1 Juan 2:16 - Quiché Bible

¹⁶ Ronojel ri c'o cho ri uwächulew, ri itzel u rayibal ri ka ti'jal, ri itzel u rayibal ri ka bak'wäch, ri jastak ri man c'o ta qui patan ri nim quekil wi pa ri ka c'aslemal, ronojel wa' man ruc' ta ri Tataxel quel wi ulok, xane' cho ri uwächulew.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁶ Ronojel ri jastaq rech uwachulew, ri itzel taq urayinik ri tyoꞌjal, ri jiqꞌjatem ri kukaꞌyej ri bꞌoqꞌochaj, ri nimal ri kunaꞌ jun, man rukꞌ taj ri Tataxel Dios kape wi, xane rech ri uwachulew.

K'iche'

¹⁶ Ronojel c'u ri xak ajuwächulew man ruc' tä ri Dios ka Tat cäpe wi, xane xak ajwaral wa'. Ri itzel tak u rayinic jun winak, ri qui rayixic q'uia qui wäch jastak ri utz cäril wi jun, xukuje' ru banic nimal cuc' ri jastak ajuwächulew, ronojel wa' xak ajuwächulew wa'. Man ruc' tä ri Dios cäpe wi.

K'iche' (New Orthography)

¹⁶ Ronojel k'u ri xaq ajuwächulew man ruk' tä ri Dios qa Tat käpe wi, xane xaq ajwaral wa'. Ri itzel taq u rayinik jun winaq, ri ki rayixik k'ia ki wäch jastaq ri utz käril wi jun, xuquje' ru b'anik nimal kuk' ri jastaq ajuwächulew, ronojel wa' xaq ajuwächulew wa'. Man ruk' tä ri Dios käpe wi.

1 Juan 2:16 ပူးပေါင်းရင်းမြစ်များ

Chapletajic 3:6

Xril c'u ri ixok chi sibalaj je'lic ri u wäch ri che', xpe u rayinic che u tijic rech cäc'oji' retamanic. Xuchup c'u jun chque ri e u wäch ri che', xutij c'ut xuya' c'u rech ri rachajil, xukuje' c'u ri are' xutijo.

Chapletajic 6:2

ri e ralc'ual ri Dios xquilo chi ri alitomab ri' sibalaj e je'lic. Xequicha' quixokil chquixo'l, xec'uli' c'u cuc' jachin ri xcaj wi.

Ri Job 31:1

“In nu yo'm nu tzij chi mawi ne mebenquiäk rayij ri k'apojib.

Salmib 73:6

Rumal ri' ri banoj nimal are' qui chachal, ri tokinic are' catz'iak;

Salmib 78:18

Xcaj xquic'ambejej xquita' qui wa cuq'uia' che jas ri xcaj.

Salmib 78:30

C'ä maja' c'u ne coc'ow ri qui jik'al, c'ä cätajin caquiba' ri qui wa,

E C'ambal tak Tzij 27:20

Ri cämical, ri u jul cäminak xukuje' ri u quiäk rayinic ri winak mawi jubik' quenojic.

E C'ambal tak Tzij 6:25

Maya' c'olbal chi ri u je'lical cunicowisaj bic ri a c'u'x che; ¡maya' awib chi catch'äctaj cumal tak ri e u ca'yebal!

Ri Daniel 4:30

xubij: “¡Chiwila' chi sibalaj nim ri Babilon! In, ruc' ri nimalaj nu cuinem xinyaco che u chuch ri wajawibal, rech quebenya' can c'utbal rech ri nu nimalil.”

Ajilanic 11:34

Rumal ri' xcoj Kibrot-hataab che u bi' we c'olbal ri', chila' c'u xemuk wi ri xak xuwi caquichomaj wa'im.

Ajilanic 11:4

Chquixo'l ri aj israelib e qui yujum quib ronojel qui wäch winak, ri xak xuwi' caquichomaj ri wa'im. Xquiban c'u quech ri aj israelib cuc', xeboc c'u che ok'ej je c'u xquibij wa': “¡C'o ta banom wi c'o ta ti'j chke che u tijic!

Ri Matey 4:8

Jumul chic ri itzel xuc'am bic puwi' jun juyub naj ak'aninak. Xebuc'ut conojel ri ajawibal ri e c'o cho ri uwächulew chuwäch ri Jesus, ruc' ri qui juluwem.

Ri Matey 5:28

Ri in c'ut quinbij chiwe, chi ronojel jachin cuca'yej jun ixok che u rayixic u wäch, xkaj ri' pa mac ruc' pa ranima'.

Ri Lucax 4:5

Xc'am c'u bic puwi' jun nimalaj juyub rumal ri itzel. Ri itzel xa' pa jok'otaj xebuc'ut conojel ri ajawibal chuwäch ri e c'o cho ri uwächulew.

Romanos 13:14

Xane' chicojo' ri Ajawaxel Jesucrist, je ta ne quicoj jun atz'iak ri chacubal re ch'o'j. Michomaj u banic ri itzel rayibal aj winak.

1 Corintios 10:6

Ronojel wa' xc'ulmaxic rech cux jun c'utbal chkawäch uj, rech man cäkarayij ta ri itzel tak jastak jas ri xquirayij ri e are'.

Gálatas 5:17

Cumal c'ut ri e aj macalaj tak qui rayinic ri winak, are cäcaj ri man cäraj taj ri Uxlabaxel; are c'u ri Uxlabaxel are cäraj ri man cäcaj taj ri winak cumal ri e itzel tak qui rayinic. C'o jun c'ulelanib chquixo'l, rumal ri' ri ix man quixcuin taj ix are ta quibano jachique ri quiwaj quibano.

Gálatas 5:24

Ri e rech ri Crist Jesus qui ripom chic ri qui banic aj winak re mac, ruc' ronojel ri man utz taj ri cäraj xukuje' ruc' ri itzel u rayinic.

Efesios 2:3

Jas ri e are', ojer konojel xkaban can ri ka rayinic aj winak re mac, xkaban ri u rayibal ri ka ti'jal, jas ri xkachomaj. Rumal c'u ri' takal chke we ta xpe ri royowal ri Dios pakawi', je jas ri niq'uiaj chic.

Ri Tit 2:12

Cujutijoj chi cäkatas kib chrij ri rayibal aj uwächulew xukuje' ri jastak ri man cäquiya' ta u k'ij ri Dios. Cujutijoj chi utz ri ka chomanic cäkabano, cäkaban ri suc', xukuje' cujniman che ri Dios pa ri ka c'aslemal waral cho ri uwächulew,

Ri Tit 3:3

Xukuje' ri uj man c'o ta ka no'j nabe canok, man uj nimanelab taj, uj subutajnak, ka yo'm kib pa u k'ab ri xa' ka rayibal xukuje' ronojel u wäch jastak ri xkaj chkawäch. Xkaban etzelal, xpe koyowal we jun chic xurik utzil. Itzel xekil niq'uiaj winak chic, xukuje' itzel xujquil uj ri e are'.

Santiago 3:15

Man are ta no'j wa' ri cuya' ri Dios, xane' aj uwächulew, xak qui chomanic ri winak, xukuje' aj itzel.

Santiago 4:16

Camic c'ut quichomaj chi nim i banic, quinimarisaj iwib. Ronojel nimarisan k'ij jewa' rech ri itzel.

Ri Josue 7:21

Chquixo'l ri jastak ri xekamajij pa Jerico, xtaki' nu wäch che ri jun je'lalaj c'ul aj Babilon, quieb sient sak puak jurabaj k'an puak ri craj capajan jun libra. Xekaj we jastak ri' chnuwäch, xecanaj c'u can wuc', nu mukum c'u chuxe' ri nu cäbal lic'om ri nu tanim, nu yo'm c'u ri puak chuxe'.”

1 Pedro 1:14

Chibana' jas ri alc'ualaxelab ri quenimanic. Miban chic ri ojer tak i rayibal ri xec'oji' can iwuc' aretak man c'o ta iweta'm.

1 Pedro 2:11

Lok'alaj tak wachalal, chixux je jas winak ri xak queboc'owic, ri e c'o pa jun tinimit man quech taj. Miban ri u rayibal ri i ti'jal, ri cäch'ojin chrij ri iwanima'.

2 Pedro 2:10

Sibalaj cuc'äjisaj c'u na qui wäch ri winak ri cäquiban ri itzelalaj u rayibal ri qui ti'jal, xukuje' cäquiban tz'ilalaj tak jastak, ri man cäquiya' ta quib pa takic. Ri e are' man c'o ta cäquixe'j wi quib, xane' cäquibano jachique ri cäcaj, xukuje' man cäquixe'j ta quib che u bixic c'axalaj tak tzij chque ri c'o quekle'n.

2 Pedro 2:18

Cäquibij nimak tak tzij ri man c'o ta qui patan. Ruc' ri etzelal ri curayij ri qui ti'jal, cäquicoj qui c'u'x ri winak ri c'ämaja' naj quiyo'm can ri sachinakil.