1 Juan 2:17 - Quiché Bible

¹⁷ Ri uwächulew coc'owic, xukuje' ri rayibal ri cuya' ri uwächulew coc'owic. Apachin c'u ri cuban ri u rayibal ri Dios, are ri' cäc'asi' amak'el chbe k'ij sak.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁷ Ri itzel taq rayinik rech ri uwachulew kasach na uwach, are kꞌu ri winaq ri kunimaj ri kubꞌij ri Dios, kakꞌasiꞌ na chibꞌe qꞌij saq.

K'iche'

¹⁷ Ri uwächulew xa tajin cäsach u wäch wa', xukuje' conojel ri jastak ri utz cäquil wi ri winak. Jachin c'u ri cuban ru rayibal ri Dios, ri are' c'o na u c'aslemal ri man c'o tä u q'uisic.

K'iche' (New Orthography)

¹⁷ Ri uwächulew xa tajin käsach u wäch wa', xuquje' konojel ri jastaq ri utz käkil wi ri winaq. Jachin k'u ri kub'an ru rayib'al ri Dios, ri are' k'o na u k'aslemal ri man k'o tä u k'isik.

1 Juan 2:17 ပူးပေါင်းရင်းမြစ်များ

Salmib 102:26

Ronojel wa' cäsach na u wäch, are c'u ri lal co lal c'olic. Ronojel wa' cäjar na jacha' ri atz'iak; lal caq'uexow na la, cacanaj c'u q'uextajinak, jas ri cuban jun cuq'uex ri ratz'iak.

Salmib 143:10

Chc'utu' la chnuwäch ri u banic ri rayibal la, lal c'ut ri nu Dios. ¡Are' ta ba' ri utzalaj uxlabal la chinc'amow bic chupam jun suc'alaj be!

Salmib 39:6

“¡Ronojel winak xak coc'owic xa jacha' jun nanoch'! Man c'o ta cupatanij che cumulij sibalaj k'inomal, man reta'm ta c'ut jachin quechben canok.

Salmib 90:9

Kastzij, ri ka c'aslemal cäsach u wäch rumal ri oyowal la; ri ka junab are je jacha' jun uxlabic ri coc'owic.

E C'ambal tak Tzij 10:25

Coc'ow ri quiakik' jäb cäsach c'u u wäch ri banal etzelal, are' c'u ri suc' cäjeki' amak'el.

Ri Matey 21:31

¿Jachin chque ri quieb alabom xbanow ri u rayibal ri u tat?” Xquibij: “Are ri nabe.” Ri Jesus xubij chque: “Kastzij quinbij chiwe, chi ri e tok'il tak alcabal xukuje' ri ixokib que nim ch'utin quenabej na chiwäch pa ri rajawibal ri Dios.

Ri Matey 24:35

Ri caj ulew casach na qui wäch. Are c'u ri nu tzij mawi jubik' casach u wäch.

Ri Matey 7:21

“Man ronojel taj ri cabin chwe: ‘Wajaw, Wajaw’, coc ta na pa ri rajawibal ri Dios, xane' xuwi ri quebanow ri u rayibal ri nu Tat ri c'o pa ri caj.

Marcos 3:35

Apachin ri cuban ri u rayibal ri Dios, are ri' ri wachalal, ri wana'b, xukuje' ri nu nan.”

Ri Xuan 4:14

Apachin c'u ri cäruq'uiaj re ri joron ri quinya' che, mawi jumul chbe k'ij sak cächaki'j ta chi na u chi'. Xane' ri joron ri quinya' che, cux na jun u q'uiyibal ja' che, ri cäpixc'on che junalic c'aslemal.”

Ri Xuan 6:58

Are wa' ri wa ri kajinak ulok pa ri caj. Man je taj jas ri jaswa' ri xquitij ri e i mam, xecäm c'ut. Ri cutij we wa ri', cäc'asi na amak'el chbe k'ij sak.”

Ri Xuan 7:17

We c'o jachin cäraj cuban ri u rayibal ri xintakow ulok, cäretamaj na we ri nu tijonic cäpe ruc' ri Dios, we xak quintzijoj pa we wi.

Romanos 12:2

Mitakej c'aslemal jas ri u cholajil tak ri e u chomanic tak ri k'ij junab ri uj c'olic; xane', chiq'uexa' ri chomanic ri i nak'atisam wi iwib rech jeri' quiq'uex ri ruc'axic ri i c'aslemal ri iwuc'am quixcuin c'u che retamaxic u wäch ri u rayibal ri Dios, ri u bixic, ri utz na, ri cakaj chuwäch, ri tz'akat.

1 Corintios 7:31

Ri que cojow ri re we uwächulew ri', chquibana' jacha' ri ma ta quecojowic; rumal rech chi xak cäsach u wäch we uwächulew ri' ri quilitajic.

Colosenses 1:9

Rumal wa' ri uj, kas pa ri k'ij ri xketamaj, man ka tanabam ta u banic ch'awem ruc' Dios piwi', xukuje' che u tz'onoxic che ri Dios chi chubana' chiwe chi ruc' tz'akatil quiwetamaj ri u rayibal chuya' c'u ronojel u wäch no'j chiwe xukuje' ch'obonic aj uxlabal.

Colosenses 4:12

Ri i winakil Epapras cuya' rutzil i wäch, are rajchac ri Crist Jesus. Ri are' amak'el cutij u k'ij che ch'awem ruc' Dios piwi', rech co quixtaq'ui'c, ix tz'akat, xukuje' che ri kas i cojonic, kas quiwetamaj ronojel jachique ri u rayibal ri Dios.

1 Tesalonicenses 4:3

Are wa' cäraj ri Dios, chi quixux tastalic tak winak, chi man quiban ta macunic cuc' ixokib achijab.

1 Tesalonicenses 5:18

Ronojel chimaltioxij che ri Dios. Are c'u wa' ri cäraj ri Dios chiwe ri ix cojoninak che ri Crist Jesus.

Hebreos 10:36

Ri ix rajawaxic chuk'ab chiwe pa ri c'axc'olil, aretak i banom ri u rayibal ri Dios, quic'am na jas ri u bim chi cuya' na.

Santiago 4:14

Man iweta'm ta c'u ri chwek, jas quel wi na ri i c'aslemal. Kastzij ri i c'aslemal je jas ri mayul, ri xa' jubik' cuc'ut rib, c'äte ri' man quilitaj ta chic.

1 Pedro 1:5

C'olom chiwe ix, ri ix chajin rumal ri u cuinem ri Dios rumal ri cojonic, rech quixcolotajic. Ronojel suc'umam ulok rech quixcolotajic, ri Dios cuk'alajisaj na pa ri q'uisbal tak k'ij.

1 Pedro 4:2

Pa tak ri u k'ij ri c'o na cho ri uwächulew, man cuban ta chic ri itzel qui rayibal ri winak, xane' cuban na ri u rayibal ri Dios.