1 Corintios 9:25 - Quiché Bible

²⁵ Ri caquisuc'umaj quib che u tijic qui chuk'ab che ch'äcanic pa jun nak'atisanic, caquik'il quib che ronojel ri cuban c'ax chque. Ri e are' caquiban wa' xa che u ch'äquic jun tojbal ri xa' cäsach u wäch. Are c'u ri uj cakaban wa' che u ch'äquic jun tojbal ri man cäsach ta u wäch chbe k'ij sak.

RI KꞌAKꞌ TESTAMENTO PA TZIJOBꞌAL KꞌICHEꞌ

²⁵ Konojel ri koꞌk pa jun tijoj anim, kakitijoj kibꞌ rukꞌ sukꞌal. We winaq riꞌ kakibꞌan we jastaq riꞌ rech kakichꞌek ri tojbꞌal ke ri kasach uwach, ri uj kꞌut kaqatijoj qibꞌ rech kaqachꞌek jun tojbꞌal qe ri man kasach ta uwach.

K'iche'

²⁵ Ronojel ajdeporte cäresaj ronojel ri cuya latz' che, man cuban tä c'u xa jas ri craj ri are'. Ri e are' c'ut cäca'n wa' chuch'aquic jun tojbal ri xa jun corona ri banom ruc' u xak che' ri xa cäsach u wäch. Are c'u ri uj cäkacoj ka chuk'ab chuch'aquic jun tojbal ri man cäsach tä u wäch.

K'iche' (New Orthography)

²⁵ Ronojel ajdeporte käresaj ronojel ri kuya latz' che, man kub'an tä k'u xa jas ri kraj ri are'. Ri e are' k'ut käka'n wa' chuch'akik jun tojb'al ri xa jun corona ri b'anom ruk' u xaq che' ri xa käsach u wäch. Are k'u ri uj käqakoj qa chuq'ab' chuch'akik jun tojb'al ri man käsach tä u wäch.

1 Corintios 9:25 ပူးပေါင်းရင်းမြစ်များ

2 Timoteo 2:5

Xukuje' we c'o jachin cutij u k'ij pa ri aninem, man cuch'äc ta ri tojbal ri nim u banic we ta ma ta cubano jas ri u beya'l ri aninem.

Apocalipsis 2:10

Maxe'j awib chquiwäch ri c'ax ri carika' na. Chawilampe', ri itzel chanim quebuya' na jujun chiwe pa che', che c'ambejenic catoc'ow c'u na pa lajuj k'ij c'axc'ol. Chatux jic c'ä pa ri a cämical. Quinya' c'u na ri corona' re c'aslemal chawe.

1 Timoteo 6:12

Chatija' a k'ij che ri utzalaj ch'o'j re ri cojonic. Chachapa' ri c'aslemal ri man cäq'uis taj. Che c'u wa' xatsiq'uix wi aretak xak'alajisaj ri utzalaj a cojonic chquiwäch e q'ui winak ri xquita' ri a tzij.

Apocalipsis 3:11

Chawilampe', quinbe na chanim iwuc'. Matzokopij ba' ri c'o awuc', rech c'o jun mämajow ri a corona', ri tojbal ri caya' na chawe.

Santiago 1:12

Caquirik ri quicotemal ri winak ri cucoch' ri c'ambejenic ruc' nimalaj chuk'ab, aretak c'u quilitajic chi ch'äcaninak cuc'am na ri c'aslemal che tojbal rech, are c'u corona wa' ri u chi'm ri Dios chque ri quelok'ok'en che.

2 Pedro 1:6

Ruc' c'ut ri iwetamanic rajawaxic chi cac'oji' i tij piwi'; ruc' c'ut ri i tij piwi' rajawaxic cac'oji' i coch'onic rech quixtakenic aretak c'o c'ambejenic; rumal c'ut ri coch'onic rajawaxic chi quixniman che ri Dios ri lok' chiwäch.

1 Pedro 5:4

Aretak cäpe na ri Qui Nimal ri ajyuk'ab, quic'am na ri corona ri man q'uisel taj, are wa' ri juluwem.

1 Pedro 1:4

rech cuya' jun kechbal ri man cäsach ta u wäch, man tz'ajtajinak taj, ri man cächaki'jar taj, ri c'olom chiwe pa ri caj.

Gálatas 5:23

man cäquinimarisaj ta quib, xukuje' quetakan paquiwi' chbil quib. Man c'o ta pixab ri cubij chi ma ta queban we jastak ri'.

Hebreos 12:28

Ri ajawibal ri cäkac'am che ri Dios, are man slabel taj. Chujmaltioxin ba' che ri Dios, chkak'ijilaj ri Dios jas ri cäkaj chuwäch, nim chkila' wi, chujmach'al chwäch.

Hebreos 12:4

Maja' quitij i chuk'ab c'ä ruc' ri i quiq'uel, aretak quitij i chuk'ab chrij ri mac.

1 Corintios 15:54

Aretak we ka banic ri' ri cäk'ayic atz'iakim chi ruc' ri man cäk'ay taj, aretak we cuerp ri' ri cäcämic atz'iakim chi ruc' ri man cäcäm taj, c'äte ri' cäc'ulmataj na ri tz'ibam canok: “Xbik'taj c'u ri cämical rumal ri ch'äcanic.

Apocalipsis 4:10

ri juwinak quiejeb nimak tak tatayib quexuqui' chuwäch ri t'uyul pa ri tem re ajawibal, cäquik'ijilaj ri c'asal amak'el chbe k'ij sak, cäquiya' ri qui corona' chuwäch ri tem, cäquibij:

Apocalipsis 4:4

Chrij ri tem re ajawibal e c'o juwinak quiejeb (24) tem re ajawibal. E c'o juwinak quiejeb nimak tak tatayib e t'uyut'oj paquiwi' tak ri tem, qui cojom sakloloj tak atz'iak, qui cojom corona' re k'an puak che ri qui jolom.

Ri Tit 1:8

xane' cuya' okxanibal chque niq'uiaj chic, culok'ok'ej ronojel ri utz, utz u chomanic, cuban ri suc', are tastalic winak, cätakan puwi' ri u c'aslemal.

Ri Tit 2:2

chi ri nimak tatayib meyojcoric, chquirika' ri'jobic, utz chechomanok, chi c'o qui chuk'ab pa qui cojonic, pa ri lok'ok'ebal c'uxaj, pa ri ch'ijonic.