1 Juan 3:12 - Quiché Bible

¹² Mäkaban ke jas xuban ri Cain, ri xuya' rib pa u k'ab ri itzel, xucämisaj ri u chak'. ¿Jas c'u che xucämisaj? Rumal rech chi ri Cain xuban etzelal, are c'u ri u chak' xuban ri suc'.

RI KꞌAKꞌ TESTAMENTO PA TZIJOBꞌAL KꞌICHEꞌ

¹² Man kaqesaj taj uwach ri Caín, are waꞌ ri xuya bꞌe xok ri Itzel che rumal riꞌ xukamisaj ri rachalal Abel. ¿Jas che jewaꞌ xubꞌano? Jeriꞌ xubꞌano rumal are xrilij ubꞌanik itzel taq chak, are kꞌu ri uchak ri rachalal sibꞌalaj utz.

K'iche'

¹² Je' mäka'no jas ri xuban ri a Caín. Rumal chi are ralc'ual ri Itzel, xucämisaj ru chak'. ¿Jas c'u che xucämisaj? Je ri' xubano rumal chi are ri a Caín tajin cuban ri etzelal, are c'u ru chak' tajin cuban ri utzil.

K'iche' (New Orthography)

¹² Je' mäqa'no jas ri xub'an ri a Caín. Rumal chi are ralk'ual ri Itzel, xukämisaj ru chaq'. ¿Jas k'u che xukämisaj? Je ri' xub'ano rumal chi are ri a Caín tajin kub'an ri etzelal, are k'u ru chaq' tajin kub'an ri utzil.

1 Juan 3:12 ပူးပေါင်းရင်းမြစ်များ

Chapletajic 4:25

Ri Adan xruc'aj chi rib ruc' ri rixokil, ri Eva xc'oji' chi jun ral ala, ri xucoj Set che u bi', xubij: “Ri Dios u yo'm chi jun wal ala che u q'uexwäch ri Abel ri xcämisax rumal ri Cain.”

Ucab Samuel 13:22

Ri Absalon, man c'o ta jas xuch'a' che ri Amnon xak ta pa re wi, caretzelaj c'u u wäch rumal rech chi xuban il che ri Tamar ri rana'b.

Salmib 37:12

Ri banal etzelal cuchomaj u banic c'ax che ri utzalaj winak, quebusolcopij u bak'wäch che ruc' nimalaj oyowal.

Salmib 38:20

Etzelal quitojbem wech che u q'uexwäch utzil; quinquic'ulelaj xa rumal chi quintzucuj u banic ri utzil.

E C'ambal tak Tzij 27:4

Ri c'anal man cätok'obisan ta wächaj, are c'u ri oyowarem cusachisaj wächaj, e are tak c'ut ri achixomanic man e k'atatijel taj.

E C'ambal tak Tzij 29:10

Ri cämisanelab ri man c'o ta canima' cäquetzelaj u wäch ri winak ri tz'akatisanel pa ronojel c'ä cäquicämisaj na.

E C'ambal tak Tzij 29:27

Ri winak ri e tz'akatisanelab pa ronojel man quequicoch' taj ri e banal tak etzelal, e are' tak c'ut ri e banal tak etzelal man quequicoch' taj ri e tz'akatisanelab pa ronojel.

Ri Matey 13:19

Ronojel jachin ri cuta' ri tijonic re ri rajawibal ri Dios, ri man cuch'ob taj, cäpe ri itzel, cutokij ri ticom canok pa ri ranima'. Are wa' ri quel cubij ri xekaj pa ri be.

Ri Matey 13:38

Ri ticabal, are ri uwächulew. Ri utzalaj ija' are ri e ralc'ual ri rajawibal ri Dios. Ri itzel k'ayes are' ri e ralc'ual ri itzel.

Ri Matey 23:35

Jeri' piwi' cäkaj wi na ri qui quiq'uel conojel ri suc'alaj tak winak ri e cämisam cho ri uwächulew, turuwinak c'ut ri qui quiq'uel, conojel ri e cämisam ulok kas ruc' ri u quiq'uel ri Abel ri suc', c'ä ruc' ri u quiq'uel ri Zacariy ri u c'ojol ri Berequiy, ri xicämisaj chuxo'l ri k'ijilabal ruc' ri porobal.

Ri Matey 27:23

Xubij c'u ri Pilat: “¿Jas puch ri etzelal u banom?” Ri winak c'ut sibalaj xquirak qui chi', xquibij: “¡Charipa'!”

Ri Matey 5:37

Aretak quibij ‘je’, xak ‘je’ chi'x chokok; aretak quibij ‘jayi'’, xak ‘jayi'’ chixchokok. We c'o u wi' tzij cabixic, rech ri itzel wa'.”

Ri Lucax 11:51

Cächapletaj ulok ruc' ri u quiq'uel ri Abel, c'ä ruc' ri u quiq'uel ri Zacariy, ri xsach u wäch chuxo'l ri porobal ruc' ri k'ijilabal, je, quinbij chiwe, cätok'ix na ri qui quiq'uel conojel chque ri winak cho ri uwächulew camic.

Ri Xuan 10:32

Ri Jesus xubij chque: “Q'ui utzalaj tak u chac ri Tataxel xebenc'ut chiwäch; ¿Jas rumal ri nu chac quinicämisaj che abaj?”

Ri Xuan 8:40

Ri ix c'ut camic quitzucuj nu cämisaxic. Nu bim c'u ri kastzij chiwe, ri nu tom ruc' ri Dios; ¡man je ta wa' xuban ri Abraham!

Ri Xuan 8:41

Ri ix are quiban iwe ri cuban ri i tat.” Xquibij c'u che: “Ri uj man uj ta calc'ual man queta'm ta u wäch qui tat. Jun ka Tat c'olic, are ri Dios.”

Hechos 7:52

¿Jachin ta chque ri e k'axal tak tzij ri ma ta xban c'ax che cumal tak ri e mam alak? Ri e are' xequicämisaj jachin tak ri xeyo'w u bixic ri u petic ri suc' ulinak c'ut, ri alak xjach alak pa ri cämical.

1 Tesalonicenses 2:14

Ri ix c'ut, kachalal, xiban iwe jas ri xquiban ri e u comon cojonelab ri Dios ri e c'o pa Judey, ri e re ri Crist Jesus. Xukuje' ri ix xa' junam xirik c'ax cumal ri e i winakil, jas ri e are' xquirik c'ax cumal ri aj judeyib.

Hebreos 11:4

Rumal ri cojonic, ri Abel xuya' jun tabal tok'ob cho ri Dios ri utz na chuwäch ri re ri Cain. Rumal ri' ri Dios xuk'alajisaj chi suc' xuc'am c'ut ri u sipanic ri xebuya'o. Jeri' ri Abel, pune' cäminak chic, c'ä c'o cubij chke camic rumal ri u cojonic.

Hebreos 12:24

Ix opaninak chunakaj ri Jesus, ri ch'awenel re ri c'ac' u c'ulwächinic, xukuje' chunakaj ri u quiq'uel ri xchiquichaxic, ri c'o na ri cubij chuwäch ri u quiq'uel ri Abel.

1 Pedro 4:4

E are ri man e cojonelab taj caquimayo, rumal rech chi man quebiwachilaj ta chic che u banic q'ui jastak xak jas ri cäcaj, jas ri xiban nabe. Quixquiyok' c'ut.

1 Juan 3:8

Apachin ri cuban mac, rech ri itzel ri'. Ri itzel macuninak ulok kas pa ri u tiquiritajic. Rumal c'u ri' xpe ri u C'ojol ri Dios, che qui sachic qui wäch ri e u chac ri itzel.

Ri Juds 1:11

¡C'ax que! rumal rech chi pa ri u be ri Cain e benak wi. E sachinak. Rumal ri u rayixic puak xquiban que jas ri sachinakil ri Balaam. Cäsach c'u qui wäch jas ri Core', ri xuc'ulelaj ri takanic, man xunimaj taj.

Apocalipsis 17:6

Xinwilo chi ri ixok k'abarel rumal ri qui quiq'uel ri e tastalic tak winak aj Dios xukuje' rumal ri qui quiq'uel ri e u k'alajisanelab ri Jesus. Aretak xinwilo, sibalaj xinmayo.