1 Juan 2:28 - Quiché Bible

²⁸ Are c'u ri camic lok'alaj tak wa'lc'ual, chixcanaj nuc'talic ruc' ri Crist rech cäcu'bi ka c'u'x aretak cuc'utunisaj rib ma ta c'u cakana' q'uixbal chuwäch ri are' aretak cäpetic.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁸ Loqꞌalaj taq walkꞌwaꞌl, chixkꞌol bꞌa pa Cristo, rech are kapetik man kubꞌan ta kebꞌ qakꞌuꞌx are kaqakꞌut qibꞌ choch, rech man kel taj qakꞌixibꞌal.

K'iche'

²⁸ Je c'u ri', ix ri', ri ix je' ta ne alaj tak walc'ual, chitakej u banic jas ri i banom ix, xa ix jun ruc' ri Cristo, rech cäcu'bi i c'ux chrij ri Are', man quixq'uix tä c'u chuwäch aretak cäpetic.

K'iche' (New Orthography)

²⁸ Je k'u ri', ix ri', ri ix je' ta ne alaj taq walk'ual, chitaqej u b'anik jas ri i b'anom ix, xa ix jun ruk' ri Cristo, rech käku'b'i i k'ux chrij ri Are', man kixk'ix tä k'u chuwäch aretaq käpetik.

1 Juan 2:28 ပူးပေါင်းရင်းမြစ်များ

Ri Isaiy 25:9

Pa ri k'ij ri' cäbix na: “Are wa' ri ka Dios, chrij ri are' cu'l wi ka c'u'x are c'u xujcolowic. Chujjajat che tze', chujquicotok, are' c'u uj colowinak.”

Ri Isaiy 45:17

Are c'u ri Israel xcol rumal ri Ajawaxel, xucol re chbe k'ij sak xucolo, mawi c'u jubik' quel na u q'uixbal mawi camach'irisaxic.

Ri Malaquiy 3:2

¿Jachin ta c'u lo ri cacuinic cuk'i' ri k'ij re ri u petic? ¿Jachin ta c'u lo ri cacuinic cutac'aba' rib? Copan c'u na jacha' jun k'ak', che ka ch'ajch'ojirisaxic; cux na jacha' jun ch'ipak ri queresaj na tak ri e ka tz'ilol.

Ri Malaquiy 4:5

Chiwila' ix: Quintak bic ri k'axal nu tzij chiwe ri Eliy, c'a majok chopan ri u k'ij ri Ajawaxel, ri cux na jun nimalaj k'ij xukuje' xibibal.

Ri Matey 16:27

Ri Rija'l winak cäpe cuc' ri tako'nib aj caj, ruc' ri u juluwem ri u Tat, c'äte c'u ri' quebutoj na ri winak chquijujunal je jas ri qui chac ri qui banom.

Ri Matey 16:28

Kastzij quinbij chiwe: E c'o jujun chque ri e c'o waral, c'ä maja' quecämic cäquil na ri Rija'l winak petinak pa ri rajawibal.”

Marcos 8:38

We c'o jachin jun caq'uix chwe xukuje' che ri nu tijonic chquiwäch we winak ri' ri man e jic taj xukuje' e ajmaquib, xukuje' ri Rija'l Winak caq'uix na che aretak chpetic rachil ri u juluwem ri u Tat xukuje' e rachil ri tastalic tak tako'nib aj caj.”

Ri Lucax 17:30

Jewa' cäbantaj na pa ri k'ij aretak ri Rija'l Winak aretak cuc'ut na rib.

Romanos 9:33

Jas ri tz'ibatalic: “Chiwilampe', quinya' na pa Sion jun abaj ri cäquichak'ij wi na quib ri winak, jun nimalaj abaj re tzakibal ri cucu'ba' c'u u c'u'x chrij man quel ta u q'uixbal.”

1 Corintios 1:7

Je c'u ri' chi ma ta c'o jun sipanic ri cäpe ruc' ri Dios ri ma ta i rikom, iweye'm c'u ri k'ij aretak chc'utun ri Kajaw Jesucrist.

1 Corintios 15:23

Quec'astaj c'u chquijujunal pa ri qui cholajil: Ri Crist are nabe wächinic chquixo'l, c'äte ri' quec'astaj na ri e rech ri Crist aretak ri are' cäpetic.

Efesios 3:12

Rumal ri are', cuya' cäkaban ch'awem ruc' Dios, cuya' cäkabij ronojel che, man cäkaxe'j ta kib. Rumal ri are' cuya' cujoc chuwäch ri Dios, cäkajiquiba' ka c'u'x rumal ri ka cojonic.

Colosenses 3:4

Ri Crist are' ri i c'aslemal. Aretak cäpetic, c'äte ri' ri ix xukuje' quixc'oji' na ruc' pa juluwem.

1 Tesalonicenses 2:19

¿Jas chrij cu'l wi ka c'u'x? ¿Jas ri ka quicotemal? ¿Jas ri tojbal ke rumal ri chac ri ka banom? Ix ri' aretak cäpe ri Kajaw Jesus.

1 Tesalonicenses 3:13

Jeri' sibalaj c'o u chuk'ab ri iwanima', man c'o ta etzelal cäriktaj chiwij, ix tastalic tak winak chuwäch ri Dios ka Tat, aretak cäpe ri Kajaw Jesus e rachilam conojel ri tastalic tak winak ri e rech.

1 Tesalonicenses 5:23

Are ri Dios ri cäyo'w jamaril chixo'l, cuban tastalic tak winak chiwe pa ronojel, cuchajij ri iwuxlabal, ri i c'aslibal, xukuje' ri i cuerp rech mata c'u jun quetzelal che ri u petibal ri Kajaw Jesucrist.

1 Timoteo 6:14

chi chanimaj we takanic ri'. Maq'uex ri takanic, chabana' ronojel rech man c'o ta etzelal cäriktaj chawij c'ä cäpe na ri Kajaw Jesucrist.

2 Timoteo 4:8

Kas camic c'ut c'olotal chi apan chwe ri corona re suq'uil, ri tojbal ri cuya' na ri Ajawaxel, ri suc'alaj k'atal tzij pa ri k'ij ri'; man xak xuwi ta c'u chwe in, xane' xukuje' chque conojel ri quelok'ok'en ri u petibal.

Ri Tit 2:13

chi cäkeyej na ri juluwemalaj u petic ri nimalaj ka Dios xukuje' ri ka Colonel Jesucrist, nim u k'ij cäpetic. Are wa' ri ka quicotemal xukuje' ri cu'lbal ka c'u'x.

Hebreos 9:28

jeri' xukuje' ri Crist xa' jumul xya' che tabal tok'ob che resaxic ri qui mac ri e q'ui. Chucamul cäpe na, man che ta quesaxic ri macaj, xane' che qui colic ri winak ri queyem ri are'.

1 Pedro 1:7

Are c'u ri i cojonic ix xak junam ruc' ri k'an puak: ri cätijtobex rumal ri k'ak'. Ri cojonic ri cuch'ijo cac'ambejexic pakal na rajil chuwäch ri k'an puak, ri cäsach u wäch. Je c'u ri' we ri i cojonic ix, we je u tijtobexic wa' curik na juluwem xukuje' cäya' na u k'ij aretak cuc'utunisaj rib ri Jesucrist.

1 Pedro 5:4

Aretak cäpe na ri Qui Nimal ri ajyuk'ab, quic'am na ri corona ri man q'uisel taj, are wa' ri juluwem.

1 Juan 2:1

Lok'alaj tak walc'ual, quebentz'ibaj bic we jastak ri' chiwe rech man quixmacun taj. We c'u c'o jun camacunic, c'o jun ch'awenel pakawi' chuwäch ri Tataxel. Are' ri Jesucrist, suc' c'ut ri are'.

1 Juan 3:2

Lok'alaj tak wachalal, camic uj ralc'ual chic ri Dios. C'ä maja' c'u cäc'utunic jas ri cujux na. Keta'm c'ut chi aretak cäc'utun ri Jesucrist, cujux na junam ruc' ri are', rumal rech chi cäkil c'u na ri kas are'.

1 Juan 3:21

Lok'alaj tak wachalal, we ri kanima' man c'o ta jas cujutzujuj wi, c'o u cu'lbal ka c'u'x ri' chuwäch ri Dios;

1 Juan 4:17

Rumal wa' ri lok'ok'ebal c'uxaj kas cätz'akat pa ri kanima', rech man cäkaxe'j ta kib pa ri k'ij aretak cäk'at na tzij. Jas c'u ri are', je xukuje' ri uj waral cho ri uwächulew.

1 Juan 5:14

Are wa' ka cu'bisam wi ka c'u'x chrij ri Dios, chi we c'o ri cäkatz'onoj jas ri u beya'l ri u rayinic, cujutatabej.

Apocalipsis 1:7

Chiwilampe', cäpe ri Crist pa ri sutz'. Conojel cäquil na, xukuje' ne ri xejulupenic, conojel c'u tak ri amak aj uwächulew cäcok'ej c'u na u wäch. Je ta ba', je chbanok.