1 Juan 2:13 - Quiché Bible

¹³ Quintz'ibam chiwe, tataxelab, rumal rech chi iweta'm u wäch ri Jun ri kas c'o wi pa ri u tiquiritajic ronojel. Quintz'ibam chiwe, alabom, rumal rech chi ix ch'äcaninak chi puwi' ri itzel.

RI KꞌAKꞌ TESTAMENTO PA TZIJOBꞌAL KꞌICHEꞌ

¹³ Kintzꞌibꞌaj we wuj riꞌ chiꞌwe ix tat nan rumal cher iwetaꞌm loq uwach ri Cristo kꞌo wi loq pa ri majibꞌal rech ronojel. Kintzꞌibꞌaj xuqujeꞌ chiꞌwe ix akꞌal taq alabꞌom, akꞌal taq alitomabꞌ rumal cher xichꞌek ri itzel.

K'iche'

¹³ Nan tat, quintz'ibaj bi wa' we wuj ri' chiwe rumal chi kas iwetam u wäch ri Cristo. Are ri Jun ri c'olinak lok tzaretak xchaptaj lok ronojel. Quintz'ibaj bi wa' we wuj ri' chiwe ix, ri c'ä ix ac'al na rumal chi ix ch'acaninak pa ri ch'oj chrij ri Itzel. Nu tz'ibam bi wa' we wuj ri' chiwe ix, ri ix je' ta ne alaj tak walc'ual, rumal chi kas iwetam u wäch ri ka Tat ri c'o chila' chicaj.

K'iche' (New Orthography)

¹³ Nan tat, kintz'ib'aj b'i wa' we wuj ri' chiwe rumal chi qas iwetam u wäch ri Cristo. Are ri Jun ri k'olinaq loq tzaretaq xchaptaj loq ronojel. Kintz'ib'aj b'i wa' we wuj ri' chiwe ix, ri k'ä ix ak'al na rumal chi ix ch'akaninaq pa ri ch'oj chrij ri Itzel. Nu tz'ib'am b'i wa' we wuj ri' chiwe ix, ri ix je' ta ne alaj taq walk'ual, rumal chi qas iwetam u wäch ri qa Tat ri k'o chila' chikaj.

1 Juan 2:13 ပူးပေါင်းရင်းမြစ်များ

Salmib 148:12

¡Achijab, ixokib, ac'alab xukuje' ri'jab!

Salmib 90:2

C'ä majok cheq'uiy tak ri juyub, c'ä majok chc'oji' ri ulew xukuje' ri niq'uiajsak, pa tak ri k'ijol ojer petinak ulok c'ä pa ri q'uisbal tak k'ijol, lal lal Dios.

Salmib 91:14

“Ri in quinto' na, quinwesaj na pa qui k'ab conojel, rumal rech chi ri are' quinulok'ok'ej cuch'ob c'u nu wäch.

E C'ambal tak Tzij 20:29

Ri caquibanbej nimal ri alabom c'o chupam tak ri qui chuk'ab; ri nimarisabal qui k'ij ri nimak tak winak chupam tak ri qui wi' ri sak c'o wi.

Ri Joel 2:28

“Aretak e bantajinak chic we jastak ri' quinjamij na ri wuxlabal puwi' ronojel winak: ri e i c'ojolab xukuje' ri e i mia'laxelab quech'aw na wumal, ri ri'jab tak tatayib quequiban tak na ichic' ri c'ojolab quequil tak na c'utwächinic.

Ri Zacariy 9:17

¡Sibalaj utz, sibalaj je'lic cux na ri ulew! Ruc' ri u tz'ebenic ri u trico xukuje' ri u wa'l u uva, ri e kalabom tak xukuje' ri e kalitomab tak catiltit cakan qui k'ab queq'uiy na.

Ri Matey 11:27

Conojel ri jastak xejachtaj chwe rumal ri nu Tat. Man c'o ta jun kas etamaninak u wäch ri C'ojolaxel, xane' xak xuwi ri Tataxel. Man c'o ta jun kas etamaninak u wäch ri Tataxel, xane' xak xuwi ri C'ojolaxel xukuje' jachin tak ri craj wi ri C'ojolaxel u ya'ic retamaxic chque.

Ri Matey 13:19

Ronojel jachin ri cuta' ri tijonic re ri rajawibal ri Dios, ri man cuch'ob taj, cäpe ri itzel, cutokij ri ticom canok pa ri ranima'. Are wa' ri quel cubij ri xekaj pa ri be.

Ri Matey 13:38

Ri ticabal, are ri uwächulew. Ri utzalaj ija' are ri e ralc'ual ri rajawibal ri Dios. Ri itzel k'ayes are' ri e ralc'ual ri itzel.

Ri Matey 5:37

Aretak quibij ‘je’, xak ‘je’ chi'x chokok; aretak quibij ‘jayi'’, xak ‘jayi'’ chixchokok. We c'o u wi' tzij cabixic, rech ri itzel wa'.”

Ri Lucax 10:22

Conojel ri jastak e jachom chwe rumal ri nu Tat. Man c'o ta jun reta'm jachin ri' ri C'ojolaxel, xuwi ri Tataxel reta'm. Mawi c'o jun reta'm jachin ri' ri Tataxel, xuwi ri C'ojolaxel xukuje' jachin chquiwäch ri C'ojolaxel cäraj cuc'ut wi.”

Ri Xuan 14:7

We ri ix quich'ob nu wäch in, xukuje' quich'ob na u wäch ri' ri nu Tat. Kas camic quich'ob u wäch ri are', iwilom c'u u wäch.”

Ri Xuan 14:9

Ri Jesus xubij che: “Q'ui k'ij chic in c'o iwuc'. ¿La ma ta a ch'obom nu wäch, Pelip? Jachin ri rilom nu wäch in, rilom u wäch ri Tataxel. ¿Jas c'u che cabij at: ‘C'utu' la ri Tataxel chkawäch?’

Ri Xuan 16:3

We jastak ri' quequiban na, rumal rech chi man cäquich'ob ta u wäch ri Tataxel, mawi cäquich'ob nu wäch in.

Ri Xuan 16:33

We jastak ri' nu tzijom chiwe, rech quirik jamaril chupam ri u junaxic iwib wuc'. Pa ri uwächulew quirik na c'axc'olil. Chijiquiba' ba' i c'u'x, ri in in ch'äcaninak puwi' ri uwächulew.”

Ri Xuan 17:21

rech conojel xa' e jun. Jas ri lal, Tat, ri lal c'o la wuc' in, xukuje' ri in in c'o uc' la, rech xukuje' ri e are' e c'o kuc' uj, rech ri winak aj uwächulew cäquicojo chi ri lal xintakow la ulok.

Ri Xuan 17:3

Are c'u wa' ri junalic c'aslemal: Chi cäquich'ob wäch la, xuwi ri lal kas Dios, xukuje' cäquich'ob u wäch ri Jesucrist, ri takom la ulok.

Ri Xuan 8:19

Ri e are' c'ut xquibij che: “¿Jawije' c'o wi ri a Tat?” Ri Jesus xubij chque: “Ix man quich'ob ta nu wäch, mawi quich'ob u wäch ri nu Tat. We ta quich'ob nu wäch in, xukuje' quich'ob ta u wäch ri' ri nu Tat.”

2 Corintios 4:6

Ri Dios, ri xubij: “Chtunun ri sakil pa ri k'eku'm”, are ri' ri xtunun pa ri kanima', rech cäketamaj ri u juluwem ri Dios ri cäjuluw che ri u palaj ri Jesucrist.

1 Timoteo 5:1

Co mach'abej jun nim tata', xane' chapixbej je jas ri a tat. Chebapixbej ri alabom je jas ri e awachalal.

Ri Tit 2:6

Chebapixbej xukuje' ri c'ä e alabom na rech utz quechoman pa ronojel.

1 Juan 1:1

Cäkatz'ibaj bic chiwe ri kas c'olinak ulok pa ri tiquiritajic, ri ka tom, xukuje' ri kilom cuc' ri kas e ka bak'wäch. Kilom c'ut xukuje' xekachap cuc' tak ri e ka k'ab. Are wa' ri Tzij rech c'aslemal.

1 Juan 2:1

Lok'alaj tak walc'ual, quebentz'ibaj bic we jastak ri' chiwe rech man quixmacun taj. We c'u c'o jun camacunic, c'o jun ch'awenel pakawi' chuwäch ri Tataxel. Are' ri Jesucrist, suc' c'ut ri are'.

1 Juan 2:12

Quintz'ibam chiwe ix lok'alaj tak walc'ual, rumal rech chi e cuyum ri e i mac, rumal ri u ya'ic u k'ij ri u bi'.

1 Juan 2:14

In tz'ibaninak bic chiwe, lok'alaj tak walc'ual, rumal rech chi iwetamam c'ut u wäch ri Tataxel. In tz'ibaninak bic chiwe, tataxelab, iwetamam chi c'u u wäch ri c'o wi ulok kas pa ri tictajic. In tz'ibaninak bic chiwe xukuje' c'ojolab, rumal rech chi ix co, i c'amowam c'ut ri u Tzij ri Dios pa ri iwanima', i ch'äcom c'ut ri itzel.

1 Juan 3:12

Mäkaban ke jas xuban ri Cain, ri xuya' rib pa u k'ab ri itzel, xucämisaj ri u chak'. ¿Jas c'u che xucämisaj? Rumal rech chi ri Cain xuban etzelal, are c'u ri u chak' xuban ri suc'.

1 Juan 4:4

Lok'alaj tak walc'ual, ri ix ix rech ri Dios e i ch'äcom c'ut we e banal tak tzij ri', rumal rech chi ri c'o iwuc' ix, c'o na u cuinem chuwäch ri c'o cuc' ri e aj uwächulew.

1 Juan 5:18

Keta'm chi apachin ta ne ri e alc'ualam rumal ri Dios man quebin ta pa ri mac. Are ri u C'ojol ri Dios quechajinic, man quenak ta c'u rumal ri itzel.

1 Juan 5:20

Keta'm xukuje' chi ri u C'ojol ri Dios petinak, u yo'm c'ut ketamanic rech caketamaj u wäch ri kas Dios. Ka nuc'um c'u kib ruc' ri kas Dios, ri u bixic wa' che ri Jesucrist ri u C'ojol. Are wa' ri kas Dios xukuje' ri junalic c'aslemal.

Apocalipsis 12:11

Ri e are' xech'äcan puwi' rumal ri u cuinem ri u quiq'uel ri Alaj Chij, xukuje' rumal ri tzij rech ri u k'alajisanic. Man nim ta xquil wi ri qui c'aslemal, xane' utz xquil wi quecämic rumal rech ri Crist.

Apocalipsis 2:7

Apachin ri c'o u xiquin, chutatabej ri cubij ri Uxlabaxel chque ri e comon cojonelab. Apachin ri cäch'äcanic, quinya' na re ri che' re ri c'aslemal pa tijic, ri c'o pa ri je'licalaj c'olbal ri c'o wi ri Dios pa ri caj.’ ”