1 Corintios 8:10 - Quiché Bible

¹⁰ We c'u ri at ri e aweta'm we jastak ri', catt'uyi' che wa'im pa jun c'olbal ri tasom chque ri diosib, we c'u ne c'o jun achalaxic ri c'ä maja' co pa ri u cojonic catrilo, we c'u ne cac'ulmatajic chi ri are' cuchajij anima' che u tijic rech we sipanic ri' ri cojom chquiwäch ri diosib.

RI KꞌAKꞌ TESTAMENTO PA TZIJOBꞌAL KꞌICHEꞌ

¹⁰ Jeriꞌ rumal cher we at kꞌo nim awetaꞌmabꞌal cho jun chik katwaꞌ kꞌu pa ri templo rech jun bꞌanom tyox, katril kꞌu jun ri man kꞌo ta uchuqꞌabꞌ pa ri ukojobꞌal, ¿La man kꞌu katzurutaj urayinik riꞌ rech kutij ri jastaq ri tzujtal chikiwach ri e bꞌanom tyox?

K'iche'

¹⁰ We ne ri at ri awetam ronojel wa' ri xinbij, catt'uyi chi' ri mesa pa rachoch jun tiox, cäpe c'u jun kachalal ri mäja' c'o u chuk'ab ru cojonic, catril chila', cuya' cuna' ri are' pa ranima' chi utz la' we cutij re ri wa ri yo'm chquiwäch ri tiox ri xa e banom cumal winak.

K'iche' (New Orthography)

¹⁰ We ne ri at ri awetam ronojel wa' ri xinb'ij, katt'uyi chi' ri mesa pa rachoch jun tiox, käpe k'u jun qachalal ri mäja' k'o u chuq'ab' ru kojonik, katril chila', kuya' kuna' ri are' pa ranima' chi utz la' we kutij re ri wa ri yo'm chkiwäch ri tiox ri xa e b'anom kumal winaq.

1 Corintios 8:10 ပူးပေါင်းရင်းမြစ်များ

Ri Amos 2:8

E qui lic'om tak quib paquiwi' tak ri atz'iak ri quic'amom che tak kajebal puak, quequic'am quech ri wa ja' ri quecoj che qui ya'ic qui k'ij tak ri diosib; ruc' tak ri puak ri xak quequesaj chque tojbal qui mac ri man c'o ta qui mac quequilok'bej u wa'l uva, ri caquikumuj chupam ri rachoch ri qui dios.

Ajilanic 25:2

ri quecula'j aretak caquiya' tabal tak tok'ob chque tak ri e qui diosib. Ri aj israelib e are' juch'ob che u tijic tak we wa ri' xek'ijilan chque ri e qui diosib ri aj moabib,

Hechos 15:20

Cubana' chi ka tz'ibaj bic chque chi chquitasa' quib maquinak apachique jasach awasim cumal ri diosib, chi man cäquiban ta macunic cuc' achijab ixokib, mequitij qui ti'jal awaj ri e jitz'itajinak, o ri e jik'inak, mawi quic'.

Romanos 14:14

In weta'm rumal rech chi in cojonel che ri Ajawaxel Jesus, chi man c'o ta jun jasach tz'il pa re wi, xane' apachin ri cuchomaj chi tz'il jun jasach, che ri are' tz'il wi.

Romanos 14:23

Apachin c'u ri cuban quieb u c'u'x che ri cutijo, c'o u mac, rumal rech chi man xutij ta ruc' cojonic. Ronojel c'u ri cäbanic we man ruc' cojonic, mac wa'.

1 Corintios 10:32

Mixux ya'l tzakibal chque ri aj judeyib, mawi chque ri man aj judeyib taj, mawi che ri comon cojonelab aj Dios.

1 Corintios 8:4

Chrij c'u ri wa ri cojom chquiwäch tak ri diosib, keta'm ri' chi jun dios man c'o ta u banic cho ri uwächulew, keta'm c'ut chi xuwi jun Dios c'olic.

1 Corintios 8:7

Man conojel ta c'ut queta'm wa'. Jujun ri e nak'atal can che qui k'ijilaxic ri diosib, c'ä caquitij we tzukbal ib ri' c'o c'u pa qui jolom chi xchi'x chque ri diosib; tukar c'u ne ri retamabal qui c'u'x, cuban c'u chque chi quech'äctaj cumal ri dios.

1 Corintios 8:9

Miya' c'u c'olbal chi rumal ri etamanic ri c'o iwuc' qui bano chi ri e tukar pa ri qui cojonic quekaj pa ri macunic.

K'atal tak Tzij 9:27

xebel c'u bic pa tak ri juyub che qui c'amic uva, xequipitz'o xquesaj c'ut ri u wa'l uva, xquiban jun nimak'ij, xewa'ic, xebuq'uian, chupam ri rachoch ri qui dios, xquichap c'u u c'okoxic ri Abimelec.