuje' aretak xbe che u tz'onoxic u no'j ruc' jun ixok ch'obonel

Ucab Tzijobelil 24:20

Are c'u ri Zacariy u c'ojol ri Joiad, cojol tabal tok'ob, xmajix rumal ri ruxlabal ri Dios, xutac'aba' rib puwi' jun tanatic xubij c'u che ri tinimit: “Ri Dios cubij: ‘¿Jasche man quebinimaj taj ri e nu takomal? ¿Jasche ri ix qui tzucuj ri kas i c'okoxic? ¡We c'u in i tzakom canok, xukuje' ri in quixintzak canok!’ ”

Ri Isaiy 53:8

Xc'am bic, man c'o ta u mac, mawi jun xoc il che ri xuc'ulmaj. Xesax cho ri uwächulew, xsoc che cämical qui mac quech ri e u mac ri nu tinimit.

Ri Daniel 9:11

Ronojel Israel man xunimaj taj ri tijonic la, xuk'il c'u rib che qui nimaxic tak ri e takanic la; rumal ri' e kajinak pakawi' ri c'okobal xukuje' ri chi'nic ri kas cäban na ri e tz'ibatal chupam ri u pixab ri Moises, ri pataninel ech la rumal rech chi uj macuninak chwäch la.

Ajilanic 15:31

Xretzelaj c'u u wäch ri nu tzij man xebutz'akatisaj ta c'ut ri e nu takanic; kas xa jumul quesaxic cukajbej c'u na ri retzelal.”

Ri Matey 5:19

Je c'u ri' apachin ta ne ri man cunimaj ta jun chque ri pixab, pune' are ch'utin na, cubij c'u chque niq'uiaj winak chic chi man cäquinimaj taj, ri are cubinaj na sibalaj nitz' pa ri rajawibal ri Dios. Apachin c'u ri cunimaj ri pixab, cubij c'u chque niq'uiaj winak chic chi cäquinimaj, ri are cubinaj na nim pa ri rajawibal ri Dios.

Hechos 23:3

Xubij c'u ri Pawl che: “Catuch'ay na ri Dios, at tapia chunam awij. At t'uyul che u k'atic tzij panuwi' jas cubij ri pixab. ¿Jas c'u che cattakan che nu ch'ayic man je ta c'u wa' ri cubij ri pixab?”

Romanos 3:20

Rumal ri' man c'o ta jun winak cäk'alajisax chuwäch ri Dios chi suc' rumal rech chi u banom ri cubij ri pixab. Are c'u ri pixab xak xuwi cuk'alajisaj chkawäch chi uj ajmaquib.

Romanos 4:15

Are' c'u ri pixab cuc'am ulok ri royowal ri Dios paquiwi' ri man queniman taj. Jawije' c'u ri man c'o ta wi pixab, man quilitaj taj chi man c'o ta nimanic che ri pixab.

2 Corintios 12:21

Quinxe'j c'u wib xukuje' chi, pa ri wopanem iwuc' pa quieb oxib k'ij ri nu Dios cuban chwe chi quinna' q'uixbal rumal iwech, cuban c'u na chwe chi quinwok'ej i wäch ix q'ui chiwe ri kas xc'ori' qui takem ulok macunic, man qui yo'm ta c'u can ri tz'ilol, ri e macunic cuc' ixokib achijab xukuje' ri e itzel tak nak'atisabal ri quequibano.

Santiago 5:15

Are ri ch'awem ruc' Dios ruc' cojonic querutzirisaj na ri yawab, ri Ajawaxel cuwalijisaj c'u na. We c'o mac u banom, quesachtaj na ri u mac.

1 Juan 5:17

Ronojel ri man suc' taj, are mac wa'. C'o c'u mac ri man re ta cämical.

Nabe Samuel 15:24

Xubij c'u ri Saul che ri Samuel: “Je' in macuninak, man xinban taj ri u takanic ri Ajawaxel xukuje' tak ri u pixbenic ri xbij la chwe, xinxe'j wib chquiwäch ri winak, are xinnimaj ri xquibij chwe.