1 Juan 3:19 - Quiché Bible

¹⁹ Jeri' cäkach'obo chi uj rech ri kastzij xukuje' cäkajiquiba' ri kanima' chuwäch ri Dios.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁹ Rukꞌ waꞌ qas kaqetaꞌmaj chi uj kꞌo pa ri qas tzij xuqujeꞌ kaqanaꞌo chi utz qaꞌnik cho ri Dios.

K'iche'

¹⁹ Je ri' cuya' cäketamaj chi ri uj kas tzij ri cäkatzijoj, xukuje' chi ri uj, uj rech ri Kas Tzij, man rajwaxic tä c'ut cäkaxej kib cujoc chuwäch ri Dios:

K'iche' (New Orthography)

¹⁹ Je ri' kuya' käqetamaj chi ri uj qas tzij ri käqatzijoj, xuquje' chi ri uj, uj rech ri Qas Tzij, man rajwaxik tä k'ut käqaxej qib' kujok chuwäch ri Dios:

1 Juan 3:19 ပူးပေါင်းရင်းမြစ်များ

Salmib 119:56

Are wa' ri takal u banic wumal: ri qui nimaxic ri yo'm la qui bixic.

Ri Isaiy 32:17

Ri suq'uil cuya' na jamaril, jororemal xukuje' cu'lbal c'uxaj chbe k'ij sak.

Ri Xuan 13:35

Rumal c'u wa' conojel cäquetamaj na chi ix nu tijoxelab, we quilok'ok'ela' iwib.”

Ri Xuan 18:37

Xubij c'u ri Pilat che: “¡At ba' ajawinel!” Ri Jesus xubij che: “Lal cabin la chi in ajawinel. Che wa' xinalax wi, che wa' in ulinak wi cho ri uwächulew, rech quink'alajisaj ri kastzij. Conojel ri e aj kastzij cäquita' ri nu ch'abal.”

Romanos 4:21

Kas reta'm chi ri Dios c'o u cuinem che u banic ronojel jas ri xubij ulok chi cuya' na che.

Romanos 8:38

Kas weta'm chi man c'o ta jas cäcuin che ka tasic chrij ri lok'ok'ebal u c'u'x ri Dios. Mawi ri cämical, mawi ri c'aslemal, mawi ri tako'nib aj caj, mawi ri e uxlabal ri c'o qui takanic xukuje' ri c'o qui cuinem, mawi ri jastak ri e c'o camic, mawi ri jastak ri quepe na,

2 Timoteo 1:12

Xukuje' rumal rech wa' quinrik we c'ax ri'. Man quinq'uix ta c'ut, rumal rech chi weta'm jachin che in cojoninak wi. Elinak chi sak chnuwäch chi c'o u cuinem che u chajixic ri nu yo'm pa u k'ab c'ä pa ri k'ij ri'.

Hebreos 10:22

Jeri' chujkeb chuwäch ri Dios, man ruc' ta quieb kanima', kas ruc' nimalaj ka cojonic, rumal rech chi chiquicham chi quic' pa ri kanima' rech cäkana' pa ri kanima' chi man c'o ta chi ka mac, xukuje' ch'ajtajinak chic ri ka cuerp ruc' ch'ajch'ojalaj ja'.

Hebreos 11:13

Conojel we winak ri' xecämic man xequic'amowaj ta c'ut ri jastak ri u chi'm ri Dios; rumal c'u rech chi c'o qui cojonic, xequil apan chi naj, utz c'u qui c'ulaxic xequibano, xquich'ob c'u quib chi man e aj waral taj chi xak e oc'owenelab cho we uwächulew ri'.

1 Juan 1:8

We cäkabij chi man c'o ta ka mac, xa cätajin cäkasub kib ri', man c'o ta ri' ri kastzij kuc'.

1 Juan 2:21

Quintz'ibaj chiwe, man rumal ta rech chi ma ta iweta'm ri kastzij, xane rumal rech chi iweta'm. Iweta'm c'ut chi ronojel banoj tzij man rech ta ri kastzij.

1 Juan 3:14

Uj keta'm chi uj elinak chic pa ri cämical, uj c'o chic pa ri c'aslemal, ketamam c'ut rumal rech chi quekalok'ok'ej ri kachalal. Apachin c'u ri man culok'ok'ej ta ri rachalal, cäminak na ri'.

1 Juan 3:20

We c'u ri kanima' c'o jas cujutzujuj wi, are c'u c'o na ri Dios chuwäch ri kanima', reta'm c'u ronojel.

1 Juan 3:21

Lok'alaj tak wachalal, we ri kanima' man c'o ta jas cujutzujuj wi, c'o u cu'lbal ka c'u'x ri' chuwäch ri Dios;