1 Corintios 9:12 - Quiché Bible

¹² We jule' winak chic ya'tal chque chi cäquic'am que ri jastak iwe, e ta c'u lo ri uj, ¿la ma ta ya'tal chke? Pune' ya'tal chke, man ka cojom ta chuk'ab chiwe, xane' ka coch'om ronojel, rech man cäkak'atij ta u wäch ri utzalaj tak u tzij ri Crist.

RI KꞌAKꞌ TESTAMENTO PA TZIJOBꞌAL KꞌICHEꞌ

¹² We kakikꞌam ke nikꞌaj iwukꞌ, ¿la man kꞌu taqal chaqe uj kaqakꞌam xuqujeꞌ qe? Pune jeriꞌ xqaqꞌiꞌo man xqatoqꞌij taj ri yaꞌtal chaqe, xqaqꞌiꞌo rech man kujux taj topibꞌal aqanaj pa ri utz laj taq tzij rech ri Cristo.

K'iche'

¹² We e c'o niq'uiaj chic ri cäquic'am ri tzukubal que chiwe, ¿a mat ya'tal na chke uj chi je' cäka'no? ¡Je', je ri'! Pune c'u ya'tal wa' chke, man je' tä ka'nom wa', xane xa ka ch'ijom ronojel. Je ri' rech man cäkak'atej tä u wäch ru tzijoxic ru Lok' Pixab ri Dios chrij ri Cristo.

K'iche' (New Orthography)

¹² We e k'o nik'iaj chik ri käkik'am ri tzuqub'al ke chiwe, ¿a mat ya'tal na chqe uj chi je' käqa'no? ¡Je', je ri'! Pune k'u ya'tal wa' chqe, man je' tä qa'nom wa', xane xa qa ch'ijom ronojel. Je ri' rech man käqaq'atej tä u wäch ru tzijoxik ru Loq' Pixab' ri Dios chrij ri Cristo.

1 Corintios 9:12 ပူးပေါင်းရင်းမြစ်များ

Chapletajic 24:56

Ri pataninel xubij chque: “Sibalaj mink'il alak ri Dios u banom chi utz elinak ri nu binem, rumal ri', ya' alak be chwe chi quintzelej cho rachoch ri wajaw.”

Ri Nehemiy 4:8

conojel c'ut junam xquichomaj u banic jun banel che u banic ch'o'j ruc' ri Jerusalen caquiban ta c'u c'ax che.

Ri Lucax 11:52

¡C'ax iwe!, ajtijab re ri pixab. Rumal rech chi c'o ri lawe pa i k'ab re ri etamanic. Ri ix c'ut man ix oquinak taj mawi quiya' be chque ri cäcaj queboquic.”

Hechos 18:3

Rumal c'u rech chi junam u wäch ri qui chac, xc'oji' cuc', junam xechacunic; e banal tak lic'om.

Romanos 15:22

Rumal ri' man in cuininak taj in benak iwuc', pune' q'ui mul xwaj xinbec.

1 Corintios 13:7

Ronojel cucoch'o, ronojel cucojo. Ronojel cucu'ba' wi u c'u'x, ronojel cuch'ijo.

1 Corintios 6:7

Are jun tzakmajic wa' chiwe we quic'am bic ri i ch'o'j chquiwäch ri k'atal tak tzij. ¿La ma ta utz na quich'ij ri c'ax ri cäban chiwe? ¿La ma ta utz na quicuyu' pune' ta queläk'ax ri jastak iwe?

1 Corintios 9:14

Jewa' xukuje' xtakan wi ri Ajawaxel chi ri cäquitzijoj ri utzalaj tak tzij, rajawaxic cäquitzuk quib rumal ri u tzijoxic ri utzalaj tak tzij.

1 Corintios 9:15

Are c'u ri in mawi c'o wechben che wa'. Mawi ta ne quintz'ibaj ta ba' wa' chiwe camic che u tz'onoxic chiwe chi c'o chiya' chwe. ¡Chwe in are utz na chi quincämic chi, je quinban wa'! Man c'o ta jun quesan chwe chi nu rikom ri u banic nimal wumal cumal we jastak ri'.

1 Corintios 9:16

Man quinnimarisaj ta wib rumal ri u tzijoxic ri utzalaj tak tzij. Rajawaxic c'ut chi quintzijoj. ¡Tok'ob nu wäch we man quintzijoj ri utzalaj tak tzij!

1 Corintios 9:18

Je c'u ri', ¿jachique ri tojbal wech? Ri tojbal wech are wa' chi chintzijoj ri tzij re colobal ib, xak chi jeri' man c'o ta quintok'ij, man quintz'onoj ta c'ut ri takal chwe aretak quintzijoj ri tzij re colobal ib.

1 Corintios 9:2

We man in takom chque niq'uiaj chic, are c'u ri ix iweta'm chi in takom, ix ri' ix c'utbal chi in u takom ri Ajawaxel.

2 Corintios 11:12

E c'o c'u jujun ri cäquibij chi utz ri qui chac je jas ri ka banom uj. Ri in c'ut are quinbano jas ri nu banom ulok, rech man quinya' ta chque chi je cäquibij.

2 Corintios 11:20

Aretak quebopan winak iwuc' ri cäcaj quetakan piwi', o cäqueläk'aj ri jastak iwe, o cäquiban quech chiwe, o cäquinimarisaj quib, o quixquich'ay chipalaj, ri ix xak quebicuyu'.

2 Corintios 2:12

Aretak xinopan pa Troas ri nimalaj tinimit che u tzijoxic ri u tijonic ri Crist, xinch'obo chi sibalaj ya'talic quinban ri u chac ri Ajawaxel Jesus.

2 Corintios 6:3

Man c'o ta ri cäkaya' ta wi itzel c'utbal che jachin jun, rech man cäyok' ta ri ka chac ri cätajin cäkabano.